Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Monday, October 6, 2014

ဒုိုင်ယာရီအပုိုင်းအစလေးများ ( ၂၀ ) Knowledge and understanding


မေးခွန်း…..၉။ ရှင်းပြသွားတဲ့အထဲမှာ Knowledge အကြောင်းကုိုအလေးပေးသွားတာတွေ့ရတယ်။ Knowledge နဲ့ understanding ၊ ဒီနှစ်ခုဟာ ဘာကွာခြားသလဲ? ဘယ်ဟာကပုိုအရေးကြီးသလဲ? သိချင်ပါတယ်။ 
ဖြေ…….၉။ အေး၊ ဒီစကားလုံးနှစ်လုံးရဲ့ အဓိပ္ဗါယ်ကုို အဘိဓာန်မှာဘယ်လုိုဖွင့်လဲ ဆုိုတာငါမသိဘူး။ ခုတော့ အဘိဓာန်လဲပါမလာတော့ အခက်သားပဲ။ မင်းမေးတာကလည်း အဘိဓာန်ရဲ့အဖွင့်ကုိုမေးတာမဟုတ်လောက်ဘူး။ ငါ့ရဲ့ ပုဂ္ဂလိကအမြင်ကုိုပဲ မင်းသိချင်တာဖြစ်မယ်ထင်တယ်။ အဲလုို ဟုတ်တယ်မလား? ဟု မိမိကမေးလိုက်သည်တွင် Mikko Kopnen ကား စူးစုိုက်စွာနားထောင်ရင်းက ပြုံးလျှက်ခေါင်းညိတ်ပြသည်။ 

  ငါ့ရဲ့အမြင်အရပြောရရင် Knowledge and understanding ဒီနှစ်ခုဟာ ဘာမှမထူးဘူး။ ဝေါဟာရအရ စာလုံးပေါင်းရော အသံထွက်ပါကွဲပြားနေပေမယ့် အဓိပ္ဗါယ်ကတော့ အတူတူပဲလုို့ငါထင်တယ်။
ဒီစကားနှစ်လုံးရဲ့အဓိပ္ဗါယ်ဟာ နယ်ပယ်တုိုင်းမှာ အသုံးဝင်တယ်။ အရေးလဲကြီးတယ်လုို့မြင်တယ်။ ဥပမာ မိသားစုဆက်ဆံရေးပေါ့။ မင်းတုို့ဇနီးမောင်နှံနှစ်ယောက်ရဲ့အကြားကဆက်ဆံရေး၊ မိဘနဲ့သာသမီးအကြားကဆက်ဆံရေးဆုိုပါဆုို့။ အဲဒီအကြားတွေမှာ တစ်ဦးနဲ့တစ်ဦး Mutual understanding or reciprocal knowledge မရှိဘူးဆုိုရင် ချစ်နေတယ်ဆုိုရင်တောင် ပြဿနာဖြစ်နုိုင်တယ်။ တဦးနဲ့တဦးဟာ ဒီအပြန်အလှန် သိမြင်နားလည်မှုရှိနေရင် မချစ်ဘူးဆုိုရင်တောင် ပြဿနာမဖြစ်နုိုင်ဘူး။ အဆင်ပြေနုိုင်တယ်။ ဒါကြောင့် မိသားစုအတွင်းမှာ ဒီစကားလုံးရဲ့အဓိပ္ဗါယ်ဟာ သိပ်တန်ဘုိုးကြီးပါတယ်။

နောက်တခါ လူမှုဆက်ဆံရေးကုိုကြည့်လုိုက်အုံး။ အခုမင်းတုို့နဲ့ငါဆက်ဆံရတယ်။ ငါက အာရှသား။ မင်းတုို့က ဥရောပသားတွေ။ အစားအစားလဲ ကွဲတယ်၊ ယဉ်ကျေးမှုလဲ မတူဘူး။ ဘာသာစကား၊ အသားအရောင်၊ ကြီးပြင်းခဲ့ရတဲ့ ဘဝသမုိုင်းနောက်ခံ၊ လူမျိူး ဒါတွေအားလုံးမတူဘူး။ ဒါပေမယ့် ဒီမှာ အတူတူ အေးအေးချမ်းချမ်းနဲ့ သံသယကင်းကင်းနဲ့ အတူလက်တွဲပြီးတော့ ဓမ္မကုို ဆွေးနွေးကြတယ်။ ငါကလဲ မင်းတုို့ကုို လေးလေးစားစားသင်ပေးတယ်။ မင်းတုို့ကလဲ လေးလေးစားစားပဲ သင်ယူနေကြတာပဲ။ အဓိကအကြောင်းရင်းက Social knowledge or Social understanding ပဲ။ ဒါမရှိရင် မင်းတုို့နဲ့ငါနဲ့ ဒီလုိုဆွေးနွေးလုို့မရဘူး။ မလေးစားနုိုင်ဘူး။

   နောက်တခု ခေါင်းထဲပေါ်လာလုို့ ပြောအုံးမယ်ကွာ။ ထုတ်လုပ်ရေးကုမ္မဏီတခုဟာလဲ ဒီအပြန်အလှန်သိမြင်နားလည်မှုလုိုအပ်တာပါပဲ။ ကုန်ပစ္စည်းတွေထုတ်တဲ့အခါ သုံးစွဲသူတွေရဲ့ အကြိုက်စရုိုက်ကုို ကုမ္မဏီကနားလည်ရမယ်။ သုံးစွဲသူတွေရဲ့ သုံးစွဲလုိုအား သုံးစွဲနုိုင်အားတွေကုို သိနားလည်ရမယ်။ ဒါမှသာ ဒီကုမ္မဏီအောင်မြင်မယ်။ သုံးစွဲသူတွေရော ထုတ်လုပ်တဲ့ ကုမ္မဏီရော နှစ်ဦးနှစ်ဖက် ကောင်းကျိူးရမယ်။ ဒါဟာ ထုတ်လုပ်သူနဲ့သုံးစွဲသူတုို့ရဲ့ အပြန်အလှန်သိနားလည်မှု Mutual understanding ပဲ။ ဒီထက်ချဲ့ တွေးရင်လဲ အများကြီးပဲ။ နုိုင်ငံရေးနယ်ပယ်၊ ပညာသင်ကြားရေးနယ်ပယ်၊ နေ့စဉ်လူမှုဘဝနယ်ပယ်တွေမှာလဲ ဒီ အပြန်အလှန်သိနားလည်မှုဟာ အရမ်းအသုံးတည့်တယ်။ အရမ်းအရေးကြီးပါတယ်။

 ဘယ်ဟာကပုိုလုို့အရေးကြီးသလဲဆုိုတာနဲ့ပတ်သက်လုို့တော့ အဓိပ္ဗါယ်ကအတူတူပဲဆုိုတော့ ဘယ်ဟာကပုိုအရေးကြိးတယ်လုို့ ခွဲပြောလုို့မှမရတာပဲ။ အေး ခွဲပြောရရင်တော့ Knowledge ကြောင့် Understanding ဖြစ်တယ်။ Understanding ကြောင့် Knowledge ဖြစ်တယ်။ အကြောင်းအကျိူးဆက်စပ်နေတယ်။ ဒီနှစ်ခုဟာ ဘယ်ဟာကမှ ပုိုလုို့အရေးးကြီးတယ်ပြောလုို့မရဘူး။ အတူတူအရေးကြီးတာပဲလုို့ ငါမြင်တယ်။ မိမိလည်း ခေါင်းထဲဝယ်ပေါ်လာသမျှကုို ဤသုို့ အကျယ်တဝင့်ပြောပြလုိုက်တော့သည်။ သူကလည်း အလွန်နှစ်သက်သည့်အပြုံးဖြင့် “ အရမ်းကောင်းတယ်၊ အရမ်းကောင်းတယ် ” ဟုတဖွဖွပြောလေတော့သည်။ ပြီးသည်နှင့် နေ့လည်ဆွမ်းအတွက် စားသောက်ဆုိုင်သုို့ ပင့်သွားကြလေသည်။ အားနှင့်မာန်နှင့်ပြောဆုိုထားရသည်မုို့ ဗုိုက်ကလည်းဆာနေပေပြီ။
မှတ်ချက်။ မိမိနေရာပြန်ရောက်သည့်အခါ New Oxford American Dictionary မှ Oxford American Writer’s Thesaurus ကုိုဖွင့်ကြည့်လုိုက်သည့်အခါ ထုိုစကားလုံးနှစ်လုံးသည် အဓိပ္ဗါယ်အတူတူပင်ဖြစ်နေသည်ကုို အံ့သြစွာ တွေ့ရှိရပြီး အထင်ဖြင့်မှန်းပြောလုိုက်သည်မှာ မှန်သွားသဖြင့် ကျေနပ်မိတော့သည်။ ( ဆက်လက်ဖေါ်ပြပါမည် )



Saturday, October 4, 2014

ဒုိုင်ယာရီအပုိုင်းအစလေးများ ( ၁၉ ) ခြားနားချက်


၂၇.၀၉.၁၄ ရက် စနေနေ့တွင် ဒုတိယအပတ်သင်တန်းပြန်စရသည်။ ယခုအပတ်တော့ ဟုိုတယ်တွင်မတည်းခုိုတော့ဘဲ ဟယ်ဆင်ကီမြို့ ရှိ မြန်မာဒကာ ဒကာမများကပင့်ဖိတ်သဖြင့် မြန်မာအိမ်များတွင် တည်းခုိုရသည်။ မြန်မာများ၏ ပင့်ဖိတ်ချက်ကြောင့် ဖင်းလူမျိူးတုို့၏ အစီအစဉ်များကုို ရပ်ဆုိုင်းစေလုိုက်သည်။ မြန်မာ ဒကာ/မများကလည်း ဤသင်တန်းအတွက်ဝမ်းသာကြသည်။ ကုိုမုိုက်ကယ်+မအေးနုိုင်သန်းမိသာစုက ကြိုပုို့မှအစ အရာရာအဆင်ပြေအောင် ဆောင်ရွက်ပေးသည်။ သုို့နှင့် ထုိုနေ့နံနက် ( ၁၀ ) နာရီတွင် Buddhism ဖြင့်သင်တန်းကုိုစတင်ခဲ့သည်။

ဗုဒ္ဓဓမ္မကုို ယုံကြည်တဲ့နေရာမှာ ကုိုယ်ပုိုင်အသိဥာဏ်ဖြင့် ပြတ်ပြတ်သားသား ယုံကြည်ဖုို့လုိုအပ်ကြောင်း၊ တကယ်တော့ အစစ်အမှန်ယုံကြည်မှုဆုိုတာ ကုိုယ်ပုိုင်ဥာဏ်ပညာနဲ့ကုိုယ်တုိုင်သိမြင်နားလည်ခြင်းဖြစ်ကြောင်း၊ ဒါကြောင့် ဓမ္မစကြာသုတ်မှာ စက္ခုံ ဥဒပါဒိ၊ ဥာဏံ ဥဒပါဒိ၊ ဝိဇ္ဖာ ဥဒပါဒိ၊ ပညာ ဥဒပါဒိ၊ ဝိဇ္ဖာ ဥဒပါဒိ၊ အာလောကော ဥဒပါဒိ/  There arose in me the eye, the knowledge, the wisdom, the insight and the light. ဟုသာဟောကြောင်း၊ စစ်မှန်တဲ့ ဓမ္မကုို ယုံကြည်တယ်ဆုိုတာဟာ ဥာဏ်မျက်စိပွင့်လာတာ၊ အသိဥာဏ်တွေဖြစ်ပေါ်လာတာ၊ ကြောင်းကျိူးတွေကုို ကုိုယ်တုိုင်သိနားလည်လာတာ၊ ထုိုးထွင်းသိမြင်လာတာ၊ ဥာဏ်အလင်းရောင်ကုို ကုိုယ်တုိုင်ရရှိလာတာ၊ အဲဒီဥာဏ်မျက်စိတွေနဲ့ သဘာဝတရားရဲ့အဖြစ်မှန်တွေကုို သဘာဝအရှိအတုိုင်း သိမြင်နားလည်သွားတာ၊ အဲဒီအသိအမြင်တွေနဲ့ ယုံကြည်သွားတာကုို ဆုိုလုိုခြင်းဖြစ်ကြောင်း အေးအေးဆေးဆေး အကျယ်ချဲ့ ကာ ရှင်းပြလုိုက်သည်။

အခြားဘာသာတရားများတွင်တော့ ဒီလုိုကုိုယ်တုိုင် တုိုက်ရုိုက်သိမြင်နားလည်စေရန်နှင့် သစ္စာဥာဏ်ရရှိရန် သင်ကြားပေးခြင်းမရှိဘဲ ဖန်ဆင်းရှင်ဘုရားသခင်ကိုသာ မဖြစ်မနေယုံကြည်ဖုို့ အလေးထားသင်ကြားပေးကြောင်း၊ ယုံကြည်မှုနဲ့ဆုတောင်းခြင်းသည် အရေးကြီးသောအချက်ဖြစ်ကြောင်း၊ မကောင်းတာတွေကုို လုပ်ချင်တုိုင်းလုပ်ပြီးမှ ယုံကြည်ဆုတောင်းရုံသက်သက်ဖြင့် အပြစ်ကလွတ်မြောက်သည်ဟုဆုိုခြင်းသည်လည်းကောင်း၊ ဘာမကောင်းမှုကုိုမျှမလုပ်ဘဲ အလွန်ရုိုးသားဖြောင့်မတ်သူတစ်ဦးဟာ ဖန်ဆင်းရှင်ကုိုမယုံကြည် ဆုမတောင်းရုံမျှဖြင့် အပြစ်ရှိသည်ဟုဆုိုကာ အပြစ်ပေးခြင်းသည်လည်းကောင်း လုံးဝကြောင်းကျိူးမဆီလျော်ကြောင်း၊ မွေးကတည်းက ဘာအကုသိုလ်မှမလုပ်တဲ့ အလွန်ဖြောင့်မတ်တဲ့ သူတော်ကောင်းတစ်ယောက်ဟာ မွေးရာပါအပြစ်သားဖြစ်တယ်လုို့ သင်ပြပေးခြင်းဟာလဲ လူသားရဲ့အရည်အချင်းကုို ချိူးနှိမ်ခြင်းသာဖြစ်ကြောင်း၊ လူသားရဲ့လွတ်မြောက်ရေးအတွက် လူသား၏အရည်အချင်း အစွမ်းအစများကုိုအသုံးမပြုရဘဲ ဖန်ဆင်းရှင်ထံမှာ အားလုံးဦးညွတ်အရှုံးပေးထားရကြောင်း၊ လူသား၏ အစွမ်းအစနှင့်အခန်းကဏ္ဍသည်အလွန်မှေးမှိန်စွာရှင်သန်ရကြောင်းနှင့် ဒီကနေ့ တွေ့ရှိထားတဲ့ ပညာရပ်များအရဖြစ်စေ ယထာဘူတဥာဏ်ရင့်သန်သူများအနေဖြင့်ဖြစ်စေ ဤကမ္ဘာကုို မည်သူတစ်ဦးတစ်ယောက်ကမျှ ဖန်ဆင်းမထားသည်မှာ အထင်အရှားပင်ဖြစ်ကြောင်း၊ ဒါတွေဟာ ဗုဒ္ဓဓမ္မနဲ့အခြားဘာသာတရားတုို့ရဲ့ ခြားနားချက်ဖြစ်ကြောင်း စသည်ဖြင့် လေးလေးနက်နက် အချိန်ယူကာ ရှင်းပြလုိုက်သည်။

( ဤကဲ့သုို အခြားဘာသာတရားများနှင့်နှိုင်းယှဉ်ကာရှင်းပြလုိုက်ရခြင်းသည် အခြားဘာသာများကုို စော်ကားလုို၍မဟုတ်ဘဲ ဗုဒ္ဓဓမ္မ၏သဘောသဘာဝကုို ထင်ရှားစေလုိုသောကြောင့်ဖြစ်ပါသည်။ အခြားဘာသာများနှင့်ဗုဒ္ဓဓမ္မအကြားဝယ် ဤခြားနားချက်သည် အမှန်တရားလည်းဖြစ်၍ မိမိလုပ်ကြံ၍ပြောခြင်းလည်းမဟုတ်ပါ။ ဒီထက်ခြားနားကွဲပြားသောအရာများကုို အလျဉ်းသင့်သည့်အခါ ဖေါ်ပြပါဦးမည်။ )


မိမိ၏ ရှင်းပြချက်ပြီးဆုံးသွားသည့်အခါ Mikko Koponen ဟူသောအမျိူးသားတစ်ယောက်က ဤသုို့ မေးခွန်းတစ်ခုမေးလာသည်။
 ( ဆက်လက်ဖေါ်ပြပါမည် )

ဒုိုင်ယာရီအပုိုင်းအစလေးများ ( ၁၈ ) ကြိူးစားခြင်း၏ရလာဘ်


အမှန်စင်စစ် မေးခွန်းရှင်၏ ငြင်းဆုိုချက်သည် အနုိုင်ရလုိုမှုသဘောမပါဘဲ ယုတ္တိယုတ္တာခုိုင်မာသော အဖြေတစ်ခုကုို သူသိချင်နေကြောင်းမှာ ထင်ရှားလှသည်။ သုို့နှင့်မိမိကလည်း ဤသုို့ရှင်းပြလုိုက်သည်။ “ Evolution of man ” လူသားရဲ့ဆင့်ကဲပြောင်းလဲမှုဖြစ်စဉ်ကုို စဉ်းစားရင် ထင်ရှားပါတယ်။ ကမ္ဘာဦးလူသားဟာ ဒီကနေ့ငါတုို့ခေတ်လူသားတွေနဲ့ အများကြီးကွာခြားခဲ့ပြီ။ ပြောင်းလဲခဲ့ပြီ။ lifestyle တွေ ပြောင်းလဲခဲ့ပြီ။ living-standard တွေလဲ အများကြီးကွာခြားခဲ့ပြီ။ ဒါတွေဟာ ခုချက်ချင်းကြီးပြောင်းလဲလာတာမဟုတ်ဘူး။ တရွေ့ ရွေ့ နဲ့တဆင့်ပြီးတဆင့်ပြောင်းလာတာဖြစ်တယ်။ လူသားတွေရဲ့ အုပ်ချုပ်မှုပုံသဏ္ဍာန်တွေ၊ စားဝတ်နေရေးရှာဖွေမှုပုံသဏ္ဍာန်တွေ၊ စားသောက် နေထုိုင်ပုံတွေ၊ လူမှုဆက်ဆံရေးပုံသဏ္ဍာန်တွေ၊ ဘာသာစကားအသုံးအနှုန်းအနှုန်းတွေ၊ ပညာသင်ကြားရေးစနစ်တွေ စသည်ဖြင့် အရာရာတုိုင်းဟာ တုိုးတက်ပြောင်းလဲလာခဲ့တယ်။

ဒီအပြောင်းအလဲတွေအားလုံးဟာ စိတ်ကြောင့်ပြောင်းလဲလာတာပဲ။ ပညာတတ်ချင်တဲ့စိတ်မရှိလုို့ မသင်ရင် မတတ်ဘူး။ မတတ်ရင် ဒီကမ္ဘာကြီးဟာ ပြောင်းလဲခဲ့မှာမဟုတ်ဘူး။ ကမ္ဘာဦးကအတုိုင်းပဲဆက် ရှိနေအုံးမှာပဲ။ ဒါကမျက်မှောက်ခေတ်သမုိုင်းမှတ်တမ်းတင်ထားနုိုင်သလောက်ပြောတာ။ မြတ်ဗုဒ္ဓဟောထားတဲ့ ကမ္ဘာဦးခေတ်မှာတုန်းက လူသားတွေဟာ ကုိုယ်ရောင်ကိုယ်ဝါတွေရှိခဲ့တယ်။ နေလတွေမပေါ်သေးဘူး။ အဲဒီကိုယ်ရောင်ကုိုယ်ဝါနဲ့ပဲ အလင်းရောင်ရနေခဲ့တာ။ ( အမှာ။    ။ မျက်မှောက်ခေတ် သမုိုင်းဆရာများ၏အလုိုအရမဟုတ်၊ ဗုဒ္ဓ၏တရားတော်အရ ပြောခြင်းဖြစ်သည်။ မျက်မှောက်ခေတ်သမုိုင်းဆရာများကား လွန်ခဲ့သော နှစ်သန်းလေးဆယ်လောက်က အခြေအနေထက်ပုို၍ မပြောနုိုင်ကြသေး ) ခုလုို ရုပ်အစားအစာတွေမစားသေးဘူး။ နာမ်အစားအစာပဲစားနေခဲ့တာ။ အဲဒီနာမ်အစားအစာဆုိုတာ ဈ န်ကြောင့်ဖြစ်တဲ့ပီတိပါပဲ။ အဲဒီပီတိကုိုပဲ သုံးဆောင်ခံစားရင်း အသက်ရှင်သန်နေခဲ့တာ။ အာဟာရလေးမျိူးထဲမှာ ဝိညာဏာဟာရလုို့ ( ပီတိအာဟာရ ) ပြောရမယ်။ အဲဒီလို နာမ်အာဟာရကုိုသာ စားသုံးလျှက် အသက်ရှင်သန်နေခဲ့ကြတဲ့ကာလဟာ နှစ်သန်းပေါင်းများစွာကြာခဲ့တယ်။ မျိူးဆက်ပေါင်းများစွာကြာခဲ့တယ်။ အဲဒီကာလတွေမှာ လူသားတွေဟာ ကောင်းကင်မှာကျက်စားနေနုိုင်ခဲ့တယ်။  

နောက်ပုိုင်းမှာ နွားနုို့မလုိုင်ဖတ်ကဲ့သုို့ နူးညံ့လှတဲ့မြေဆီလွှာကုိုစားမိခြင်းကြောင့် ရသတဏှာဖြစ်လာခဲ့တယ်။ အဲဒီတဏှာကြောင့် မူလရှိတဲ့ ကုိုယ်ရောင်ကုိုယ်ဝါတွေပျောက်သွားခဲ့တယ်။ ( ပီတိနှင့်နှိုင်းစာလျှင်မြေဆီလွှာကား ကြမ်းတမ်းလှသည် ) အဲဒီအခါမှာ ကမ္ဘာကြီးဟာ အလင်းရောင်မရှိတော့ဘူး။ ဒီတော့ လူသားတွေက အမုိုက်တုိုက်ကြီးထဲမှာနေရတာကုို
ကြောက်လာကြတယ်။ ဒါနဲ့ အလင်းရောင်ကုိုတမ်းတကြတယ်။ ရဲရင့်တဲ့အလင်းရောင်ကြီးပေါ်ပေါက်ပါစေ လုို့ စိတ်ဆန္ဒပြုကာတောင့်တကြတယ်။ ဒါကြောင့် ရဲရင့်စေတဲ့ “သူရိယ” ဆုိုတဲ့ နေဟာပေါ်ပေါက်လာခဲ့တယ်။ ပါဠိမှာ နေကုို သူရိယလုို့ခေါ်တယ်။ နေကွယ်ပျောက်သွားပြန်တော့ တဖန်ကြောက်ကြပြန်တယ်။ ဒါနဲ့လူသားတွေက ပထမပေါ်လာတဲ့ သူရိယက အလင်းရောင်လဲပေးတယ်။ အပူဓာတ်လဲပေးတယ်။ ဒီတစ်ခါတော့ အေးမြတဲ့ဓာတ်ကုိုပေးတဲ့ အလင်းရောင်ပေါ်ရင် ကောင်းမှာပဲ၊ ပေါ်ပါစေလုို့ ဆန္ဒပြုတမ်းတကြတယ်။ ဒီစိတ်ဆန္ဒပြုတဲ့အခါ အေးမြတဲ့အလင်းရောင်ရှိတဲ့ လဟာပေါ်ပေါက်လာခဲ့တယ်။ လကုိုပါဠိမှာ ဆန္ဒာလုို့သုံးတယ်။ နောက်ပုိုင်းမှာတော့ စာလုံးပေါင်းပါပြောင်းလဲလာပီးတော့ စန္ဒာလုို့ ဖြစ်လာတယ်။ အဲဒီလုို နေလတွေပေါ်ပေါက်လာပြီးတော့ မြေဆီလွှာကုိုသာ စားသုံးကာရှင်သန်ခဲ့တဲ့ကာလကလဲ နှစ်သန်းများစွာကြာခဲ့တယ်။

တကယ်တော့ ဒါဟာဘယ်သူတစ်ဦးတစ်ယောက်ကမျှ ဖန်ဆင်းတာမဟုတ်ဘဲ သဘာဝနိယာမဖြစ်စဉ်ကြီးပါ။ ဒီဖြစ်စဉ်ကြီးထဲမှာ လနေတုို့ပေါ်ထွက်လာဘုို့အတွက် လူသားတွေရဲ့စိတ်ဆန္ဒဟာအရေးကြီးတဲ့
အစိတ်အပုိုင်းဖြစ်ခဲ့တယ်။ ဒါကြောင့် လနဲ့နေတုို့ဖြစ်ပေါ်လာတာဟာ လူသားတွေရဲ့စိတ်ဆန္ဒနဲ့မကင်းခဲ့ဘူး။ တနည်းပြောရရင် လူသားတွေရဲ့ လုပ်ရပ်တွေဟာ လူသားတွေနေထုိုင်ရာ ကမ္ဘာကြီးရဲ့ဖြစ်ရပ်တွေနဲ့ ကျိူးကြောင်းဆက်နွယ်နေတယ်။ လူ့စိတ်က သီးခြားဖြစ်ပြီးတော့ ကမ္ဘာကြီးက သီးခြားဖြစ်နေတာမဟုတ်ဘူး။ ကမ္ဘာ့ဖြစ်စဉ်ကြီးနဲ့လူသားတွေရဲ့ စိတ်ဓာတ် လုပ်ရပ်တွေဟာ ဆက်နွယ်နေတယ်။ ဒီကနေ့ကမ္ဘာ့ ရာသီဥတုပြောင်းလဲမှု သဘာဝပတ်ဝန်းကျင်ပြောင်းလဲလာမှုတွေကုို စဉ်းစားကြည့်ရင် လူသားရဲ့စိတ်ဟာ အရေးကြီးလှကြောင်း ထင်ရှားပါတယ်။

 ဤရှင်းပြချက်ကုို နားထောင်ရင်း ဤသုို့ဆုိုလာပြန်သည်။ “ ဒါဆုို အခြားသတ္တဝါတွေရဲ့ စိတ်ဆန္ဒမပါဘဲ လူသားရဲ့စိတ်ကြောင့်သာ ဖြစ်ပေါ်လာတယ်လုို့ ယူဆရမှာလား ” တဲ့။ “ အေး ဟုတ်တယ်။ ဒီစကြာဝဠာမှာ လူသားသာလျှင်ပဓာနဖြစ်တယ်၊ ဘယ်ဖန်ဆင်းရှင် တန်ခုိုးရှင်ရဲ့စိတ်ကြောင့်မှမဟုတ်ဘူး ” ဟု မိမိကပြောပြလုိုက်သည့်အခါ သူက “ ခု မင်းပြောပြတာတွေဟာ ဘုရားဟောသလား ” တဲ့။ “ ဘုရားဟောထားတာပေါ့ကွ ” ဟု မိမိကဆုိုသောအခါ “ ဒါဆုိုရင် ဘယ်ထဲမှာဟောလဲ၊  ဇာတကမှာလား၊ သုတ္တန်မှာလား ” ဟု စူးစမ်းလာပြန်သည်။ ( သူကား ဇာတကနှင့်သုတ္တန်အကြောင်း တစေ့တစောင်းလေ့လာထားဟန်ရှိသည် ) “ သုတ္တန်မှာဟောထားတယ်။ အဂ္ဂညသုတ်ပဲ ” ဟု ပြောလုိုက်ရာ “ အုိုကေ၊ ယက်စ် ” ဟုဆုိုကာ နှုတ်ဆိတ်သွားလေတော့သည်။ ( ဒီဃနိကာယ်၊ ပါထိကဝဂ်ပါဠိတော်၊ အဂ္ဂညသုတ် )

ဤသုို့ဖြင့် ပထမအပတ် အဘိဓမ္မာသင်တန်းကားပြီးဆုံးခဲ့သည်။ သင်တန်းပြီးဆုံးသွားသည့်အခါ မိမိက သင်တန်းသားများအား ငါသင်ကြားပေးတာကုို ကျေနပ်မှုရှိကြလားဟု မေးလုိုက်ရာ အားလုံးက အလွန်ကျေနပ်အားရကြောင်း၊ အထူးကျေးဇူးတင်ကြောင်းနှင့် အင်္ဂလိပ်စကားကလည်း မနှေးလွန်းမမြန်လွန်းဘဲ သူတုို့အတွက် အလွန်ရှင်းလင်းစွာနားလည်ကြောင်း ပြောပြကြသည်။ မိမိအနေဖြင့်လည်း အကျိူးအမြတ်အများကြီးကျန်ရှိခဲ့သည်။ ၎င်းမှာ  “ ကုိုယ့်ကုိုယ်ကုို ယုံကြည်မှုပုိုရခဲ့သည်။ သူတုို့အားလုံးကျေနပ်ကြသလုို ကုိုယ်တုိုင်လည်း ကျေနပ်မှုခံစားရသည်။ ငယ်စဉ်ဘဝမှစ၍ ဘဝ၏အချိန်များစွာကုိုရင်းနှီးကာ ကြိူးစားခြင်း၏ဆုလာဘ်ကား “ ဤသန့်စင်သော ပီတိ ” ပင်ဖြစ်တော့သည်။ ဤဆုလာဘ် ဤအမြတ်အစွန်းသည် မိမိအတွက်ကြီးမားသော ခွန်အားပင်ဖြစ်သည်။ ကမ္ဘာဦးလူသားများကား ပီတိနှင့်အသက်ရှင်သန်ခဲ့ကြသည်။ မိမိလည်း ပီတိစား၍ လောကဓမ္မကောင်းကျိူးများကုို စွမ်းနုိုင်သလောက် သယ်ပုိုးရပေဦးမည်။ အခါအားလျော်စွာ ဤသို့သောပီတိမျိူးကုို ယခင်ကလည်း ခံစားရခဲ့ဖူးသည်။ နောင်လည်းခံစားချင်ပါသည်။ စာဖတ်သူများလည်း ပီတိဓာတ် ကူးစက်ပါစေ။  ( ဆက်လက်ဖေါ်ပြပါမည် )


Thursday, October 2, 2014

ဒုိုင်ယာရီအပုိုင်းအစလေးများ ( ၁၇ ) အမှောင်ထဲမှာ တဝဲလည်လည်



မေးခွန်း….၈။ ဒါဆုိုရင် လတွေ နေတွေကုိုဘယ်သူကဖန်ဆင်းတာလဲ? စိတ်ကပဲ ဖန်ဆင်းတာလား?

ဖြေ…..၈။ “ ဟုတ်တယ်။ လနဲ့နေတုို့ ဖြစ်ပေါ်လာတဲ့ကိစ္စမှာလဲ စိတ်ဟာ အဓိကကျတဲ့ အကြောင်းရင်းတစ်ချက်ဖြစ်တယ်။  သဘာဝနိယာမဖြစ်စဉ်ကြီးထဲမှာ စိတ်ရဲ့တမ်းတချက်ကြောင့်ဖြစ်ပေါ်လာတာပဲ ”  ဟု မိမိက ပြောလိုက်သည်။ ထုိုစဉ်  “ ငါကတော့ မယုံချင်ဘူး။ Discoveries တွေနဲ့ ခေတ်သစ်ပညာရှင်တွေရဲ့ အယူအဆတွေကုိုလေ့လာကြည့်ရင် စိတ်နဲ့မသက်ဆုိုင်ပါဘူး၊ သဘာဝနိယာမဖြစ်စဉ်ကြီးသက်သက်ပါ။ စိတ်ကြောင့် ဖြစ်လာတယ်ဆုိုတာကုို ငါလက်မခံနုိုင်ဘူး ” ဟု မေးခွန်းရှင်က ပြောင်ပြောင်တင်းတင်းပင် ငြင်းချက်ထုတ်လာသည်။ တနည်းဆုိုသော် ပွင့်လင်းလွတ်လပ်စွာ ဆွေးနွေးခြင်းပင်ဖြစ်သည်။ မိမိကလည်း ဤကဲ့သုို့ အပြန်အလှန်ဆွေးနွေးခြင်းကုို နှစ်သက်သူဖြစ်သောကြောင့် သူ၏ထပ်ဆင့်အမေးသည် မိမိအတွက် ကျေနပ်စရာပင်ဖြစ်ခဲ့သည်။

မိမိငယ်စဉ်ကလည်း သိချင်သည့်အချက်များကုို နီးစပ်ရာပုဂ္ဂိုလ်များအား ပွင့်လင်းစွာမေးဖူးသည်။ မေးမိတုိုင်းလည်း အများစုက မကြိုက်ကြပေ။ ဤမေးခွန်းမကြိုက်သည့် အလေ့အထသည် ရွှေပြည်တွင်သာမဟုတ်၊ ပွင့်လင်းမြင်သာမှု ( Transparency ) ကုို အလေးထားပါသည်ဆုိုသော ပြည်ပရောက် ရွှေမြန်မာများသော်မှ ဆွေးနွေးဖူးသည့်အခါတုိုင်း မသိသည့်အရာများကုို မသိဘူးဟု ရုိုးရှင်းစွာဝန်ခံရမည့်အစား ပြန်လည်၍ထုိုးနှက်ခြင်းဖြင့် တုန့်ပြန်ကြသည်ကုိုသာ အများစုတွေ့ဖူးပါသည်။ မင်္ဂလသုတ် ပရိတ်ကြီးတွင် “ ကာလေန ဓမ္မသာကစ္ဆာ ဧတံ မင်္ဂလမုတ္တမံ ၊ အခွင့်ရ သင့်တော်သည့်အချိန်တွင် ကြောင်းကျိူးတရားများကုို ဆွေးနွေးခြင်းသည် ကြီးပွါးကြောင်း ဖြစ်သည် ” ဟု မြတ်ဗုဒ္ဓဘုရားရှင် ဟောကြားတော်မူခဲ့ပါသည်။ ထုို့ကြောင့် ရုိုးသားစွာမေးမြန်းခြင်း ဆွေးနွေးခြင်းသည် မြတ်ဗုဒ္ဓအလုိုတော်ကျသာဖြစ်သည်။ သုို့သော် ဗုဒ္ဓဘာသာဝင်ဟု နာမည်ခံထားကြသော လူအများစုကြီးသည် အထက်တန်းဓမ္မများကုိုမဆုိုထားဘိ မြတ်ဗုဒ္ဓ၏ နေ့စဉ်လူမှုဘဝလမ်းညွှန်ချက်လေးများနှင့်ပင်ဝေးနေကြဆဲဖြစ်သည်ကုို ဝမ်းနဲဖွယ်ရာ တွေ့ရှိရသည်။ ထုို့ကြောင့်လည်း ဗုဒ္ဓဘာသာနုိုင်ငံများ ဆင်းရဲနေကြသည်ဟု မိမိယူဆသည်။

မေးခွန်းကုိုမဖြေဆုိုမီ ဆွေးနွေးခြင်းနှင့်ပတ်သက်၍ မိမိ၏အမြင်ကုိုစာဖတ်သူများအား အနည်းငယ်တင်ပြချင်သည်။ ရုိုးသားသောစိတ်ဖြင့်လွတ်လပ်စွာဆွေးနွေးမေးမြန်းခြင်းသည် ယနေ့ဖွံ့ ဖြိူးသောလူမှုအဖွဲ့အစည်းတုိုင်း၏ စွဲမြဲနေသော အလေ့အထပင်ဖြစ်သည်။ တဖက်သားကုို နှိပ်ကွပ်လုိုသော၊ ခေသူမဟုတ်ကြောင်း ဝါကြွားလုိုသော၊ တတ်ချင်ယောင်ဆောင်သော တတ်ယောင်ကား မာယာသာဌေယျ စိတ်ထားများဖြင့် မေးမြန်းခြင်း ဆွေးနွေးခြင်းတို့သည် တစ်ဦးချင်းစီအတွက်ဖြစ်စေ လူမှုအဖွဲ့ အစည်းအတွက်ဖြစ်စေ ကောင်းကျိူးမဖြစ်စေဘဲ
အန္တရာယ်ကုိုသာ ဦးတည်စေသည်။

မိမိသည် အိန္ဒိယတွင် ပညာသင်နေစဉ် နုိုင်ငံတကာဗုဒ္ဓဘာသာအစည်းအဝေးများသုို့ လေး ငါးကြိမ်လောက်တက်ရောက်ဖူးသည့်နည်းတူ မိမိကုိုယ်တုိုင်လည်း စာတမ်းတင်သွင်းခြင်း ဆွေးနွေးခြင်းများကုိုပြုလုပ်ဖူးပါသည်။ စာတမ်းရှင်များ အဆုိုတင်သွင်းသူများကုို နားထောင်သူပရိသတ်မှ ရုိုးသားလွတ်လပ်စွာမေးကြပြီးလျှင် ဖြေဆုိုသူများကလည်း ရုိုးသားပွင့်လင်းစွာပင်ဖြေကြသည်ကုိုသာတွေ့ရသည်။ သုို့သော် မေးသမျှမေးခွန်းတုိုင်းကုိုတော့ ဖြေဆုိုနုိုင်ကြသည်မဟုတ်၊ မဖြေဆုိုနုိုင်သည့်အရာများကုို ချောင်ပိတ်၍ မေးရကောင်းလားဟု မယူဆဘဲ သူတုို့မသိသေးကြောင်း ကျေးဇူးတင်ကြောင်းနှင့် သူတုို့၏ပုဂ္ဂိုလ်ရေးအမြင်အရ ဖြေရလျှင် ဤသုို့ထင်မြင်ယူဆကြောင်းစသည်ဖြင့် ရုိုးသားစွာတုန့်ပြန်ကြသည်မှာ ကျေနပ်ပီတိဖြစ်ရသည့် မြင်ကွင်းတစ်ခုပင်ဖြစ်သည်။ ဤသုို့ ရုိုးသားစွာဝန်ခံခြင်းအတွက် သိက္ခာလည်းမကျ၊ အထင်လဲမသေးဘဲ လေးစားသောစိတ်ဖြင့်လက်ခံနားလည်တတ်ကြသည်မှာလည်း မိမိအတွက်အတုယူစရာများဖြစ်ခဲ့သည်။ ရွှေပြည်တွင်လည်း ဤအလေ့အထများ အနည်းငယ်ခေါင်းပြူလာသည်ဖြစ်ရာ ကြိုဆုိုဝမ်းသာရမည့်
အချက်ပင်ဖြစ်သည်။

ထို့ပြင် မိမိအိန္ဒိယတွင် ပညာသင်နေစဉ် ( MMWAI ) ၏ ဥက္ကဋ္ဌအဖြစ် တာဝန်ယူထားချိန်ဝယ် အပြန်အလှန်ဆွေးနွေးခြင်းဖြင့်အတွေ့အကြုံနှင့်အသိပညာများကုို မြင့်တင်ရန်ရည်ရွယ်၍ မဟာယာနဂုိုဏ်းဝင်ဘုန်းကြီးများကုိုဖိတ်မံ၍လည်းကောင်း၊ ပညာသင်ရဟန်းတော်များအချင်းချင်းအနေနှင့်လည်းကောင်း အပြန်အလှန်ဟောပြောခြင်း မေးမြန်းခြင်း ဆွေးနွေးခြင်းအစီအစဉ်ကုို စနေတနင်္ဂနွေကျောင်းပိတ်ရက်များတွင် အကောင်အထည်ဖေါ်ခဲ့ဖူးသည်။ ထုိုလုပ်ငန်းစဉ်မှ သိလုိုက်ရသည့်အချက်မှာ “ နုိုင်ငံခြားပညာတော်သင် ရဟန်းတော်များသော်မှ ပွင့်လင်းစွာဆွေးနွေးခြင်း မေးမြန်းခြင်းဒဏ်ကုို မခံနုိုင်ကြသေးပါလား၊ နှလုံးသားသည် အမှောင်ကျနေဆဲပါလား၊ ပိတ်မိနေသော နှလုံးသားကုို ခပ်ပါးပါးလေးတွန်းဖွင့်ရုံမျှဖြင့် မရနုိုင်သေးပါလား၊ နှစ်များစွာလွှမ်းမုိုးလာခဲ့သော နုိုင်ငံရေး အမှောင်ထုသည် မြတ်ဗုဒ္ဓ၏ဓမ္မရောင်ခြည်ကုို အင်နှင့်အားနှင့်ပိတ်ဆုို့ခဲ့သဖြင့် အမှောင်ထုထဲတွင် တဝဲလည်လည် ဖြစ်နေဆဲပါလား ” ဟူသော သင်္ခန်းစာပင်ဖြစ်သည်။  ( ဆက်လက်ဖေါ်ပြပါမည် )

***ဓမ္မမိတ်ဆွေများ၏အမှာစကား***