Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Tuesday, October 7, 2014

ဒုိုင်ယာရီအပုိုင်းအစလေးများ ( ၂၁ ) မဟာကရုဏာ


ထုိုနေ့တွင်ကား ထုိုင်းစားသောက်ဆုိုင်သုို့ပင့်ကာနေ့ဆွမ်းကပ်ကြသည်။ ထုို့နေ့အတွက်ဆွမ်းဒကာမှာ Jarkko Jokinen ဖြစ်ပြီး ပထမအပတ်ကတည်းကတွေ့ဖူးထားသူဖြစ်ကာ စပိန်သုို့အလုပ်ကိစ္စဖြင့်သွားစရာရှိနေ၍ နောက်တပတ်မှသာ သင်တန်းကုိုတက်ရောက်နုိုင်မည်ဖြစ်ကြောင်း ကြိူတင်ပြောသွားသူလည်းဖြစ်သည်။ ထုိုင်းအစားအစာကလည်း အရသာထူးကဲလှသည်။ အထူးသဖြင့် ထုိုင်းအစားအစာသည် ငရုပ်သီးများလွန်းသောကြောင့် ငရုပ်သီးကြောက်သောမိမိအတွက် ငရုပ်သီးမထည့်ရန်မှာပေးကြသည်။ ဆွမ်းဘုန်းပေးပြီးနောက် ကော်ဖီဆုိုင်သုို့သွားကြပြီး ကော်ဖီသောက်ကြပြန်သည်။ မိမိသည်ကား အနှစ်သက်ဆုံးဖြစ်သည့် ဖင်လန်ဘလက်ခ်ကော်ဖီကုိုသာ သုံးဆောင်လုိုက်သည်။ ပြီးသောအခါ သင်တန်းဌာနသုို့ ထွေရာလေးပါးပြောဆုိုကြရင်း ပြန်လာခဲ့ကြသည်။ သင်တန်းဌာနဝယ် အချိန်စောနေသေးသဖြင့် နေ့လယ်ပုိုင်းသင်တန်းမစမီတွင်အပန်းပြေစေရန် လမ်းလျှောက်ရင်းဖြင့် မေတ္တာပွါးနေလုိုက်သည်။ မိမိအတွေ့အကြုံအရဆုိုရလျှင် ပင်ပန်းသည့်အခါဝယ် မိမိအနီးအနားရှိသော သူများကုိုရည်စူး၍ မေတ္တာပုို့ခြင်းသည် အပန်းပြေစေသည်။ “ မေတ္တာပုို့ခြင်းသည် အပန်းဖြေခြင်းတစ်မျိူးဖြစ်သည် ” ဟုပင်ဆုိုချင်ပါသည်။

နေ့လည်ခင်း ( ၂ ) နာရီထုိုးသဖြင့် သင်တန်းပြန်စရသည်။ တစ်နာရီလောက်ပုို့ချပြီးသောအခါ အမြင့်ဆုံး အမြတ်ဆုံးကုသုိုလ်လုပ်နည်း (၁၊ ကုသုိုလ်လုပ်ငန်းအပေါ်မှာ ပျော်ရွှင်ကျေနပ်နေရမယ်။ ၂၊ အသိဥာဏ်ယှဉ်နေရမယ်။ ၃၊ သူများတုိုက်တွန်းဆွဲဆောင်လုို့မဟုတ်ဘဲ ကုိုယ်တုိုင်အလုိုလုို စိတ်အားထက်သန်စွာပြုလုပ်ရမယ်။ ) ကုို နောက်ဆုံးရှင်းပြ၍ သင်တန်းကုိုကောဖီသောက်ရန် ခေတ္တနားလုိုက်သည်။ ကော်ဖီသောက်ချိန်တွင် သူတုို့ပြောစကားအများစုကုို နားထောင်ဖြစ်အောင် မိမိကနှုတ်ဆိတ်နေသည်သာများသည်။ သူတုို့ထံမှလည်း ဗဟုသုတကုိုလုိုချင်သောကြောင့်ပင်ဖြစ်သည်။ ထုို့ပြင်လည်း မိမိက အသံတစ်ချက်ထွက်လုိုက်လျှင် သူတုို့ကား မိမိထံသုို့စုပြုံ၍ မျက်နှာမူကာ စူးစုိုက်လာတတ်ကြသည်။ ထုို့ကြောင့် အနားယူရင်း နှုတ်ဆိတ်နေခြင်းလည်းဖြစ်သည်။ ဤသုို့ နှုတ်ဆိတ်ကာ အနားယူနေရင်းမှပင် အမျိူးသားတစ်ယောက်က မိမိ၏တိတ်ဆိတ်မှုကုိုဖြိူခွင်းလုိုက်သည်။

မေးခွန်း…..၁၀။ ဘုရားအလောင်းတော် သိဒ္ဓတ္ထမင်းသားဟာ ကရုဏာကြီးမားသူဖြစ်ပါလျှက် ဘာဖြစ်လုို့ သားမယားကုို စွန့်ပစ်နုိုင်ရက်တာလဲ? ငါတောင် ငါ့သားမယားကုို ပစ်မထားရက်ဘူး တဲ့။ ( သူ၏မေးခွန်းမှ ဆုိုလုိုချက်သည် သိဒ္ဓတ္ထမင်းသား၏ ကရုဏာသည် သူ၏သူ့မိသားစုအပေါ်ထားသည့် ကရုဏာလောက်ပင် မကြီးကျယ် မခုိုင်မာဟု သဘောသက်ရောက်နေသည်ကုို သတိပြုမိသည်။)

ဖြေ……၁၀။ အေး၊ ဒီမေးခွန်းဟာ သာမာန်လူအများစုကမေးလေ့မေးထရှိတဲ့ မေးခွန်းပါပဲ။ ပညာရှင်အများစုကလည်း ဖြေထားကြပြီးပါပြီ။ ဒီမှာတော့ ငါ့အမြင်နဲ့ဖြေမယ်။ မင်းကုို မေးခွန်းတစ်ခုမေးမယ်။ မင်းရဲ့မိသားစုမှာရော မင်းရဲ့ရပ်ကွက်နဲ့နုိုင်ငံမှာရော လူတွေအားလုံးဟာ အလွန်ပြင်းထန်တဲ့ ရောဂါဝေဒနာကုိုခံစားနေရတယ်။ ဒီရောဂါအတွက် ကုသစရာဆေးက မရှိသေးဘူး။ ဆေးဖေါ်နုိုင်တဲ့သူမရှိသေးဘူး။ ဒါကြောင့် မင်းရဲ့မိသားစုအပါအဝင် တစ်နုိုင်ငံလုံးဟာ အလွန်ပြင်းထန်တဲ့ နာတာရှည်ရောဂါကြီးကုို
ခံစားနေကြရတယ်။ ဒီရောဂါကုိုကုစားနုိုင်ဘုို့အတွက် မင်းကဆေးထုတ်လုပ်ချင်တယ်။ ဆေးဖေါ်ချင်တယ်။ ဒီဆေးကုို မင်းကဖေါ်စပ်နုိုင်မယ် ထုတ်လုပ်နုိုင်မယ်လုို့လဲ မင်းကုိုယ်မင်းယုံကြည်တယ်။ ဒီအတွက် မိသားစုကုို နှစ်အနည်းငယ်လောက် ခွဲခွါထားခဲ့ပြီးမှ ဆေးဖေါ်စပ်နုိုင်အောင် ဆေးနည်းတွေသွားရှာရမယ်။ ဖေါ်စပ်ရမယ်။ ထုတ်လုပ်ရမယ်။ အားလုံးအဆင်သင့်ဖြစ်ပြီဆုိုတော့မှ မင်းမိသားစုနဲ့ဆွေမျိူးတွေရော တစ်နုိုင်ငံလုံးကုိုရော လာကုစားပေးတယ်။ ဘာအခကြေးငွေမှမယူဘဲနဲ့ ကရုဏာ မေတ္တာသက်သက်နဲ့ ကုသပေးတယ်။

 မင်းဆေးနည်းသွားရှာတဲ့အချိန်၊ ဆေးဖေါ်စပ်နေတဲ့အချိန်၊ ထုတ်လုပ်နေတဲ့အချိန်တွေမှာ မိသားစုဟာ ဝမ်းနဲကြေကွဲစွာကျန်နေခဲ့ရတယ်။ မင်းကုိုလဲ အထင်လွဲကြတယ်။ မင်းရဲ့မိသားစုတင်မကဘူး၊ အားလုံးက မင်းကုိုအထင်လွဲကြတယ်။ မင်းဟာ အလွန်ရက်စက်သူ ကရုဏာ မေတ္တာကင်းမဲ့သူလုို့ စွပ်စွဲခံရတယ်။ တကယ်တော့ မင်းက အလွန်ကြီးမားတဲ့ မေတ္တာနဲ့ကရုဏာကြောင့် ဆေးသွားထုတ်လုပ်တာဖြစ်တယ်။ ဆေးတွေထုတ်လုပ်ပြီးလုို့အသင့်ဖြစ်တဲ့အခါ မိသားစုဆီကုိုပြန်လာပြီးတော့ ကုစားပေးတယ်။ ဆွေမျိူးတွေကုိုလဲ ကုစားပေးတယ်။ လူမျိူး၊ အသားအရောင်၊ လိင်၊ နုိုင်ငံ၊ အယူဝါဒ၊ ဆင်းရဲ့ ချမ်းသာ အာဏာရှိ အာဏာမဲ့၊ ဘာသာတရား ဘာကုိုမျှမခွဲခြားဘဲ မေတ္တာ ကရုဏာသက်သက်နဲ့ အခမဲ့ကုသပေးတယ်။ အဲဒီလုို ရေရှည်ကောင်းကျိူးတွေမြင်လုို့ မိသားစုနဲ့ခွဲခွါသွားခဲ့တယ်။ အဲဒီလုို သဘောမြင့်မြတ်တဲ့မင်းကုို စွပ်စွဲသူတွေ အထင်လွဲသူတွေဟာ ဥာဏ်ပညာရှိတယ်လုို့ မင်ထင်သလား?

“ သူတုို့ဟာ ဥာဏ်မရှိလုို့ပါပဲ၊ ငါ့သဘောထားအမှန်ကုိုမသိလုို့ပါပဲ ” ဟု သူကဆုိုလာသည်။ “ အေး ဟုတ်ပီ။ အဲဒီလုိုပဲ၊ မြတ်စွာဘုရားရဲ့သဘောထားအမှန်၊ မဟာကရုဏာအမှန်ကုို မသိတဲ့ ဥာဏ်နဲတဲ့သူတွေဟာ အဲလုိုစွပ်စွဲတတ်ကြတယ်။ အထင်လွဲတတ်ကြတယ်။ မေးတတ်ကြတယ်။ မြတ်ဗုဒ္ဓကတော့ စကြာဝဠာမှာရှိတဲ့ သက်ရှိတွေအားလုံးကုို ဓမ္မဆေးတွေတုိုက်ကျွေးနုိုင်ဖုို့ မိသားစုနဲ့ခွဲခွါရခဲ့တယ်။ ဆေးတွေဖေါ်စပ်ပြီးတဲ့အခါ တုိုက်ကျွေးခဲ့တယ်။ ဥာဏ်ရှိကြတဲ့သူတုိုင်း ဓမ္မဆေးကုိုစားကြတယ်။ စားကြသူတုိုင်းလည်း နာတာရှည်ကိလေသာ ရောဂါတွေပျောက်ကင်းခဲ့ကြတယ်။ ဘုရားဖြစ်ပြီးလုို့ ကပိလဝတ်နေပြည်တော်ကုိုပြန်ပြီးတော့ ဓမ္မဆေးတွေတုိုက်ကျွေးတဲ့အခါ ကြင်ယာတော် ယသောဓရာနဲ့သားလေး ရာဟုရာရော၊ ဆွေတော်မျိူးတော်တွေရော အားလုံးဟာ ကိလေသာရောဂါတွေပျောက်ကင်းခဲ့ကြတယ်။ ဆေးစားသူတွေက မြတ်ဗုဒ္ဓရဲ့စိတ်ထား သဘောထားကုိုနားလည်ခဲ့ကြတယ်။ ဆေးမစားကြရသေးတဲ့သူတွေကတော့ ရောဂါခံစားရင်းတန်းလန်းနဲ့ မြတ်ဗုဒ္ဓကုို မသိနားမလည်စွာ စွပ်စွဲနေကြတယ်။ ဒါကြောင့် ရောဂါရှိသူများဆေးစားဖုို့လုိုတယ်။ ကုစားဖုို့လုိုတယ်။

သူုတုို့အဖွဲ့ သားအားလုံးသည် ဘာစကားတစ်ခွန်းမျှပြန်မပြောဘဲ ငြိမ်ချက်သားကောင်းနေကြလေသည်။ သုို့သော် သူတုို့၏ မျက်လုံးများကား ကြည်လင်တောက်ပလျှက် စူးစူးစုိုက်စုိုက် မျက်တောင်မခတ်ဘဲ ကြည့်နေကြရင်း လှိုက်လှဲနွေးထွေးစွာစကားပြောနေကြသည်ကုို နားထဲမှကြားနေရသလုိုခံစားရသည်။ မျက်လုံးနဲ့စကားပြောသည်ကုို နားထဲမှကြားရခြင်းသည် ပုို၍နက်ရှိုင်းနေသည်ဟုထင်မြင်မိသည်။ သူတုို့၏ နှုတ်မှဖွင့်ဟသည့် တုန့်ပြန်မှုကုိုခေတ္တအကဲခတ်၍ စောင့်ဆုိုင်းနေစဉ် ခေါင်းတညိတ်ညိတ်ဖြင့် အပြုံးနှင့်တုန့်ပြန်ကြလေသည်။

မိမိကပင် ဆက်လက်၍ “ ငါတောင် ငါ့မိသားစုကုို မစွန့်နုိုင်ဘူး ” လုိ့ မင်းပြောတယ်။ မင်းကတော့ မင်းမိသားစုကုိုချစ်လုို့ ကရုဏာရှိလုို့လုို့ထင်မယ်။ တကယ်က မင်းရဲ့ တဏှာကုိုမစွန့်နုိုင်တာပဲဖြစ်တယ်။ သတ္တိမရှိတာပဲဖြစ်တယ်။ အားလုံးအတွက် အကျိူးဆောင်ဖုို့ ဥာဏ်အမြင် မကြည်လင်သေးတာပဲဖြစ်တယ်။ အဲဒီတဏှာဟာ မိသားစုအတွက် ကရုဏာ မေတ္တာဖြစ်တယ်လုို့ မင်းထင်မှားနေတာဖြစ်တယ်။ သိဒ္ဓတ္ထမင်းသားဟာ အလွန်ကြီးမားသောမဟာကရုဏာကြောင့် မိသားစုအတွက်ရော အားလုံးအတွက်ရော ပုဂ္ဂိုလ်ရေးသီးသန့်သာယာမှုဖြစ်တဲ့တဏှာကို စွန့်ခဲ့တယ်။ မိသားစုကုိုချစ်သော်လည်း စွန့်ခဲ့ရတယ်။ တဏှာနဲ့ မေတ္တာကရုဏာကုို ကွဲပြားစွာနားမလည်ကြတဲ့သူတွေက မြတ်ဗုဒ္ဓကုို အလွဲအမှားတွေနဲ့ ဝေဘန်ကြ စွပ်စွဲကြတာဖြစ်တယ်။ မင်းကတော့ စွပ်စွဲတဲ့စိတ်မရှိနုိုင်ပါဘူး။ မရှင်းလုို့ မေးတာဖြစ်နုိုင်ပါတယ် ဟု ပြောပြလုိုက်သောအခါ “ အရမ်းကောင်းတဲ့အဖြေပဲ ” ဟု မှတ်ချက်ပြုလေသည်။ အခြားသူများအားလုံးကလည်း ပီတိအပြုံးကုိုယ်စီဖြင့် ကျေနပ်နေကြလေသည်။ သုို့နှင့် ဒုတိယပုိုင်း သင်တန်းစတင်ချိန်ရောက်လာခဲ့တော့သည်။

Monday, October 6, 2014

ဒုိုင်ယာရီအပုိုင်းအစလေးများ ( ၂၀ ) Knowledge and understanding


မေးခွန်း…..၉။ ရှင်းပြသွားတဲ့အထဲမှာ Knowledge အကြောင်းကုိုအလေးပေးသွားတာတွေ့ရတယ်။ Knowledge နဲ့ understanding ၊ ဒီနှစ်ခုဟာ ဘာကွာခြားသလဲ? ဘယ်ဟာကပုိုအရေးကြီးသလဲ? သိချင်ပါတယ်။ 
ဖြေ…….၉။ အေး၊ ဒီစကားလုံးနှစ်လုံးရဲ့ အဓိပ္ဗါယ်ကုို အဘိဓာန်မှာဘယ်လုိုဖွင့်လဲ ဆုိုတာငါမသိဘူး။ ခုတော့ အဘိဓာန်လဲပါမလာတော့ အခက်သားပဲ။ မင်းမေးတာကလည်း အဘိဓာန်ရဲ့အဖွင့်ကုိုမေးတာမဟုတ်လောက်ဘူး။ ငါ့ရဲ့ ပုဂ္ဂလိကအမြင်ကုိုပဲ မင်းသိချင်တာဖြစ်မယ်ထင်တယ်။ အဲလုို ဟုတ်တယ်မလား? ဟု မိမိကမေးလိုက်သည်တွင် Mikko Kopnen ကား စူးစုိုက်စွာနားထောင်ရင်းက ပြုံးလျှက်ခေါင်းညိတ်ပြသည်။ 

  ငါ့ရဲ့အမြင်အရပြောရရင် Knowledge and understanding ဒီနှစ်ခုဟာ ဘာမှမထူးဘူး။ ဝေါဟာရအရ စာလုံးပေါင်းရော အသံထွက်ပါကွဲပြားနေပေမယ့် အဓိပ္ဗါယ်ကတော့ အတူတူပဲလုို့ငါထင်တယ်။
ဒီစကားနှစ်လုံးရဲ့အဓိပ္ဗါယ်ဟာ နယ်ပယ်တုိုင်းမှာ အသုံးဝင်တယ်။ အရေးလဲကြီးတယ်လုို့မြင်တယ်။ ဥပမာ မိသားစုဆက်ဆံရေးပေါ့။ မင်းတုို့ဇနီးမောင်နှံနှစ်ယောက်ရဲ့အကြားကဆက်ဆံရေး၊ မိဘနဲ့သာသမီးအကြားကဆက်ဆံရေးဆုိုပါဆုို့။ အဲဒီအကြားတွေမှာ တစ်ဦးနဲ့တစ်ဦး Mutual understanding or reciprocal knowledge မရှိဘူးဆုိုရင် ချစ်နေတယ်ဆုိုရင်တောင် ပြဿနာဖြစ်နုိုင်တယ်။ တဦးနဲ့တဦးဟာ ဒီအပြန်အလှန် သိမြင်နားလည်မှုရှိနေရင် မချစ်ဘူးဆုိုရင်တောင် ပြဿနာမဖြစ်နုိုင်ဘူး။ အဆင်ပြေနုိုင်တယ်။ ဒါကြောင့် မိသားစုအတွင်းမှာ ဒီစကားလုံးရဲ့အဓိပ္ဗါယ်ဟာ သိပ်တန်ဘုိုးကြီးပါတယ်။

နောက်တခါ လူမှုဆက်ဆံရေးကုိုကြည့်လုိုက်အုံး။ အခုမင်းတုို့နဲ့ငါဆက်ဆံရတယ်။ ငါက အာရှသား။ မင်းတုို့က ဥရောပသားတွေ။ အစားအစားလဲ ကွဲတယ်၊ ယဉ်ကျေးမှုလဲ မတူဘူး။ ဘာသာစကား၊ အသားအရောင်၊ ကြီးပြင်းခဲ့ရတဲ့ ဘဝသမုိုင်းနောက်ခံ၊ လူမျိူး ဒါတွေအားလုံးမတူဘူး။ ဒါပေမယ့် ဒီမှာ အတူတူ အေးအေးချမ်းချမ်းနဲ့ သံသယကင်းကင်းနဲ့ အတူလက်တွဲပြီးတော့ ဓမ္မကုို ဆွေးနွေးကြတယ်။ ငါကလဲ မင်းတုို့ကုို လေးလေးစားစားသင်ပေးတယ်။ မင်းတုို့ကလဲ လေးလေးစားစားပဲ သင်ယူနေကြတာပဲ။ အဓိကအကြောင်းရင်းက Social knowledge or Social understanding ပဲ။ ဒါမရှိရင် မင်းတုို့နဲ့ငါနဲ့ ဒီလုိုဆွေးနွေးလုို့မရဘူး။ မလေးစားနုိုင်ဘူး။

   နောက်တခု ခေါင်းထဲပေါ်လာလုို့ ပြောအုံးမယ်ကွာ။ ထုတ်လုပ်ရေးကုမ္မဏီတခုဟာလဲ ဒီအပြန်အလှန်သိမြင်နားလည်မှုလုိုအပ်တာပါပဲ။ ကုန်ပစ္စည်းတွေထုတ်တဲ့အခါ သုံးစွဲသူတွေရဲ့ အကြိုက်စရုိုက်ကုို ကုမ္မဏီကနားလည်ရမယ်။ သုံးစွဲသူတွေရဲ့ သုံးစွဲလုိုအား သုံးစွဲနုိုင်အားတွေကုို သိနားလည်ရမယ်။ ဒါမှသာ ဒီကုမ္မဏီအောင်မြင်မယ်။ သုံးစွဲသူတွေရော ထုတ်လုပ်တဲ့ ကုမ္မဏီရော နှစ်ဦးနှစ်ဖက် ကောင်းကျိူးရမယ်။ ဒါဟာ ထုတ်လုပ်သူနဲ့သုံးစွဲသူတုို့ရဲ့ အပြန်အလှန်သိနားလည်မှု Mutual understanding ပဲ။ ဒီထက်ချဲ့ တွေးရင်လဲ အများကြီးပဲ။ နုိုင်ငံရေးနယ်ပယ်၊ ပညာသင်ကြားရေးနယ်ပယ်၊ နေ့စဉ်လူမှုဘဝနယ်ပယ်တွေမှာလဲ ဒီ အပြန်အလှန်သိနားလည်မှုဟာ အရမ်းအသုံးတည့်တယ်။ အရမ်းအရေးကြီးပါတယ်။

 ဘယ်ဟာကပုိုလုို့အရေးကြီးသလဲဆုိုတာနဲ့ပတ်သက်လုို့တော့ အဓိပ္ဗါယ်ကအတူတူပဲဆုိုတော့ ဘယ်ဟာကပုိုအရေးကြိးတယ်လုို့ ခွဲပြောလုို့မှမရတာပဲ။ အေး ခွဲပြောရရင်တော့ Knowledge ကြောင့် Understanding ဖြစ်တယ်။ Understanding ကြောင့် Knowledge ဖြစ်တယ်။ အကြောင်းအကျိူးဆက်စပ်နေတယ်။ ဒီနှစ်ခုဟာ ဘယ်ဟာကမှ ပုိုလုို့အရေးးကြီးတယ်ပြောလုို့မရဘူး။ အတူတူအရေးကြီးတာပဲလုို့ ငါမြင်တယ်။ မိမိလည်း ခေါင်းထဲဝယ်ပေါ်လာသမျှကုို ဤသုို့ အကျယ်တဝင့်ပြောပြလုိုက်တော့သည်။ သူကလည်း အလွန်နှစ်သက်သည့်အပြုံးဖြင့် “ အရမ်းကောင်းတယ်၊ အရမ်းကောင်းတယ် ” ဟုတဖွဖွပြောလေတော့သည်။ ပြီးသည်နှင့် နေ့လည်ဆွမ်းအတွက် စားသောက်ဆုိုင်သုို့ ပင့်သွားကြလေသည်။ အားနှင့်မာန်နှင့်ပြောဆုိုထားရသည်မုို့ ဗုိုက်ကလည်းဆာနေပေပြီ။
မှတ်ချက်။ မိမိနေရာပြန်ရောက်သည့်အခါ New Oxford American Dictionary မှ Oxford American Writer’s Thesaurus ကုိုဖွင့်ကြည့်လုိုက်သည့်အခါ ထုိုစကားလုံးနှစ်လုံးသည် အဓိပ္ဗါယ်အတူတူပင်ဖြစ်နေသည်ကုို အံ့သြစွာ တွေ့ရှိရပြီး အထင်ဖြင့်မှန်းပြောလုိုက်သည်မှာ မှန်သွားသဖြင့် ကျေနပ်မိတော့သည်။ ( ဆက်လက်ဖေါ်ပြပါမည် )



***ဓမ္မမိတ်ဆွေများ၏အမှာစကား***