Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Sunday, May 6, 2012

ဗုဒ္ဓဓမ္မနှင့်လူ့အခွင့်အရေး ( ၂ ) လူ့အခွင့်အရေး၏ သမိုင်းပုံရိပ်

ယနေ့ တစ်ကမ္ဘာလုံးတွင် လှုပ်ရှားရုန်းကန်ဖြေရှင်းနေကြသော လူ့အခွင့်အရေး ပြဿနာသည် ၁၉၃၉ ခုနှစ်မှစတင်ပြီး ၁၉၄၅ ခုနှစ်တွင်ပြီးဆုံးသော ၆ နှစ်ကြာမြင့်သည့်ဒုတိယကမ္ဘာစစ်ကြီး၏ နောက်ပိုင်းတွင်မှပေါ်ထွက်လာသော ပြဿနာတစ်ရပ်ဖြစ်၏။ ဤလူ့အခွင့်အရေးလှုပ်ရှားမှု အရေးတော်ပုံသည် သမိုင်းကြောင်းအရကြည့်လျှင် ကာလအားဖြင့်ကြာမြင့်လှသည်မဟုတ်သေးချေ။ တိတိကျကျပြောရလျှင် လူ့အခွင့်အရေးကို ပြဿနာတစ်ခုအဖြစ်လက်ခံလာခဲ့ကြသည်မှာ ယခုစာရေးနေချိန်အထိဆိုလျှင် ၆၇ နှစ်သက်တမ်းမျှသာရှိသေး၏။ အရွယ်ရလာပြီဟုဆိုနိုင်သော်လည်း ပြီိးဆုံးအောင်မြင်စွာ အေးချမ်းမျှတသည်အထိဖြေရှင်းနိုင်သော အခြေအနေသို့မရောက်သေးကြောင်းမှာ ယနေ့ကမ့္ဘာဖြစ်ရပ်များက အထင်အရှားသက်သေပင်ဖြစ်လေ၏။ ဤလူ့အခွင့်အရေးကိစ္စကို အားလုံးစုပေါင်းဖြေရှင်းရမည့် ပြဿနာတစ်ရပ်အဖြစ်လက်ခံလာခဲ့သည်မှာ မကြာမြင့်လှသေးသော်လည်း အတွေးအခေါ်အနေဖြင့်တည်ရှိလာခဲ့သည်မှာ ကြာမြင့်ခဲ့ပြီဟုဆိုနိုင်ပါ၏။ သို့သော် လူ့အခွင့်အရေး Human Rights ဟူသောစကားလုံးဖြင့်တိုက်ရိုက်သန္ဓေတည်ကာ ပေါ်ထွက်လာသည်တော့မဟုတ်ချေ။ အမှန်စင်စစ် "Natural Rights or Rights of Man" မူလသဘာဝရပိုင်ခွင့်များ သို့မဟုတ် လူသား၏ ရပိုင်ခွင့်များ ဟူသောစကားလုံးများဖြင့် သန္ဓေတည်လာခဲ့၏။ တနည်းဆိုသော် လူ့အခွင့်အရေး 'Human Rights' ဟူသောစကားလုံးသည် မူလသဘာဝရပိုင်ခွင့်များ 'Natural Rights' ဟူသော ကျယ်ပြန့်လွတ်လပ်သည့်အတွေးအခေါ်၏ ရင်သွေးသားရတနာဖြစ်သည်ဟုဆိုကဆိုနိုင်လေ၏။ ဤလူ့အခွင့်အရေး ဟူသောစကားလုံးကို ရှေးခေတ်အဆက်ဆက်တွင် ပိုင်ဆိုင်မှု သုံးစွဲမှုမရှိကြောင်း စာဖတ်သူသိပေပြီ။ သို့သော် မည်သူကစတင်ဖေါ်ထုတ်ခဲ့သနည်းဟူမူ ဤအခွင့်အရေးဟူသော စိတ်ကူးအယူအဆတစ်ခုကို ကျိူးကြောင်းမျှတသည့်စံနစ်ကို ကျင့်သုံးခဲ့ကြသော ရှေးဟောင်းဂရိများ သို့မဟုတ် ရောမများတို့သည် ကျယ်ပြန့်သော အသိဥာဏ်ဖြင့်ဆင်ခြင်ကာ ဖေါ်ထုတ်ခဲ့ကြ၏။ ရှေးဟောင်း ဂရိနှင့်ရောမတို့က ဖေါ်ထုတ်ခဲ့သည်ဟု ဆိုသော်လည်း ဤအခွင့်အရေးဟူသော စိတ်ကူးအယူအဆသည် ဥရောပတိုက်တွင် ၁၂ ရာစုကုန်ဆုံးသည့်တိုင် ပေါ်ထွက်လာခြင်းမရှိသေးပေ။ သို့သော် အေဒီ ၁၄ ရာစုနှစ်အကုန်တွင် 'Natural Rights' မူလသဘာဝရပိုင်ခွင့်များဟူသော အယူအဆတစ်ရပ်သည် ပြည့်စုံစွာပေါ်ထွက်လာပြီးလျှင် ဆက်လက်၍လည်း ဖွံ့ဖြိုးတိုးတက်လာခဲ့သည်။ နောက်ပိုင်းတွင် 'Natural Rights' ဟူသောအယူအဆနှင့်ပတ်သက်၍ အင်္ဂလိပ်ဒဿနိကဗေဒပညာရှင်များဖြစ်ကြသည့် သောမတ်စ်ဟော့ဘ်စ် ( ၁၅၈၈- ၁၆၇၉ )နှင့် ဂျွန်လော့ခ် ( ၁၆၃၂-၁၇၀၄)တို့၏ အမြင်ခြားနားမှုများကိုအခြေခံကာ ဂိုဏ်းနှစ်ခုခြားနားစွာပေါ်ထွက်ခဲ့သည်။ သူတို့နှစ်ဦး၏ အယူအဆတို့သည် ၁၆၄၀ခုနှစ်တွင်အင်္ဂလိပ်တော်လှန်ရေးနှင့် ၁၆၈၈ ခုနှစ်တွင်ဖိနှိပ်သည့်အစိုးရကို ပုန်ကန်မှုများပေါ်ပေါက်စေခဲ့သည်။ တနည်းဆိုသော် မူလသဘာဝအခွင့်အရေးများကို နားလည်လာကြသောကြောင့် ပြည်သူများအား မတရားဖိနှိပ်သည့်အစိုးရကို အာခံတော်လှန်ခြင်းလည်းဖြစ်သည်။ မှန်၏။ လူသားသည် မိမိ၏မူလမွေးရာပါ အခွင့်အရေးများကိုမသိလျှင် ရပိုင်ခွင့်များကိုလည်းနားမလည်တော့၊ ဆုံးရှုံးမှုများကိုလည်း မစဉ်းစားမဝေဘန်တတ်တော့ချေ။ မိမိအသက်ရှင်သန်လာရခြင်း၏ သို့မဟုတ် လူဖြစ်လာရခြင်း၏ အဓိပ္ပါယ်ကိုလည်းမဖေါ်တတ်တော့ချေ။ ထိုအခါ အာဏာရှိသူ စည်းစိမ်ရှိသူတို့က ပစ္စည်းမဲ့သူများနှင့် အသိဥာဏ်ပညာအားနဲသူများအား လူသားအချင်းချင်း လူမဆန်စွာရက်ရက်စက်စက် ပြုမူဆက်ဆံ အုပ်စိုးဖိနှိပ် ချူပ်ချယ်ခဲ့ကြရာမှ လူ့အဆင့်အလွှာတို့သည်လည်း ကွာခြင်တိုင်းကွာခြားလှသည့်အခြေအနေသို့ရောက်ခဲ့ရတော့၏။ နောက်ပိုင်းတွင်လူသားများသည် အသိဥာဏ်တစ်စထက်တစ်စ ရင့်သန်လာသည့်အတွက်ကြောင့် မိမိတို့၏ အခွင့်အရေးများ ရပိုင်ခွင့်များ ဆုံးရှုံးမှုများ တာဝန်များ စည်းကမ်းများကို တစ်ဆင့်ချင်းနားလည်လာခဲ့ကြ၏။ ထို့နောက် ၁၇၇၆ ခု အမေရိကန်လွတ်လပ်ရေးကြေငြာစာတမ်းသည် လူသားအားလုံး မူလသဘာဝအရ တန်းတူရည်တူအခွင့်အရေးရှိသည်မှာ အထင်အရှားဖြစ်ကြောင်း၊ လူသားအားလုံးသည် အမြဲတစေခိုင်မာသော သဘာဝအခွင့်အရေးရှိမှုနှင့်အတူ ဖန်တီးနိုင်မှုအခွင့်အရေးများလည်း ပြည့်ဝကြောင်း၊ ဘဝတွင် ပျော်ရွှင်မှုနှင့် လွတ်လပ်မှုကို အပြည့်အဝရှာဖွေရယူနိုင်ကြောင်း ခိုင်မာစွာကြေငြာခဲ့သည်။ ၎င်းနောက် ၁၃ နှစ်အကြာ ၁၇၈၉ ခုနှစ်တွင် ပြင်သစ်နိုင်ငံသည် လူ့သားအခွင့်အရေးနှင့် နိုင်ငံသားအခွင့်အရေးကြေငြာစာတမ်းတို့ကို အမေရိကန်တို့နှင့်တူညီစွာ ထပ်လောင်းကြေငြာခဲ့သည်။ ၎င်းနောက် ၁၉၄၈ ခုနှစ် ဒီဇင်ဘာလ ၁၀ ရက်နေ့တွင် ကုလသမဂ္ဂအထွေထွေညီလာခံကြီးသည် လူသား၏ မွေးရာပါ ဂုဏ်သိက္ခာရှိမှု၊ တန်းတူရည်တူရှိမှု၊ လူသားမိသားစု၏အဖွဲ့ဝင်များအတွင်း ထာဝရအခွင့်အရေးများရှိမှု၊ လွတ်လပ်မှု၊ တရားမျှတမှုနှင့် အေးချမ်းမှုတို့ကို တပြေးညီရယူနိုင်သောအခွင့်အရေးများရှိကြောင်းကြေငြာခဲ့သည်။ ထို့ပြင် အာဏာရှင်စလာဇာကို ဝေဘန်ခဲ့သည့်အတွက် တရားမျှတမှုကင်းမဲ့စွာ အကျဉ်းကျခံနေရသော ပေါ်တူဂီကျောင်းသားများအရေးကို ကြားဝင်ဆောင်ရွက်ပေးခဲ့သည့် အင်္ဂလိပ်ရှေ့နေ ပီတာဘင်နီဆင်သည် ၁၉၆၀ ခုနှစ်တွင် အပြည်ပြည်ဆိုင်ရာလွတ်ငြိမ်းချမ်းသာခွင့်အဖွဲ့အစည်းကို လန်ဒန်တွင် ဖွဲ့စည်းတည်ထောင်ခဲ့ပြန်သည်။ ထို့နောက်တစ်ဖန် အပြည်ပြည်ဆိုင်ရာ ပြည်သူ့အခွင့်အရေးနှင့် နိုင်ငံရေးဆိုင်ရာအခွင့်အရေးများ ပဋိညာဉ်စာချုပ်နှင့် အပြည်ပြည်ဆိုင်ရာ စီးပွါးရေး လူမှုရေးနှင့်ယဉ်ကျေးမှုဆိုင်ရာ အခွင့်အရေးများပဋိညာဉ်စာချုပ်တို့ကိုလည်း ၁၉၇၆ ခုနှစ်တွင် ကုလသမဂ္ဂ၌ ချူပ်ဆိုနိုင်ခဲ့သည်။ အထက်ပါ အတွေးအခေါ်များတိုးတက်ပြောင်းလဲလာမှုနှင့် အပြည်ပြည်ဆိုင်ရာ လူ့အခွင့်အရေးလှုပ်ရှားမှုများအားလုံးသည် ကမ္ဘာကြီးကိုပြောင်းလဲစေခဲ့သည်။ မမျှမတဘဲ အရုပ်ဆိုးအကျည်းတန်စွာ တစ်ဖက်စောင်းနင်းဖြစ်နေခဲ့သော ဤကမ္ဘာကို အတိုင်းအတာတစ်ခုအထိ တည့်မတ်ပေးနိုင်ခဲ့သည်။ အလုံးစုံပြည့်စုံအောင်မြင်စွာဖြေရှင်းနိုင်မှုကားမရှိသေးချေ။ လောဘ ဒေါသ မောဟများထူပြောလှသော ဤကမ္ဘာကို လုံးဝသန့်စင်သော အပြစ်ကင်းသော ဘုံဗိမာန်ကြီးတစ်ခုအဖြစ် အသွင်ပြောင်းဘို့ရန်မှာ မဖြစ်နိုင်သော ကိစ္စဖြစ်ချေသည်။ သို့သော် အပြစ်နဲနိုင်သမျှနဲပြီး တရားမျှတသောအခွင့်အရေးများ ရယူနိုင်ရေးအတွက် ဆက်လက်ကြိူးစားကြရန်မှာ လူသားများ၏ မူလတာဝန်ပင်ဖြစ်ပေသည်။ မိမိတို့၏ မူလရပိုင်ခွင့်များကို ရရှိနိုင်ရန် ကြိူးစားဘုိ့အရေးသည် မိမိတို့လူသားများ၏ မူလတာဝန်ပင်ဖြစ်သည်။ အဘယ့်ကြောင့်နည်း လူသား၏ဘဝကို လူသားကိုယ်တိုင်သာဖန်တီးနိုင်သောကြောင့်ပင်တည်း။ လူ့သမိုင်းခရီးကိုလူသားကိုယ်တိုင်သာနှင်ရမည်ဖြစ်သောကြောင့်ပင်တည်း။

Sunday, April 29, 2012

ဗုဒ္ဓဓမ္မနှင့်လူ့အခွင့်အရေး ( ၁ )

ယနေ့ခေတ်ဝယ် လူ့အခွင့်အရေး ဟူသောစကားလုံးသည် တစ်ကမ္ဘာလုံးတွင် ရေပန်းစားလှ၏။ ထိုသည့်စကားလုံးကို တွင်တွင်ကြီးသုံးနှုန်းပြောဆိုနေကြလေ၏။ ကုလသမဂ္ဂတွင်လည်းသုံး၏။ လူမှုအဖွဲ့အစည်းများတွင်လည်းသုံး၏။ နိုင်ငံရေးအဝန်းအဝိုင်းနယ်ပယ်တွင်လည်းသုံး၏။ သာမန်လှုမှုဝန်းကျင်တွင်လည်းသုံး၏။ အရှေ့တိုင်း အနောက်တိုင်း ကမ္ဘာ့နေရာတိုင်းတွင် နေရာဒေသမရွေး နိုင်ငံမရွေး ဘာသာမရွေး လူမျိူးမရွေး သုံးနှုန်းပြောဆိုနေကြသည်ကို လူသားတိုင်း သိနေကြ ကြားနေကြသည်သာဖြစ်၏။ အဘယ်ကြောင့် ထိုစကားလုံးကို ဤမျှအတိုင်းအတာအထိ သုံးနှုန်း၍ လူ့အခွင့်အရေးလှုပ်ရှားကြိူးပမ်းမှုများကို လုပ်ဆောင်နေကြဘိသနည်း။ ဆန်းစစ်ဘို့လိုအပ်လာ၏။ အဖြေကားရှင်းပါ၏။ လူသားအချင်းချင်းအပေါ် တရားမျှတခြင်းကင်းမဲ့ကာ မတရားပြုကျင့်နေကြသောကြောင့်ပင်တည်း။ တနည်းဆိုသော် လူသား၏မူလကျင့်ဝတ်နှင့်တာဝန်တို့ကို မကျင့်ခြင်း မစောင့်ထိန်းခြင်း တာဝန်မယူခြင်းကြောင့်ပင်တည်း။ မှန်၏။ လူအသီးသီးတွင် ကိုယ်စီကိုယ်စီ ကျင့်ကြရမည့် ကျင့်ဝတ်များ၊ စောင့်ထိန်းလိုက်နာရမည့် စည်းကမ်းများ၊ ဖြည့်ဆည်းပေးရမည့်တာဝန်များ၊ တစ်ဦးပေါ်တစ်ဦးထားရှိရမည့် စိတ်ထားများ၊ ပွါးများရမည့် မေတ္တာ ကရုဏာစသည့် ဗြဟ္မစိုရ်တရားများသည်ရှိ၏။ ထိုထိုသက်ဆိုင်ရာ ကျင့်ဝတ်များ စည်းကမ်းများ တာဝန်များ စိတ်ထားများကင်းမဲ့သွားသောအခါ လူ့မှုအဖွဲ့အစည်းကြီးသည် လူသားတို့မျှော်မှန်းထားသော ဖွံ့ဖြိုးမှု ကြွယ်ဝမှု ပျော်ရွှင်မှု အေးချမ်းမှု ပန်းတိုင်ဆီသို့မရောက်ဘဲ ခုတ်ရာတစ်ခြား ရှရာတလွဲဖြစ်ကာ မလိုလားမနှစ်သက်နိုင်သော အနိဋ္ဌလူ့အဖွဲ့အစည်းကြီးအဖြစ်သို့ ကျရောက်လေတော့၏။ အုပ်ချုပ်သူလူတန်းစားဖြစ်သည့် အစိုးရတို့သည် သူတို့ကျင့်အပ်သည့် ကျင့်ဝတ်များကိုမကျင့်လျှင် သို့မဟုတ် ကျင့်သယောင်ယောင် သရုပ်သယောင်များဖြင့်လှည့်စားနေလျှင်၊ တစ်ဖန် အပြန်အားဖြင့် အုပ်ချုပ်ခံ ပြည်သူပြည်သားများသည်လည်း သူတို့ကျင့်အပ်သည့် ကျင့်ဝတ်များကို မကျင့်လျှင် သို့မဟုတ် အစိုးရနှင့် ပြည်သူအချင်းချင်းကို လှည့်စားကြလျှင် ထိုတိုင်းပြည်သည် တရားမျှတမှုကင်းမဲ့ကာ လူ့အလွှာများကွဲပြား၍ မအေးချမ်းရုံမျှမဟုတ် တပြေးညီ သာတူညီမျှ မဖွဲ့ဖြိုး မတိုးတက်ဘဲ  လူမှုသောကနှင့်ဒုက္ခတို့ အတိပြည့်နေသည့် ဒုစရိုက်ထူပြောလှသောတိုင်းပြည်သာဖြစ်ပေမည်။ ထိုမှတစ်ဆင့် တိုင်းဒေသ ခရိုင် မြို့နယ် ရပ်ကွက် ကျေးရွာ ဟူသော အောက်ခြေအဆင့်တိုင်းတွင်လည်း အသီးအသီး ကျင့်ရမည့်ကျင့်ဝတ်စည်းကမ်းများကို မထိန်းသိမ်းမလိုက်နာပါက မိမိတို့မျှော်မှန်းချက်နှင့်ဝေးနေဦးမည်သာပင်ဖြစ်သည်။ လူသား၏စစ်မှန်သော မူလဘူတ ဂုဏ်သိက္ခာနှင့် အခွင့်အရေးများမှ ဝေးနေဦးမည်သာပင်ဖြစ်သည်။  အနီးစပ်ဆုံး အခြေအနေကိုကြည့်ရလျှင် မိသားစုတစ်စုတွင်လည်း လင့်ကျင့်ဝတ်နှင့်မယားကျင့်ဝတ်တို့ကို ကျေပွန်စွာ မကျင့်ကြပါက အေးချမ်းမည်မဟုတ်သည်မှာ လက်တွေ့ပင်ဖြစ်၏။ ထို့အတူ မိဘနှင့်သားသမီးအကြားတွင်လည်း ကိုယ်စီဖြည့်ကျင့်ရမည့်ကျင့်ဝတ်များကို မကျင့်ပါက မိဘနှင့်သားသမီးသည် ကျေလည်သည့် ဆက်ဆံရေးကိုလည်းရနိုင်မည်မဟုတ်သည့်အပြင် မိသားစု အေးချမ်းဖွံ့ဖြိူးရေးအတွက်လည်း ခက်ခဲနေမည်မှာ အမှန်ပင်ဖြစ်ပါ၏။ ထို့ပြင် ဆရာနှင့်တပည့် အလုပ်ရှင်နှင့် အလုပ်သမား မိမိနှင့် မိတ်ဆွေသင်္ဂဟများအကြားတွင် ကျင့်ရမည့်ကိုယ်စီကျင့်ဝတ်များ၊ အပြန်အလှန်ဖြည့်ဆည်းပေးကြရမည့် တာဝန်များ၊ စောင့်ထိန်းအပ်သည့်စည်းကမ်းများစသည်တုိ့ အသီးသီးရှိကြပါ၏။ အမှန်စင်စစ် ထိုထိုလူသား၏မူလဘူတ ကျင့်ရမည့် လိုက်နာရမည့် ကျင့်ဝတ်စည်းကမ်းများသည် လူမျိူး အသားအရောင် ကိုးကွယ်ရာဘာသာ နိုင်ငံစသည်တို့နှင့်မသက်ဆိုင်ဘဲ မည်သူမဆို ကျင့်သုံးပါက လက်တွေ့ဒိဋ္ဌ ကောင်းကျိူးရသည့် လူသားအားလုံး၏ မူလဘူတ ကျင့်ဝတ်တုိ့သာဖြစ်ကြ၏။ အထက်ပါဆိုခဲ့သည့်အတိုင်း လူသား၏ မူလဘူတကျင့်ဝတ်တို့ကို မကျင့်ဘဲ ဖောက်ပြန်မှားယွင်းစွာ ဖားနိုင်ဖားစား ငါးနိုင်ငါးစား တိရစ္ဆာန်စိတ်ထားများဖြင့် လူသားအချင်းချင်း ကျူးလွန်ခဲ့ကြခြင်းကြောင့် ခံရသူများမှ မခံမရပ်နိုင်ဖြစ်ကာ လူ့အခွင့်အရေး Human Rights ဟူသောစကားလုံးသည် ပေါ်ပေါက်လာခဲ့ရတော့၏။ ထို Human Rights လူ့အခွင့်အရေး  ဟူသောဝေါဟာရသည် ဘယ်ခေတ်တွင် စတင်ပေါ်ပေါက်ခဲ့သနည်း။ ဘယ်နိုင်ငံဘယ်ဒေသတွင် အစပျိူးခဲ့လေသနည်း၊ မည်သည့်ကိုးကွယ်ရာ ဘာသာစာပေ ယဉ်ကျေးမှုတွင် ပါဝင်ခဲ့သနည်း၊ မည့်သည်ဘာသာရေးခေါင်းဆောင် သို့မဟုတ် နိုင်ငံရေးခေါင်းဆောင် သို့မဟုတ် အတွေးအခေါ်ရှင်က စတင်ဖေါ်ထုတ်ခဲ့လေသနည်း၊ ဤသို့စသော အချက်အလက်တို့ကို သိသင့်လှ၏။ နားလည်သင့်၏။ အဘယ့်ကြောင့်နည်း။ မိမိတို့သည် လူသားဖြစ်၍ လူသား၏ လက်တွေ့ကျသော ဖြစ်စဉ်ကို ယခင်နှင့်ယခုဟူသာ ကာလနှစ်မျိူးကုိုနှိုင်းယှဉ်၍ မဖြစ်မနေသိသင့် သိထိုက်လှသောကြောင့်ပင်ဖြစ်ပါ၏။ ထိုသို့သိမှသာလျှင် မိမိတို့နေထိုင်ရာ ဝန်းကျင်၊ မိမိတို့မွေးဖွားရာ နိုင်ငံ၊ မိမိတို့ကိုးကွယ်ရာဘာသာအယူဝါဒ၊ မိမိတို့ လက်ခံကျင့်သုံးနေကြသော ယဉ်ကျေးမှုအသီးသီးတိုင်းတွင် လူ့အခွင့်အရေးဟူသော လူသား၏မူလဗီဇ မွေးရာပါ ရပိုင်ခွင့်များ၊ မွေးရာပါ လူ့ဂုဏ်သိက္ခာများနှင့်တန်ဘိုးများ၊ လူသား၏အဆင့်အတန်းနှင့်စွမ်းရည်များ၊ ရှိသလား မရှိဘူးလား၊ ရသလား မရဘူးလား၊ မိမိတို့ဘယ်မျှအတိုင်းအတာအထိ အခွင့်အရေးနှင့် တန်ဘိုးများ၊ အဆင့်အတန်းများ၊ ဆုံးရှုံးနေကြသနည်း၊ သို့မဟုတ် ဘယ်မျှအတိုင်းအတာအထိ ရရှိနေကြသနည်း စသည်တို့ကို နားလည်နိုင်ကြပေလိမ့်မည်။ ထိုသို့နားလည်၍ ပယ်သင့်သည်တို့ကို ပယ်နိုင်အောင်အားထုတ်၍ ရသင့်သည်တို့ကိုလည်း ရနိုင်အောင်အားထုတ်နိုင်ကြပါမှ မိမိတို့၏ မူလအခွင့်အရေးနှင့်တန်ဘိုးများကို အပြည့်အဝရရှိနိုင်ကြပေမည်။ ခံစားနိုင်ကြပေမည်။ အထူးမေတ္တာရပ်ခံလိုသည်မှာ  မိမိနားလည်သလောက် လေ့လာမိသလောက် ခံစားမိသလောက် စာဖတ်သူများအား မျှဝေချင်သော ကုသလစေတနာနှင့်ဆန္ဒကြောင့် ဤ ဗုဒ္ဓဓမ္မနှင့်လူ့အခွင့်အရေး ဟူသော ခေါင်းစည်းကို ရွေးချယ်တင်ပြလိုက်ခြင်းဖြစ်ပါသည်။ အကယ်၍ မိမိ၏ တင်ပြချက် ရေးသားချက်နှင့် အယူအဆတို့သည် မှားယွင်းနေပါလျှင် သို့မဟုတ် အားနည်းနေပါလျှင် စာဖတ်သူများအနေဖြင့် ကရုဏာရှေ့ထား၍ ပြင်ဆင်ဖြည့်စွက်အကြံပေးကြပါရန်လည်း မေတ္တာရပ်ခံအပ်ပါသည်။     သုခိတာ ဟောထ။ (ဘုန်းသူရိန်)

Sunday, March 18, 2012

ဗုဒ္ဓဘာသာ ဇစ်မြစ် ( ၂၉ ) နိဂုံးပိုင်း ၊ ပါရမီဆယ်ပါး အပြားသုံးဆယ်

မိမိသည် ဗုဒ္ဓဘာသာဖြစ်ပေါ်လာခြင်း၏ အကြောင်းတရားတို့ကို ဇစ်ဇစ်မြစ်မြစ် ဂဃနဏ တိကျစွာသိရှိနိုင်ရန်ရည်ရွယ်ချက်ဖြင့် မိမိဥာဏ်စွမ်းမီသမျှကို အကျဉ်းချုပ်၍တင်ပြခဲ့ပါသည်။ ထိုသို့တင်ပြရာတွင်လည်း စာဖတ်သူအနေဖြင့် ဆက်လက်၍ ရိပ်စားမိဘို့ စဉ်းစားမိစေဘို့
 ခေတ်၏အဖြစ်အပျက်များနှင့်ယှဉ်တွဲ၍တင်ပြခဲ့ပါသည်။ အကြောင်းမှာ ဗုဒ္ဓဘာသာသည် လူသား၏ကြိူးစားအားထုတ်မှုကြောင့်သာဖြစ်ပေါ်လာပြီးလျှင် လူ့အဖြစ်အပျက်များ၊ လူသား၏နေ့စဉ်ဘဝဖြစ်စဉ်များ အားလုံးတို့နှင့်တိုက်ရိုက်ထိတွေ့ပတ်သက်သော ဘာသာဖြစ်ကြောင်းသိစေလိုသောကြောင့်ပင်ဖြစ်၏။ လူ့လောကတွင်ဖြစ်ဖြစ်သမျှ ပျက်ပျက်သမျှ အရာရာအားလုံးသည် လူသားတွင်သာ အဓိကအားဖြင့်တာဝန်ရှိ၏။ လူသားများသည်သာတာဝန်ယူကြရမည်ဖြစ်၏။ တာဝန်ခံကြရမည်ဖြစ်၏။ လူ့စွမ်းအား လူ့တန်ခိုး လူ့တန်ဘိုးနှင့် လူသားအရင်းအမြစ်ကို အမြင့်ဆုံးအဆင့်ထိရောက်အောင် အသုံးချနိုင်ရန် နည်းလမ်းပေးခဲ့သောဘာသာသည် ဗုဒ္ဓဘာသာပင်ဖြစ်၏။ အဘယ်အတိုင်းအတာထိ ရောက်အောင်အသုံးပြုနိုင်သနည်းဆိုလျှင် လောကီအဆင့်အနေဖြင့် ယနေ့ကမ္ဘာတွင် အင်အားအကြီးဆုံးနိုင်ငံကြီးများ အဖွဲ့အစည်းကြီးများထက် သာလွန်မြင့်မားသော စင်္ကြာဝတေးမင်းဖြစ်သည်အထိ အသုံးချနိုင်၏။ လောကုတ္တရာအနေဖြင့် ဘုရားဖြစ်သည့်အဆင့်အထိရောက်အောင် အသုံးပြုနိုင်၏။ ကျန်သော အတိုင်းအတာ အဆင့်အတန်းများထိကိုကား ပြောဖွယ်ရာအထူးမရှိတော့။ မိမိတို့ဆန္ဒရှိသလို အသုံးပြုနိုင် ကျင့်နိုင်ပါ၏။ ယနေ့ကမ္ဘာဝယ် လူသားအရင်းအမြစ်ကို မည်သည့်အတိုင်းအတာထိ အသုံးချကြသနည်း။ မည်သည့်နယ်ပယ်တွင် အသုံးပြုကြသနည်း။ အဘယ်ကြောင့် လူသားအရင်းအမြစ်ကို လိုအပ်သနည်း စသည့်စသည့် လူမှုပြဿနာများ၏ အဖြေကို ဗုဒ္ဓဘာသာက တိကျသေချာရေရာစွာပေးပါသည်။ (ဤအကြောင်းအရာများကို နောက်ပိုင်းတွင် အခန်းဆက်ဖြင့် အကျယ်ရေးပါမည်)။ ဤသို့စသည်ဖြင့် ဆက်လက်စဉ်းစားနိုင်စေရန် ဤ ဗုဒ္ဓဘာသာ ဇစ်မြစ် ဟူသော စာတမ်းငယ်ကို အကျဉ်းချုပ်၍တင်ပြခဲ့ခြင်းဖြစ်ပါသည်။ ယခုတင်ပြလိုသည်မှာ ပါရမီဆယ်ပါး အပြားသုံးဆယ်အကြောင်းနှင့် နိဂုံးပိုင်းဖြစ်ပါသည်။ ပါရမီဆယ်ပါးအကြောင်းကိုတော့ စာဖတ်သူနားလည်သဘောပေါက်ခဲ့ပြီးဖြစ်မည်ဟု မိမိယုံကြည်ပါသည်။ သို့ဆိုလျှင် အပြားသုံးဆယ် ဟူသည်အဘယ်နည်း။ စင်စစ်ဤသို့.......။ ဒါနပါရမီကို ထပ်မံပိုင်းခြားကြည့်လိုက်ပါက သုံးမျိူးတွေ့ရမည်ဖြစ်၏။
          (၁) ဒါနပါရမီ၊ (၂) ဒါနဥပပါရမီ၊ (၃) ဒါနပရမတ္ထပါရမီ ဟူ၍။ ထိုထွင် (၁)အရ ဒါနပါရမီဟူသည် ခန္ဓာကိုယ်နှင့်မသက်ဆိုင်သော ပြင်ပအရာဝတ္ထုများကို လှုဒါန်းခြင်းဖြစ်၏။ အသေးစားပိုင်ဆိုင်ပစ္စည်းများကိုလှုသည်မှစ၍ တိုင်းပြည်ကိုလှုခြင်း သားမယားကိုလှုခြင်းတို့သည် ဒါနပါရမီဖြစ်၏။ (၂) အရ ဒါနဥပပါရမီဟူသည် မိမိ၏ မျက်စိ နား နှာ ချေ လက် အသဲ ကျောက်ကပ်စသည့်စသည့် ခန္ဓာကိုယ်၏ အစိတ်အပိုင်းများကို လောကအတွက် စွန့်လှုခြင်းဖြစ်၏။ (၃)အရ ဒါနပရမတ္ထပါရမီဟူသည် လိုအပ်ပါက လောကအတွက် မိမိ၏အသက်ကိုပင်စွန့်လှုခြင်းဖြစ်၏။ ဤနေရာ၌ အသက်ကိုစွန့်တိုင်း ဒါနပရမတ္ထပါရမီမဟုတ်ချေ။ ဝါဒဆိုးတစ်ခုခု၏ မှိုင်းမိမှုကြောင့် ဒေါသကိုအခြေခံ၍ အသက်သေခံ၍ ဗုံးခွဲခြင်း တိုက်ပွဲဝင်ခြင်းစသည်တို့သည် လောကကို ထိခိုက်စေသောကြောင့် ဒါနပရမတ္ထပါရမီမဟုတ်ကြောင်း အထူးသတိပြုရမည်ဖြစ်၏။ လောက၏ ကောင်းကျိူးအတွက် မည်သူ့ကိုမျှမထိခိုက်မနစ်နာစေဘဲ ဒေါသစိတ် မာနစိတ် ငါ့နိုင်ငံ ငါ့လူမျိူး ဟူသော ငါ ငါ ငါ စိတ်များလုံးဝမပါဘဲ လောကအတွက် မေတ္တာသက်သက်ဖြင့် အသက်ပေးစွန့်လွှတ်ခြင်းသည်သာ ဒါနပရမတ္ထပါရမီဖြစ်ပါ၏။ ဤသို့ ဒါနနှင့်ပတ်သက်၍ သုံးမျိူးသုံးစားထွက်လာ၏။ ထို့အတူ သီလနှင့်ပတ်သက်၍လည်း သုံးမျိူးသုံးစားပင်ထွက်လာ၏။ (၁) သီလပါရမီ၊ (၂) သီလဥပပါရမီ၊ (၃) သီလပရမတ္ထပါရမီ ဟူ၍ဖြစ်၏။ (၁)အရ သီလပါရမီဟူသည် အထက်သီလပါရမီခန်းတွင်ရှင်းပြခဲ့သည့်အတိုင်းပင်ဖြစ်၏။ (၂)အရ သီလဥပပါရမီဟူသည် မိမိ၏ ခန္ဓာကိုယ်ကို အထိခိုက်ခံ၍ သီလကိုစောင့်သုံးခြင်းဖြစ်၏။ သီလစောင့်ခြင်းကြောင့် ကျမ္မာရေးထိခိုက်မည်ဆိုလျှင် ထိခိုက်ပါစေ၊ နားထိုင်းသွားမည်ဆိုိလျှင် ထိုင်းပါစေ သီလကိုတော့ လုံးဝအပျက်မခံ၊ မပေါက်ကြားအောင် စောင့်ထိန်းသောသီလမျိူးဖြစ်၏။ (၃)အရ သီလပရမတ္ထပါရမီဟူသည် အသက်သေခံရဲသည်အထိ သီလစောင့်ထိန်းခြင်းတည်း။ ဤသို့သီလနှင့်စပ်သဖြင့်လည်း သုံးမျိူးသုံးစားအပြားထွက်လာ၏။ ကျန်သောပါရမီတို့ကို စာဖတ်သူချဲ့ထွင်နားလည်နိုင်လောက်ပြီဖြစ်၍မရေးတော့ပါ။ ဤသို့ ပါရမီဆယ်ပါးကိုတည်၍ အပြားသုံးပါးနှင့်မြှောက်ပွါးပါက ပါရမီဆယ်ပါးသည် အပြားသုံးဆယ်ဖြစ်လာ၏။ ဤသည်ကိုပင် ပါရမီဆယ်ပါး အပြားသုံးဆယ် ဟူ၍ခေါ်ဆိုပါ၏။ အထက်ပါဆိုခဲ့ပြီးသည့် ပါရမီဆယ်ပါးပြည့်စုံရုံမျှဖြင့် ဘုရားဖြစ်ပြီလော။ မဖြစ်သေးချေ။ လုံးဝမဖြစ်နိုင်သေးချေ။ မည်သည့်အလုပ်ကိုဆက်လုပ်ရသေးသနည်းဟူမူ မစ္ဇျိမပဋိပဒါခေါ် နှစ်ဘက်စွန်းလွတ်လမ်းစဉ်ကိုအခြေခံ၍ အာနာပါနကမ္မဋ္ဌာန်းကို စီးဖြန်းပွါးများရ၏။ ထိုမှတစ်ဆင့်တက်၍ ဝိပဿနာကို ပွါးများရပြန်၏။ ဤသို့ဖြင့် ကပိလဝတ္ထုပြည့်ရှင် ဘုရင်သုဒ္ဓေါဓန၏သား၊ သိဒ္ဓတ္ထမင်းသားသည် လွန်ခဲ့သော နှစ်ပေါင်း ၂၆၀၀ က အိန္ဒိယနိုင်ငံ ဘီဟာပြည်နယ် ဗုဒ္ဓဂယာအရပ်ရှိ မဟာဗောဓိညောင်ပင်အောက်ဝယ် သိစရာမှန်သမျှ ကြွင်းမဲ့ဥဿုံ အကုန်အစင်သိမြင်တော်မူသော သဗ္ဗညုတဥာဏ်ရှင်ဘုရားအဖြစ်သို့ရောက်တော်မူခဲ့ပါသည်။ ယခုနှစ်လာမည့် ကဆုန်လပြည့်နေ့သည် ဗုဒ္ဓဘာသာဖြစ်ပေါ်ခဲ့သည့် နှစ်ပေါင်း၂၆၀၀ တိတိပြည့်သောနှစ်ဖြစ်ပါသည်။ သို့ဖြစ်၍ မိမိ၏စာတမ်းငယ်ကို အကျဉ်းချုပ်ကာ သုံးသပ်ကြည့်လျှင်
ဗုဒ္ဓဘာသာဖြစ်ပေါ်လာခြင်း၏ အကြောင်းများမှာ
၁။လူသား၏ရင်တွင်း၌ရှိသော မဟာကရုဏာ
၂။ ပါရမီဆယ်ပါး၊ (ထိုပါရမီဆယ်ပါးကိုထပ်မံ၍ချုပ်လျှင် ကရုဏာနှင့်ပညာ နှစ်မျိူးသာဖြစ်၏)
၃။မစ္ဇျိမပဋိပဒါလမ်းစဉ်ကိုအခြေခံသော အာနာပါနကမ္မဋ္ဌာန်း
၎။မစ္ဇျိမပဋိပဒါလမ်းစဉ်ကိုအခြေခံသော ဝိပဿနာကမ္မဋ္ဌာန်းတို့ဖြစ်၏။ ဤမျှဆိုလျှင် ဗုဒ္ဓဘာသာသည် လူသား၏ စစ်မှန်သော ကရုဏာနှင့်ပညာတို့ကို အရင်းခံ၍ဖြစ်ပေါ်လာကြောင်း စာဖတ်သူ ကောင်းကောင်းသိနိုင်ပေပြီ။ ထို့ပြင် ဖန်ဆင်းခြင်းဖြင့် ပေါ်ပေါက်လာသောဘာသာမဟုတ်ဘဲ လူသားကောင်းကျိူးပြုလုပ်ငန်းဖြစ်သည့်ပါရမီလုပ်ငန်းတို့ကို အဟုတ်တန်းကျင့်ကြံ အားထုတ် ဖြည့်ဆည်းခဲ့သောကြောင့် ပေါ်ပေါက်လာခြင်းဖြစ်ကြောင်းအထူးသတိပြုဘို့လို၏။ တန်ခိုးအဓိကကြောင့်ဘုရားဖြစ်လာသည်လည်းမဟုတ်။ အရဟတ္တမဂ် ဖိုလ်ဟူသော ပညာပဓာနကြောင့်သာ ဘုရားဖြစ်လာခြင်းဖြစ်၏။ လူပြိန်းကြိုက်ဖြစ်သော တန်ခိုးကိုအသုံးပြု၍လည်း ဘာသာဝင်ဖြစ်အောင်မဲဆွယ်စည်းရုံးခြင်း လုံးဝမရှိခဲ့သလို လာဘ်လာဘများဖြင့် ပေးကမ်းဖျားယောင်းခြင်းဖြင့်လည်း ဘာသာဝင်အဖြစ်ဘယ်သောအခါကမျှ မသ်ိမ်းသွင်းခဲ့။ စစ်အင်အားကိုအသုံးပြု၍ တစ်ခြားဘာသာများကို အဓမ္မနှိပ်ကွပ်ဖျက်ဆီးခြင်းဖြင့်လည်း အဘယ်မည်သောအခါကမျှ သာသနာပြုလုပ်ငန်းများမလုပ်ခဲ့။ ထုိ့ပြင် ဗုဒ္ဓဘာသာသည် ကရုဏာနှင့်ပညာတို့ကိုအခြေခံ၍ လောကကြီးအတွက်စတင်စွန့်လွှတ်ကျင့်ကြံခဲ့၍ လောက၏ အရာရာအားလုံးတို့ထက်သာလွန်သော အရဟတ္တမဂ်ဖိုလ်ပညာဖြင့်နိဂုံးချုပ်၏။ ကောင်းကင်ဘုံဟူသည် ဗုဒ္ဓဘာသာအလိုအရ တမ်းတမက်မောအပ်သောအရာမဟုတ်။ ကောင်းကင်ဘုံထက်မြင့်မြတ်သော အရဟတ္တမဂ်ဖိုလ်ဟူသောဥာဏ်ပညာကိုရရှိရေးကိုသာ လမ်းညွှန်၏။ အထက်ဆိုခဲ့ပါ ဗုဒ္ဓဘာသာဖြစ်ကြောင်း အကျဉ်းချုပ် အချက်လေးချက်တွင် ပါရမီဟူသည် စူပါမင်း တန်ခိုးရှင်တို့နှင့်သာသက်ဆိုင်သည့်သဘောတရား ကျင့်စဉ်မဟုတ်။ မည်သူမဆို ကျင့်နိုင်၏။ မည်သူမဆိုပါရမီရှင်ဖြစ်နိုင်၏။ တစ်ဖန် ပါရမီဟူသည် ယနေ့တွင်ကျယ်နေသော Social Welfare Activities ဟုခေါ်ဆိုသည့်  လူမှုသာယာဝပြောရေးလုပ်ငန်းတို့ကို ကရုဏာနှင့်ပညာတို့ဖြင့်အရင်းတည်၍ စွန့်လွှတ်လုပ်ဆောင်ခြင်းပင်ဖြစ်၏။ ပါရမီဆယ်ပါးကို သေချာစွာသုံးသပ်ကြည့်ပါက လူမှုသာယာဝပြောရေးလုပ်ငန်းများသာဖြစ်ကြောင်း ကောင်းကောင်းကြီးသိနိုင်ပေမည်။ ကမ္မဋ္ဌာန်းတရားတို့ကား အများနားလည်ထားကြသည့် ရုပ်ပိုင်းဆိုင်ရာ တိုးတက်မှုဖြစ်သည့် လှုမှုသာယာဝပြောရေးထက်ကျော်လွန်သွားသော စိတ်ပိုင်းသာယာဝပြောရေးလုပ်ငန်းဖြစ်၏။ ထို့ကြောင့် ဗုဒ္ဓဘာသာ၏ဇစ်မြစ်သည် ကရုဏာနှင့်ပညာနှစ်ပါးကိုအခြေခံ၍ လောက၏ ရုပ်ပိုင်းဆိုင်ရာဖွံ့ဖြိူးမှုနှင့် စိတ်ပိုင်းဆိုင်ရာ ဖွံ့ဖြိူးမှုတို့ကို ကိုယ်ကျိူးမဖက် မေတ္တာသက်သက်ဖြင့် ဆောင်ရွက်ခြင်းပင်ဖြစ်၏ဟုလည်း တနည်းမှတ်ယူနိုင်ပါ၏။ ဖန်ဆင်းခြင်းကို အကြောင်းပြ၍ အကြောက်တရားဖြင့် ကိုးကွယ်ယုံကြည်ခိုင်းသောဘာသာမဟုတ်။ ဘာကိုမျှ ဘယ်သူ့ကိုမျှ ကြောက်စရာမလိုဘဲ ကိုယ့်ကိုယ်ကို ယုံကြည်စိတ် အားကိုးစိတ် မေတ္တာစိတ်များတိုးပွါးရင့်ကျက်လာအောင် သင်ကြားပေးသောဘာသာဖြစ်၏။ လောက၏အရာရာကို အမှန်အတိုင်း အကြောက်တရားကင်းမဲ့စွာ ဝေဘန်ဆန်းစစ်သုံးသပ်တတ်အောင်သင်ကြားပေးသော ပညာရေးစံနစ်တစ်ခုလည်းဖြစ်၏။  လောက၏ ပညာရပ်အားလုံးထက် ကျော်လွန်သော အမြင့်ဆုံးသောဥာဏ်ပညာကိုရရှိရန် သင်ကြားပေးသော ဘာသာလည်းဖြစ်၏။ လူသားအဓိကဘာသာဖြစ်၏။ လူသားသည်သာပဓာနဖြစ်၏။ အခရာဖြစ်၏။ လူသားသည်သာ သဘာဝလောကကြီးကို မိမိတို့အလိုရှိသလို ဖန်တီး၏။ လူသားကို စင်္ကြာဝတေးမင်းဖြစ်သည်အထိလည်းမြှင့်တင်၏။ ဘုရားဖြစ်သည်အထိလည်းလမ်းညွှန်၏။ ယနေ့ပြောနေသော လူ့အခွင့်အရေးအပြည့်အဝရှိသောဘာသာဖြစ်ချေ၏တကား။ ဤကဲ့သို့ စင်္ကြာဝတေးမင်းဖြစ်သည်အထိ၊ ဘုရားဖြစ်သည်အထိ လမ်းညွန်သင်ကြားပေးခဲ့သော လူ့အခွင့်အရေးရှိသည့်ဘာသာများ ဝါဒများ ဤကမ္ဘာဤစင်္ကြာဝဠာဝယ် အဘယ်မည်သောနေရာတွင်ရှိနိုင်ပါမည်နည်း။ အဘိဓမ္မာတရားကဲ့သို့ သဘာဝတရား၏အရာရာကို ရှင်းလင်းစွာဖေါ်ထုတ်ပေးခဲ့သော ပညာရပ်များပါဝင်သည့်ဘာသာကို ဤကမ္ဘာဝယ် ရှာဖွေကြည့်စမ်းပါလော့။ မြတ်ဗုဒ္ဓ၏ဓမ္မများမှတပါး အခြားတွင် လုံးဝတွေ့နိုင်မည်မဟုတ်ကြောင်း မိမိရဲရဲကြီး ပြောလိုက်ပါ၏။ လူသားကို ပဓာနပြု၍ စင်္ကြာဝတေးမင်းအဆင့်၊ ထို့ထက် ဘုရားအဆင့်ထိ လူသားတန်ဘိုးကို ညွှန်ပြခဲ့သော လူ့အခွင့်အရေးကိုထိုမျှအထိပေးသော ပွင့်လင်းသောဘာသာနှင့်ဝါဒများ ဤကမ္ဘာ ဤစင်္ကြာဝဠာဝယ် ဗုဒ္ဓဘာသာမှတစ်ပါး ဘယ်နေရာမျှ ရှာ၍တွေ့နိုင်မည်မဟုတ်တော့။ သို့ဖြစ်၍ မိမိတို့ကိုးကွယ်နေသောဗုဒ္ဓဘာသာသည် သာမန်ဆုတောင်းဝတ်ပြုရုံ အပေါ်ယံလုပ်ငန်းသက်သက်မျှမဟုတ်၊ လူ့လောကအတွက် အမှန်တကယ်ဖြည့်ကျင့်ရသော နေ့စဉ်ဘဝတွင် အမြဲကျင့်သုံးသင့်သော လူမှုဘဝအတွက်အမြဲအသုံးချသင့်သော ကျင့်သုံးသလောက်လည်း လက်တွေ့အကျိူးရှိသော စစ်မှန်သည့် ဘာသာဖြစ်ကြောင်း ကောင်းကောင်းကြီးသတိပြုနားလည်ထိုက်၏။  သို့ဖြစ်၍ ဗုဒ္ဓဘာသာပီပီ ဗုဒ္ဓလမ်းစဉ်ကို တတ်စွမ်းသလောက်လိုက်ကြပါစို့၊ မြတ်ဗုဒ္ဓ၏လမ်းစဉ်ကိုလိုက်ရင်းဖြင့် လောကကောင်းကျိူးကို သယ်ပိုးနိုင်ကြပါစေဟု တိုက်တွန်းဆုတောင်းရင်း ဤစာတမ်းကိုနိဂုံးကမ္ပတ်အဆုံးသတ်လိုက်ပါသည်။
အားလုံးကျမ္မာချမ်းသာကြပါစေ။
                                                     မေတ္တာဖြင့်
                                                    အရှင်ပညာသာမိ (ဘုန်းသူရိန်)

     ကျမ်းကိုးစာရင်း။ လောကော သတ္တာန မာစေရော ဟူသော စကားအရ လောကတွင်ရှိရှိသမျှသော သင်ဆရာ မြင်ဆရာ ကြားဆရာများနှင့် သက်ရှိသက်မဲ့ အရာရာတို့သည် မိမိ၏ကျမ်းကိုးစာရင်းပင်ဖြစ်ပါ၏။ 

Sunday, March 11, 2012

ဗုဒ္ဓဘာသာ ဇစ်မြစ် ( ၂၈ ) ဥပေက္ခာပါရမီ

ဤဥပေက္ခာဟူသော စကားလုံးကိုရှေးရှေးသော ပါရမီစကားလုံးများကဲ့သို့အသုံးမတွင်ကျယ်လှသော်လည်း သုံးနှုံးပြောဆိုမှုတော့ရှိသည်ပင်။ သုံးနှုံးပြောဆိုမှုနည်းသည်ကိုတွေ့ရ၏။ ထိုသို့သုံးနှုန်းပြောဆိုမှုနည်းသကဲ့သို့ ဥပေက္ခာ၏ မူလသဘောသဘာဝကို နားလည်သူလည်းအလွန်ရှားပါးလိမ့်မည်ထင်သည်။ အကြောင်းမှာ ဤစကားလုံး၏ အဓိပ္ပါယ်ကိုပြည့်စုံရန်မဆိုထားနှင့် အတိုင်းအတာတစ်ခုအထိ ဖြည့်ကျင့်ဘို့ရန်ပင် ခက်ခဲလှသောကြောင့်ပင်ဖြစ်၏။ လောကတွင် မိမိချစ်ခင်သောသူ၊ ရင်းနှီးသောသူများ၊ မိမိတို့နှင့် ဆက်စပ်ပတ်သက်သူများကို မိမိတို့စွမ်းသလောက် ကူညီဆောင်ရွက်ပေးလေ့ရှိကြ၏။ မိမိတို့ ပြောသည့်အတိုင်း အကြံပေးသည့်အတိုင်း ကူညီသည့်အတိုင်း တစ်ဖက်သားကလိုက်နာလျှင် ကျေနပ်၏။ ဆက်လက်၍အကူအညီပေး၏။ အကယ်၍ မလိုက်နာလျှင် ကူညီလိုစိတ်များကုန်ခန်းသွားတတ်ကြ၏။ ထိုအခါ ငါ့စကားမှ နားမထောင်ဘဲ၊ သူ့ထိုက်နဲ့သူ ရှိပစေတော့ ဟုစိတ်ပိုင်းဖြတ်ကာ ကျောခိုင်းလိုက်ကြ၏။ ထိုပုဂ္ဂိုလ်ကို လှည့်၍ပင်မကြည့်တော့။ ဂရုလဲမစိုက်တော့။ ငါတော့ သူ့ကို ဥပေက္ခာပြုလိုက်ပီ ဟု ပြောဆိုသည်များကို ကြားရဖူး၏။ ကိုယ်စိတ်တိုင်းမကျ၍ ဒေါသစိတ်ဖြင့် (တိုက်ခိုက်ဖိနှိပ်လိုသော ဒေါသကိုမဆိုလိုပါ။) ကျောခိုင်းပစ်ခွာလိုက်ခြင်းကိုပင် ဥပေက္ခာဟု အယူအဆလွဲမှားစွာ သုံးစွဲနေကြခြင်းဖြစ်လေ၏။ ထို့ပြင် အခြေအနေနှင့် အကြောင်းကြောင်းအရ မိမိတို့ချစ်ခင်သူများနှင့် ခွဲခွါရသောအခါတွင်လည်း မတတ်သာ၍ ခပ်ခွာခွာလေးနေရသည်ကိုပင် ဘဝခြင်းမမျှလုိ့ ဥပေက္ခာစိတ်နဲ့ပဲ နေလိုက်ရတယ် ဟုပြောဆိုသံများလည်းကြားရဖူး၏။ အမှန်မှာ ဥပေက္ခာမဟုတ်၊ လောက၏ အနိမ့်အမြင့် အကြမ်းအနုစသော လောကဓံကိုရင်မဆိုင်ရဲခြင်း သို့မဟုတ် သတ္တိနဲခြင်းသာဖြစ်၏။(မည့်သို့မျှပေါင်းစပ်ဖို့ရန်မဖြစ်နိုင်သော အနေအထားကိုမဆိုလိုပါ။ ကြိူးစားလျှင်ပေါင်းစပ်ဖို့ဖြစ်နိုင်ပါလျှက် မကြိူးစားဝံ့သောသူမျိူးကိုသာရည်ရွယ်ပါ၏။) မိမိတို့စိတ်တိုင်းမကျ၍ ဖြစ်လိုရာဖြစ်စေတော့ဟု
ကျောခိုင်းပစ်လိုက်သော ဒေါသစိတ်နှင့် သတ္တိနည်းပါးမှုကြောင့် ရှောင်ထွက်ခြင်းတို့ကို သဗ္ဗေသတ္တာ စာရင်းထဲထည့်လိုက်ပြီ၊ ဥပေက္ခာပြုလိုက်ပြီ ဟုပြောဆိုသံများကို မိမိမကြာခဏကြားရဖူး၏။ ဤသည့်အယူအဆမှားသည် အဘိဓမ္မာကိုသေချာစွာမသင်ဘူးသူများ သို့မဟုတ် မြတ်ဗုဒ္ဓ၏ဓမ္မနှင့် အလွန်ဝေးကွာသူများ၏ မှားလေ့မှားထရှိသော ဖြစ်စဉ်တစ်ခုဟု ဆိုချင်ပါ၏။ အပြစ်ဟုဆိုခြင်းမဟုတ်ပါ။ အမှန်စင်စစ် ဥပေက္ခာ၏ တရားကိုယ်အရကောက်သည် တတြမဇ္ဈတ္တတာ စေတသိက်ဖြစ်၏။ ဤစေတသိက်၏ အဓိပ္ပါယ်သည် ဝမ်းမြောက်စရာတွေ့သော်လည်း ဝမ်းမမြောက် မသာယာ၊ ကြောက်စရာတွေ့သော်လည်း မကြောက်မလန့်၊ ဒေါသဖြစ်စရာတွေ့သော်လည်း ဒေါသမဖြစ်၊ အလယ်အလတ်တည့်မတ်ခြင်းသဘောရှိ၏။ အလည်အလတ်တည့်မတ်ခြင်းသဘောရှိ၏ ဟုဆိုသဖြင့် မည်သည့်လှုပ်ရှားမှုမှမရှိဘဲ အလည်တွင်ငြိမ်ငြိမ်ကလေးတည်နေသည့်သဘောဟုမထင်မှတ်စေလိုပါ။ ဘာမှမပြောဘဲ နှုတ်ဆိတ် နှုတ်ပိတ်ကာငြိမ်နေသည်ဟုလည်းအမှတ်မမှားသင့်။ ထို့ပြင် ကောင်းမှုနှင့် မကောင်းမှုဟူသော အစုနှစ်စုတွင် ဘယ်ဘက်မှမလိုက်ဘူး၊ အလယ်အလတ်လမ်းစဉ်ပဲလိုက်တယ်ဟုလည်း လွဲမှားစွာနားမလည်သင့်ပေ။ ဤသည့်စိတ်ထားမျိူးသည့် အမှန်တရားဘက်မှ မရပ်တည်ရဲသော သူရဲဘောကြောင်သည့် ရှောင်ထွက်လိုသည့် တာဝန်မယူရဲသည့်စိတ်ထားပင်ဖြစ်၏။ အမှန်စင်စစ် ဥပေက္ခာဟူသည် ပြောသင့်သည့်အရာကိုပြော၏။ လုပ်သင့်သည့်အရာကိုလုပ်၏။ အမှားနှင့်အမှန်ကို တည့်မတ်အောင် ကောင်းကျိူးဖြစ်ထွန်းအောင် ဦးစီးရွက်ဆောင်သော သဘောလည်းရှိ၏။ မှားသည့်အရာကို မှားသည့်အတိုင်း သူ့ထိုက်နဲ့သူရှိပစေတော့ဟုလည်းကျောခိုင်းပစ်မသွား၊ မှန်သည့်အရာကိုလည်း အမှားဘက်သို့မယိမ်းယိုင်စေဘဲ ဆက်လက်တည့်မတ်နေရန် ထိန်းကျောင်းပေး၏။ တည့်မတ်တည်ငြိ်မ်စွာလှုပ်ရှားတက်ကြွ၏။ ထို့ကြောင့် တို့ကတော့ အလယ်အလတ် ဥပေက္ခာလမ်းစဉ်ပဲ၊ ဘယ်ဘက်မှမလိုက်ဘူးဟု ပြောဆိုနေသူများသတိထားဘို့ဖြစ်၏။ မြတ်စွာဘုရားရှင်သည် သိက္ခာပုဒ်ပညတ်သည့်အခါဝယ် အပြစ်ကျူးလွန်သောသူကို တရားမဆုံးဖြတ်ဘဲ ဘယ်ဘက်မှမလိုက်ဘူး၊ အလယ်အလတ်လမ်းစဉ်ပဲ ဟုဆိုကာ ရှောင်ထွက်ခဲ့သောသာဓကများရှိခဲ့ဖူးပါသလား။ စင်စစ်မရှိခဲ့ချေ။ တရားအားလျော်စွာ အမှန်နှင့်အမှားတို့၏သဘာဝအတိုင်း တည်ငြိမ်တည့်မတ်ခိုင်မာပြတ်သားစွာ ဆုံးဖြတ်တော်မူခဲ့သည်ချည်းပင်ဖြစ်၏။ အထူးသဖြင့် လောက၏သဘာဝအရ  ချီးမွမ်းခြင်း ကဲ့ရဲ့ခြင်း အောင်မြင်ခြင်း ကျရှုံးခြင်းစသော လောကဓံတရားများသည် မည့်သူ့ကိုဖြစ်စေ မည့်သည့်အရာကိုဖြစ်စေ ရိုက်ခတ်မည်မှာအမှန်ပင်ဖြစ်၏။ ထိုသည့်လောက၏ ရိုက်ချက်တို့ကို မည်သူတစ်ဦးတစ်ယောက်မျှရှောင်လွှဲ၍မရနိုင်။ ထိုလောက၏ ထိုးနှက်ချက် ရိုက်ချက်တို့သည် ( ချီးမွမ်းခံရခြင်းနှင့်အောင်မြင်ခြင်းတို့သည်လည်း လောက၏ သိမ်မွေ့သော နားဝင်ချိူသော လိုလားကြသော ထိုးနှက်ချက် ရိုက်ချက်တို့သာဖြစ်ကြောင်း၊ တကယ့်ပန်းတိုင်အစစ်မဟုတ်သေးကြောင်း၊ ပန်းတိုင်ကိုသွားဘို့ရန် နည်းလမ်းများ သို့မဟုတ် မှတ်တိုင်များသားဖြစ်ကြောင်းကိုသတိပြုပါ) မထင်မှတ်ဘဲ လျှပ်တစ်ပြက်လည်းဖြစ်နိုင်၏။ ကြိုတင်မျှော်မှန်းထားသလိုလည်းဖြစ်နိုင်၏။ မည်သို့ဆိုစေ ထိုလောက၏ ရိုက်ချက်တို့နှင့်တွေ့ကြုံရသည့်အခါ မည်သည့်ရိုက်ချက် ထိုးနှက်ချက်ကိုမျှအလေးမပြု၊ မတုန့်ပြန်၊ ဂရုလည်းမစိုက်၊ အသိမှတ်လည်းမပြု၊ သူအမှန်တကယ် လုပ်သင့်သည့်အရာကို ဆက်လက်၍ တည့်မတ်စွာလုပ်ဆောင်၏။ ချီးမွမ်းခံရမှုကိုလည်းမသာယာ၊ ကဲ့ရဲ့ခံရမှုကိုလည်း ဝမ်းမနဲ၊ အောင်မြင်မှုကြောင့်လည်း မာန်မတက်၊ ကျရှုံးခြင်းကြောင့်လည်း စိတ်ဓါတ်မကျဘဲ ကောင်းကျိူးဖြစ်နိုင်သည့်အရာမှန်သမျှကို တည်ငြိမ်တည့်မတ်ပြတ်သားစွာဆက်လက်လုပ်ဆောင်နိုင်အောင် ထိန်းကျောင်းပေးသည့်သဘောသည် ဥပေက္ခာဖြစ်၏။ မြင့်မြတ်လှလေစွ။ ကျင့်နိုင်ဘို့ရန်လည်းခက်ခဲလှလေစွတကား။ ထို့ကြောင့်ပင် ဤဥပေက္ခာပါရမီကို အလွန်ရင့်ကျက်သော သူတော်စင်များသာလျှင် သူ့သဘောအတိုင်းပြည့်စုံအောင်တိကျစွာဖြည့်ဆည်းနိုင်ကြ၏။ ထို့ပြင် ဤဥပေက္ခာ၏အဓိက ရန်သူတို့သည် လောကကြီးမဟုတ်။ လောက၏ရိုက်ချက် ထိုးနှက်ချက်များလည်းမဟုတ်၊ အဟုတ်အစစ်ကား မိမိ၏ရင်တွင်းတွင်ရှိနေသော လောဘ ဒေါသ မောဟတို့သာလျှင်ဖြစ်၏။ ထိုလောဒေါမောသုံးခုကိုသာ မိမိက နိုင်ထားလျှင် လောက၏ရိုက်ချက်များဟူသည် ပုရွက်ဆိတ်ကိုက်သလောက်မျှ နာစရာဟုတ်၊ အဟန့်အတား အနှောက်အယှက်လည်းမဟုတ်၊ အခက်အခဲဟူ၍လည်း သတ်မှတ်စရာမလိုတော့၊ ထို့ကြောင့် ဤဥပေက္ခာပါရမီကို ဖြည့်ကျင့်နိုင်ဘို့ရန် မိမိရင်တွင်းဝယ် လောဒေါမောတို့ အတော်အတန်ကင်းဝေးနေဘို့တော့လိုအပ်ပါ၏။ ထို့ကြောင့် ဥပေက္ခာပါရမီဟူသည် မည်သည့်လောကဓံ၏ ရိုက်ချက် ထိုးနှက်ချက်ကြောင့်မျှ ယိမ်းယိုင်မသွားဘဲ လောက၏ ကောင်းကျိူးမှန်သမျှကို တည်ငြိမ်တည့်မတ်ပြတ်သွားစွာ ဆက်လက်လုပ်ဆောင်နိုင်ရန် ထိန်းကျောင်းတည့်မတ်ပေးနိုင်သော တတြမစ္ဇျတ္တတာစေတသိက်၏ စွမ်းအင်ပင်ဖြစ်ပါကြောင်း တင်ပြလိုက်ရပါ၏။ ဤဥပေက္ခာပါရမီသည် ခက်သည်ဟုဆိုကာမျှဖြင့်မိမိတို့နှင့်မဆိုင်၊ ဘုရားအလောင်းတော်စသော သူတော်စင်ကြီးတို့နှင့်သာသက်ဆိုင်သည်ဟုသဘောထားကာ မျက်ကွယ်မပြုသင့်ပေ။ အမှန်စင်စစ် ဗုဒ္ဓရှင်တော်မြတ်ဟောကြားထားတော်မူသော ကျင့်ခဲ့တော်မူသောတရားတော်များသည် အမှန်ဆန္ဒသာရှိပါက လူသားများမကျင့်နိုင်စရာအကြောင်းမရှိပေ။ ထို့ပြင် ဘုရားရှင်ကလည်း ငါမှကျင့်နိုင်တယ်၊ ငါပဲဘုရားဖြစ်နိုင်တယ်၊ တစ်ခြားသူများမကျင့်နိုင်၊ ဘုရားမဖြစ်နိုင်ဟုလည်း တစ်လုံးတစ်ပါဒမျှမဟောကြား၊ မသွန်သင်ခဲ့ပေ။ ဗုဒ္ဓဘုရားရှင်သည်ပင် သာမန်လူသားတစ်ယောက်အဖြစ်မှ ထိပ်တန်းအနှိုင်းမဲ့ဘုရားအဖြစ်သို့ရောက်အောင် ကျင့်ဆောင်ပြခဲ့သည်မဟုတ်ပါလား။ သို့ဖြစ်၍ မိမိလည်း မိမိတို့သာ ဆန္ဒရှိကြမည်ဆိုလျှင် ဘုရားအဖြစ်သို့လည်းရောက်အောင်ကျင့်နိုင်ပါ၏။ အဂ္ဂသာဝကအဖြစ်၊ မဟာသာဝကအဖြစ် စသည့်စသည့်မြင့်မြတ်သည့်ဘဝများသို့ရောက်အောင်လည်း ကျင့်ဆောင်နိုင်ကြပါ၏။ ကျင့်ဆောင်နိုင်ရန်လည်း ဘုရားရှင်က နည်းလမ်းများပေးခဲ့ပြီးဖြစ်၏။ ထို့ကြောင့် ဘုရားရှင်ကရှေ့ဆောင်၍ ကျင့်လည်းပြ၍ နည်းလမ်းလည်းပေးခဲ့သကဲ့သို့ မိမိတို့လည်း လောကကောင်းကျိူးအတွက် စွမ်းနိုင်သည့်အလုပ်ကို ကျရောက်သည့်နေရာမှ ပါရမီစိတ်ထားများဖြင့် စွမ်းဆောင်ကြဘို့လိုအပ်ပါ၏။ စွမ်းဆောင်နိုင်ကြပါစေဟုလည်း ဆန္ဒပြုလိုက်ရပါ၏။

***ဓမ္မမိတ်ဆွေများ၏အမှာစကား***