ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Monday, October 27, 2014

မင်းကျင့်တရား (၁၀) ပါး


ဒကာကြီး ဦးဇော်ဝင်း၏ တတိယမေးခွန်းကုိုဖြေဆုိုပေးလုိုက်ပါသည်။

မင်းကျင့်တရား (၁၀) ပါး

 ရှေးရှေးသောအခါကာလဝယ် သက်ဦးဆံပုိုင်ဘုရင်များကစုိုးမုိုးအုပ်ချုပ်စဉ် အုပ်ချုပ်သူမင်းတုို့ကျင့်သုံးလုိုက်နာရမည့် စည်းကမ်းဥပဒေများကုို 
မင်းကျင့်တရားဟုခေါ်ဆုိုခဲ့ကြသည်။ ယနေ့ခေတ်အရ “အစုိုးရကျင့်ဝတ်” ဟုဘာသာပြန်ရသော် အဆင်ပြေနုိုင်သည်။ မှန်၏။ အဖွဲ့ အစည်းတုိုင်းသည်သက်ဆုိုင်သည့်ကျင့်ဝတ်တရားတုိ့ကုို ကျင့်ဆောင်မှသာလျှင် ထုိုအဖွဲ့ အစည်းအတွင်းမှာရော ထုိုအဖွဲ့ အစည်းနှင့်သက်ဆုိုင်သူ
အားလုံးမှာပါ ကျင့်ဝတ်တုို့၏ကောင်းကျိူးကုို သာတူညီမျှပြုံးပျော်စွာခံစားနုိုင်ကြပေမည်။ 
လူမှုရေးအဖွဲ့ အစည်းမှအစ ဆွမ်းလောင်းအသင်းအပါအဝင် 
ဘာသာရေးအဖွဲ့ အစည်း၊ နုိုင်ငံရေးအဖွဲ့ အစည်းစသည့်အဖွဲ့ အစည်းမျိူးစုံတွင် 
သက်ဆုိုင်ရာစည်းမျဉ်းများရှိရသကဲ့သုို့ အစုိုးရအဖွဲ့ အစည်းသည်လည်း 
သက်ဆုိုင်ရာစဉ်းမျဉ်းများ ကျင့်ထုံးများ ကျင့်ဝတ်များ ဥပဒေများရှိရသည်သာဖြစ်သည်။ နုိုင်ငံတနုိုင်ငံတွင်အစုိုးရအဖွဲ့၏ အဆုိုပါစည်းမျဉ်းများသည် အရေးအကြီးဆုံးပင်ဖြစ်သည်။

အစုိုးရအဖွဲ့ အစည်းများလုိုက်နာကျင့်သုံးရမည့် ကျင့်ဝတ်တရားတုို့ကုို သက်ဆုိုင်ရာနုိုင်ငံ၏ အခြေခံဥပဒေတွင်ထည့်သွင်းပြဋ္ဌာန်း၍ ကျင့်သုံးကြသည်။ သုို့သော် တခါတရံ 
အချို့ သောနုိုင်ငံများတွင် အုပ်ချုပ်ခံပြည်သူလူထုအတွက် လုံလောက်သောအကာအကွယ်ကုို
မပေးထားဘဲ အုပ်ချုပ်သူလူတန်းစားတစ်ခုတည်းအတွက်သာ အကာအကွယ်နှင့်ကြီးပွါးရေးကုို အလေးပေးကာရေးဆွဲထားသော အခြေခံဥပဒေများလည်းရှိတတ်လေသည်။ အကယ်၍ 
ထုိုအတုိုင်းရှိခဲ့လျှင် ထုိုတုိုင်းပြည်သည် မည်သည့်အခါမျှတုိုးတက်၍ အေးချမ်းမည်မဟုတ်ဘဲ နယ်ပယ်အသီးသီးတွင် ဆုတ်ယုတ်ပျက်စီးကာ ရတက်မီးပွါးနေရသောနုိုင်ငံသာဖြစ်နေပေမည်။ အကြောင်းမှာ အစုိုးရအဖွဲ့ အစည်း၏ “အစုိုးရကျင့်ဝတ် သို့မဟုတ် မင်းကျင့်တရား” သည် 
လူမှုအဖွဲ့ အစည်းကြီးတခုလုံးနှင့်နုိုင်ငံတခုလုံးအတွက် အရေးအကြီးဆုံးသော ဥပဒေဖြစ်နေသောကြောင့်ပင်ဖြစ်သည်။ ထုို့ကြောင့် မြတ်ဗုဒ္ဓသည် အစုိုးရကျင့်ဝတ်တရားတုို့ကုို သုတ္တန်မှာလည်းဟောခဲ့သည်။ ဇာတကများတွင်လည်းဟောတော်မူခဲ့သည်။ 
ထုိုထုိုဟောတော်မူခဲ့သော အစုိုးရနှင့်သက်ဆုိုင်သည့်ကျင့်ဝတ်များအနက်မှ ဤနေရာတွင်မေးထားသောမင်းကျင့်တရား (၁၀) ပါးကုိုသာဖြေဆုိုပါမည်။


     အစုိုးရကျင့်ဝတ်

ဒါနံ သီလံ ပရိစ္စာဂံ၊ အဇ္ဇဝံ မဒ္ဒဝံ တပံ။
အက္ကောဓံ အဝိဟိံသဉ္စ၊ ခန္တီစ အဝိရောဓနံ။ (တေသကုဏဇာတ်)
တေသကုဏဇာတ်တော်တွင် မင်းကျင့်တရားဆယ်ပါးကုို မြတ်ဗုဒ္ဓရှင်တော်မှ အထက်ပါအတုိုင်းဟောကြားတော်မူခဲ့ခြင်းဖြစ်သည်။ အထက်ပါ ဂါထာကုို ပွင့်လင်းမြင်သာစေရန်မျှ အကျဉ်းချုပ်၍ရှင်းလင်းပါမည်။

၁။ ဒါနံ၊ ပေးကမ်းလှုဒါန်းရမည်။ မှန်၏။ မြင့်မြတ်သည့်သူတော်စင် အလှုခံပုဂ္ဂိုလ်များနှင့်မရှိဆင်းရဲသောပြည်သူများအား လုိုအပ်သည့်နေရာများတွင်ထောက်ပံ့
ပေးရခြင်းသည် အစုိုးရတုို့၏ အဓိကလုပ်ဆောင်ရမည့်တာဝန်ဖြစ်သည်။ ဤနေရာ၌ 
လှုဒါန်းသည်ဆုိုရာဝယ် ဘဏ္ဍာငွေများကုို စုိုက်ထုတ်ထောက်ပံ့ပေးခြင်းသက်သက်ကုိုသာ
ဆုိုလုိုသည်မဟုတ်၊ ရဟန်းရှင်လူပြည်သူအများကောင်းကျိူးဖြစ်စေမည့်အရာမှန်သမျှအတွက် လာဘ်လာဘကုိုမငဲ့ကွက်ဘဲ လက်မှတ်လေးတစ်ချက်မျှရေးခြစ်ပေးခြင်းသည်လည်း ထောက်ပံ့လှုဒါန်းခြင်းပင်ဖြစ်သည်။ အကယ်၍ မိမိ၏ကုိုယ်ပုိုင်ငွေကြေးအကျိူးအမြတ်အတွက်
လောဘရမ္မက်တက်၍ အပေးအယူသဘောဖြင့် လက်မှတ်ထုိုးပေးခြင်းဖြစ်လျှင် 
ဒါနမဟုတ်သည့်အပြင် သူခုိုးစာရင်းပင်ဝင်သွားပြန်သည်ကုို အလေးအနက်သတိပြုသင့်သည်။ 
ဤကဲ့သုို့ လက်မှတ်ထုိုး၍စီးပွါးရှာကြသူများ သုို့မဟုတ် လက်မှတ်ထုိုး၍ ခုိုးယူကြသူများအုပ်ချုပ်သောတုိုင်းပြည်ဖြစ်လျှင် မည်သည့်ဘာသာကုိုကုိုးကွယ်သည်ဖြစ်စေ၊ မည်သည့်လူမျိူးပင်ဖြစ်စေ၊ မည်သည့်အရပ်ဒေသပင်ဖြစ်စေ၊ (အာရှ ဥရောပ အမေရိကစသည် ဖြစ်ချင်သည့်ဒေသဖြစ်ပါစေ) မည်သည့်ခေတ်ကာလတွင်ဖြစ်စေ ထုိုတုိုင်းပြည်ရှိ ပြည်သူပြည်သားအများစုသည် မတရားအဓမ္မမြစ်ကြီးများမှ စနစ်ဆုိုးလှိုင်းတံပုိုးများ၏ ဆုိုးရွားစွာရုိုက်ခတ်မှုကြောင့် သောကပင်လယ်ပြင်တွင် ထောက်တည်ရာ ကာကွယ်ရာမရှိဘဲ မျောပါနေကြရပေမည်။ လုံခြုံမှုမရှိဘဲအမြဲတန်း အောက်ကျနောက်ကျဘဝတုို့ဖြင့်သာ 
ရှင်သန်ကြရပေမည်။ ထုို့ပြင် အာဏာမှန်သမျှကုို တဦးတည်းပုိုင်ချုပ်ကုိုင်မထားဘဲ ပြည်သူတဦးချင်းစီ၏အခွင့်အရေးနှင့်လွတ်လပ်မှုကုို တရားမျှတစွာ
လုိုက်လျောပေးခြင်းသည်လည်း စစ်မှန်သောဒါနပင်ဖြစ်သည်ကုို 
အထူးသတိထားကျင့်သုံးသင့်သည်။

၂။ သီလံ၊ အနည်းဆုံးငါးပါးသီလလုံခြုံရမည်။ ရဟန်းရှင်လူ ပြည်သူအများကုို လုိုလျှင်တမျိူး 
မလုိုလျှင်တမျိူး တရားဥပဒေမဲ့သောဆန္ဒာဂတိလုပ်ရပ်မျိူးဖြင့် သတ်ဖြတ်ခြင်း၊ ညှင်းဆဲခြင်း၊ အကျဉ်းချခြင်းတုို့မှရှောင်ကြည်ရမည်။ ပြည်သူပုိုင် တုိုင်းပြည်ပုိုင်ပစ္စည်းများကုို အာဏာသုံးကာ မတရားသောနည်းလမ်းမျိူးစုံဖြင့်လှည့်စားယူဆောင်ခြင်း၊ ခေါင်းပုံဖြတ်ခြင်းများကုိုရှောင်ကြဉ်ရမည်။ ကာမေသုကုိုလည်းရှောင်ကြဉ်ရမည်။ မုသားပြောဆုိုခြင်းမှလည်း ရှောင်ကြဉ်ရမည်။ မုသားဆုိုရာဝယ်ပါးစပ်ကလိမ်ပြောမှမုသားမဟုတ်၊ မိမိဖြစ်ချင်သော ရလုိုသောလောဘအတွက် မတရားလိမ်လည်လုိုသောစိတ်ထားဖြင့် ဥပဒေပြဋ္ဌာန်း၍လုပ်ကုိုင်ဆောင်ရွက်ခြင်းသည်လည်း မုသာဝါဒပင်ဖြစ်သည်ကုို နားလည်ကာသတိပြုရှောင်ကြဉ်ရမည်။  အရက်သေစာသောက်စားမူးယစ်၍တုိုင်းရေးပြည်ရာ စီမံခန့်ခွဲခြင်းကုို ရှောင်ကြဉ်ရမည်။

၃။ ပရိစ္စာဂံ၊ တုိုင်းပြည်အတွက် အသက်ကုိုပင်ပဓာနမထားဘဲမိမိ၏စည်းစိမ်နှင့်တကွ
ကျော်ကြားမှုတုို့ကုိုစွန့်လွှတ်နုိုင်ရမည်။ ဝန်ထမ်းများကုို လောက်ငအောင်လစာပေးရမည်။ ဝန်ထမ်းများကုိုလစာလောက်ငအောင်မပေးလျှင် အဂတိတရားများကုိုဖိတ်ခေါ်သည့်သဘော
သက်ရောက်သည်။ ကိုယ်ကျင့်တရားပျက်ပြားမှုသုို့ ဦးတည်သွားစေနုိုင်သည်။ မှန်၏။ 
ဝန်ထမ်းများအား လုံလောက်သောလစာကုိုပေးထားသောနုိုင်ငံများတွင် အဂတိတရားများ၊ ကိုယ်ကျင့်တရားခြစားမှုများ ကင်းရှင်းသည်ကုို သုို့မဟုတ် နည်းပါးသည်ကုို 
ယနေ့ခေတ်တွင်လက်တွေ့  တွေ့မြင်နုိုင်သည်။ (စာဖတ်သူသိပြီးသားဖြစ်သဖြင့် သာဓကနုိုင်ငံများကုိုဖေါ်မပြတော့ပါ)

၎။ အဇ္ဇဝံ၊ ရုိုးသားဖြောင့်မတ်ရမည်။ တုိုင်းပြည်တာဝန်ကုိုထမ်းဆောင်ရာဝယ် 
“အထက်ဖားအောက်ဖိ” သုို့မဟုတ် “အပေါ်ကြောက် အောက်နင်း” သဘောထား
ကင်းလွတ်စွာဖြင့် ရုိုးသားဖြောင့်မတ်စွာထမ်းဆောင်ရမည်။ ပြည်သူကုို ကောက်ကျစ်သောစိတ်ထားဖြင့်မလှည့်စားရ။

၅။ မဒ္ဒဝံ၊ ယဉ်ကျေးသိမ်မွေ့ရမည်။ အများပြည်သူနှင့်ဆက်ဆံသည့်အခါ အမူအရာနှင့်အပြောအဆုိုနူးညံ့သိမ်မွေ့ ရမည်။ အာဏာအထက်စီးဖြင့် ရုိုင်းပြစွာဆက်ဆံပြုမူပြောဆုိုခြင်းအလျင်းမပြုရ။ မှန်၏။ “မင်းတုို့စကား မုိုးကြိူးသွား” 
ဟူသကဲ့သုို့ အုပ်ချုပ်သူတုို့၏ စကားသည်ပြည်သူများအပေါ်တွင် ကြီးမားစွာရုိုက်ခတ်၏။ 
အုပ်ချုပ်သူတုို့၏ ရုိုင်းပြကြမ်းတမ်းသော ပြုမူပြောဆုိုဆက်ဆံမှုများသည် မုိုးကြိူးပစ်သကဲ့သုို့ ပြည်သူကုိုအထိနာစေသည်။ ထုို့ကြောင့် မုိုးကြိူးမဖြစ်စေဘဲ အားကုိုးယုံကြည်ထုိုက်သူဖြစ်အောင် ယဉ်ကျေးသိမ်မွေ့ ရမည်။

၆။ တပံ၊ မိမိကုိုယ်ကုိုထိန်းချုပ်၍ တစုိုက်မတ်မတ်ရုိုးသားသောဘဝဖြင့်နေထုိုင်ရမည်။ စည်းစိမ်ဥစ္စာဖြင့်ဖျားယောင်းမှုနောက်သုို့မလုိုက်ရ။ မှန်၏။ အာဏာရှိသူနောက်သုို့အခွင့်အရေးသမားလုိုက်တတ်သည်မှာ သဘာဝဖြစ်သည်။ 
အခွင့်ရေးသမားတုို့၏ စည်းစိမ်ဥစ္စာဖြင့်ဖြစ်စေ အခြားနည်းဖြင့်ဖြစ်စေ ဖျားယောင်းသော်လည်း ကုိုယ့်ကုိုယ်ကုိုထိန်းချုပ်နုိုင်သော အတ္တသမ္မာပဏိဓိမင်္ဂလာဖြစ်အောင် ကျင့်ဆောင်ရမည်။

၇။ အက္ကောဓံ၊ လက်အောက်ငယ်သားများနှင့်တကွပြည်သူအပေါ် ဒေါသအမျက်မထွက်ရ။ 
မှန်၏။ ဒေါသကြီးသောသူသည် အများပြည်သူကုိုအစုိုးရသူဖြစ်ဖုို့မဆုိုထားနှင့် သူတစ်ဦးတည်းအတွက်ပင်ကြီးပွါးရေးလုပ်ငန်းများဆောင်ရွက်ဖုို့ အခက်အခဲရှိသည်။ 
အကယ်၍ ဒေါသကြီးသူသာအစုိုးရသူဖြစ်လျှင် တုိုင်းသူပြည်သားများသည် လူရာမဝင်ဆံ့သောမိဘ၏လက်အောက်တွင်နေရသကဲ့သုို့ ကမ္ဘာ့အလယ်တွင် 
မျက်နှာငယ်ရပေမည်။

၈။ အဝိဟိံသ၊ တုိုင်းသူပြည်သားများကုို အကြမ်းမဖက်ရ၊ မညှင်းဆဲ မနှိပ်စက်ရ။ ထုို့ပြင် တုိုင်းသူပြည်သားအချင်းချင်း ဖြစ်နေသည့်စစ်ပွဲများကုိုရပ်တန့်ခြင်း သုိ့မဟုတ် ရှောင်ကြဉ်ခြင်းများကုိုဆောင်ရွက်ရမည့်အပြင် ငြိမ်းချမ်းရေးကုိုလည်း မြှင့်တင်ရမည်။ 
မှန်၏။ တုိုင်းသူပြည်သားအချင်းချင်းရန်ဖြစ်နေကြလျှင် သုိ့မဟုတ် ရက်စက်စွာညှင်းဆဲ
တုိုက်ခုိုက်နေကြလျှင် ထုိုတုိုင်းပြည်သည် လုံးဝမတုိုးတက်၊ မအေးချမ်းနုိုင်ချေ။ 
ယနေ့ဖွံ့ဖြိူးပြီးနိုင်ငံများသည် လက်နက်ကုိုင်၍ အနုိုင်ကျင့်တုိုက်ခုိုက်မှုမျိူးနှင့်နှိပ်စက်ခြင်းမျိူး လုံးဝမရှိသည်ကုိုတွေ့မြင်နုိုင်သည်။ အကယ်၍ တုိုက်ခုိုက်သည်ဆုိုလျှင်လည်း နှလုံးရည်တုိုက်ပွဲသာ အချင်းချင်းဆင်နွှဲကြသည်ကုိုတွေ့မြင်နုိုင်သည်။

၉။ ခန္တီ၊ သည်းခံရမည်။ တုိုင်းပြည်အတွက်လုပ်ငန်းဆောင်ရွက်ရာဝယ် တွေ့ကြုံလာရသောအခက်
အခဲများ၊ အကြပ်အတည်းများကုိုသည်းခံရမည့်အပြင် ပြည်သူအများကအထင်အမြင်လွဲမှား၍ စွပ်စွဲပြောဆုိုလာလျှင်လည်း သည်းခံရမည်။

၁၀။ အဝိရောဓနံ၊ ရဟန်းရှင်လူပြည်သူနှင့်တကွအမတ်များ၏ဆန္ဒနှင့်မဆန့်ကျင်ရ၊ တုိုင်းသူပြည်သားအများစု၏ဆန္ဒနှင့်အတူ ညီညွတ်မျှတစွာ တုိုင်းပြည်အကျိူးကုို သယ်ပုိုးရမည်။ 
အကယ်၍ အနည်းစု၏ဆန္ဒနှင့်သာအကောင်အထည်ဖေါ်လျှင် တုိုင်းသူပြည်သားအများစုအတွက်မဖြစ်နုိုင်တော့ချေ။ အများစု၏ဆန္ဒနှင့်မဆန့်ကျင်ဘဲအကောင်အထည်ဖေါ်မှသာ တုိုင်းပြည်အကျိူးသယ်ပုိုးသည်ဟု ခေါ်နုိုင်သည်။ ဤနံပါတ် (၁၀) ကျင့်ဝတ်သည် ယနေ့ခေတ်ဒီမုိုကရေစီ၏
လမ်းစဉ်လည်းဖြစ်သလုိုအနှစ်သာရလည်းဖြစ်သည်။

အထက်ပါ အစုိုးရကျင့်ဝတ်တရားဆယ်ချက်နှင့်အညီအုပ်ချုပ်သောတုိုင်းပြည်သည် 
သုို့မဟုတ် ကုိုးချက်၊ ရှစ်ချက်၊ ခုနစ်ချက်လောက်မျှဖြင့်အညီအုပ်ချုပ်သောတုိုင်းပြည်သည် 
မည်သည့်လူမျိူး မည်သည့်ဘာသာဝင် မည်သည့်ခေတ် မည်သည့်ကမ္ဘာတွင်ဖြစ်စေ အထက်တန်းတွင်ရောက်နေမည်မှာ သေချာလှတော့သည်။ အဆုိုပါ အစုိုးရကျင့်ဝတ်တရားများ မည်သည့်နုိုင်ငံတွင် အပြည့်အစုံရှိနုိုင်သည် သုို့မဟုတ် မည်သည့်နုိုင်ငံတွင် အကင်းမဲ့ဆုံးဖြစ်သည် 
သုို့မဟုတ် မည်သည့်နုိုင်ငံတွင် အများစုကျင့်သုံးသည် သုို့မဟုတ် မည်သည့်နုိုင်ငံတွင် အနည်းစုကျင့်သုံးသည်ကုိုမူ အသင်စာဖတ်သူကိုယ်တုိုင်သာ စဉ်းစားပါလော့။ နုိုင်ငံတော်အခြေခံဥပဒေများတွင် ဤအစုိုးရကျင့်ဝတ်တရား ဆယ်ပါးလုံးပါဝင်အောင် ရေးစွဲပြဋ္ဌာန်းကာကျင့်သုံးနုိုင်ကြလျှင်မူကား……..။  ကျင့်သုံးနုိုင်ကြပါစေဟု
 မေတ္တာပုို့သလုိုက်ပါသည်။
ဒကာကြီး ဦးဇော်ဝင်း၏ တတိယမေးခွန်းကုိုဤမျှဖြင့်အဆုံးသတ်လုိုက်ပါသည်။

  ဒေါက်တာအရှင်ပညာသာမိ {ဘုန်းသူရိန်}

***ဓမ္မမိတ်ဆွေများ၏အမှာစကား***