လေဆိပ်မှထွက်၍ တည်းခုိုရမည့်ဒကာဦးထွန်းအောင်
ဒကာမဒေါ်အေးအေးစုိုးတုို့၏နေအိမ်
ရှိရာ Amstelveen မြို့ သုို့ ဘတ်စ်ကားဖြင့်ပင့်သွားကြသည်။
Car parking အခက်အခဲကြောင့်သူ၏ကားကုိုယူမလာဖြစ်ကြောင်း ဒကာဦးထွန်းအောင်ကပြောပြသည်။
ဒေသခံလူထုနှင့်တုိုက်ရုိုက်ထိတွေ့ခွင့်ရသောကြောင့် ဘတ်စ်ကားစီးရသည်ကုိုမိမိ
သဘောကျသည်။
ဘတ်စ်ကားပေါ်တွင် ဒကာနှစ်ဦးစလုံးမှ နယ်သာလန်၏နေ့စဉ်ဘဝ
အကြောင်းကုို စတင်မိတ်ဆက်ပေးသဖြင့်
နယ်သာလန်၏ဘဝနှင့်ထဲထဲဝင်ဝင်စတင်
သိကျွမ်းခွင့်ရခဲ့သည်။ ဘတ်စ်ကားတွင်းမှအပြင်ဖက်ကုိုစူးစမ်းကြည့်လုိုက်ရာ
တမျှော်တခေါ်ကျယ်ပြန့်ပြီးစည်းစနစ်ကျလှသော Car parking ကြီးကုိုလည်း ထူးခြားစွာတွေ့ရသဖြင့်ငေးမောမိသည်။
ဦးထွန်းအောင်နေအိမ်သုို့ရောက်ရှိ၍ မကြာမီပင်ဆွမ်းစားချိန်ရောက်သဖြင့် အဆင်သင့်ဖြစ်ပြီးသောဆွမ်းကုိုဘုန်းပေးရသည်။
စေတနာကောင်းဖြင့်ချက်ထားသောလက်ရာကောင်းဟင်းလျာများကုို ဘုန်းပေးရသည်မှာ ခံတွင်းတွေ့လှသဖြင့်အားပါးတရ
တဝကြီးပင်ဘုန်းပေးလုိုက်သည်။
နယ်သာလန်ရာသီဥတုမှာ အေးသည်ဟုဆုိုနုိုင်သော်လည်း
ဖင်လန်နှင့်နှိုင်းယှဉ်လျှင်မူအလွန်ပင်ကွာခြားလှသည်။
နယ်သာလန်သုို့လာမည့်ညဝယ် ဖင်လန်နုိုင်ငံကူအုိုပီအုိုမြို
့တွင် အပူချိန်သည်အနှုတ်ဒီဂရီ
၂၀ ရှိနေခဲ့၍ ဟယ်ဆင်ကီမြို့ တွင် အနှုတ်ဒီဂရီ ၁၈ ရှိနေခဲ့သည်။
ရေကန်များအားလုံးရေမရှိတော့ဘဲ ရေခဲအတိသာဖြစ်နေကြသည်။ ရေကန်များပေါ်တွင် နှင်းဖွေးဖွေးများကသာနေရာယူကာမင်းမူနေကြသည်။
ထုိုရေကန်များပေါ်တွင် လူများလမ်းလျှောက်ကြသည်။ ကလေးများကရေကန်တွင်းမှရေခဲပြင်ပေါ်တွင်
ဆော့ကစားကြသည်။ အရပ်လေးမျက်နှာ အရပ်ရှစ်မျက်နှာ အရပ်ဆယ်မျက်နှာ
ဘယ်နေရာပဲကြည့်ကြည့်
ဖြူဖွေးသန့်စင်လှသည့် ငွေနှင်းဖြူများသာ
မင်းမူနေသည်ကုိုတွေ့ရသည်။ သစ်ပင်ပေါ်တွင်လည်းနှင်းများက
ခါချဉ်အုံပမာ ခုိုင်မာစွာအုံခဲ၍တွယ်ကပ်နေကြသည်။ အိမ်ခေါင်မိုးများပေါ်တွင်လည်း
ဘယ်တော့များမှမပြိုတော့သယောင်
တောင်ကြီးများအလားကြီးမားသောထုကြီးဖြင့်
ဖိထားကြသည်။ ကားလမ်းဘေးဝဲယာတွင်လည်း နှင်းပုံများဖြင့်သာဝန်းရံလျှက်ရှိနေကြသည်။
ဆောင်းရာသီ၏ငွေနှင်းဖြူများသည် ဖင်လန်ပြည်သူ/သားတုို့အား နှင်းများဖြင့်ပက်ဖျန်း၍ကလူကျီစယ်မှုကြောင့်
လူအများသည်အလုပ်သွားချိန်မှအပ ကျန်အချိန်များတွင်အိမ်အပြင်မထွက်ကြတော့ဘဲ အိမ်ထဲတွင်သာခုိုလှုံကြရလေသည်။
ဂန္ထဝင်အဆိုကျော်ဒေါ်မာမာအေး၏ “နှင်းပျောက်တဲ့နွေ”
သီချင်းကုိုပြန်လည်ကြားယောင်မိသည်။
“ နှင်းငွေရောင်ဖြူလွ တူစွသဏ္ဌာန်ပေ.. ငွေခြည်ပုလဲနုလုို
ဆွတ်ကာဖျန်းတော့ လန်းဆန်းစုိုပြေ နှင်းတွေဝေကျ ဆောင်းဟေမန္တပြောင်း.. နှောင်းပြန်တော့လေ၊
ဆောင်းရွက်ကြွေမြေမှာခ ကြွေခါကျတဲ့အခါသမယမှာပဲလေ” စသဖြင့်ရေးစပ်ထားသောတေးရေးဆရာသည်
ရွှေပြည်၏အဘယ်ရပ်မှနှင်းများကုိုမြင်ဖူးလေသည်မသိ။ ယခုမိမိမြင်ဖူးသောနှင်းများနှင့်သီချင်းစာသားများသည်တသားတည်းတူနေသည်ကုို
တွေ့ရသဖြင့်အံ့သြမိသည်။
တေးရေးဆရာသည် ထုိုခေတ်ကာလက ဖင်လန်ပြည်မှငွေနှင်းများကုိုမြင်ခဲ့ဖူးမည်မထင်ပါ။ ထုို့ပြင်
လူများသည်အပြင်ထွက်လျှင် အောက်ခံတွင်ကုတ်အားပါသည့် နှင်းဆီးဖိနပ်များကုိုစီးကြရသည်။
နှင်းများသည်အေးခဲကာ ကျောက်ခဲကဲ့သုို့မာကျောလာဖြင့် သာမန်ဖိနပ်ကုိုစီးလျှင်ချော်လဲကြရလေသည်။
သုို့သော် တောထဲတွင်လမ်းလျှောက်ရန်ဖောက်လုပ်ပေးထားသောလမ်းတုို့ကား နှင်းများဖုံးလွှမ်းနေပြီဖြစ်သဖြင့်
နှင်းလျှောစီးဖိနပ်ရှည်ကြီးများဖြင့် တောထဲတွင်လမ်းလျှောက်လေ့ရှိကြသည်။ ထုို့အတူကားများတွင်လည်း
နှင်းခဲများပေါ်လမ်းချော်မသွားစေရန် သံခွာပါသည့်ဆောင်းရာသီဘီးကုိုပြောင်းလဲ
တပ်ဆင်ကာအသုံးပြုကြရသည်။
ကားလမ်းပေါ်မှနှင်းများအရည်ပျော်စေရန်
ဆားများပက်ဖျန်းရသဖြင့် ကားများမှာဆားငံရည်၏အရောင်တုို့ဖြင့်
ညစ်ပတ်နေသည်။
ဆောင်းရာသီတွင် တောက်ပသောကားများ၏မူလအရောင်ကုိုမတွေ့မြင်ရဘဲ ညစ်ထေးထေးအရောင်များကုိုသာတွေ့မြင်နုိုင်လေသည်။
ထုို့ပြင် ကားလမ်းပေါ်တွင်
ကားလမ်းမချော်စေရန် ကျေက်ခဲဗြုန်းလေများကုိုလည်းဖြန့်ကျဲပေးရပြန်သည်။
ရထားများပုံမှန်ခုတ်မောင်းနုိုင်ရေးအတွက်လည်း
နှင်းများဖုံးသည့်အခါတုိုင်း
နှင်းရှင်းသည့်ရထားက ရှေ့ မှသွား၍အရင်ရှင်းထားပေးရသည်။
ဆောင်းရာသီဥတု၏
ပြင်းထန်မှုကြောင့် စည်ပင်သာယာအသုံးစားရိတ်သည် ဖင်လန်အစိုးရအတွက်
အလွန်ပင်မြင့်မားသည်ဟုကြားသိရသည်။
အမှန်စင်စစ် ဖင်လန်နုိုင်ငံ၏
စည်ပင်သာယာရေးဝန်ဆောင်မှုသည် ဆောင်းရာသီတခုတည်းသာမဟုတ်မူဘဲ
ဥတုသုံးလီလုံးမှာပင်အမှန်တကယ်အလုပ်လုပ်သည်ကုိုတွေ့ရသည်။ ဆောင်းရာသီတွင်ဆီးနှင်းများကြောင့်စည်ပင်ဝန်ထမ်းများအလုပ်များကြရသလုို
နွေအခါတွင်လည်းလမ်းဘေးတွင်မြက်တပင်လေးမျှမရှိစေရန် အစဉ်မှန်မှန်မြက်ရိတ်သည်။ အမှိုက်များကုိုသန့်ရှင်းသည်။
ဆောင်းရာသီတွင်ကျဲချထားခဲ့သော
ကျောက်ခဲဗြုန်းလေးများကုို နွေရောက်သည့်အခါ စက်ကြီးများဖြင့်ပြန်လည်စုပ်ယူကြရပြန်သည်။
ထုိုသုို့ကျောက်ခဲဗြုန်းလေးများကုိုစုပ်ယူပြီးသောအခါ ရေသန့်များဖြင့်လမ်းများကုို
ဆေးကြောရလေသည်။
သောက်ရေသန့်များဖြင့် ကားလမ်းဆေးကြောသည်ဟုဆုိုသဖြင့် အမွှန်းတင်လွန်းသည်ဟု စာဖတ်သူထင်ကောင်းထင်နုိုင်ပါသည်။
သုို့သော် မိမိကနဲနဲလေးမျှ
အပုိုမရေးဘဲ အရှိအမှန်အတုိုင်းသာရေးခြင်းဖြစ်ပါသည်။ ထုို့အတူ
မိမိတုို့ရွှေပြည်ကြီး၏
ကားလမ်းနှင့်ရထားလမ်းများအကြောင်းကုို ဖင်းလူမျိူးတုို့အားပြောပြလျှင်လည်း
ယုံနုိုင်ကြမည်မထင်ပါ။ လမ်းများကုိုလည်း အမျိူးသမီးများအလှပြင်ဆင်သကဲ့သုို့ပင် အစဉ်အမြဲဖာထေးပြင်ဆင်နေသည်။
ထုို့ကြောင့်ပင် ဟုိုင်းဝေးလမ်းမဖြစ်စေ မြို့ တွင်းလမ်းဖြစ်စေ လှိုင်းထခြင်း ပေါက်ပြဲခြင်း
မညီမညာဖြစ်ခြင်းစသောအပြစ်အနာအဆာများလုံးဝကင်းစင်နေသဖြင့် ကားများရောခရီးသည်များပါ
သက်သောင့်သက်သာရှိသည်။ အထက်မှသည်အောက်ခြေအထိ အဆင့်ဆင့်နုိုင်ငံအတွက်တာဝန်ထမ်းဆောင်မှုသည်
တိကျမှန်ကန်မြန်ဆန်လှသည်။ ဟန်ရေးပြည်သည့်ဆောင်ပုဒ်မရှိဘဲ လက်တွေ့ကျသောအလုပ်ကုိုတိတိကျကျ
လုပ်ဆောင်နေသည်ကုိုတွေ့မြင်ရသည်မှာအံ့သြစရာပင်။
သြော် တုို့ရွှေပြည်ကြီးနှင့်
ကွာခြားလွန်းလှလေစွတကား……။
နယ်သာလန်တွင်ကား မိမိရောက်သည့်နေ့တွင်
အပူချိန်မှာအပေါင်းဒီဂရီ ၆ မျှသာရှိသဖြင့် မိမိအဖုို့အပြင်သွားသည့်အခါ သက်သက်သာသာရှိသည်။
ရေကန်များရေခဲနေသည်ကုို
မတွေ့ရဘဲမူလပကတိရှိနေသောရေများအတုိုင်းသာတွေ့မြင်ရသည်။
ဖြူဖွေးနေသောငွေနှင်းဖြူများလဲမရှိ၊
လူများလည်း နှင်းဆီးဖိနပ်ကို သီးခြားသုံးစွဲရန်မလုိုသဖြင့်ဝန်မလေးတော့ချေ။ လမ်းမချော်စေရန်
ဆောင်းရာသီဘီးကုိုကားများတွင်ပြောင်းလဲတပ်ဆင်အသုံးပြုကြရသော်လည်း ဖင်လန်ပြည်မှာကဲ့သုို့သံခွာတပ်ထားသောဘီးများမဟုတ်ကြပါ။
နှင်းများ၏ပက်ဖျန်းကျီစယ်မှုကုို
မခံရသော နယ်သာလန်မှကားများသည် အရောင်တောက်ပနေသည်။ ကားတုို့၏မူလအရောင်ဖြင့်တောက်ပြောင်လှပစွာ
ပြေးသွားနေသည်များကုိုမြင်ရသည်မှာလည်း ခရီးသွားရသတမျိူးကုိုခံစားရမိသည်။ နယ်သာလန်၏
ကားလမ်းများသည်လည်း အလွန်ကောင်းမွန်လှသည်။ လမ်းများကကျယ်သည်။ စည်းစနစ်ကျနသည်။ သန့်ရှင်း၍စည်းကမ်းပြည့်ဝမှုကြောင့်
သွားလာရသည်မှာလုံခြုံမှုကုိုခံစားရသည်။ ရာသီဥတု၏မျက်နှာသာပေးမှုကြောင့် ဆောင်းရာသီနှင့်ပတ်သက်၍စည်ပင်သာယာ၏
ကုန်ကျစားရိတ်မှာ
ဖင်လန်ပြည်လောက်မကုန်ကျဘဲသက်သာမည်ဟု ယူဆမိသည်။
သုို့သော် ရေနှင့်ပတ်သက်သောစည်ပင်သာယာကုန်ကျစားရိတ်မှာကား
ဖင်လန်ပြည်ထက်ပုိုလွန်မည်ထင်သည်။ နယ်သာလန်သည် ပင်လယ်ရေပြင်အောက် နိမ့်ကျသောနုိုင်ငံဖြစ်သဖြင့်
ရေမြှောင်းများ ရေကာတာများ၏သန့်ရှင်းရေးနှင့်
ခုိုင်ခံ့ရေးအတွက်အသုံးပြုရသောငွေကြေးသည်
စည်ပင်သာယာအတွက်
အတော်ပင်ငွေကုန်ကျစေသည်ဟုသိရသည်။ ပယ်လယ်ရေပြင်အောက်ရောက်နေသော
နုိုင်ငံဖြစ်သဖြင့်အံ့သြမိခဲ့သော်လည်း
ပုို၍အံ့သြရသည့်အရာမှာ ရေမြှောင်းများထဲတွင် ရေဆုိုးရေပုပ်များလဲမရှိ၊ အနံ့ဆုိုးများ၏တုိုးဝှေ့မှုလဲမခံရဘဲ
သန့်ရှင်းနေခြင်းသောကြောင့်
မည်ကဲ့သုို့ ရေဆုိုးထုတ်သည်ကုို မသိရခြင်းဖြစ်သည်။ ရေမြှောင်းများလည်းတောရောမြို
့ပါ အလွန်ပေါများသောနုိုင်ငံဖြစ်သည်။ ရေမြှောင်းအများစုသည် ရေစီးနေသည်ကုိုမတွေ့ရဘဲ
ရေငြိမ်နေသည်ကုိုသာတွေ့ရလေသည်။ ဤသည်တုို့ကား မိမိအကြမ်းဖျင်းမြင်မိသမျှ နယ်သာလန်နှင့်ဖင်လန်တုို့၏ကွာခြားချက်လေးများပင်ဖြစ်သည်။
(ဆက်လက်ဖေါ်ပြပါမည်)
0 comments:
Post a Comment