Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Thursday, October 2, 2014

ဒုိုင်ယာရီအပုိုင်းအစလေးများ ( ၁၆ ) စိတ်သာပဓာန


အိန္ဒိယစားသောက်ဆုိုင်သည် အိန္ဒိယနုိုင်ငံတွင်ရှိသော ဆုိုင်များနှင့်ကွာခြားလွန်းနေသည်။ အိန္ဒိယပုံစံနှင့် ဥရောပပုံစံတုို့၏ခြားနားမှုကား တော်တော်များသည်။ ( သုို့သော် ဟုိုတယ်ဝန်ဆောင်မှုပုိုင်းတွင်ကား ခြားနားမှု သိပ်မရှိလှပါ။ ) သန့်ရှင်းမှု၊ ငွေပေးချေမှုစနစ်၊ စားသောက်မှုပုံသဏ္ဌာန်နှင့်ဝန်ဆောင်မှုတုို့မှအစ အရာအားလုံးခြားနားနေသည်။ အစားအစာများမှာသောအခါ မိမိက “ အိန္ဒိယ ဟင်းခတ်အမွှေးအကြိုင် သုံးသလား ” ဟု မေးလုိုက်သည်တွင် “ မသုံးပါဘူး ” ဟု ဆုိုလေသည်။ “ ဘယ်ဟင်းခတ်အမွှေးအကြိုင်ကုို ထည့်ပေးရမလဲ ” ဟု ပြန်မေးလာသည်ကုို “ ဘယ်ဟာမှ မသုံးဘူး ” ဟု မိမိကပြန်ပြောလုိုက်သည်။ သုို့နှင့် အစားအစာလာချပေးသဖြင့် စားတော့မည်ပြုစဉ် ဆုိုင်ဝန်ထမ်းတစ်ဦးက “ တောင်းပန်ပါတယ်၊ ဟင်းခတ်အမွှေးအကြိုင်မှားထည့်ပေးမိပါတယ်၊ အသစ်ပြန်လုပ်ပေးပါမည် ” ဟုဆုိုကာ စားခါနီးဆဲဆဲ ဆွမ်းပွဲကုိုပြန်သိမ်းသွားလေသည်။ မိမိကလည်း အသစ်လဲခုိုင်းသည်မဟုတ်၊ သိလဲမသိသေးဘဲ သူ့တုို့၏ အားနဲချက်ကုို သူတုို့ကိုယ်တုိုင် တာဝန်ယူသွားခြင်းပင်ဖြစ်သည်။ အသစ်လာချပေးသော ဆွမ်းကုိုဘုန်းပေးပြီး၍ အကြိုက်ဆုံးဖြစ်သည့်ဘလက်ခ်ကော်ဖီတစ်ခွက်ဖြင့် တစ်နေ့တာဆွမ်းကိစ္စကုို အဆုံးသတ်လုိုက်သည်။

နေ့လည်ခင်း အဘိဓမ္မာသင်တန်းပြန်စသောအခါ စိတ်၏အရေးကြီးပုံကုို ဓမ္မပဒမှာလာရှိသည့် မနောပုဗ္ဗင်္ဂမာ ဓမ္မာ စသော ဂါထာကုို အနဲငယ်ချဲ့ ထွင်၍ ရှင်းပြလုိုက်သည်။ လောကတွင် သက်ရှိ သက်မဲ့အရာရာ၏ ဖြစ်ပျက်သမျှသည် စိတ်အပေါ်တွင်သာ မူတည်ကြောင်း၊ စိတ်ကသာ ရှေ့ သွားဖြစ်ကြောင်း၊ အကြီးအမှုးဖြစ်ကြောင်း၊ စိတ်ကြောင့်သာ ဖြစ်နေရကြောင်းများကုို လူ့သမုိုင်းနှင့်ယှဉ်၍ ရှင်းပြလုိုက်သည်။ ကမ္ဘာဦးမှသည် ယနေ့အထိ နုိုင်ငံရေးစနစ်၊ လူမှုစနစ်၊ လူနေမှုအဆင့်အတန်း၊ တုိုးတက်မှုနှင့်ဆုတ်ယုတ်မှု၊ ပြောင်းလဲလာနေသော လူနေမှုပုံစံ စသည်တုို့သည် လူသားတုို့၏ စိတ်ကြောင့်သာလျှင် ဖြစ်ရကြောင်း၊ ကောင်းကင်ဘုံမှ မည်သည့်တန်ခုိုးရှင်ကမျှ ဝင်ရောက်ဖန်တီးခြင်း ကူညီခြင်း ဖျန်ဖြေခြင်း အလျဉ်းမရှိကြောင်း စသည်ဖြင့် ခေတ်အလုိုက်ဖြစ်ပျက်ခဲ့သည့်သမုိုင်းများနှင့်ယှဉ်ထုိုး၍ ရှင်းပြလုိုက်သည်။
သင်ကြားရေးကုို အာရုံစုိုက်ထားရသဖြင့် သင်တန်းချိန်အတွင်းမေးကြသည့် တုိုလီမုစ္စမေးခွန်းများကုိုကား အကုန် မမှတ်မိတော့ပေ။ တစ်နာရီကျော်မျှကြာသွားသောအခါ လက်ဖက်ရည်သောက်ချိန်နားကြသည်။ ထုိုစဉ်အတွင်း အမျိူးသား တစ်ယောက်မှ ဤသုို့မေးလာသည်။

မေးခွန်း….. ၇။ မနောပုဗ္ဗင်္ဂမာ ဓမ္မာနဲ့ပတ်သက်လုို့ သိချင်ပါတယ်။ စိတ်ကြောင့်ဖြစ်တယ်ဆုိုတာလက်ခံပေမယ့် အချို့ အရာတွေကတော့ စိတ်ကြောင့်ဖြစ်တာမဟုတ်ပါဘူး။ အတွေ့အကြုံကြောင့် ဖြစ်ပျက်သွားတာတွေ၊ ပြောင်းလဲသွားတာတွေရှိပါတယ်။ အဲဒါကုို ဘယ်လုိုပြောမလဲ?

ဖြေ……၇။ “ ဟုတ်ပီ။ ဒါဆုိုရင် အတွေ့အကြုံတွေကရော ဘာကြောင့်ဖြစ်တာလဲ ” ဟု မိမိက ပြန်မေးလုိုက်သည်တွင် “ ကုိုယ့်ရဲ့ရွေးချယ်မှုကြောင့် ဖြစ်တာပါ ” ဟု မဆုိုင်းမတွပြန်ဖြေလာသည်။ “ ဟုတ်ပီ။ အဲဒီရွေးချယ်မှုကုို ဘာနဲ့ရွေးချယ်တာလဲ ” ဟု မိမိက ထပ်ဆင့်မေးလိုက်သည်တွင် သူကား သဘောပေါက်သွားဟန်ဖြင့် ပြန်မဖြေဘဲ ပြုံးနေလေသည်။ သုို့နှင့် မိမိကပင်ဆက်လက်၍ ပြောလုိုက်သည်။ “ ရွေးချယ်တဲ့အခါမှာလဲ စိတ်နဲ့ပဲရွေးချယ်တယ်။ ရွေးချယ်တဲ့အခါမှာ စိတ်အားထက်သန်သည်ဖြစ်စေ မသန်သည်ဖြစ်စေ စိတ်နဲ့ပဲရွေးချယ်တာ၊ ဆုံးဖြတ်တာပါပဲ။ အဲဒီဆုံးဖြတ်ချက်၊ ရွေးချယ်ချက်အရ တွေ့ ကြုံလာကြရတာပဲ၊ အသိဥာဏ်ရှိတဲ့လူက အဲဒီအတွေ့အကြုံပေါ်မှာ သင်္ခန်းစာယူပြီးတော့ အကောင်းဘက်ကုိုပြောင်းလဲယူကြတာဖြစ်တယ်။ ဥာဏ်နဲတဲသူတွေကတော့ သင်္ခန်းစာမယူတတ်လေတော့ သူတုို့ရဲ့အတွေ့ အကြုံတွေဟာ ဘဝအတွက် အရည်အသွေးတွေဖြစ်မလာဘူး။ အတွေ့ အကြုံမည်ကာမျှပဲဖြစ်တယ်။ ဒါကြောင့် ဥာဏ်ရှိသူအတွက် အတွေ့ အကြုံဟာ အရေးအကြီးဆုံးပါပဲ။ ဟုတ်တယ်။ အတွေ့ အကြုံရှိဖူးတဲ့ စိတ်ဟာလဲ ပုိုလုို့ ရင့်ကျက်လာတယ်။ အဲဒီရင့်ကျက်တဲ့ စိတ်နဲ့ ဆောင်ရွက်ရင် အရာရာဟာ အမှားနဲမယ်။ အကောင်းဘက်ကုို ဦးတည်စေမယ်။ ဒါကြောင့် ဘဝမှာ အရာရာရဲ့အကြောင်းရင်းဟာ စိတ်သာပဓာနဖြစ်ပါတယ်။ ဒီမေးခွန်းအတွက် ဒီလောက်ဆုို ပြည့်စုံပါပြီ။
မိမိကသာ ပြည့်စုံပြီဟုဆုိုသော်လည်း သူ၏ မျက်နှာတွင်ကားမကျေနပ်၊ အားမရသေးသည့် အမူအရာပြနေလေသည်။ ထုို့ကြောင့် မိမိက သူ၏ မျက်နှာကုို စုိုက်ကြည့်နေစဉ်မှာပင် နောက်ထပ်မေးခွန်းတစ်ခုဖြင့် ထပ်ဆင့်၍ အတွန့်တက်လာပြန်သည်။ ( ဆက်လက်ဖေါ်ပြပါမည် )



Wednesday, October 1, 2014

ဒုိုင်ယာရီအပုိုင်းအစလေးများ ( ၁၅ ) ငါတကယ်ပေါက်ပါပြီ


ဤသုို့ဖြေဆုိုပြီးသောအခါ လူငယ်အမျိူးသားတစ်ယောက်မှ မေးခွန်းထုတ်လာပြန်သည်ကုိုလည်း အသာတကြည်ပင်လက်ခံလုိုက်သည်။

မေးခွန်း….၆။ မဂ္ဂင်လမ်းစဉ် ရှစ်သွယ်မှာ ဘယ်လမ်းစဉ်ကို ပထမစကျင့်ရမလဲ?
ဖြေ……။ ၆။ ဘယ်လမ်းစဉ်ကုို စကျင့်ရမလဲဆုိုတော့ သမ္မာဒိဋ္ဌိ/ Right understanding လမ်းစဉ်ပဲဖြစ်တယ်။ ဒီ Right understanding ဟာ ဗုဒ္ဓဓမ္မရဲ့ အဦးအစ ပထမရှိရမယ့် အချက်ပါပဲ။ မှန်ကန်သောနားလည်မှုဆုိုတာ သူများပြောလုို့ မှန်တယ်ထင်ပြီး ( နားယောင်ပြီး ) လက်ခံထားတာမျိူးမဟုတ်ဘူး။ ကုိုယ်တုိုင်ကုိုယ်ကျ အရှိကုိုအရှိအတုိုင်း နားလည်တာ သိမြင်တာဖြစ်တယ်။ ခရစ်ယန်ဘာသာအရ ယေရှုသခင်က ပြောလုို့မှန်တာပဲ ဆုိုပြီးလက်ခံတာမဟုတ်ဘူး။ အစ်စလာမ်ဘာသာအရ မုဟုမ်မဒ်က ပြောလုို့ သူ့ကုိုလေးစားလုို့ နားလည်လက်ခံထားတာလည်းမဟုတ်ဘူး။ ဗုဒ္ဓဘာသာအရ ဗုဒ္ဓဘုရားရှင်ဟောတာကုို ကြိုက်လုို့ဆုိုပြီး လက်ခံနားလည်တာမျိူးလည်းမဟုတ်ဘူး။ အခြားဘယ်သူတစ်ဦးတစ်ယောက်ကမျှ ဘယ်တန်ခုိုးရှင်ကမှ ( ဆုပေးမယ် ဒဏ်ပေးမယ်ဆုိုတဲ့ အခြောက်တရား အမျှော်တရားတွေနဲ့ ) ဖိအားပေးလုို့လည်းမဟုတ်ဘူး။ သဘာဝတရားတုို့ရဲ့ ဖြစ်ပျက်မှုတွေကုို ကုိုယ့်ရဲ့ကိုယ်ပုိုင်ဥာဏ်စွမ်းနဲ့ သဘာဝအတုိုင်း ( အရှိအတုိုင်း ) သိမြင်နားလည်တာ လက်ခံထားတာကုိုဆုိုလုိုတယ်။ ဘုရားရှင်ကုိုယ်တော်တုိုင် ဘုရားမဖြစ်မီမှာ ဒီလမ်းစဉ်ကုိုမလျှောက်ခဲ့မိဘဲ အစွန်းတရားကုိုလျှောက်ခဲ့မိလုို့ ခြောက်နှစ်ကြာအောင် ဆင်းရဲခံခဲ့ရပြီး တရားထူးကုိုမရခဲ့ဘူး။ ဒီ Right understanding ဆုိုတဲ့ ပထမလမ်းစဉ်ကုို စတွေ့ တော့မှ လမ်းစဉ်အမှန်ကုိုရောက်ခဲ့တယ်။ နောက်ဆုံး ဘုရားဖြစ်လာခဲ့တယ်။

ဒီလမ်းစဉ်ကုို သိမြင်ဘုို့အတွက် ပထမရှိရမယ့် အရည်အသွေးက Clear vision ဖြစ်တယ်လုို့ ငါယူဆတယ်။ Clear vision ရှိမှသာ Right understanding ဆီသုို့ဦးတည်သွားနုိုင်တယ်။ အဲဒီ Clear vision ဟာ မင်းရဲ့ ပထမရှိရမယ့် ကုိုယ့်ရည်ကုိုယ်သွေးပဲ။ ဗုဒ္ဓက ဒီလုိုအရည်သွေးတွေ ထက်မြက်လာအောင် သင်ကြားပေးတယ်။ အဲဒီအရည်အသွေးတွေနဲ့ မင်းကုိုယ်တုိုင်ဆုံးဖြတ်ခွင့် ရွေးချယ်ခွင့်ရှိတယ်။ မင်းရဲ့ ကုိုယ်ပုိုင် ရွေးချယ်မှု၊ ဆုံးဖြတ်မှုအပေါ်မှာ ဆုပေးခြင်း ဒဏ်ပေးခြင်း ဘာမှမလုပ်ဘူး။ မင်းကုိုယ်တုိုင် တာဝန်ယူရတယ်၊ တာဝန်ခံရတယ်။ အခြားဘာသာတွေမှာတော့ ကုိုယ့်ဘဝကုို ကုိုယ်တုိုင်တာဝန်ယူစရာမလုိုဘူး။ တာဝန်ခံစရာလဲမလုိုဘူး။ Clear vision and right understanding ဆုိုတာလဲ ရှိဘုို့မလုိုအပ်ဘူး။ ဖန်ဆင်းရှင်ကုို ယုံကြည်မှုရှိမယ် ဆုတောင်းမယ်ဆုိုရင် လုံလောက်ပီ။ ဗုဒ္ဓရဲ့တရားတော်မှာတော့ လုပ်ချင်တာတွေလုပ်ပြီးမှ တန်ခုိုးရှင်ထံမှာ ဆုတောင်းရုံနဲ့မရနုိုင်ဘူး၊ ကုိုယ်တုိုင်လုပ်ခဲ့တာတွေအတွက် ကုိုယ်တုိုင်သာ တာဝန်ရှိသူဖြစ်တယ်။ တာဝန်ခံရတယ်။  သုို့သော် ကုိုယ့်လုပ်ရပ်ကုို ကုိုယ်တုိုင်တာဝန်မယူချင်သူတွေ၊ မယူရဲသူတွေကတော့ တန်ခုိုးရှင်ရဲ့အထံမှာ ဆုတောင်းတောင်းတဲ့ အလေ့အထကုို နှစ်သက်ကြတယ်။

ဒီ မဂ္ဂင်လမ်းစဉ်ရှစ်သွယ်ထဲမှာ တန်ခုိုးရှင် ဖန်ဆင်းရှင်ကုို ယုံကြည်ရမယ်လုို့လဲ အကြပ်မကုိုင်ဘူး။ ဆုတောင်းရမယ်လုို့လဲပြဌာန်းမထားပါဘူး။ ဖန်ဆင်းရှင်ဆုိုတဲ့သူက ( တကယ်လဲမရှိပါဘူး ) ငါ့ကုို ရှိခုိုးလုို့ လေးလေးစားစား ဆုတောင်းလုို့ သဘောကျပြီး ဆုပေးမယ်၊ ငါ့ကုို မလေးစားလုို့ ဒေါသထွက်ပြီး ဒဏ်ပေးမယ်ဆုိုတာလဲ မပါဘူး။ တကယ်တော့ မဂ္ဂင်ရှစ်ပါးဆုိုတာ လူတစ်ဦးချင်းစီရဲ့ မွန်မြတ်တဲ့ အရည်အသွေးတွေကို မြှင့်တင်ပေးပြီး ကုိုယ်ပုိုင်အရည်အသွေးနဲ့ ကိုယ်တုိုင်ဆုံးဖြတ်နုိုင်အောင် လျှောက်လှမ်းနုိုင်အောင် လမ်းညွှန်ထားတဲ့ သဘောတရားလမ်းစဉ်သာဖြစ်တယ်။

  ဒီလမ်းစဉ်ရှစ်သွယ်ဟာ တစ်ခုနဲ့တစ်ခု အပြန်အလှန်ကြောင်းကျိူးဆက်စပ်နေတယ်။ အုပ်စုခွဲရင် သီလ အုပ်စု၊ သမာဓိအုပ်စုနဲ့ ပညာအုပ်စုရယ်လုို့ သုံးအုပ်စုဖြစ်လာတယ်။  ဒီသုံးအုပ်စုထဲမှာ ပညာအုပ်စုကုို အစပထမကျင့်သင့်တယ်။ အဲဒါက Right understanding and right thought / သမ္မာဒိဋ္ဌိနဲ့သမ္မာသင်္ကပ္ဗ တုို့ဖြစ်တယ်။ အဲဒီ နှစ်ခုထဲကမှ သမ္မာဒိဋ္ဌိ ဖြစ်အောင်၊ အဲဒီသမ္မာဒိဋ္ဌိလမ်းစဉ်ကုိုလျှောက်ဖြစ်အောင် ပထမကြိုးစားရမယ်။ အဲဒီပထမလမ်းစဉ်ကုို ကျင့်နုိုင်ပြီဆုိုရင် အခြားလမ်းစဉ် ( ၇ ) သွယ်ဟာလဲ တွဲပါလာပြီးသားဖြစ်တယ်။ ဘာကြောင့်လဲဆုိုတော့ ကြောင်းကျိူးဆက်စပ်နေလုိ့ဖြစ်တယ်။

 မိမိလည်း ပြောလုိုက်သည့်စကားများ ရှည်သွားပြီဖြစ်သောကြောင့်ရပ်တန့်ပြီး “ မင်း ဒီလောက်ဆုို သဘောပေါက်ပြီလုို့ ငါထင်တယ် ” ဟု ပြောလုိုက်သောအခါ “ ငါ တကယ်ပဲ ရှင်းရှင်း သဘောပေါက်ပါပြီ ” တဲ့။
ဆွမ်းစားချိန်ကျရောက်လာသောကြောင့် မိမိကုို အနီးအနားရှိ အိန္ဒိယ စားသောက်ဆုိုင်သုို့ ပင့်သွားကြသည်။ ( ဆက်လက်ဖေါ်ပြပါမည် )

Tuesday, September 30, 2014

ဒုိုင်ယာရီအပုိုင်းအစလေးများ ( ၁၄ ) အဖြေကုို နှစ်သက်ပါတယ်

 ဟုိုတယ်တွင် တည်းခုိုရသည်မှာလည်း အဆင်ပြေသည်ပင်။ ပုို၍အဆင်ပြေသည့်အရာမှာ နံနက်စာ
 ( အာရုံဆွမ်း ) ပင်ဖြစ်သည်။ ဟုိုတယ်မှကျွေးသော အာရုံဆွမ်းသည် များပြားစုံလင်လှသည်။ သားသတ်လွတ်ဟင်းအမယ်က ( ၁၀ ) မျိူးလောက်ရှိမည်ထင်သည်။ အသားငါးဟင်းများကလည်း
 ( ၁၀ ) မျိူးခန့်လောက်ရှိသဖြင့်စုံလင်သည်။ ထုိုအထဲတွင် မိမိအကြိုက်ဆုံးဖြစ်သည့် ဖင်လန်အခေါ်
 မက္ကရာ ( အသားမျိူးစုံကုို ရောကြိတ်ထားပြီး ဝက်အူချောင်းပုံသဏ္ဌာန်ရှိလျှက် ကင်ထားသည့်အစားအစာ ) ကုိုလည်းတွေ့ရသည်။ ထုို့ပြင် ဝက်ဆားနယ်ခြောက် ပါးပါးကုိုကင်ထားသည့် အစားအစာ ( bacon ) ကုိုလည်းတွေ့ရသည်။ များစွာသော ဟင်းအမယ်များထဲမှ မက္ကရာနှင့် ဝက်ဆားနယ်ခြောက်ကုို ဆလပ်ရွက်နုနုလေးများဖြင့် ရော၍သုံးဆောင်လုိုက်သည်။ မိမိကြိုက်နှစ်သော အစားအစာဖြစ်သဖြင့် အရသာလည်းရှိ နှစ်သက်မှုလည်း ဖြစ်ရသည်။ ထုို့ပြင် ကြက်ဥမွှေကြော်နှင့် ငါးသေးသေးလေးများကုို အချဉ်ရည်စိမ်ထားသည်ကုိုလည်း ဆလပ်ရွက်နုနုလေးများနှင့် ရောနှောကာလွေးလုိုက်သေးသည်။ ဘလက်ခ် ကော်ဖီတစ်ခွက်ကုိုဖြေးညှင်းစွာ မျိုကျိုက်လျှက် နံနက်စာ အာရုံဆွမ်းကုို အပြီးသတ်လုိုက်သည်။ အားလုံးကျမ္မာချမ်းသာကြပါစေဟုလည်း အာရုံဆွမ်းစားသုံးစဉ် စူးစုိုက်စွာမေတ္တာပုို့နေမိသေးသည်။

  ထုိုနေ့ ( ၂၁.၀၉.၂၀၁၄ ) နံနက် ( 9:30 ) တွင် ဟုိုတယ်မှ သင်တန်းဌာနသုို့စတင်ထွက်ခွါ၍ နံနက် ( 10 ) နာရီတွင် တနင်္ဂနွေနေ့သင်တန်းစတင်ရသည်။ Buddhism အကြောင်းကုို တစ်နာရီကျော်ကြာမျှ သင်ကြားပြီးသောအခါ အမျိူးသားတစ်ယောက်မှ မေးခွန်းတစ်ခုမေးလာလေသည်။

မေးခွန်း…၅။ ဗုဒ္ဓက အခြားဘာသာစကားနဲ့မဟောဘဲ ဘာကြောင့် မဂဓဘာသာနဲ့ဟောတာလဲ?

ဖြေ….၅။ ဒီဘာသာစကားဟာ မဂဓတုိုင်းမှာ သုံးတဲ့ဘာသာစကားဖြစ်တယ်။ အာရိယန် ( အရိယ ) လူမျိူးတုို့ သုံးတဲ့ဘာသာစကားလဲဖြစ်တယ်။ အဲဒီ ဗုဒ္ဓခေတ်ရဲ့ အများသုံးဘာသာစကားဖြစ်ပြီး ပေါ်ပြူလာဖြစ်ခဲ့တဲ့ ဘာသာစကားလဲဖြစ်တယ်။ ဒီနေ့ခေတ် အင်္ဂလိပ် ပြင်သစ်စတဲ့ ဘာသာစကားတွေရဲ့ အများသုံးဖြစ်မှု ပေါ်ပြူလာဖြစ်မှုတွေနဲ့ နှိုင်းယှဉ်ကြည့်ရင် ပုိုလုို့ထင်ရှားမယ်။

ဒါ့အပြင် လောကီလူမှုနယ်ပယ်မှ အဓိပ္ဗါယ်များကုိုသာမက လောကုတ္တရာနယ်ပယ်မှ အဓိပ္ဗါယ်တွေကုိုပါ တိတိကျကျ ဖေါ်ပြပေးနုိုင်တဲ့  ဘာသာစကားလဲဖြစ်တယ်။ အထူးသဖြင့် မဂဓဘာသာဟာ လူသားတုို့ရဲ့ မူလဘာသာစကားလဲဖြစ်တယ်။ ဘယ်ဘာသာစကားကုိုမျှ မကြားဘူး မပြောဘူးတဲ့ ကလေးငယ်တစ်ယောက်ဟာ အစဦးဆုံးစကားပြောမယ်ဆုိုရင် မဂဓဘာသာကုိုသာပြောမယ်။ ဒါကြောင့် လူသားတုို့ရဲ့ မူလဘာသာစကားလုို့ ဆုိုခြင်းဖြစ်တယ်။ နတ်တွေ ဗြာဟ္မာတွေကလဲ မဂဓဘာသာစကားကိုပဲ သုံးကြတယ်။ ဒါကြောင့် ဗုဒ္ဓက မဂဓဘာသာနဲ့ဟောခဲ့တာဖြစ်တယ်။ သူကား ခေါင်းညိတ်လျှက် “ မင်းရဲ့အဖြေကုို နှစ်သက်ပါတယ် ” ဟု ဆုိုလေသည်။ ( ဆက်လက်ဖေါ်ပြပါမည် )


ဒုိုင်ယာရီအပုိုင်းအစလေးများ ( ၁၃ ) လက်တွေ့အားထုတ်ခြင်းဟာ အဖြေ

မိမိကလည်း သူမ၏အမေးကိုအပြုံးဖြင့် လက်ခံလုိုက်သည်။
မေးခွန်း…၄။ နိဗ္ဗာန်ဆုိုတဲ့သဘောတရားကို ထင်ရှားအောင် ပြောပေးပါ။
ဖြေ….၄။ ဒီမေးခွန်းဟာ လူအများမေးနေကျ မေးခွန်းဖြစ်တယ်။ ပညာရှင်များစွာကလဲ ထင်ရှားအောင် ဖြေထားကြပြီးဖြစ်တယ်။ ငါ့အမြင်အရ ပြောရရင် နိဗ္ဗာန်ကုိုထင်ရှားအောင် နားလည်ချင်ရင်တော့ မင်းကိုယ်တုိုင်ရဲ့ ဥာဏ်ဟာလဲ ထင်ရှားနေမှဖြစ်မယ်။ ကြည်လင်နေမှ ရှင်းလင်းနေမှဖြစ်မယ်။ ဘယ်လောက်အထိ ကြည်လင် ရှင်းလင်းနေရမလဲဆုိုရင် အနိမ့်ဆုံးအဆင့်အနေနဲ့ မင်းရဲ့ယုံမှားသံသယတွေ
 ( ဝိစိကိစ္ဆာ / doubt ) နဲ့မှောက်မှားလွဲချော်တဲ့အမြင် ( မိစ္ဆာဒိဋ္ဌိ / wrong vision ) တွေကုို ချွင်းချက်မရှိ လုံးဝဖြတ်တောက်နုိုင်လုိုက်တဲ့အထိ ရှင်းလင်းကြည်လင်နေရမှာဖြစ်တယ်။ အဲဒီသဘောတရားနှစ်ခုဟာ မင်းရဲ့ဥာဏ်မှာ တွယ်ကပ်နေဆဲဆုိုရင် မင်း အပြည့်အဝ နားလည်နုိုင်မှာမဟုတ်ဘူး။ ငါလဲပဲ ထင်ထင်ရှားရှား ( အပြည့်အဝ ) နားလည်အောင် ကြိူးစားနေဆဲအဆင့်ပဲ ရှိသေးတယ်။ ဒါပေမယ့် ငါလေ့လာထားသမျှထဲက လုိုရင်းကုိုပြောပြမယ်။
( ၁ ) နိဗ္ဗာန်ဆုိုတာ ဒီဘဝသေဆုံးပြီး နောက်ဘဝရောက်မှခံစားရတဲ့ စည်းစိမ်မျိူးမဟုတ်ဘူး။ နည်းမှန်လမ်းမှန်နဲ့ တကယ်ကျင့်သုံးရင် ဒီလက်ရှိဘဝမှာပဲ လက်တွေ့  မျက်တွေ့  ခံစားလုို့ရတဲ့ သဘောတရားဖြစ်တယ်။ သုို့သော် ဥာဏ်နဲ့မှသာ ခံစား ( သိနုိုင် ) နုိုင်တဲ့ အရာဖြစ်တယ်။ အဲဒီဥာဏ်က သောတာပတ္တိမဂ်ဥာဏ် ဖုိုလ်ဥာဏ် (stream-winner’s Enlightenment ) ဖြစ်တယ်။ မိန်းမောတွေဝေပြီးခံစားရဲ့ဝေဒနာမျိူးမဟုတ်ဘူး၊ ဥာဏ်နဲ့ကြည်ကြည်လင်လင် သိပြီးတော့မှ အေးအေးချမ်းချမ်း တက်တက်ကြွကြွ သိရ ခံစားရတဲ့ တရားအရသာဖြစ်တယ်။
( ၂ ) နိဗ္ဗာန်ဟာ အကောင်းနဲ့အဆုိုး အမှားနဲ့အမှန် ရှိခြင်းနဲ့မရှိခြင်းဆုိုတဲ့ အယူအဆတွေမှလွန်မြောက်သွားတဲ့သဘောတရားဖြစ်တယ်။ တနည်းပြောရရင် ယုတ္တိဗေဒနဲ့ဆင်ခြင်တုံတရားရဲ့နယ်ပယ်ထဲမှာမရှိဘူး။ လွန်မြောက်သွားပြီ။ အဲဒါကုို ပါဠိတော်မှာ ဘုရားရှင်ကုိုယ်တော်တုိုင် “ အတက္ကာဝစရော ” “ It’s beyond logic and reasoning “ လုို့ ဟောတော်မူထားတယ်။
( ၃ ) အရိယာပုဂ္ဂိုလ်တွေသာ ထင်ထင်ရှားရှား ( တုိုက်ရုိုက်/ မျက်မှောက် ) သိမြင်နုိုင်တယ်။ ဒါကုို “ ပဏ္ဍိတဝေဒနိယော ” “ It’s realized by the noble wise “ လုိ့ ဘုရားရှင်ဟောတော်မူတယ်။
( ၄ ) မင်းရင်ထဲက လောဘ ဒေါသ မောဟစတဲ့ အညစ်အကြေးတွေ 50% လျော့ကျသွားရင် မင်းနိဗ္ဗာန်ကုို 50% ခံစားလုို့ရပီ။ နားလည်ပီ။ နာမ်တရားရဲ့အညစ်အကြေးတွေအားလုံး 100% သန့်စင်သွားတဲ့အခါ မင်းကုိုယ်တုိုင် 100% နိဗ္ဗာန်ကုို သိမြင်နုိုင်ပီ။ ဒါဟာ လက်တွေ့ကျတဲ့ အဖြေပါပဲ။
( ၅ ) ငါတုို့ဟာ အရိယာပုဂ္ဂိုလ်တွေ မဖြစ်နုိုင်သေးခင်မှာ ကြောင်းကျိူးဆင်ခြင်ပြီးသိတဲ့ ထောက်ဆ ( မှန်းဆ ) နားလည်မှုနဲ့တော့ သိလုို့ရတယ်။ မင်းကုိုယ်တုိုင် မဂ္ဂင်ရှစ်ပါးကုို လက်တွေ့ကျကျ ကျင့်ပြီးရင် ငါရှင်းပြတာထက် မင်းပုိုနားလည်လာမှာပါ။ မင်းကုိုယ်တုိုင် မဂ္ဂင်လမ်းစဉ်ကုိုလျှောက်လှမ်းတာဟာ မင်းကုိုယ်တုိုင်အဖြေကုိုရှာခြင်းပါပဲ။ ငါဖြေတာထက် မင်းကုိုယ်တုိုင်ဖြေနုိုင်ဘုို့သာ ကြိူးစားစေချင်ပါတယ်။ တကယ်လက်တွေ့အားထုတ်ခြင်းဟာ လက်တွေ့အဖြေပါပဲ။
သူမသည်လည်း ဆိတ်ဆိတ်နေခြင်းဖြင့် လက်ခံသွားလေသတတ်။
သုို့နှင့်ထုိုနေ့ သင်တန်းပြီးဆုံးခဲ့လေသောကြောင့် မိမိတည်းခုိုရမည့် Hotel Arthur သုို့ Mrs Laura Porccedu နှင့် အဖေါ်တစ်ယောက်က လုိုက်ပုို့ကြလေသည်။
 ( ဆက်လက်ဖေါ်ပြပါမည် )


***ဓမ္မမိတ်ဆွေများ၏အမှာစကား***