နာယကအခြေခံဥပဒေ

“ ဆရာတော်ဘုရား ... နာယကဂုဏ် ၆ ပါး၊ မိတ်ဆွေကောင်းတို့ ၏လက္ခဏာများ (သို့ ) ဂုဏ်ပုဒ် များ၊ မင်းကျင့်တရား ၁၀ ပါး တို့ ကို လင်္ကာ အပါအ၀င် သင့်သမျှအကျယ်နှင့်တကွ တပည့်တော် သိလို၊ မှတ်လိုပါသဖြင့် တပည့်တော်၏ အီးမေးဖြင့် ရှင်းလင်းသင်ပြပေးပါရန် လက်ဆယ်ဖြာဦးထက်မိုးလျှက် ရှစ်ခိုးကန်တော့ တောင်းခံအပ်ပါတယ်ဘုရား။ ”

ဖင်လန်နုိုင်ငံ ကူအုိုပီအိုမြို့  ဒကာကြီးဦးဇော်ဝင်းမှ မိမိအားအထက်ပါအတုိုင်း ဖေ့စ်ဘုတ်ပေါ်မှ လျှောက်ထားတောင်းခံလာပါသည်။ “ အခွင့်သင့် အလျဉ်းသင့်သလုို ရှင်းပြပေးပါမည် ဒကာကြီး ” ဟု မိမိက လက်ခံသည့်အနေဖြင့်ဖေ့စ်ဘုတ်ပေါ်မှပင် အကြောင်းပြန်ထားခဲ့သည်။ မိမိသည် သင်ယူလေ့လာစရာနှင့်အခြားဖတ်မှတ်စရာများစွာရှိသော်လည်း ဤကဲ့သုို့ ဒကာ/ဒကာမများက

သိလုိုရေးဖြင့်မေးမြန်းလာသောအချက်များကုို မေတ္တာနှလုံးသွင်း၍လက်ခံဖြေဆုိုပေးခြင်းသည်လည်း ရဟန်းတော်တစ်ပါးအတွက်လျော်ကန်သင့်မြတ်သောအလုပ်ပင်ဖြစ်သည်ကတကြောင်း၊ အများသူငါသိသင့်သိထုိုက်သော မေးခွန်းဖြစ်သည်လည်းတကြောင်းကြောင့်ကုိုယ်ပိုင်အလုပ်ချိန်

များမှ အချိန်ကုိုအကျိူးရှိရှိဖဲ့ယူသုံးစွဲကာ ဖြေဆုိုလုိုက်ပါသည်။

အထက်ပါအမေးတွင် ၁။ နာယကဂုဏ်ခြောက်ပါး၊ ၂။ မိတ်ဆွေကောင်းတုို့၏ လက္ခဏာများ (သုို့) ဂုဏ်ပုဒ်များ၊ ၃။ မင်းကျင့်တရား (၁၀) ပါး ဟူ၍ သိလုိုသောအချက် သုံးချက်ပါဝင်ပါသည်။ အဆုိုပါ သုံးချက်စလုံးသည် အဓိပ္ဗါယ်ရှိရှိ အနှစ်သာရပြည့်ဝစွာဖြင့်ရှင်သန်လုိုသောလူသားတစ်ယောက်အနေဖြင့် သိသင့်သိထုိုက်သော အရေးကြီးသည့်ဘဝစည်းကမ်းနည်းလမ်းများပင်ဖြစ်သည်။ သက်ဆုိုင်ရာဘဝအသီးသီးအတွက် လမ်းညွှန်တရားဟုလည်း ဆုိုနုိုင်သည်။ နာယကဖြစ်သူမှာ နာယကတုို့လုိုက်နာရမည့်စည်းကမ်းများ ကျင့်ထုံးများကုိုသိဖုို့လုိုအပ်သလုို လူမှုအပေါင်းအသင်းနှင့်

ကင်းကွာ၍ မရနုိုင်သောလူသားတစ်ဦးအနေဖြင့်လည်း မိတ်ဆွေကောင်းနှင့်မိတ်ဆွေယုတ်တုို့၏ သဘောလက္ခဏာများကုို ကွဲပြားစွာနားလည်ထားဖုို့လိုအပ်လှသည်။ မင်းဖြစ်သူသည်လည်း မင်းနှင့်ဆုိုင်သော ကျင့်ဝတ်များကုို သိဖုို့နှင့်အမှန်တကယ်လုိုက်နာဖုို့အရေးကြီးကြောင်းမှာ ပြောပြစရာမလုိုအောင်ပင်ထင်ရှားလှသည်။  အချက်ပါသိလုိုသောအကြောင်းအရာသုံးမျိူးတွင် နာယကဂုဏ်ခြောက်ပါးကုို ဦးစွာဖြေဆုိုပါမည်။

"နာယကဂုဏ်ခြောက်ပါး"

ခမာ ဇာဂရိ ယုဋ္ဌာနံ၊ သံဝိဘာဂေါ ဒယိက္ခဏာ။

နာယကဿ ဂုဏာဧတေ၊ ဣစ္ဆိတဗ္ဗာ သတံ ဂုဏာ။

( လောကနီတိ ဂါထာနံပါတ် ၁၁၉ )

အဓိပ္ဗါယ်မှာ ၁။ သည်းခံခြင်း၊ ၂။ နုိုးကြားခြင်း၊ ၃။ လုံ့လဝီရိယရှိခြင်း၊ ၄။ ခွဲဝေပေးကမ်းခြင်း၊ ၅။ သနားကြင်နာခြင်း၊ ၆။ အမျှော်အမြင်ရှိခြင်း တုို့သည် 
အဖွဲ့ အစည်း၏အကြီးအကဲဖြစ်သူ မိဘဖြစ်သူနှင့်အစုိုးရလုပ်သူတုို့၏ ဂုဏ်ကျေးဇူးများဖြစ်သည်။ ရှိထား သိထား ကျင့်သုံးရမည့် စည်းကမ်းနှင့် နည်းလမ်းတုို့ဖြစ်သည်။ သူတော်ကောင်းတုို့ နှစ်သက်မြတ်နုိုးသော စည်းကမ်းနည်းလမ်းများဖြစ်သည် ဟုဆုိုလုိုပါသည်။

အနည်းငယ်ချဲ့ ပါမည်။ ဤနေရာ၌ နံပါတ် ၁။ ခမာ၊ သည်းခံခြင်းဟူသည် ဘုရားအလောင်းတော်ခန္တီဝါဒီရှင်ရသေ့အား   ကလာဗုမင်းက ကြမ်းတမ်းရုိုင်းပြစွာပြောဆုို ရုိုက်နှက်ညှင်းဆဲပြီးလျှင် လက်ဖြတ် ခြေထောက်ဖြတ် နှာခေါင်းဖြတ် နားရွက်ဖြတ် ခေါင်းဖြတ်ခြင်းခံရသည်ကုို ရှင်ရသေ့မှ ဘာမျှမခုခံ မတုန့်ပြန်ဘဲ သေသည်အထိ သည်းခံသွားသည့် သည်းခံခြင်းမျိူးကုိုမဆုိုလုိုပါ။ ထုိုကဲ့သုို့ သော သည်းခံခြင်းမျိူးသည် ခန္တီပါရမီကုို ဖြည့်ဆည်းတော်မူသော ဘုရားအလောင်းတော်တုို့၏ သဗ္ဗညုတဥာဏ်တော်ရရှိရေး ကျင့်စဉ် လမ်းစဉ်သာလျှင်ဖြစ်သည်။

ဤနေရာ၌ “ဆုိုလုိုသောသည်းခံခြင်းဟူသည် မိသားတစု သုို့မဟုတ်
 အဖွဲ့ အစည်းတစ်ခုခု သုို့မဟုတ် နုိုင်ငံတနုိုင်ငံကုိုဦးဆောင်ရသည့်အခါ လက်လောက်ငယ်သားများ၏အထင်အမြင်လွဲမှားမှုကြောင့်

ဖြစ်စေ သုို့မဟုတ် ပြိုင်ဘက်များ၏ မလုိုလားမှုကြောင့်ဖြစ်စေ ဝေဘန်ပုတ်ခတ်ပြောဆုိုသံများကုို သည်းခံရမည်။ ဟုတ်လျှင်ဟုတ်မှန်သည့်အတုိုင်းဝန်ခံရမည်။ မဟုတ်လျှင် မဟုတ်သည့်အတုိုင်း တရားမျှတသောဥပဒေဘောင်အတွင်းမှ တည်ငြိမ်စွာရှင်းလင်းပြောကြားရမည်၊ မှန်ကန်စွာသတင်းထုတ်ပြန်ပေးရမည် ” ဟုဆုိုလုိုပါသည်။ အကြောင်းမှာ ပုထုဇဉ်တုို့၏ဥာဉ်အရ အကြီးအကဲဖြစ်လာလျှင် “ ငါက ဥက္ကဋ္ဌပဲ အတွင်းရေးမှုးပဲ ဝန်ကြီးချုပ်ပဲ သမ္မတပဲ ” ဟု မသိစိတ်တွင် မထင်မရှားဖြစ်စေ၊ ထင်ထင်ရှားရှားဖြစ်စေ အတ္တမာနစိတ်ကား ဝင်ရောက်လာတတ်စမြဲဖြစ်သည်။ ထုိုအတ္တစိတ်ကလေးကား ကြာလာသည်နှင့်အမျှ ရင်တွင်းသန္တာန်ဝယ် နူးညံ့သိမ်မွေ့ သည့်အဆင့်မှ ခုိုင်မာပြင်းထန်သောအဆင့်သုို့ရောက်ရှိလာတတ်သည်။ 
အချို့ ကလည်း နူးညံ့စွာရက်စက်တတ်သည့်အခြေအနေသုို့ရောက်ရှိလာတတ်သည်။ 
မည်သုို့ဆုိုစေ အသိဥာဏ်သာရှေ့ သွားမပြု ဦးမစီးပါက ထုိုပြင်းထန်ကြမ်းတမ်းရက်စက်တတ်သောအဆင့်သုို့

အလွယ်တကူပင်ရောက်ရှိတတ်လေသည်။

အဆုိုပါ အဆင့်သုို့ရောက်ရှိလာသောအတ္တကုို ထိန်းသိမ်းဖုို့အရေးမှာ မုန်ယုိုသောဆင်တကောင်ပမာ ထိန်းသိမ်းရခက်ပေမည်။ ထုိုအခါ လက်အောက်ငယ်သားများ၏ ကျိူးကြောင်းတင်ပြချက်များကုိုလည်း အလေးမထား ဂရုမစုိုက်ဘဲ “ ငါပြောသည်သာအမှန်၊ ငါတွေးသည်သာအဟုတ်၊ ငါလုပ်သည်သာ ကောင်းကျိူးရှိတယ် ” ဟု မှောက်မှားစွာမြင့်တက်လာသောအတ္တဘဝင်စိတ်ဖြင့် အများတကာကုို

နှိပ်စက်မိတော့သည်။ ထုိုသုို့ အတ္တကြီး၍ သည်းခံခြင်းကင်းလာသောအခါ ဒေါသအလျောက်ပြုမူဆောက်ရွက်တော့သည်။ ဒေါသစိတ်ဖြင့် အကောင်အထည်ဖေါ်တော့သည်။ အပ်/မအပ်၊ ရာ/မရာ၊ သင့်/မသင့်ကုိုမချင့်ချိန်တော့။ လက်အောက်ငယ်သားအများ၏ ဆန္ဒကုိုမလေးစားတော့။ ထုိုသုို့ဆင်ခြင်ဥာဏ်ကင်းမဲ့စွာ ငယ်သားများ၏ဆန္ဒကုိုလည်းမလေးစားတော့ဘဲ ဒေါသအလုိုကျဆောင်ရွက်သည်ကုို
 ဒေါသာဂတိဟုခေါ်ဆုိုသည်။ ဒေါသရှေ့ သွားပြု၍ ဆောင်ရွက်ခြင်းလည်းဖြစ်သည်။

ထုို့ပြင် သည်းခံစိတ်ကင်းသောအကြီးအကဲသည် အမှားအမှန်နှင့်ကောင်းကျိူးရှိခြင်း မရှိခြင်းကုို အလေးမထားတော့ဘဲ သူ၏ပုဂ္ဂလိကဆန္ဒအလျောက် ဆောက်ရွက်တော့သည်။ သူ၏ဆန္ဒသည် မူဝါဒဖြစ်လာသည်၊ ပန်းတုိုင်ဖြစ်လာသည်၊ မျှော်မှန်းချက်ဖြစ်လာသည်၊ ဖြတ်ထုံးဖြစ်လာသည်၊ သူတဦးတည်း၏ပုဂ္ဂလိကဆန္ဒကုို တရားဥပဒေဆုိုသောနာမည်ဖြင့် ကင်ပွန်းတပ်ကာ သတ်မှတ်ပြဋ္ဌာန်းလာသည်အထိပင် ဆန္ဒနယ်နမိတ်ကျော်လွန်လာသည်။ ဤသည်ကုို ဆန္ဒာဂတိဟုခေါ်သည်။

၎င်းနောက် ကြာလာသည်နှင့်အမျှ သူ၏ဦးဆောင်မှုအမှားများနှင့်သူ၏ကျူးလွန်မှုများ

အတွက် တရားခံဖြစ်မှာကုိုကြောက်လာသည်။ သူကုိုယ်တုိုင်၏အမှားများအတွက် တာဝန်မခံရဲဖြစ်လာသည်။ တာဝန်ယူလုပ်ခဲ့စဉ်က သည်းခံခြင်းကင်းမဲ့စွာ အတ္တစိတ်များ၊ ဒေါသာဂတိများ၊ ဆန္ဒာဂတိများတုို့နှင့်လွဲမှားစွာဆောင်ရွက်ခဲ့မှုများအတွက် တာဝန်ခံချိန်ရောက်လာတော့ ခေါင်းရှောင်ချင်လာသည်၊ တာဝန်ခံရမှာကုိုကြောက်လာသည်။ တာဝန်ယူခြင်းနှင့်တာဝန်ခံခြင်း (Responsibility and accountability) တုို့ ရှေ့ နောက်မညီဖြစ်လာသည်။ ထုိုအခါ မမျှတသော မတရားသောနည်းလမ်းများကုို ကကြိူးကုန်အောင်မျိူးစုံသုံး၍ သူ့ကုိုယ်သူကာကွယ်တော့သည်။ ယုတ္တိမတန်သောဆင်ခြေများ၊ ခုိုင်မာမှုမရှိသောအကြောင်းပြချက်များဖြင့်လှည့်စားဖုို့ကြိူးစားလာ

တော့သည်။ တဖက်သားကုို အပြစ်ပုံချလာသည်။ ဤသုို့ တာဝန်ခံရမည်ကုိုကြောက်သောကြောင့် သုို့မဟုတ် တရားခံဖြစ်ကာပြစ်ဒဏ်ခံရမည်ကုိုကြောက်သောကြောင့် သုို့မဟုတ် အထက်နှင့်အောက်စသည်တုို့မှ ဖိအားများကုိုကြောက်သောကြောင့် အမှန်ကုိုကျောခုိုင်းကာ လွဲလွဲမှားမှားဆောင်ရွက်သည်ကုို ဘယာဂတိဟုခေါ်သည်။ (ဆက်ပါဦးမည်)