Helsinki Time
Yangon (Rangoon) Time
လူ့အခွင့်အရေးဆုိုတာ
“ နွားထီးငါးကျပ် နွားမငါးကျပ်၊ ဗူးသီးတမတ်၊ ကြက်သားတမတ်၊ ရွှေလဲတမတ် ကြေးလဲတမတ် ”
ဈေးညှိတဲ့ဝေါဟာရမဟုတ်ဘူး။ လူတဦးချင်းစီရဲ့ ကောင်းသောအရည်အချင်းတွေနဲ့လျော်ညီစွာ ရရှိသင့်တဲ့အခွင့်အရေးကုိုအပ်နှင်းသင့်တယ်။ အရည်အချင်းကောင်းပုိုများသူကုို အခွင့်အရေးကောင်းပုိုပေးသင့်တယ်။ အရည်အချင်းနဲသူကုို အခွင့်အရေးလျှော့ချသင့်တယ်။ အရည်အချင်းဆုိုရာမှာ ပညာအရည်အချင်း ကုိုယ်ကျင့်အရည်အချင်း စိတ်ဓာတ်အရည်အချင်းစသဖြင့်အားလုံးပါဝင်တယ်။
အရာရာမတူညီတဲ့လူတွေအကြားမှာ လူ့အခွင့်အရေးဆုိုတဲ့ဝေါဟာရကုို
မြိန်ရှက်စွာသုံးစွဲခြင်းဖြင့် ဇွတ်အတင်းညီမျှခြင်းဆွဲကြလျှင် အတောမသတ်နုိုင်သော လူမှုရောင်စုံပြဿနာတုို့ကုိုဖန်တီးရာရောက်နုိုင်တယ်။
တကယ်တော့ လူ့အခွင့်အရေးဆုိုတာ
“လူသားတုိုင်းဟာတရားမျှတသော စည်းကမ်းများ နည်းလမ်းများ ဥပဒေများနှင့်အညီ
မိမိလုိုချင်သည့်အရာ၊ လျှောက်ချင်သည့်လမ်း၊ မျှော်မှန်းသည့်ပန်းတုိုင်တုို့သုို့
တူညီစွာအရောက်လှမ်းနုိုင်ခွင့် ဆွတ်ခူးနုိုင်ခွင့်ရှိတာကုိုဆုိုလုိုတာဖြစ်တယ်” ။
သုို့သော် ကံ ဥာဏ် ဝီရိယအားနဲ့လျော်ညီစွာသာရနုိုင် ရောက်နုိုင်တယ်။ ကံ ဥာဏ် ဝီရိယအားနဲ့မထုိုက်တန်လုို့ မရရှိတာကုိုလူ့အခွင့်အရေးဆုိုတဲ့ဝေါဟာရနဲ့တန်းညှိပြီး တောင်းဆုိုနေသူတွေဟာ လူ့အခွင့်အရေးချိုးဖောက်ရုံမကတော့ဘူး၊ လမင်းကုိုမနာလုိုဖြစ်ပြီးဆဲရေးတုိုင်းထွာနေတဲ့ လူ့ဗာလအဖြစ်ကုိုရောက်သွားတယ်။
ဒါကြောင့် လူ့အခွင့်အရေးကုို အလေးမူကြသူများ “သဗ္ဗေသတ္တာ ကမ္မဿကာ” ဆုိုတဲ့
ဒေသနာတော်ကုိုလဲ တချက်လောက်တော့ စောင်းလှည့်ကြည့်စေချင်ပါတယ်။
*~*~*~*~*~*~*~*
*~*~*~*~*~*~*~*
0 comments:
Post a Comment