Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Saturday, December 10, 2011

ဗုဒ္ဓဘာသာ ဇစ်မြစ် ( ၁၅ ) ဒါနပါရမီ

ဒါနပါရမီဟူသည် သူတော်ကောင်းတို့၏ မြင့်မြတ်သော ကရုဏာ မေတ္တာစသော စိတ်ထား နှလုံးသားတို့ဖြင့် စွန့်လွှတ်ပေးဆပ်လှုဒါန်း၍ဖြည့်ဆည်းရသော ပါရမီဖြစ်ကြောင်း ဗုဒ္ဓဘာသာဝင် သူတော်စင်များ အားလုံး သိကြသည်ပင်ဖြစ်၏။ သို့ဆိုလျှင် ၁။ မည်သည့်အရာများကိုစွန့်လွှတ်သနည်း၊ ၂။ မည်သည့်ရည်ရွယ်ချက်ဖြင့် စွန့်လွှတ်သနည်း၊ ၃။ မည်သို့သောအကြောင်းကြောင့် စွန့်လွှတ်သနည်း၊ ၄။ မည်သူ့အတွက် စွန့်လွှတ်ပေးဆပ်သနည်း စသည်ဖြင့် စဉ်းစားဘုိ့လို၏။ နားလည်ဘို့လည်းလို၏။ စွန့် လွှတ်သည့်အရာများမှာ
   ၁။ ဓနပရိစ္စာဂ၊ တိုင်းပြည်အပါအဝင် ပိုင်ဆိုင်သည့် စည်းစိမ် ဥစ္စာ ပစ္စည်းမှန်သမျှ အားလုံးကို စွန့်လွှတ်ခြင်း
   ၂။ ပုတ္တပရိစ္စာဂ၊ မိမိ၏ ရင်နှစ် သွေးသားအစစ်ဖြစ်သည့် သားနှင့်သမီးတို့ကို စွန့်လွှတ်ခြင်း
   ၃။ ဘရိယပရိစ္စာဂ၊ သစ္စာရှိခြင်း မေတ္တာပြည့်ဝခြင်း စိတ်ဓါတ်ခိုင်မာခြင်းစသော စိတ်ပိုင်းအရည်အသွေးများရော တင့်တယ်ချောမောလှပခြင်းဟူသော ရုပ်ပိုင်းအရည်အသွေးများပါ ပြည့်စုံသော ဇနီးမယားကို စွန့်လွှတ်ခြင်း
  ၄။ အင်္ဂပရိစ္စာဂ၊ မျက်စိ နား နှာ အသဲ အဆုပ် စသော ခန္ဓာကိုယ်အင်္ဂါအစိတ်အပိုင်းတို့ကို စွန့်လွှတ်ခြင်း
  ၅။ ဇီဝိတပရိစ္စာဂ၊ မိမိ၏အသက်ကိုပင် စွန့်လွှတ်ခြင်း ဟူ၍ အရာငါးမျိူးကိုစွန့်လွှတ်၏။ တနည်းဆိုသော် ဘဝ၏ အရာရာကို စွန့်လွှတ်၏။ ထိုအရာများအပြင် ဘဝတွင် စွန့်လွှတ်စရာဟူ၍ ဘာတစ်ခုမျှမကျန်ရှိတော့ပေ။ ထိုသို့စွန့်လွှတ်ရာဝယ် ရည်ရွယ်ချက်မဲ့စွာ အဓိပ္ပါယ်မဲ့ စွန့်ပစ်သည်မဟုတ်၊ စွန့်လွှတ်ခြင်း၏ ရည်ရွယ်ချက် အဟုတ်ကား သဗ္ဗညုတဥာဏ်တော်ရရှိရေး တနည်း ဘုရားဖြစ်ရေးပင်ဖြစ်၏။ မှန်၏။ သိစရာမှန်က မကျန်ရအောင် လုံးဝစုံလင် အကုန်မြင်သိနိုင်သော သဗ္ဗညုတဥာဏ်တော်ဖြင့်သာ လောကကောင်းကျိူး လောကုတ္တရာကောင်းကျိူးတို့ကို အလွန်မြင့်မြတ်သော အနှိုင်းမဲ့ လမ်းစဉ်ဖြင့် သယ်ပိုးနိုင်ပေလိမ့်မည်။ ထိုသို့စွန့်လွှတ်မှုရည်ရွယ်ချက်၏ မူလအကြောင်းရင်းသည်ကား  မိမိတို့၏ အတွင်းအဇ္ဈတ္တသန္တာန်ဝယ် အလွန်ခိုင်မြဲစွာတည်ရှိနေသော တဏှာ လောဘကိုပယ်သတ်ရေးပင်ဖြစ်၏။ တနည်း တဏှာလောဘကို ပယ်သတ်လိုသောကြောင့် စွန့်လွှတ်ခြင်းဖြစ်၏။ မှန်၏။ ကောင်းကောင်းဆိုးဆိုး အမျိူးမျိူးကို တပ်မက်ခင်မင်လိုချင်တတ်သော တဏှာကို ပယ်သတ်နိုင်မှသာလျှင် ၃၁ ဘုံသားတို့၏ကောင်းကျိူးကို အမွန်မြတ်ဆုံးနည်းဖြင့် ဆောင်ရွက်နိုင်ပေမည်။ ထို့ပြင် ထိုစွန့်လွှတ်မှုသည် မည်သူ့အတွက် စွန့်လွှတ်သနည်း ဟူမူ ၃၁ ဘုံသားတို့၏ ကောင်းကျိူးချမ်းသာအတွက် စွန့်လွတ်ခြင်းဖြစ်၏။ လူ့သားအတွက်သာ ကန့်သတ်၍ စွန့်လွှတ်သည်လည်းမဟုတ်၊ သူ့နိုင်ငံ သူ့လူမျိူး သူ့အသိုင်းအဝိုင်းအတွက်သက်သက်ကိုလည်းမရွယ်ရွယ်၊ သူ၏စွန့်လွှတ်ခြင်းသည် လူသားအတွက်လည်းပါ၏။ တိရစ္ဆာန်အတွက်လည်းပါ၏။ အပါယ်ဘုံသားများ ငရဲသားများအတွက်လည်းပါ၏။ နတ်ဒေဝါများ ဗြဟ္မာများအတွက်လည်းပါ၏။ အောက်အဝီစိ ဘုံသားမှစ၍ အထက် အဇဋာဗြဟ္မာဘုံသားများအတွက်ထိပါဝင်၏။ ထိုသို့ကြီးကျယ်မြင့်မြတ်လှစွာ စွန့်လွှတ်ဖြည့်ဆည်းရသော ဒါနပါရမီသည် ဖြည့်ကျင့်သူကို ကောင်းမြတ်သော စွမ်းအင်နှစ်ရပ်ကိုပေးလေ၏။ ၎င်းစွမ်းအင်နှစ်ရပ်ဟူသည် အတ္တဆန်၍ ကိုယ်ကျင့်တရားကင်းမဲ့စေသော အတွေးအခေါ် အယူအဆတို့ကို ထိန်းချုပ်နိုင်သော စွမ်းရည်နှင့် ကိုယ်ကျိူးမငဲ့ဘဲ ဖြူစင်သန့်ရှင်း မြင့်မြတ်သည့် အတွေးအခေါ်အယူအဆတို့ကို ဖွံ့ဖြိူးစေနိုင်သော စွမ်းရည်တို့ပင်ဖြစ်ပါ၏။ ထို့ပြင် ထိုဒါနပါရမီစိတ်ဓါတ်သည် မိမိ၏ ဆိုင်ရာဆိုင်ရာ ကောင်းမှုကုသိုလ်
လုပ်ငန်းဟူသမျှဝယ် ကျေနပ်စွာလုပ်ဆောင်နိုင်ခြင်း၊
ပျော်ရွှင်မှုကိုဖြစ်စေခြင်း၊ နှစ်သိမ့်မှုကိုရရှိခြင်း၊ စိတ်ဒုက္ခဝေဒနာများမှလွတ်မြောက်ခြင်း ဟူသော ကောင်းကျိူးတို့ကိုလည်း လက်ငင်းဒိဋ္ဌ ရစေဖြစ်စေနိုင်၏။ မှန်၏။ ထိုပါရမီစိတ်ဓါတ်သာ မရှိလျှင် ဆိုင်ရာ ကောင်းမှုကုသိုလ်လုပ်ငန်းဟူသမျှဝယ် ပျင်းရိခြင်း တက်ကြွမှုမရှိခြင်း
ကျေနပ်မှုကိုမရရှိခြင်းတို့သာ ဖြစ်ပေါ်လာပေလိမ့်မည်။  အထူးသဖြင့် ဒါနပါရမီသည် သုံးဆယ်တစ်ဘုံသားများအတွက် အသားအရောင် လူမျိူး အယူဝါဒ ယုံကြည်မှု အဆင့်အတန်း ဒေသ ဘုံဌာနစသည်တို့ဖြင့် မခွဲခြားဘဲ တစ်သားတည်းထားကာ စွန့်လွှတ်သည်မှန်သော်လည်း ကောင်းကျိူးမရှိသော အရာဌာနတွင်တော့ မျက်ကန်းသဘောဖြင့်  စွန့်လွှတ်လိမ့်မည်မဟုတ်ချေ။ အကြောင်းကား ဒါနပါရမီတွင် အသိဥာဏ်ကပ်ယှဉ်နေသောကြောင့်ပင်ဖြစ်၏။ ဥပမာအနေဖြင့် လူဆိုးတစ်ယောက်သည် အကူအညီလိုအပ်နေ၏။ ပါရမီရှင်ထံအကူအညီတောင်း၏။ ပါရမီရှင်၏ အကူအညီဖြင့် လောကအတွက် အန္တရာယ်တစ်စုံတစ်ရာပြုမည့်သူလည်းဖြစ်၏။ ထိုအကူအညီကို အလွဲသုံးစား ပြုမည်ဖြစ်၏။ ထိုသို့သော လူစားမျိူး အခြေအနေမျိူးတွင် ပါရမီရှင်သည် လုံးဝအကူအညီပေးလိမ့်မည်မဟုတ်ချေ။ အကယ်၍ အဆိပ်ပင်ရေလောင်းသကဲ့သို့ အသိဥာဏ်မဲ့စွာ စွန့်လွှတ်ကူညီလျှင်လည်း ထိုလုပ်ရပ်သည် ပါရမီသဘောမသက်ရောက်နိုင်တော့ချေ။ အမှန်စင်စစ် ဒါနပါရမီအရ စွန့်လွှတ်ခြင်းဟူသည် လောက၏ ကောင်းကျိူးဖြစ်ထွန်းနိုင်သော အခြေအနေ ဖြစ်ရပ်ဖြစ်စဉ်တို့၌သာ အသိဥာဏ်နှင့်ယှဉ်၍ စွန့်လွှတ်ပေးဆပ်ခြင်းဖြစ်လေ၏။

Sunday, December 4, 2011

ဗုဒ္ဓဘာသာ ဇစ်မြစ် ( ၁၄ ) ပါရမီဟူသည် ဘယ်အရာကို ခေါ်သနည်း

အမျိူးသမီးများ မရနိုင် မဖြစ်နိုင် မရောက်နိုင်သော အခြေအနေနှင့် ဘဝတို့မှာ
          ၁။ သဗ္ဗညုဘုရားရှင်နှင့် ပစ္စေကဗုဒ္ဓ အဖြစ်
         ၂။ စကြာဝတေးမင်းအဖြစ်
         ၃။ မဟာဗြဟ္မာမင်းအဖြစ်
         ၄။ သိကြားမင်းအဖြစ်
        ၅။ မာနတ်မင်းအဖြစ်
        ၆။ ဧဟိဘိက္ခုရဟန်းအဖြစ် တို့်ပေတည်း။ အထက်ပါ အခြေအနေရှိသော ဘဝတို့ကို ပိုင်ဆိုင်လို ဖြစ်လိုပါလျှင် အမျိူးသမီးဘဝမှ အမျိူးသားဘဝသို့ ရရှိရောက်ရှိအောင် ဦးစွာပထမ အားထုတ်ကြရမည်ဖြစ်၏။ အမျိူးသမီးနှင့် အမျိူးသားတို့အကြား နှိုင်းယှဉ်လေ့လာစရာများ မြောက်များစွာရှိသေးသော်လည်း ဤအကြောင်း ဤနေရာတွင်သာ ရပ်ပါမည်။ မူလဦးတည်ရေးသားမှုဖြစ်သော ဗုဒ္ဓဘာသာဇစ်မြစ်ဆီသို့ပြန်သွားပါမည်။ ဗုဒ္ဓဘာသာ၏ ဇစ်မြစ်အကြောင်းတရားတို့ကို စေ့ငုကြည့်သောအခါ ပါရမီသည်လည်း အဓိကအကြောင်းရင်းတွင် ပါဝင်နေသည်ကို တွေ့ရမည်ဖြစ်၏။ ဤနေရာ၌ ပါရမီ၏ ပုဒ်ပါဌ်အဖွင့်အဓိပ္ပါယ်တို့ကို မရေးတော့ဘဲ စာဖတ်သူများ အလွယ်တကူနားလည်နိုင်သော အဓိပ္ပါယ်စကားပြေကိုသာ ဦးစားပေး၍ ရေးသားပါမည်။ အမှန်စင်စစ် ပါရမီဟူသည် ကောင်းကောင်းဆိုးဆိုး အမျိူးအမျိူးဖြစ်နိုင်သော မည်သည့်တုန့်ပြန်ချက်ကိုမှ မမျှော်လင့် မကြောက်ရွံ့ဘဲ သဗ္ဗညုတဥာဏ်တော် ရရှိရေးကိုသာ ရှေးရှုအလေးဂရုပြုလျှက် ဘဝ၏ အရာရာကို စွန့်လွှတ်ပေးဆပ်အနစ်နာခံကာ လောကကောင်းကျိူးတို့ကို အနှိုင်းမဲ့သော ကရုဏာ မေတ္တာတို့ဖြင့် သယ်ပိုးဆောင်ရွက်ခြင်းပင်ဖြစ်၏။ ထိုပါရမီသည် ပုဂ္ဂိုလ်တစ်ဦးတစ်ယောက်တည်းကသာ ပိုင်ဆိုင်သောသဘောတရားလည်းမဟုတ်။ ငါတို့နှင့်မဆိုင် မြင့်မြတ်ကြီးကျယ်သော သူတို့နှင့်သာဆိုင်သော လမ်းစဉ်ဖြစ်သည် ဟူ၍ ဆင်ခြေပေးကာ ရှောင်လွှဲသင့်သော သဘောတရားလည်းမဟုတ်ချေ။ ထို့ပြင် မည်သူတစ်ဦးတစ်ယောက်ကမျှ အာဏာဖြင့်လွှမ်းမိုး ချုပ်ကိုင်ကာ ချယ်လှယ်ပိုင်ခွင့်လဲမရှိ။ ဥပဒေဖြင့်လည်း ကန့်သတ်ပိတ်ပင်၍ မရစကောင်း ဖြစ်ချေ၏။ ပါရမီလမ်းစဉ်သည် မြင့်မြတ်၏။ လွတ်လပ်၏။ ပွင့်လင်း၏။ ကျယ်ပြန့်၏။ ဖြူစင်သန့်ရှင်း၏။ တည်ကြည်ခိုင်ခန့်၏။ ဖြောင့်မတ်၏။ ပြည့်ဝ၏။ အေးမြစေ
၏။ နက်ရှိုင်း၏။ အစဉ်အမြဲ ကောင်းကျိူးကိုသာ ဦးတည်၏။ အစဉ်အမြဲ အခွင့်အလမ်းရှိ၏။ လောကအတွက် ဘယ်သောအခါမျှ သစ္စာမဖေါက်။ မည့်သည့်အကြောင်းကြောင့်မျှလည်း မေတ္တာမပျက်။ အနှောက်အယှက် အဟန့်အတားများအတွက် အာဃာတတရား အငြှိူးအတေး လုံးဝကင်းဝေး၏။ ထောင်လွှားမောက်မာသော မာန မရှိ။ ပါရမီ၏ မြင့်မြတ်သည့် ဂုဏ်တို့ကို ဖေါ်ပြရလျှင် များပြားလှ၏။ ချုပ်၍ဆိုရလျှင် ပါရမီဟူသည် ချွတ်ယွင်းအားနဲချက် အပြစ်အနာအဆာကင်းဝေးလျှက် အလွန်မြင့်မြတ်လှသည့် သူတော်ကောင်းတို့၏ လောကကောင်းကျိူးပြု လုပ်ငန်းစဉ် မူဝါဒသဘောတရားနှင့် ကျင့်စဉ်တို့သာလျှင်ဖြစ်၏ ဟုလည်းဆိုနိုင်ချိမ့်မည်။   နိုင်ငံတော်အခြေခံဥပဒေ လူမှုအဖွဲ့အစည်းဆိုင်ရာဥပဒေ စသည်တို့တွင် ပါရမီသဘောသက်ရောက်သည့် စည်းမျဉ်းစည်းကမ်းများပါဝင်အောင် ရေးစွဲချမှတ်ကာ ကျင့်သုံးကြလျှင် ဖွံ့ဖြိူးတိုးတက် အေးချမ်းသော နိုင်ငံများ လူမှုအဖွဲ့အစည်းများ ဖြစ်လာကြမည်မှာ ဧကန်ဧက ဟုပင်ဆိုချင်ပါ၏။ ကုလသမဂ္ဂအဖွဲ့အစည်းအပါအဝင် ယနေ့ဖွံ့ဖြိူးတိုးတက်သော နိုင်ငံနှင့်အဖွဲ့အစည်းများကိုကြည့်လျှင် အနည်းနှင့်အများ ( အပြည့်အဝမဟုတ်သော်လည်း ) ပါရမီသဘောသက်ရောက်သည့် တရားမျှတသော ဥပဒေတို့ကို ချမှတ်ကျင့်သုံးနေသည်ကို တွေ့နိုင်ပါမည်။ အကယ်၍ မဖွံ့ဖြိူး မတိုးတက်ဘဲ နောက်ကျကျန်နေခဲ့သော နိုင်ငံရှိလျှင် ထိုနိုင်ငံသည် တရားမျှတသော ဥပဒေနှင့် စည်းမျဉ်းစည်းကမ်းများကို ချတ်မှတ်ခြင်းလည်းမရှိ၊ ကျင့်သုံးမှုလည်းမရှိ၊ ပါရမီလမ်းစဉ်သဘောသက်ရောက်ဘို့ဆိုသည်မှာ စဉ်းစား၍မျှမရနိုင်သော နိုင်ငံနှင့်အဖွဲ့အစည်းဖြစ်မည်ဟု ယူဆမိ၏။ ထိုပါရမီ ထိုအဆင့်သို့ လူသားတိုင်း တစ်ဆင့်ပြီးတစ်ဆင့် တဖြည်းဖြည်း လျှေက်လှမ်းကြရမည်ဖြစ်၏။ လျှောက်လည်း လျှောက်လှမ်းသင့်၏။ ထိုသို့သာ လျှောက်လှမ်းကြလျှင် ယနေ့လူသားများ ကြုံတွေ့နေရသော အခက်အခဲများ ပြဿနာများ အနိဋ္ဌာရုံများ ပဋိပက္ခများ အားလုံးကင်းဝေး၍ ငြိမ်းအေးသော လူ့သားလောက ကမ္ဘာကြီးဖြစ်နေမည်မှာ မြေကြီးလက်ခတ်မလွဲပင်ဖြစ်ပေ၏။ ဘုရားအလောင်းအစရှိသော အလောင်းတော် သူတော်ကောင်းတို့သည်လည်း တစ်ဆင့်ပြီးတစ်ဆင့် တစ်ဘဝပြီးတစ်ဘဝ တဖြည်းဖြည်းဖြည့်ကျင့်ခဲ့ကြရ၏။ ဆိုလိုသည်မှာ ငါတို့နှင့်အလှမ်းဝေးပါတယ် ဟု ဆင်ခြေဆင်လက်ပေးကာ ရှောင်လွှဲစရာမလိုဘဲ လူသားတိုင်း ဖြည့်ကျင့်နိုင်သည့်လမ်းစဉ်ဖြစ်သည် ဟု ပြောလိုရင်းဖြစ်ပါ၏။ ပါရမီကို ဖြည့်ဆည်းလိုသူအတွက် နေရာဒေသမရွေး အချိန်မရွေး  အလုပ်မရွေး ပုဂ္ဂိုလ်မရွေး နယ်ပယ်မရွေး ဖြည့်ဆည်းနိုင်သော အခွင့်အလမ်းရှိ၏။ အသားအရောင်ခွဲခြားမှုမရှိ၊ လူမျိူးအားဖြင့်လည်း သတ်မှတ်မှုမရှိ၊ ရာထူး ဂုဏ်သိန် အဆင့်အတန်းလည်း မပိုင်းခြား၊ကိုးကွယ်ယုံကြည်မှု ယောကျာ်းမိန်းမ ကလေးလူကြီး ဇာတ်နိမ့် ဇာတ်မြင့် ပညာရှိ ပညာမဲ့ စည်းစိမ်ရှိ စည်းစိမ်မဲ့ ရုပ်အဆင်းလှသူနှင့် မလှသူ စသည်တို့ဖြင့်လည်း မတိုင်းတာဘဲ မည့်သည်နေရာ မည်သည့်အချိန် မည့်သည့် ခေတ်ကာလ မည်သည့်ပုဂ္ဂိုလ်မဆို ဖြည့်ကျင့်နိုင်သည့် အခွင့်အလမ်းအပြည့်အဝရှိသော လမ်းစဉ်ဖြစ်ပါ၏။ ပါရမီကို ဖြည့်ဆည်းသူအတွက် လောကကြီးကပို၍ ခက်ခဲကြမ်းတမ်းလေလေ ကြိူးစားဖြည့်ဆည်းဘို့အတွက် အခွင့်အလမ်းပို၍ကောင်းလေလေပင်ဖြစ်တော့၏။ အနှစ်သာရအားဖြင့် ပါရမီသည် ပြင်ပအခြေအနေ ဖြစ်ရပ်ဖြစ်စဉ်တို့၌ အဓိကအားဖြင့် အကြောင်းမခံဘဲ ပါရမီကို ဖြည့်ဆည်းလိုသူ၏ ရင်တွင်း အဇ္ဈတ္တသန္တာန်၌ရှိသော ကရုဏာနှင့် မေတ္တာစွမ်းအားတို့တွင်သာ အဓိကအားဖြင့် မူတည်ပါ၏။ အမှန်စင်စစ် ပါရမီဟူသည် လူသားတိုင်းနှင့်သက်ဆိုင်ပီး လောကကောင်းကျိူးကို အထက်တန်းကျကျ ကျယ်ကျယ်ပြန့်ပြန့် လေးလေးနက်နက် ထိရောက်စွာ ဆောင်ရွက်သယ်ပိုးလိုသူတိုင်း ဖြည့်ကျင့်ရမည့် လမ်းစဉ်လည်းဖြစ်၏ဟုဆိုချင်၏။  ထိုလမ်းစဉ်သည် မဟာယာနဗုဒ္ဓဘာသာ အလိုအရ ပါရမီ ခြောက်ပါးရှိ၏။ မိမိတို့ ထေရဝါဒ ဗုဒ္ဓဘာသာအလိုအရ ပါရမီဆယ်ပါးရှိကြောင်း လူတိုင်းသိကြ၏။ မဟာယာန ဗုဒ္ဓဘာသာ အလိုအရ ပါရမီခြောက်ပါးသည် အောက်ပါအတိုင်းဖြစ်၏။
          ၁။ ဒါနပါရမီ၊
         ၂။ သီလပါရမီ
         ၃။ ခန္တီပါရမီ
         ၄။ ဝီရိယပါရမီ
         ၅။ ဈာနပါရမီ ( ဝါ ) သမာဓိပါရမီ
         ၆။ ပညာပါရမီ တို့ပင်ဖြစ်၏။ ထို့ပြင် မဟာယာနကျမ်းတစ်ကျမ်းဖြစ်သော ဒသဘူမိကသုတ်တော်အရ ပါရမီဆယ်ပါးအဖြစ်ရေတွက်လိုလျှင် အောက်ပါ ပါရမီလေးမျိူးကိုထည့်သွင်းရေတွက်ရမည်ဖြစ်ကြောင်း ပြဆိုလေ၏။
၎င်းတို့မှာ ၁။ ဥပါယပါရမီ
            ၂။ အဓိဋ္ဌာနပါရမီ
            ၃။ ဗလပါရမီ
            ၄။ဥာဏပါရမီ ဟူ၍ဖြစ်လေ၏။
မိမိတို့၏ ထေရဝါဒကျမ်းစာများအလိုအရ ပါရမီဆယ်ပါးဟူသည်မှာ ဤသို့ဖြစ်၏။
             ၁။ ဒါနပါရမီ
             ၂။ သီလပါရမီ
             ၃။ နေက္ခမ္မပါရမီ
             ၄။ပညာပါရမီ
            ၅။ ဝီရိယပါရမီ
            ၆။ခန္တီပါရမီ
            ၇။ သစ္စာပါရမီ
            ၈။ အဓိဋ္ဌာနပါရမီ
            ၉။ မေတ္တာပါရမီ
           ၁၀။ ဥပေက္ခာပါရမီ တို့ပေတည်း။ အထက်ပါ ထေရဝါဒနှင့် မဟာယာနဝါဒတို့တွင်လာရှိသည့် ပါရမီတို့ကို နှိုင်းယှဉ်ကြည့်လျှင် ဒါန သီလ ခန္တီ ဝီရိယ နှင့် ပညာပါရမီဟူသောငါးပါးတို့သည် အတူတူပင်ဖြစ်သည်ကို တွေ့ရမည်ဖြစ်၏။ မဟာယာနတွင်လာရှိသော ပါရမီခြောက်ပါးတွင် ဈာနပါရမီ ( ဝါ ) သမာဓိပါရမီသည်သာ ကွဲပြားကြောင်းတွေ့ရပေမည်။ ထိုပါရမီတို့၏ တစ်ခုချင်းအဓိပ္ပါယ်အကျဉ်းမှာ  ဤသို့ဖြစ်၏။

***ဓမ္မမိတ်ဆွေများ၏အမှာစကား***