ဒုိုင်ယာရီအပုိုင်းအစလေးများ ( ၂၂ ) ငါက ဗုဒ္ဓယာန

ထုိုနေ့ ဒုတိယပုိုင်း သင်တန်းသည် ထူးခြားသောမေးခွန်းများမရှိဘဲ အလွယ်တကူပင်ပြီးဆုံးခဲ့သည်။ ထုိုနေ့ညအတွက် ဟယ်ဆင်ကီမြို့ ရှိ ဦးအောင်ခုိုင်+ဒေါ်မိမိပုို မိသားစုမှ ပင့်ဖိတ်ထားသဖြင့် သူတုို့အိမ်သုို့သွားရောက်ကိန်းစက်အနားယူရသည်။ သူတုို့အိမ်တွင် တည်းခုိုကိန်းစက်ရသည်မှာလည်း လုိုလေသေးမရှိအောင်ပြုစုပေးသဖြင့် အဆင်ပြေလှသည်။ အထူးသဖြင့် နံနက်ခင်းအာရုံဆွမ်းအတွက် နန်းကြီးသုပ်ဘုန်းပေးရသည်မှာ ဥရောပတွင်နေထုိုင်သောရဟန်းတပါးအနေဖြင့် ရှားရှားပါးပါး မဟာဒုတ်ဆွမ်းပင်ဖြစ်သည်။ တနင်္ဂနွေနေ့နံနက်တွင် ဦးအောင်ခုိုင်နှင့်ဦးညိမ်းမုိုးတုို့မှ သင်တန်းရှိရာဌာနသုို့ ကားဖြင့်လုိုက်ပုို့ပေးကြသည်။ ထုိုနေ့ နံနက်ခင်း Buddhism ပုို့ချချက်များနှင့်ပတ်သက်၍ မေးခွန်းများမေးရန် ဖိတ်ခေါ်သော်လည်း မေးစရာမရှိအောင် ရှင်းလင်းကြောင်းပြောပြကြသဖြင့်သက်သာခွင့်ရခဲ့သည်။ နံနက်ခင်း ပုို့ချချက်များပြီးဆုံးသဖြင့် နေ့လည်ဆွမ်းကပ်ရန် ဖင်းစားသောက်ဆုိုင်သုို့ပင့်သွားကြသည်။ ဆုိုင်မှာသားသတ်လွတ်ဆုိုင်ဖြစ်ပြီး ဟင်းအမယ်များမှာလည်း ( ၂၀ ) နီးပါးခန့်ရှိမည်ထင်သည်။ 
အချို့ ဟင်းများကုို စားလည်းမစားဖူး မြင်လည်းမမြင်ဖူးသောကြောင့် မြည်းစမ်းကြည့်ရုံမျှသာထည့်ရသည်။

 ယမန်နှစ်က ဖင်းလူမျိူးများဆွမ်းကပ်စဉ်ဝယ် အစိမ်းရောင်ဂေါ်ဖီပန်းပွင့်အကြော်ကုို ကောင်းလိမ့်မည်အထင်ဖြင့် ထည့်၍ဘုန်းပေးခဲ့လေရာ ပါးစပ်ထဲရောက်ခါမှ ဘယ်လုိုမှမခံနုိုင်သော အနံ့ဆုိုး၏ရုိုက်ခတ်မှုကြောင့် ဆွမ်းမစားနုိုင်ဘဲ ဖြစ်ခဲ့ရသည်။ သူတို့ရုိုးရာ ဟင်းခတ်အမွှေးအကြိုင်သည် မိမိအတွက် အရသာမတုိုးဘဲ အနံ့ဆုိုးသာဖြစ်ခဲ့သည်။ သုို့နှင့် ဆွမ်းမစားရဘဲ ဒုက္ကရစရိယာမှတ်တမ်းဝင်ခဲ့သောနေ့ကြုံခဲ့ရဖူးသည်။ ထုိုအတွေ့အကြုံအရ ဒုက္ကရစရိယာမှတ်တမ်း နောက်တစ်ကြိမ်မဝင်လုိုသောကြောင့် ခပ်ကြောက်ကြောက်နှင့်ပင် မြည်းစမ်းကာဘုန်းပေးရသော နေ့ထူးနေ့မြတ်ဖြစ်ခဲ့ရပေသတတ်။

ဆွမ်းဘုန်းပေးပြီးသောအခါ ဘေးချင်းကပ်လျှက်ရှိသောကော်ဖီဆုိုင်သုို့ ခရီးဆက်ကြသည်။ ကော်ဖီဆုိုင်မှဖွင့်ထားသော သီချင်းကုိုနားထောင်ရင်း Mikko Koponen ဟူသောအမျိူးသားတစ်ယောက်က ယနေ့ခေတ်ဂီတ၏ ငြိမ့်ငြောင်းသာယာမှုမရှိပုံ၊ ကကွက်ကဟန်တုို့သည်လည်း ယခင်နှင့်မတူပြောင်းလဲလာပုံနှင့် ယနေ့ခေတ်အနုပညာများကုို သူခံစား၍မရကြောင်းတုို့ကုို ပြောပြနေသည်။ “ အော် သူတုို့လဲ တုို့နုိုင်ငံကရှေးလူကြီးတွေလုိုပါပဲလား ” ဟု မှတ်ချက်ပြုမိသည်။ သုို့နှင့်ထွေရာလေးပါးပြောဖြစ်ကြရင်း သူကပင် မေးခွန်းထုတ်လာပြန်သည်။ သူကား Buddhism ကုိုအလွန်စိတ်ဝင်စားထက်သန်သူဖြစ်သည့်ပြင် အလွန်ရုိုသေကုိုင်းရှိုင်းသူလည်းဖြစ်သည်။

မှတ်မိသေးတော့သည်။ မိမိဟယ်ဆင်ကီတွင် သီတင်းသုံးစဉ်က Mikko သည် မိမိကိုဆွမ်းစားပင့်ခဲ့ဖူးပြီး ဆွမ်းဘုန်းပေးပြီး၍ သူ့ကားဖြင့်ပြန်လုိုက်ပုို့သည့်အခါ ကားထဲတွင်မိမိကမေးလုိုက်သည်။ ( ထုိုစဉ်က ယခုလောက် မရင်းနှီး မသိရှိသေး ) “ မင်းက မဟာယာနဗုဒ္ဓဘာသာလား ထေရဝါဒဗုဒ္ဓဘာသာလား ”  “ ငါက မဟာယာနလည်းမဟုတ်၊ ထေရဝါဒလည်းမဟုတ်ဘူး၊ ဗုဒ္ဓယာနပါ၊ ဗုဒ္ဓလမ်းစဉ်ကုိုပဲ ကျင့်သုံးတယ်၊ ဘယ်ဂုိုဏ်းကပဲဖြစ်ဖြစ် ဗုဒ္ဓဟောတဲ့တရားဆုိုရင် လက်ခံတယ် ”  ဤသုို့မဆုိုင်းမတွပြန်ဖြေခဲ့ဖူးသည်ကုို အမှတ်ရမိသည်။ ဗုဒ္ဓဓမ္မအပေါ် သူ၏သဘောထားနှင့်အမြင်ပင်ဖြစ်သည်။ သူ၏ဗုဒ္ဓဓမ္မအပေါ် ရှုမြင်မှုသည် အစွဲကင်းသည်ဟု ယူဆမိသည်။ မိမိကလည်း ငါကမင်းကုိုခွဲခြားတဲ့အနေနဲ့ မေးခြင်းမဟုတ်၊ အကျိူးအကြောင်းသိရုံမျှသာ မေးခြင်းဖြစ်ကြောင်းပြောပြသည့်အခါ သူနားလည်ပါကြောင်းနှင့်ပြဿနာမရှိကြောင်း ပြန်လည်ပြောပြခဲ့ဖူးသည်။

သူတုို့အဖွဲ့ သည် အခါအားလျော်စွာ မိမိကျောင်းသုို့လာရောက်ပြီး ဝေယျာဝစ္စများလုပ်ရင်း ဓမ္မအကြောင်းများကုိုဆွေးနွေးခဲ့ကြဖူးသည်။ ဆွေးနွေးမှုတုို့သည် နွေးထွေးမှုနှင့်အေးချမ်းမှုတုို့အပြင် ဓမ္မအသိဥာဏ်နှင့်သဒ္ဓါတရားကုိုပါ မြှင့်တင်နုိုင်ခဲ့သည်။ ထုို့နောက် ဒေါက်တာဘွဲ့ အတွက် ကျမ်းရေးပြီးသောအခါ မိမိကအိန္ဒိယသုို့ ကျမ်းတင်ရန်ပြန်သွားရသဖြင့် သူတုို့နှင့်အဆက်အသွယ်ပြတ်သွားခဲ့သည်။ ယခင်လ ဓာတ်တော်ပူဇော်ပွဲတွင် သူနှင့်အမှတ်မထင်ပြန်လည်ဆုံတွေ့ဖြစ်ခဲ့ပြီး ဤသင်တန်းစဖြစ်သောအချိန်တွင်ကား အတော်ပင်ရင်းနှီးမှုဖြစ်ခဲ့သည်။ အပြန်အလှန်နားလည်မှုဖြင့်ပုို၍နွေးထွေးသော လေးစားသော ဆက်ဆံရေးဖြစ်ခဲ့သည်။ ထုို့ကြောင့် သူသည် ပေါ့ပါးလွတ်လပ်စွာမေးလေ့ရှိပြီး မိမိကလည်း ပေ့ါပါးလွတ်လပ်စွာပင်ဖြေဖြစ်ပါသည်။ ယခုတကြိမ် မေးသောမေးခွန်းသည်ကား အလွန်စိတ်ဝင်စားဖွယ်လည်းဖြစ်ပြီးလျှင် အလေးအနက်ထား၍ ဖြေဆုိုရသောမေးခွန်းလည်းဖြစ်သည်။ ….။ ( ဆက်လက်ဖေါ်ပြပါမည် )