Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Friday, January 16, 2015

ဒိုင်ယာရီအပုိုင်းအစလေးများ (၂၇) ဖင်းလူမျိူးတုို့၏ ရင်ဖွင့်ချက်

သူမ၏အမေးကုိုဖြေပြီးသောအခါ မိမိကသူတုို့အားသိလုိုသည့်အရာများကုို
ဤသုို့တောင်းဆိုခဲ့သည်။“မင်းတုို့ နုိုင်ငံကစုံတွဲမောင်နှံတွေရဲ့အကြောင်းတွေကုို
 သိချင်တယ်။ နောက်ပြီးတော့ လူတွေလက်ရှိတွေ့ကြုံဖြစ်ပျက်နေတဲ့
 နေ့စဉ်ဘဝအခြေအနေတွေလဲသိချင်တယ်။ ပြောပြပေးပါ ” ဟုတောင်းဆုို
လုိုက်သည်။ ထုိုစဉ်အမျိူးသားတယောက်က နာရီကုိုကြည့်၍ “ဆွမ်းစားချိန်နီးပြီ၊ 
ဆွမ်းဆုိုင်ရောက်မှပဲ ဆွမ်းစားပြီးကော်ဖီသောက်ရင်း ပြောပြမယ်” ဟုဆုိုလာသည်။ သုို့နှင့်နေ့ဆွမ်းစားရန်အတွက် အပြင်ထွက်ခဲ့ကြတော့သည်။ 
လမ်းရောက်တော့ “အရှင်ဘုရားကုိုအာရှဆုိုင်မှာဆွမ်းကပ်မယ်။ နီပေါဆုိုင်ကုိုသွားကြမယ်။ နီပေါအစားအစာသိပ်ကောင်းတယ်။ နီပေါအစားအစာကုိုကြိုက်လား” 
ဟုမေးလာသည်။ မိမိကလည်း “အဆိပ်မဖြစ်သောအစားအစာမှန်သမျှ
 ကြိုက်တာတွေပဲများပါတယ်” ဟုပြောလုိုက်သည်။ နီပေါဆုိုင်သုို့ရောက်ကြသည့်အခါ 
အစားအစားများမှာထားဆဲအချိန်တွင် မိမိကသိလုိုသည့်မေးခွန်းများဖြေကြားပေးရန်
တောင်းဆုိုလုိုက်သည်။

သူတုို့ပြောသမျှကုို စာရေး၍မှတ်ထားလုိုက်ရာ အချက် ၁၁ ချက်မျှရှိသည်။
 ပြောသမျှကုိုရေးမှတ်ပြီးသောအခါ မှာထားသည့်နီပေါအစားအစာများရောက်လာသည်။ အိန္ဒိယတွင်နေထုိုင်ကာပညာသင်လာခဲ့သောမိမိအဖုို့ နီပေါအစားအစာသည်
 ရင်းနှီးပြီးသားပင်ဖြစ်နေလေပြီ။ ထုိုစဉ်ခဏဝယ် နီပေါနုိုင်ငံ 
ခတ္တမန္ဒူမြို့ တော်သုို့ရောက်ခဲ့စဉ်က မြန်မာဟင်းချိုမှာစားခဲ့ဖူးသည်ကုိုသတိရမိသည်။ ကြီးမားလှသောစားသောက်ဆုိုင်ကြီးထဲသုို့ဝင်ရောက်ပြီးနောက် ရနိုင်သည့်အစားအစာ စာရင်းကိုကြည့်လုိုက်သည့်အခါ မြန်မာဟင်းချိုဟူသောနာမည်ကိုတွေ့လုိုက်သည်။ 
သုို့နှင့် မြန်မာလက်ရာနှင့်အရသာအတုိုင်းတကယ်ဟုတ် မဟုတ်သိလုိုသဖြင့်မှာလုိုက်သည်။ ဟင်းချိုကုိုသောက်ကြည့်လုိုက်သည့်အခါ အမှန်ပင်မြန်မာဟင်းချို၏
အရသာကုိုတွေ့ထိရသဖြင့်အံ့သြခဲ့ဖူးသည်။ယခုဆုိုင်တွင်ကား
 နီပေါအစားအစာသက်သက်သာလျှင်ရနုိုင်လေသည်။ 
ယခုတော့ သူတုို့ပြောသမျှကုိုရေးမှတ်ထားသောစာရွက်မှာ 
ဘယ်ရောက်သွားသည်မသိတော့ဘဲ ကြက်ပျောက်ငှက်ပျောက်ပျောက်ဆုံးသွားတော့သည်။ 
သုို့ဖြစ်၍ ဤနေရာ၌ မိမိမှတ်မိသမျှကုိုသာရေးသားပါမည်။

သူတုို့ပြောပြသည်များမှာ 
၁။ ဖင်လန်နုိုင်ငံတွင် လင်မယားကွာရှင်းမှုတွေများလာနေတယ်
၂။ အလုပ်လက်မဲ့တွေတုိုးလာနေတယ်
၃။ ပညာတတ်အလုပ်လက်မဲ့များလည်း တုိုးလာနေတယ်
၎။ လူတွေမှာ စိတ်ဖိစီးမှုတွေများလာနေတယ် မပျော်ရွှင်ကြဘူး
၅။ သက်ကြီးရွယ်အုိုတွေမှာ စိတ်အလုိုမကျမှုတွေဖြစ်နေကြတယ်
၆။ လုပ်ငန်းခွင်မှာ အထက်လူကြီးရဲ့ဖိအားကြောင့် ပျော်ရွှင်မှုနဲလာတယ် စသည်ဖြင့်ပွင့်လင်းစွာ ရင်ဖွင့်ကြသည်။အထက်ပါအချက်တုို့တွင် ပုို့ချဆဲဖြစ်သော
 အကြောင်းအရာနှင့်ဆက်စပ်နေသည့် “ လင်မယားကွာရှင်းမှုတွေများလာနေတယ်” ဆုိုသောအချက်ကုိုဆွေးနွေးချင်စိတ်ဖြစ်လာသည်။ သုို့ဖြစ်၍ မိမိက
 “ကွာရှင်းမှုတွေများလာရတာ ဘာကြောင့်လုို့မင်းတုို့ထင်လဲ” ဟု မေးလုိုက်သည့်အခါ
 “မသိဘူး၊ သူများမိသာစုအရေးကုို ငါတုို့မသိဘူးလေ” ဟုဆုိုလေသည်။ 
သုို့နှင့် ဆွမ်းကိစ္စပြီးသဖြင့် သင်တန်းဌာနသုို့ပြန်လာခဲ့ကြသည်။

သင်တန်းဌာနသုို့ပြန်ရောက်၍ ခေတ္တအနားယူပြီးနောက် အချိန်စေ့ရောက်သဖြင့်သင်တန်းကုိုပြန်လည်စတင်သည့်အခါ
 မိမိကမေးလုိုက်သည်။ “ငါပြောပြခဲ့တဲ့ အချက်ငါးချက်ကုိုမင်းတုို့နုိုင်ငံမှာကျင့်သုံးကြသလား” 
ဆုိုတော့ “ငါတုို့က ကြားတောင် မကြားဖူးဘူး” ဟုဆုိုလေသည်။ 
“ဇနီးမောင်နှံနှစ်ယောက်ဟာ အထက်ပါအချက်ငါးချက်ကုိုသာတကယ်ကျင့်သုံးကြရင် ကွာရှင်းမှုဆုိုတာမဖြစ်နုိုင်ပါဘူး။ ဖြစ်ခဲ့ရင်တောင် အနည်းအကျဉ်းပဲဖြစ်မှာပါ” ဟု မိမိ၏ယူဆချက်ကုိုပြောပြသည့်အခါ သူတုို့က ခေါင်းညိတ်ပြလျှက် အချို့ က ပြုံးပြလျှက် သဘောတူကြောင်းတုန့်ပြန်ကြသည်ကုိုတွေ့ရလေသည်။ “ဒါနဲ့ မင်းတုို့မိသားစုဘဝတွေမှာ ငွေကုိုဘယ်သူကကုိုင်သလဲ” ဟု ရုတ်ခြည်းပေါ်လာသောမေးခွန်းကုိုမေးလုိုက်သည်။ “ငွေကုိုသီးခြားထိန်းသိမ်းကုိုင်တွယ်သူတော့မရှိပါဘူး။ ကုိုယ့်လစာက 
ကုိုယ့်ဘဏ်ကဒ်ထဲကုိုဝင်လာတယ်။ ကုိုယ့်ဖာသာကုိုယ်သုံးချင်တာသုံးတယ်။ ဒါပေမယ့် အိမ်အတွက်တခုခုဝယ်မယ် သုံးစွဲမယ်ဆုိုရင်တော့ ဥပမာ ကားဝယ်မယ်ဆုိုရင်ပေါ့လေ နှစ်ယောက်သားတုိုင်ပင်ကြပါတယ်” ဟုဖြေလေသည်။ သုို့နှင့်မိမိကပင် နောက်ထပ်မေးခွန်းတခုဖြင့်ထပ်ဆင့်၍ပစ်သွင်းလုိုက်ပြန်သည်။ 

( ဆက်လက်ဖေါ်ပြပါမည်)

Thursday, January 15, 2015

ဒုိုင်ယာရီအပုိုင်းအစလေးများ (၂၆) စံပြအိမ်ထောင်ရေးတရား

ပုို့ချမှုများစတင်သောအခါ လင့်ကျင့်ဝတ်ငါးပါးနှင့်မယားကျင့်ဝတ်ငါးပါး နှစ်ရပ်ပေါင်း
ဆယ်ပါးကုို ဖြေးဖြေးမှန်မှန် တချက်ချင်းပြောပြလုိုက်သည်။ 
“ ဒီကျင့်ဝတ်ဆယ်ပါးဟာ မင်းတုို့တသက်တာအတွက်နေ့စဉ်ဖြည့်ဆည်းဖုို့ တင်းကျပ်များပြားသောဥပဒေတွေဖြစ်တယ်လုို့ မင်းတုို့တွေးထင်ကောင်း
ထင်ဖွယ်ရာရှိတယ်၊ တကယ်တော့ တူရာကုိုချုပ်လုိုက်ရင် ငါးချက်ပဲရှိပါတယ်” ။ 
အဲဒါတွေကတော့ 
၁။ Mutual understanding အပြန်အလှန်နားလည်မှု
၂။ Mutual highly esteem အပြန်အလှန် အမှန်ချစ်မြတ်နိုးမှု
၃။ Mutual loyalty အပြန်အလှန်သစ္စာရှိမှု
၎။ Mutual belief အပြန်အလှန်ယုံကြည်မှု
၅။ Mutual respect and valuation အပြန်အလှန်လေးစား တန်ဖုိုးထားမှုဆုိုတဲ့ အချက်ငါးချက်ပဲဖြစ်တယ်။ ဒီအချက်ငါးချက်ကုို လက်တွေ့ကျကျကျင့်သုံးရင် ပျော်ရွှင်ကျေနပ်စရာဖြစ်တဲ့စံပြအိမ်ထောင်ရေးဘဝ၊ စံပြမိသားစုဖြစ်လာနုိုင်မှာဖြစ်တယ်။ မိမိကပြောဟောရင်းဖြင့် ဤအချက်များကုိုဝှိုက်ဘုတ်တွင်ရေးချပြလုိုက်သည်။ သင်တန်းသားတုို့လေးလေးနက်နက်စိတ်ဝင်စားစွာရေးမှတ်ကြသည်ကုိုတွေ့ရသဖြင့် ဝမ်းသာမိသည်။ ထုို့ထက်အမှန်တကယ်လက်တွေ့ကျအောင်ကျင့်ကြလျှင်မူကား အားလုံးအတွက် ပုို၍ဝမ်းသာဖွယ်ရာပင်ဖြစ်ပေလိမ့်မည်။

မိမိကပင်ဆက်လက်၍ “နောက်ပြီးတော့ ဒီငါးချက်ကုိုထပ်ပြီးချုပ်လုိုက်ရင်
Civilized and disciplinary heart ယဉ်ကျေးသိမ်မွေ့ပြီးစည်းကမ်းပြည့်ဝ
သောနှလုံးသားရှိဖုို့သာဖြစ်တယ်။ ဒီတချက်သာအဓိကဖြစ်တယ်။ 
ဒီအချက်ဟာ internal condition of mind between husband and wife ( ဇနီးမောင်နှံနှစ်ယောက်အကြားကအတွင်းစိတ်အခြေအနေ) ဖြစ်တယ်။ 
ဒီသင်ကြားချက်တွေဟာ ဇနီးမောင်နှံတွေအတွက် တင်းကျပ်တဲ့
အမိန့်တွေဖြစ်နုိုင်သလား သုို့မဟုတ် ပြည်လည်အယူခံခွင့်မရှိတော့တဲ့ တချက်လွတ်အမိန့် ဗီတုိုအာဏာဖြစ်သလား ” လုို့ မိမိကမေးးခွန်းထုတ်လုိုက်သည်။ ထုိုသုို့မေးလုိုက်သည်အခါ 
အချို့ က “ ဒီစည်းကမ်းတွေဟာ ဖြစ်သင့် ရှိသင့်တဲ့စည်းကမ်းများဖြစ်တယ်” တဲ့။ 
အချို့ က “ ငါတုို့သေသေချာချာ မစဉ်းစားမိသေးဘူး ” ဟု တုန့်ပြန်ကြသည်။

ထုိုစဉ် မိမိကပင်ဆက်ဆက်၍ “အေး ဟုတ်တယ်။ တကယ်တော့ မြတ်ဗုဒ္ဓက
ဘယ်သူ့ကုိုမှ ခက်ခဲအောင် နစ်နာသွားအောင်တဖက်သတ်
အမိန့်အာဏာသက်ရောက်တဲ့ ဥပဒေမျိူး ညွှန်ကြားချက်မျိူးကုို မချမှတ်ခဲ့ဘူး။ တကယ်လုို့ချမှတ်တယ်ဆုိုရင်တောင် လောကအတွက် ငြင်းချက်ထုတ်မရလောက်အောင်မရှိမဖြစ်လုိုအပ်တဲ့စဉ်းမျဉ်းဖြစ်လုို့သာလျှင်
ချမှတ်တာဖြစ်တယ်။ ဒီကျင့်ဝတ်တွေဟာ မင်းတုို့ယဉ်ကျေးမှုအတွက် အခက်ခဲတွေရှိလား၊ မင်းတုို့နေ့စဉ်ဘဝအတွက် အဖုအထစ်တွေဖြစ်စေသလား၊ အထူးသဖြင့်
လူ့အခွင့်အရေးနဲ့ငြိစွန်းသလား” ဟု မိမိကတဲ့တဲ့ပင်မေးလုိုက်သည်။ 
ဤသုို့မေးသည့်အခါ “ငါတုို့ယဉ်ကျေးမှုအသုိုင်းအဝန်းတွင်သာမဟုတ်၊ 
တကမ္ဘာလုံးမှလူတွေအားလုံးသိသင့်တဲ့တရားပါ” ဟု အမျိူးသားတယောက်ကထောက်ခံလာသည်။

ထုိုစဉ် အမျိူးသမီးတယောက်မှ လက်ထောင်ပြလာသည်။ မေးခွန်းတခုမေးပါရစေ
 ဟုလည်းဆုိုလာသည်။ မိမိက အပြုံးဖြင့်ကြိုဆုိုလုိုက်ရာ သူမက ဤသုို့မေးလေသည်။
 “တကယ်လုို့ လူတယောက်ဟာ ပထမဦးဆုံးချစ်ခဲ့တဲ့ ချစ်သူရှိခဲ့မယ်။ 
တကယ်လဲချစ်တယ်။ ဒါပေမယ့် လက်တွေ့ဘဝမှာအိမ်ထောင်ပြုရတော့ ဒုတိယချစ်တဲ့သူနဲ့အိမ်ထောင်ပြုလုိုက်တယ်။ ချစ်ဦးသူနဲ့ပြန်လည်ဆုံတွေ့တဲ့အခါ သူနဲ့အတူစားသောက်ဖြစ်ကြတယ်။ တွဲကဖြစ်ကြတယ်။ ပျော်လဲပျော်ကြတယ်။ 
ဒါဆုိုရင် အိမ်ထောင်ရေးစည်းကမ်းဖောက်ဖျက်ရာရောက်သလား” တဲ့။ “ဘယ်အတုိုင်းအတာထိရောက်အောင်ပျော်ကြသလဲ” လုို့ မိမိကပြန်မေးလုိုက်တော့ “ ခုအရှင်ဘုရားကုိုပြောလုိုက်တဲ့အထိပါပဲ။ ဒီလောက်ပါပဲ” တဲ့။ 

သုို့နှင့်မိမိက ဤသုို့ပြောပြလိုက်သည်။ “မင်းတုို့ယဉ်ကျေးမှုမှာ 
ဘီယာအတူသောက်ပြီးတွဲကတာ အတူတူစားသောက်ကြတာ
 ပျော်ရွှင်ကြတာကုို စည်းကမ်းဖေါက်ဖျက်မှု ရုိုင်းပြမှုလုို့ ယူဆထားတာမရှိဘူး။ 
အားလုံးကလဲ လက်ခံထားတဲ့ယဉ်ကျေးမှုဖြစ်တယ်။ နားလည်ပေးကြတယ်။ 
ဒါကြောင့် ဒါဟာအိမ်ထောင်ရေးစည်းကမ်းကိုဖေါက်ဖျက်ရာ မရောက်ပါဘူး၊ 
မင်းတုို့ကုိုငါပြောခဲ့တာပဲ။ ဒီစည်းမျဉ်းတွေဟာ လူမှုအဖွဲ့ အစည်းကြီးရဲ့ ခေတ်ကာလအပြောင်းအလဲနဲ့အညီကျင့်သုံးနုိုင်တဲ့စည်းကမ်းများဖြစ်တယ်။ 
မုချအမှန်တရားပရမတ္ထမဟုတ်ဘူး။ နေ့လည်ပုိုင်းမှာ မင်းတုို့သင်နေတဲ့
အဘိဓမ္မာသဘောတရားတွေလုိုမပြောင်းလဲဘဲအမြဲမှန်ကန်နေတဲ့
တရားတွေမဟုတ်ဘူး” ဟု ဖြေကြားခဲ့သည်။ 

(ဆက်လက်ဖေါ်ပြပါမည်)

Wednesday, January 14, 2015

ဒုိုင်ယာရီအပုိုင်းအစလေးများ (၂၅) ပြောင်းလဲကျင့်သုံးနုိုင်သောတရား



အဘိဓမ္မာသင်တန်းနှင့်ပတ်သက်သောအတွေ့အကြုံများကုိုအသေးစိတ်ရေးမည်ဟု
စိတ်ကူးရှိခဲ့သော်လည်း နုိုဝင်ဘာလတွင်ပုို့ချခဲ့သောအတွေ့အကြုံများကုိုကား 
အသေးမစိတ်နုိုင်တော့။ အကြောင်းမှာ အတွေ့အကြုံများကုိုမှတ်စုရေးမထားမိခြင်းနှင့်
ချက်ချင်းမရေးဖြစ်သည့်အတွက်ရေးစရာအချက်အလက်များ ကြက်ပျောက်ငှက်ပျောက် မေ့ပျောက်ကုန်ကြသောကြောင့်ပင်ဖြစ်သည်။
အနည်းငယ်မှတ်မိသည့်အရာများမှာ စေတသိက်ပုိုင်းမှစေတသိက်တလုံးချင်းစီ၏
အဓိပ္ဗါယ်ကုိုလက်တွေ့ကျသောဥပမာများပေး၍ရှင်းပြခဲ့သဖြင့် 
သင်တန်းသားတုို့လွယ်ကူစွာနားလည်ကြပြီးလျှင်
 “နေ့စဉ်ဘဝ အသုံးချအဘိဓမ္မာ” အနေထားမျိူးသုို့သက်ရောက်သွားခဲ့သည်။

မိမိကုိုယ်တုိုင်သည်လည်းပုို့ချရင်းဖြင့် ကိုယ်ပုိုင်နေ့စဉ်ဘဝကုိုပြန်လည်၍ 
အသေးစိတ်ကြည့်ဖြစ်ကာ ဆန်းစစ်သည့်အချိန်များတုိုးလာသည်။ 
ဆန်းစစ်မိတိုင်း မိမိစိတ်ထား၏အားသာချက်များနှင့်အားနဲချက်များ၊
 အကောင်းနှင့်အဆုိုးဒွန်တွဲနေမှုများကုို အရင်ထက်ပုို၍သိမြင်လာရသည်။ အားသာချက်နှင့်ကောင်းကွက်များကုိုတွေ့မြင်ရသည့်အခါ ကျေနပ်မှုကုိုခံစားရသည်။ ထုို့ပြင်မိမိဘဝမှာအကောင်းဆုံးဖြစ်အောင် တသက်တာပြုပြင်နေထုိုင်ခဲ့သော်လည်း ပြုပြင်စရာများစွာရှိသေးကြောင်း အရင်ထက်ပုို၍သတိကောင်းကောင်းပြုမိလာသည်။
အထူးသဖြင့် “ကိလေသာရှိနေသောလူသားတယောက်အနေဖြင့် မဆုံးနုိုင်သေးသောပြုပြင်စရာများစွာကုိုပြုပြင်ရပေအုံးမည်” ဟု
ရုိုးသားစွာနားလည်မိသည်။ “ရဟန္တာမဖြစ်သေးသမျှ ပြုပြင်စရာများမဆုံးသေး” 
ဟုလည်းဓမ္မနည်းလမ်းကျစွာကောက်ချက်ချမိသည်။ 
ထုို့ကြောင့် အမြဲတန်းဖြူစင်သန့်ရှင်းသော အေးချမ်းသောစိတ်ထားပုိုင်ရှင်တယောက်
 ဖြစ်ချင်သည်ထက်ဖြစ်ချင်လာသည်။ ဖြစ်အောင်လည်း(အများကြီးမစွမ်းနုိုင်သည့်တုိုင်) တတ်နုိုင်သမျှကြိူးစားဖြစ်သည်။ ဤသည်မှာ သင်တန်းပုို့ချရင်းဖြင့်ရရှိလာသော လက်တွေ့ကျသည့်ကုိုယ်ပုိုင်စိတ်ပုိုင်းဆုိုင်ရာအကျိုးကျေးဇူးပင်ဖြစ်သည်။

ပုို၍မှတ်မှတ်ရရရှိသည့်အချက်မှာ နံနက်ခင်းပုိုင်း Buddhism အချိန်ဖြစ်ခဲ့သည်။
သိင်္ဂါလောဝါဒသုတ်၌လာရှိသော ကျင့်ဝတ်အသီးသီးကုိုဥရောပ
ယဉ်ကျေးမှုနှင့်နှိုင်းယှဉ်၍ဆွေးနွေးဖြစ်သောကြောင့် လက်တွေ့ကျပြီးလျှင်
မိမိရောသင်တန်းသားများပါအလွန်စိတ်ဝင်စားကြရသောအချိန်ဖြစ်ခဲ့သည်။ 
အထူးသတိထားရသည်မှာ ဥရောပယဉ်ကျေးမှုနှင့်ဗုဒ္ဓဘာသာတရားတော်များအကြား
 ပြဿ       နာထိပ်တုိုက်မတွေ့စေရေးပင်ဖြစ်သည်။ 
အမှန်စင်စစ် “ မြတ်ဗုဒ္ဓ၏ဓမ္မသဘောတုို့သည် မည့်သည့်ခေတ် မည်သည့်နုိုင်ငံ 
မည်သည့်လူမျိူးနှင့်မှပြဿ       နာထိပ်တုိုက်ရင်ဆုိုင်တွေ့စေသောဓမ္မများမဟုတ်ကြပါ။ 
သုို့သော် မိမိ၏သတိချွတ်ယွင်းမှုကြောင့်ဖြစ်စေ၊ ပညာအားနဲပါးမှုကြောင့်ဖြစ်စေ၊ ဘာသာစကားအားနဲမှုကြောင့်ဖြစ်စေ မူလဆုိုလုိုချက်မှလွဲချော်ကာ
ထိပ်တုိုက်ရင်ဆုိုင်ရမည့်အရေးကုို အထူးသတိပြုဆင်ခြင်ကာဆွေးနွေးရခြင်းဖြစ်သည်” 
ကုိုဆုိုလုိုပါသည်။ အထူးသဖြင့် လက်တွေ့ကျပြီးအစမ်းသပ်ခံနုိုင်သောဗုဒ္ဓဓမ္မများအတွက် စုိုးရိမ်ဖွယ်ရာမလုိုအပ်ဘဲ မိမိ၏တင်ပြပုံတင်ပြနည်း သင်ကြားပုံသင်ကြားနည်းနှင့်ဆွေးနွေးမှုနည်းစနစ်သည်သာ 
အံဝင်ခွင်ကျဖြစ်ဖုို့သာလုိုအပ်သဖြင့် သတိကြီးစွာထား၍ပုို့ချဖြစ်ခဲ့သည်။

ပထမဦးဆုံးစတင်ဆွေးနွေးသင်ကြားပေးသည့်အချက်မှာ
 လင်နှင့်မယားတုို့၏ကျင့်ဝတ်များပင်ဖြစ်သည်။ ဤကျင့်ဝတ်များနှင့်ပတ်သက်၍ သင်တန်းမစမီဤသုို့စကားပလ္လင်ခံခဲ့သည်။ 
“ဤကျင့်ဝတ်များသည် လွန်ခဲ့သောနှစ်ပေါင်း (၂၆၀၀) ကျော် (ဘီစီခြောက်ရာစု) တွင်ရှေးဟောင်းအိန္ဒိယ၌ကျင့်သုံးခဲ့ပြီး ထုိုခေတ်ကာလဝယ်ထုိုဒေသ၌
မှန်ကန်၍အသုံးတည့်ခဲ့သောကျင့်ဝတ်များပင်ဖြစ်ခဲ့ကြောင်း
ဤကျင့်ဝတ်တုို့သည် ပရမတ္ထတရားများမဟုတ်ကြသောကြောင့်
 အခြေအနေ၊ နေရာဒေသနှင့်ခေတ်ကာလအလျောက်
ဆီလျော်အောင်ပြောင်းလဲကျင့်သုံးနုိုင်ကြောင်း၊ ထုို့ကြောင့် မိမိအနေဖြင့် ဒေသနာတော်၌လာရှိသည့်အချက်များနှင့်အိန္ဒိယရှေးဟောင်းယဉ်ကျေးမှု
အကြောင်းတို့ကုိုပထမဦးစွာတင်ပြမည်ဖြစ်ကြောင်း၊ ၎င်းနောက် ဖင်လန်မိသားစုများ၏
လက်ရှိအခြေအနေကုို သင်တုို့ကုိုယ်တုိုင် မိမိအားပြောပြရန်လုိုအပ်ကြောင်း၊ သုို့မှသာဤသင်တန်းသည်ပုို၍လက်တွေ့ကျပြီးအသက်ဝင်လာမည်ဖြစ်ကြောင်း၊ ထုို့နောက်မှဆွေးနွေးကြမည်ဖြစ်ကြောင်း ပြောပြလုိုက်ရာ 
သင်တန်းသားများကသဘောတူကြသည်။

(ဆက်လက်ဖေါ်ပြပါမည်)

*~*~*~*~*~*~*~*

Tuesday, January 13, 2015

အကယ်ဒမီထုိုက်တဲ့ဇာတ်ကား



 သည်းခံခြင်းဆုိုတာ အနုပညာဖန်တီးမှုတခုပါပဲ။ 
သည်းခံခြင်းအားကောင်းလေလေ အနုပညာမြင့်မားလေလေပဲဖြစ်ပါတယ်။ 
သည်းခံခြင်းအနုပညာကုို အတတ်/အသိပညာအားနဲ့ပေါင်းစပ်ပေးလုိုက်ရင် အကယ်ဒမီထုိုက်တဲ့ဘဝဇာတ်ကားကြီးဖြစ်လာနုိုင်တယ်။

*~*~*~*~*~*~*~*

အစနဲ့အဆုံး




 အဝိဇ္ဖာနဲ့တဏှာဟာ 
သံသရာစက်ကုိုလည်ပတ်စေတဲ့မူလစွမ်းအင်ဖြစ်တယ်။ 
အရဟတ္တမဂ်နဲ့အရဟတ္တဖုိုလ်ဟာ 
သံသရာစက်ရဲ့ နောက်ဆုံးအဖျက်စွမ်းအင်ဖြစ်တယ်။

 *~*~*~*~*~*~*~*

Monday, January 12, 2015

လွဲနေသော “ငါ”



ကဗျာလုိုမတွေးတတ်တဲ့ငါ ကဗျာတွေရေးဖြစ်တယ်
စာတွေစုံအောင်မဖတ်ဘူးတဲ့ငါ စာတွေရေးဖြစ်တယ်
ကြယ်တွေစုံအောင်မမြင်ဘူးတဲ့ငါ ကြယ်အကြောင်းပြောဖြစ်တယ်
တရားမဟောတတ်တဲ့ငါ ဓမ္မကထိကလေသံထွက်နေတယ်
ဒေါသကြီးတဲ့ငါ သည်းခံရတဲ့ဘဝမှာကျင်လည်ဖြစ်တယ်
မာနကြီးတဲ့ငါ ချိူးနှိမ်ရတဲ့ဘဝမှာ ရှင်သန်နေရတယ်
ပညာအာဟာရတွေ ပြည့်ဝချင်တဲ့ငါ ပညာတွေငတ်နေဆဲဖြစ်တယ်
အများကောင်းကျိူးသယ်ပုိုးချင်တဲ့ငါ ဘာမှမစွမ်းနုိုင်သေးဖြစ်နေတယ်
သားကောင်းတယောက်ဖြစ်ချင်တဲ့ငါ မာတာပိတုကျေးဇူးမဆပ်နုိုင်ဘူးဖြစ်နေတယ်
ထုိုက်တန်သူကုိုထောက်ခံချင်တဲ့ငါ မဲပေးခွင့်တောင်မရှိဘူးဖြစ်နေတယ်။


*~*~*~*~*~*~*~*

ယနေ့မြင်ကွင်း



နွေးထွေးတဲ့မေတ္တာတရားများ အေးခဲနေတဲ့ မိသားစုတွေများလာပြီ.....
ပျော့ပျောင်းနူးညံ့တဲ့ဆက်ဆံရေးတွေ တောင့်တင်းနေတဲ့
မွေးချင်းတွေဖြစ်လာပြီ.....
ဖေါ်ရွေပျူငှာတဲ့ယဉ်ကျေးမှုတွေထဲ မာယာတွေရောထွေးနေတဲ့ လူမှုဝန်းကျင်ဖြစ်လာပြီ....
ရုိုသေလေးစားမှုတွေ အားနဲလျော့ပါးနေတဲ့ ဆရာတပည့်တွေဖြစ်လာပြီ.....
အကြင်နာအေးရေစက်တွေ ပွက်ပွက်ဆူပြီးခန်းနေတဲ့ ဇနီးမောင်နှံတွေများလာပြီ....
ယုံကြည်မှုအဆောက်အဦကြီး ဖေါက်ခွဲဖျက်ဆီးခံထားရတဲ့ ပြည်သူနဲ့အစုိုးရဖြစ်လာပြီ....
ဝေဒနာဒဏ်ရာများစွာနဲ့ အကာကွယ်မဲ့တဲ့ကျောမွဲတွေမှာ အားကုိုးရာမရှိတဲ့ ဘဝမဲ့တွေဖြစ်လာပြီ....
လွဲမှားတဲ့အမြင်လှိုင်းတွေ တဒုိုင်းဒုိုင်းရုိုက်ခတ်နေတဲ့ ဆတ်ဆတ်ထိမခံ
ဘာသာတရားတွေဖြစ်လာပြီ.....
လူ့အခွင့်ရေးဆုိုတဲ့ဝေါဟာရနဲ့ ညီမျှခြင်းဆွဲခံထားရတဲ့ တန်ဖုိုးရှိနဲ့တန်ဖုိုးမဲ့တွေ ရောသမမွှေခံနေရပြီ.....
မီဒီယာရေစီးကြောင်းကို မောင်းနုိုင်တဲ့ငွေရှင်က သူတော်စင်ဖြစ်လာပြီ.....
မြတ်ဗုဒ္ဓရဲ့သစ္စာဓမ္မတွေဟာ ကုိုယ်လုိုရာခပ်နှိပ်တဲ့ အမှတ်တံဆိပ်ဖြစ်လာပြီ....
ဘယ်တော့မှမပြောင်းလဲဘဲ အမြဲမှန်တဲ့ပရမတ္ထတရားတွေဟာ အတ္တအမှားတွေဖြစ်လာပြီ.....
အတုတွေဈေးကွက်ဝင် အစစ်ဈေးကွက်ပျောက် အမြင်မှောက်မှားသူတွေများလာပြီ.....
မာယာရှင်သခင်ဖြစ်လုို့ ဖြူစင်သူနွံနစ်တဲ့ခေတ် ဖြစ်လာပြီ......
ဆင်ခြင်ဥာဏ်ကုိုကျောခုိုင်း လူတုိုင်းရဲ့ဆန္ဒသာ အမှန်တရားလုို့လက်ခံလာကြပြီ.....
ဒီလူသားနဲ့ဒီကမ္ဘာ ရှည်ကြာစွာအေးချမ်းရေး ဓမ္မဆေးတွေလုိုနေပြီ.....။

*~*~*~*~*~*~*~*


Sunday, January 11, 2015

တမ်းတမိတဲ့ လူ့အခွင့်အရေး



အများကောင်းကျိူးဖြစ်သည့် အမျိူးသားရေးထက် 
မိမိတဦးတည်း၏ မြင့်မြတ်သန့်စင်သောစိတ်ထား ခုိုင်မာရေးတာဝန်ကုိုပင်
 မနုိုင့်တနုိုင် တနင့်တပုိုးထမ်းဆောင်နေရဆဲဖြစ်ပါသဖြင့် 
ညစ်ထေးသောစိတ်ထားပုိုင်ရှင်များ မိမိအနားသုို့မသွားလာ 
မနေထုိုင် မဆက်ဆံကြပါရန် မေတ္တာရပ်ခံအပ်ပါသည်။
ထုို့ပြင် ဖြူဖွေးအေးမြသောစိတ်ထားပုိုင်ရှင်များသည် 
မိမိအား ခစားနားခုိုခွင့်ပေးပါရန်လည်း အထူးမေတ္တာရပ်ခံအပ်ပါသည်။
( မည်သူ့ကုိုမျှမရည်ရွယ်ပါ၊ ဓမ္မသဘောသက်သက်ကုိုသာ စာဖွဲ့ ခြင်းဖြစ်ပါသည်)

*~*~*~*~*~*~*~*


လူ့အခွင့်အရေးဆုိုတာ



 လူ့အခွင့်အရေးဆုိုတာ
 “ နွားထီးငါးကျပ် နွားမငါးကျပ်၊ ဗူးသီးတမတ်၊ ကြက်သားတမတ်၊ ရွှေလဲတမတ် ကြေးလဲတမတ် ”
 ဈေးညှိတဲ့ဝေါဟာရမဟုတ်ဘူး။ လူတဦးချင်းစီရဲ့ ကောင်းသောအရည်အချင်းတွေနဲ့လျော်ညီစွာ ရရှိသင့်တဲ့အခွင့်အရေးကုိုအပ်နှင်းသင့်တယ်။ အရည်အချင်းကောင်းပုိုများသူကုို အခွင့်အရေးကောင်းပုိုပေးသင့်တယ်။ အရည်အချင်းနဲသူကုို အခွင့်အရေးလျှော့ချသင့်တယ်။ အရည်အချင်းဆုိုရာမှာ ပညာအရည်အချင်း ကုိုယ်ကျင့်အရည်အချင်း စိတ်ဓာတ်အရည်အချင်းစသဖြင့်အားလုံးပါဝင်တယ်။

အရာရာမတူညီတဲ့လူတွေအကြားမှာ လူ့အခွင့်အရေးဆုိုတဲ့ဝေါဟာရကုို 
မြိန်ရှက်စွာသုံးစွဲခြင်းဖြင့် ဇွတ်အတင်းညီမျှခြင်းဆွဲကြလျှင် အတောမသတ်နုိုင်သော လူမှုရောင်စုံပြဿနာတုို့ကုိုဖန်တီးရာရောက်နုိုင်တယ်။

တကယ်တော့ လူ့အခွင့်အရေးဆုိုတာ 
“လူသားတုိုင်းဟာတရားမျှတသော စည်းကမ်းများ နည်းလမ်းများ ဥပဒေများနှင့်အညီ
 မိမိလုိုချင်သည့်အရာ၊ လျှောက်ချင်သည့်လမ်း၊ မျှော်မှန်းသည့်ပန်းတုိုင်တုို့သုို့ 
တူညီစွာအရောက်လှမ်းနုိုင်ခွင့် ဆွတ်ခူးနုိုင်ခွင့်ရှိတာကုိုဆုိုလုိုတာဖြစ်တယ်” ။

သုို့သော် ကံ ဥာဏ် ဝီရိယအားနဲ့လျော်ညီစွာသာရနုိုင် ရောက်နုိုင်တယ်။ ကံ ဥာဏ် ဝီရိယအားနဲ့မထုိုက်တန်လုို့ မရရှိတာကုိုလူ့အခွင့်အရေးဆုိုတဲ့ဝေါဟာရနဲ့တန်းညှိပြီး တောင်းဆုိုနေသူတွေဟာ လူ့အခွင့်အရေးချိုးဖောက်ရုံမကတော့ဘူး၊ လမင်းကုိုမနာလုိုဖြစ်ပြီးဆဲရေးတုိုင်းထွာနေတဲ့ လူ့ဗာလအဖြစ်ကုိုရောက်သွားတယ်။
 ဒါကြောင့် လူ့အခွင့်အရေးကုို အလေးမူကြသူများ “သဗ္ဗေသတ္တာ ကမ္မဿကာ” ဆုိုတဲ့
 ဒေသနာတော်ကုိုလဲ တချက်လောက်တော့ စောင်းလှည့်ကြည့်စေချင်ပါတယ်။

*~*~*~*~*~*~*~*

***ဓမ္မမိတ်ဆွေများ၏အမှာစကား***