Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Sunday, July 27, 2014

ဒုိုင်ယာရီအပုိုင်းအစလေးများ ( ၇ ) ဤခရီးနီးသလား

ဖင်လန်နုိုင်ငံတွင် လူငယ်များအတွက်ပညာသင်ကြားရေးသည် အဆင်ပြေလွယ်ကူလှသည်။ နုို့စုို့ကလေးအရွယ်မှစ၍ ( ၇ ) နှစ်သားအရွယ်မတုိုင်မီအထိ ကလေးထိန်းကျောင်းတွင်ထားကြသည်။ ကလေးထိန်းကျောင်းအတွက်လခကုို မိဘ၏အခြေအနေအလိုက် ပေးကြရသည်။ မိဘများအလုပ်မရှိလျှင် ကျောင်းလခပေးရန်မလိုဘဲ စိတ်အေးချမ်းသာစွာ အခမဲ့ ကျောင်းထားနုိုင်သည်။ အလုပ်ရှိသော မိဘဖြစ်လျှင်ကား ကျောင်းလခပေးကြရသည်။ ကျောင်းတွင် နံနက်စာ နေ့လည်စာနှင့်မုန့်ပဲသွားရည်စာတုို့ကုိုလည်း အခမဲ့ကျွေးလုိုက်သေးသည်။  ကလေးများ၏ ကြီးထွားမှု ဖွံ့ဖြိူးမှုနှင့် တတ်သိနားလည်မှုတုို့ကုို အချိူးကျ ဟန်ချက်ညီညီရရှိစေနုိုင်သော စောင့်ရှောက်မှုနှင့်ပညာသင်ကြားမှုတုို့ကုို ဖြည့်ဆည်းပေးသည်။ ၎င်းဖြည့်ဆည်းပေးမှုသည် ငယ်ရွယ်စဉ်ကလေးဘဝပညာရေးနှင့် ကလေးစောင့်ရှောက်မှုအစိတ်အပုိုင်းနှစ်ခုတုို့၏ မကွဲပြားဘဲ တစ်သားတည်းဖြစ်မှုကုိုဖေါ်ဆောင်သည်။  ဆုိုလုိုသည်မှာ ကလေးစောင့်ရှောက်မှုသည်ပင် ပညာသင်ကြားပေးခြင်းဖြစ်သည်။ စောင့်ရှောက်ရင်းဖြင့် သင့်လျော်သောပညာရပ်များကုိုသင်ကြားပေးသည်။  သို့သော် ကလေးအသက်ခြောက်နှစ်သုို့ရောက်သောအခါ အခြေခံပညာအလယ်တန်းကုိုတက်ရောက်နုိုင်ရန် အခြေခံအကြိုတန်းကုို တစ်နှစ်ကြာတက်ရောက်ရသည်။ ၎င်းအကြိုတန်း၏ ရည်ရွယ်ချက်သည် ကလေးဘဝပညာရေးနှင့်စောင့်ရှောက်မှုတုို့၏ အစိတ်အပုိုင်းအနေဖြင့် ကလေးများ၏ တတ်မြောက်ရေးကျွမ်းကျင်မှုကုို တုိုးတက်စေရန်ရည်ရွယ်သည်။ အလွယ်ဆုိုရသော် အခြေခံအကြိုတန်းသုို့လွယ်ကူစွာတက်ရောက်နုိုင်ရန် ကြိူတင်ပြင်ဆင်သောအတန်းလည်းဖြစ်သည်။ ထုို့ပြင် ထုိုအခြေခံအကြိုတန်းအတွက် မိဘများမှငွေကြေးကုန်ကျစရာမလုိုဘဲ အစုိုးရမှထောက်ပံ့သော အခမဲ့ပညာရေးဖြစ်သည်။ အခြေခံအကြိုပညာရေးအတွက် အမျိူးသားဗဟုိုသင်ရုိုးညွှန်းတန်းကုို ဖင်လန်အမျိူးသားပညာရေးအဖွဲ့မှဆုံးဖြတ်သည်။ 


   ကလေးအသက် ( ၇ ) နှစ်သုို့ရောက်သောအခါမှစ၍ မသင်မနေရပညာရေးစနစ်အရ အခြေခံပညာကျောင်းသုို့စတင်တက်ရောက်ကြရသည်။ တစ်တန်းမှစ၍ ကုိုးတန်းအထိကုို မသင်မနေရ အခြေခံပညာရေးအဖြစ်သတ်မှတ်ကာ အခြေခံပညာရေးကုို ကုိုးနှစ်ကြာသင်ကြားကြရသည်။ ၎င်းကုိုးနှစ်ကုို နှစ်ပုိုင်းပြန်ခွဲလုိုက်သောအခါ တစ်တန်းမှ( ၆ ) တန်းအထိသည် အခြေခံပညာအလယ်တန်းဖြစ်၍ ( ၇ ) တန်းမှ( ၉ ) တန်းအထိသည် အထက်တန်းဖြစ်သည်။ ( ၁၀ ) တန်းမှ ( ၁၂ ) တန်းအထိ သုံးနှစ်ကြာသင်ယူရသောပညာရေးသည် အဆင့်မြင့်ပညာရေးဖြစ်သည်။ ဤနုိုင်ငံတွင် အခြေခံပညာမူလတန်းဟူ၍ သတ်မှတ်ထားချက်မရှိပါ။  ကျောင်းသင်ရုိုးညွှန်းတမ်းသည် အမျိူးသားဗဟုိုသင်ရုိုးညွန်းတမ်းကုိုအခြေခံသည်။  မသင်မနေရပညာရေးကုို ကုိုးနှစ်ကြာသင်ကြားပြီးဆုံးသည့်အခါ ကျောင်းသား၏ကုိုယ်ပုိုင်ဆန္ဒအလျောက် တစ်နှစ်အပုိုထပ်ဆင့်သင်ယူရန်ရွေးချယ်ခွင့်ရှိသည်။ သုို့သော် မရွေးချယ်လျှင်လည်းရသည်။ ဤဆန္ဒအလျောက်တစ်နှစ်ရွေးချယ်ခွင့်ရှိသောပညာရေးသည် အထက်တန်းပညာရပ်များကုိုဆက်လက်သင်ယူနုိုင်စေရန် လူငယ်များအားတုိုက်တွန်းဘုို့ရန်နှင့်ကူညီဘုို့ရန် ရည်ရွယ်ပါသည်။ အကယ်၍ တက္ကသုိုလ်သုို့ဆက်လက်သင်ကြားလုိုလျှင် ( ၁၂ ) တန်းအောင်မှသာ တက်ရောက်သင်ကြားနုိုင်သည်။ ထူးခြားသည်မှာ သားသမီးကုို မိဘကကုိုယ်ဖြစ်စေချင်သည့်အတုိုင်း ပုံဖေါ်ခွင့်မရဘဲ ကလေး၏ဆန္ဒအလျောက်သာပညာရေးကုိုလွတ်လပ်စွာ ရွေးချယ်ခွင့်ပေးထားခြင်းဖြစ်သည်။ လွတ်လပ်စွာရွေးချယ်ခွင့်ပေးထားသည်ဆုိုသော်လည်း ကျောင်းသားတစ်ဦးတည်း၏ ဆန္ဒသက်သက်မျှဖြင့် စိတ်ထင်တုိုင်းရွေးခွင့်မရှိပေ။  သားသမီး ( ကျောင်းသား ) ၏ ပညာရေးအခြေအနေနှင့်ဆန္ဒကုို ဆရာ ဆရာမများက အနီးကပ်လက်တွေ့ကျကျ သိမြင်ထားပြီးဖြစ်ရာ ကျောင်းသားမိဘများကုိုကျောင်းသုို့ခေါ်ဆောင်၍ ကလေး၏အနေအထားကုိုရှင်းပြလျှက် အနာဂတ်ပုံဖေါ်ရေးကုို ဆွေးနွေးကြရသည်။ ထုိုသို့ ၁။ မိဘ ၂။ ကျောင်းသား ၃။ ဆရာဆရာမတုို့၏ အသီးသီးသောဆွေးနွေးချက်များအရ ကျောင်းသား၏ဆန္ဒနှင့်အနေအထားကုိုက်ညီသော ပညာရေးကုိုဇောင်းပေး၍ ရွေးချယ်ခွင့်ပေးလုိုက်ကြသည်။ အလွန်အတုယူထုိုက်သော စနစ်တစ်ခုပင်ဖြစ်သည်။ သံသရာမှ လွတ်မြောက်ရေးအတွက် သတ္တဝါတုို့၏ အကြိုက်စရုိုက်အားလျော်စွာ မြတ်ဗုဒ္ဓ၏ ကမ္မဋ္ဌာန်းပေးသောနည်းစနစ်နှင့်တူညီနေသည်ကုို သတိပြုမိသည်။ 

   သုို့သော် အခြေခံအထက်တန်းဖြစ်သည့် ( ၉ ) တန်းအောင်ပြီးလျှင် အဓိကရွေးချယ်ခွင့်နှစ်ခုရှိသည်။ ၎င်းတုို့မှာ ၁။ အသက်မွေးအလုပ်သင်ပညာရေးကျောင်းနှင့် ၂။ အဆင့်မြင့်ပညာသင်ကျောင်းတုို့ဖြစ်သည်။ အဆုိုပါ နှစ်ကျောင်းလုံး၏ ကျောင်းတက်ချိန်ကာလမှာ ( ၃ ) နှစ်ဖြစ်သည်။ အကယ်၍ အသက်မွေးအလုပ်သင်ပညာရေးကျောင်းပြီးဆုံးသောအခါ တက္ကသုိုလ်သုို့ဆက်လက်တက်ရောက်လုိုလျှင်လည်း တက်ရောက်ခွင့်ရှိသည်။ အကယ်၍ အသက်မွေးအလုပ်သင်ပညာရေးကျောင်းကုိုမတက်ဘဲ အဆင့်မြင့်ပညာရေးကျောင်းသုို့တက်ရောက်ကာ အောင်မြင်ပြီးဆုံးသော်လည်း  အလုပ်သင်ပညာရေးကျောင်းကုိုမဖြစ်မနေတက်ရောက်ကြရသည်သာဖြစ်သည်။ အကြောင်းမှာ အသက်မွေးအလုပ်သင်ပညာရေးကျောင်းမှ အောင်လက်မှတ်ရရှိထားမှသာလျှင် အလုပ်ရနုိုင်သောကြောင့်ဖြစ်သည်။ သုို့သော် အဆင့်မြင့်ပညာရေးကျောင်းပြီးဆုံးမှ အသက်မွေးအလုပ်သင်ပညာရေးကျောင်းကုိုတက်ရောက်ကာပြီးဆုံးပါက အလုပ်ကောင်းကောင်း လစာကောင်းကောင်းအတွက် ပုို၍အခွင့်အလမ်းသာလေသည်။ တက္ကသုိုလ်ပညာရေးသည်ကား ဘီအေ ဘီအက်စ်စီ ဘွဲ့တုို့အတွက်ပင် ၄ နှစ် သုို့မဟုတ် ၅ နှစ်ကြာသည့်တုိုင် သင်ယူကြရသည်။ ထုိုထုိုဘွဲ့တုို့အတွက် စာအလွတ်ကျက်မှတ်ခြင်းကုို ဦးစားမပေးဘဲ သုတေသနလုပ်ငန်းများကုိုသာ အဓိကဦးစားပေးထားသည်။ 

   ထူးခြားသည်မှာ ကုိုးတန်းအထိပါဝင်သော အခြေခံပညာအဆင့်နှင့် ( ၁၀ ) တန်းမှ ( ၁၂ ) တန်းထိပါဝင်သော အဆင့်မြင့်ပညာရေးတုို့တွင် ပြဋ္ဌာန်းစာအုပ်များ ဘောလ်ပင် ခဲတံများနှင့်အခြားသောပညာရေးအသုံးအဆောင်ပစ္စည်းများကုို အစုိုးရမှ တရားဝင်အခမဲ့ ထောက်ပံ့သည်။  မိဘများမှာ သားသမီးများ၏ ပညာရေးအတွက် တစ်ပြားတစ်ချပ်မှ ကုန်ကျစရာမလုိုချေ။ ကျောင်းအပ်ခလည်းပေးစရာမလုို၊ ပေးရကောင်းမှန်းလည်း သူတုို့မသိကြချေ။ ထုို့ပြင် ကျောင်းတွင် နေ့လည်စာကုိုလည်း အခမဲ့ကျွေးပြန်သေးသည်။ ထုို့ကြောင့် ထမင်းချိုင့်ထည့်ပေးရသော ဒုက္ခမှလည်းကင်းဝေးသွားတော့သည်။  ကျောင်းကျမ္မာရေးနှင့်အခြားကောင်းကျိူးဖြစ်စေသော ဝန်ဆောင်မှုများအတွက်လည်း အခြေခံပညာကျောင်းသားနှင့်အဆင့်မြင့်ကျောင်းသားများအတွက် အခမဲ့ပင်ဖြစ်သည်။ အခြေခံပညာသင် ကျောင်းသားအားလုံးသည် သင်ကြားရေးနှင့်အခြားကျောင်းလုပ်ငန်းများတွင် လုိုအပ်ချက်ဖြစ်ပေါ်လျှင်ဖြစ်ပေါ်ခြင်း အထောက်အပံ့နှင့်လမ်းညွန်မှုကုို ရယူနုိုင်ခွင့်ရှိသည်။ ဆရာ ဆရာများသည်လည်း သက်ဆုိုင်ရာ ကဏ္ဍအလုိုက် တာဝန်ကုိုကျေပွန်စွာထမ်းဆောင်ကြရသည်။ သင်ကြားရေးဆရာ၊ သင်ထောက်ကူဆရာ၊ ကလေးများအားနဲသည့်ဘာသာရပ်ကို ဖြည့်စွမ်းပေးမည့် စပါရှယ်လစ်စ်ထ် ဆရာတုို့ဖြင့် ပြည့်စုံအောင် ဖြည့်ဆည်းတာဝန်ပေးထားသည်။ ထုို့ကြောင့်ပင် ကလေးများ၏ ပညာရေးအတွက် မိဘများသည် ငွေရေးကြေးရေးမှအစ အရာရာအတွက် ပူပန်စရာမလုိုတော့ပေ။ ထုို့ကြောင့် ဆင်းရဲချမ်းသာမရွေး အားလုံးတပြေးညီ ပညာသင်ကြားခွင့်ရကြလေသည်။ ထုို့ကြောင့်ပင် လူတန်းစားကွာဟမှုသည်လည်း ကျဉ်းမြောင်းသွားတော့သည်။ ပညာသင်ကာလသည် နှစ်စဉ် အောဂတ်စ်လလည်တွင်စတင်၍ ဂျွန်လဆန်းပုိုင်းတွင် အဆုံးသတ်သည်။ နွေရာသီကျောင်းပိတ်ရက်မှာ ရက် ( ၆၀ ) ကျော်ကျော်ဖြစ်သည်။ 

  တဖန်ထူးခြားပြန်သည်မှာ နွေရာသီကျောင်းပိတ်ရက်တွင် မည်သည့်ကျူရှင်သို့မျှလည်း သွားစရာမလုိုသည့်ပြင် ကျောင်းပိတ်ထားစဉ်ကာလအတွင်းဝယ် မည်သည့်ကျောင်းစာမျှမကြည့်ရန်နှင့် ဦးနှောက်နှင့်စိတ်ကုို လွတ်လပ်စွာအနားပေးရန် ဆရာ ဆရာမများက ကျောင်းသားများအား မှာကြားလုိုက်သည်။  ကျောင်းဖွင့်ရက်ကာလများတွင်လည်း အပြင်ကျူရှင်ဟူသည်ကုို သူတုို့ မရှိ မသိ မမြင် မကြားဘူးကြပေ။ အကယ်၍ ကျောင်းသားမှ ဘာသာရပ်တစ်ခုခုအားနဲသည်ဆုိုလျှင် ကျောင်းတွင်သာ စပါယ်ရှယ်လစ်စ်ထ် ဆရာဖြင့် အပိုသင်ကြားပေးသည့်အလေ့အထရှိသည်။ အိမ်တွင်စာကျက်ဘုို့မတုိုက်တွန်းဘဲ နောက်နေ့သင်မည့်စာကုို တစ်ခေါက်ဖတ်ထားရန်သာ မှာကြားသည်။ အိမ်စာကုိုလည်း အလွန်ဆုံးလုပ်ရမှ တစ်နာရီသာဖြစ်သည်။ ဤတစ်နာရီသည်လည်း နေ့စဉ်မဟုတ်။ ကျောင်းသားကုို လက်တွေ့ကျကျနားလည်သည်အထိ သင်ပြသည့်စနစ်ကုိုသာ ဦးစားပေးသည်။  စာအလွတ်ကျက်၍ ဖြေခုိုင်းသောနည်းစနစ်ကုိုအားမပေးပေ။ စာအလွတ်မကျက်ရသော်လည်း ကမ္ဘာ့အအဆင့်မီပညာရေးတွင် ပါဝင်နေသည်။ ထုို့ပြင် အဆင့်သတ်မှတ်ရာတွင်လည်း ရွှေပြည်မှာကဲ့သုို့ (1 ) to (10 ) သတ်မှတ်ခြင်းမျိူးမဟုတ်။ (10 ) to (1 ) သတ်မှတ်သည်ကုို  မိမိအနေဖြင့် အထူးအဆန်းဖြစ်စွာတွေ့ ရသည်။  အဆင့် ( ၁၀ ) ရသူသည်အတော်ဆုံးဖြစ်၍ အဆင့် ( ၁ ) ရသူသည် အညံ့ဆုံးဖြစ်သည်။ အကြောင်းမှာ ရာခုိုင်နှုန်းဖြင့် အဆင့်ကုိုသတ်မှတ်သောကြောင့်ဖြစ်သည်။ အမှတ် ( ၁၀၀) ရသူသည် ရာခုိုင်နှုန်းအရ အဆင့် ( ၁၀ ) ဖြစ်၍ အမှတ်( ၅၀ )ရသူသည် အဆင့်( ၅ ) ဖြစ်ကာ အမှတ် ( ၁၀ ) ရသူသည် အဆင့် ( ၁ ) ဖြစ်သည်။ အထူးခြားဆုံးမှာ မိဘများမှ သားသမီးများ၏ ပညာရေးအတွက် ငွေကြေးကုန်ကျမှုကုို လုံးဝစိတ်ပူစရာမလုိုခြင်းဖြစ်သည်။ ကလေးများအတွက်လည်း ကျောင်းမှကျူရှင် ကျူရှင်မှကျောင်းသုို့ လုံးချာလည်သွားလာရသော ဂျာအေးသူ့အမေရုိုက် မုန့်လုံးစက္ကူကပ်ပုံပြင်ကဲ့သုို့ သံသရာတဝဲဝဲလည်စရာမလုိုတော့ချေ။ အထက်ပါ ပြောပြချက်တုို့မှာ မိမိလက်လှမ်းမီသမျှတုို့သာဖြစ်ပါသည်။ အပြည့်အစုံမဟုတ်ပါ။  ဤအကြောင်းအရာတုို့ကုို ရန်ကုန်မှ မိမိ၏ (ဆွမ်းခံကြွခဲ့ဖူးသော) ဆွမ်းဒကာမကုို ပြောပြသောအခါ ဒကာမက ပြန်ပြောသည်မှာ " ဦးဇင်း တကယ်ပြောတာလား " တဲ့။ မယုံသင်္ကာစကားလုံးဖြင့် တုန့်ပြန်မှုကုို ခံလုိုက်ရသည်။   ဒကာမပြောမည်ဆုိုလျှင်လည်း ပြောထုိုက်ပေသည်မုို့ တကယ်ပြောတာပါ ဟူသောစကားမှလွဲ၍ နှုတ်ထွက်မဝံ့တော့ပါ။ ဖြစ်နုိုင်လျှင် " ကလေးငယ်လေးပြန်ဖြစ်၍ ဤနုိုင်ငံတွင် ပညာတွေကို တဝကြီးသင်ယူချင်စမ်းပါဘိ " ဟုလည်း မဖြစ်နုိုင်မှန်းသိလျှက်နှင့် နစ်နောစွာခံစားတမ်းတမိသည်။ ထုို့ထက် တုို့ရွှေပြည်ကြီး ဤခရီးကုို နီးစေချင်လှဘိတော့သည်။ ( ဆက်ရန် )


Tuesday, July 22, 2014

ဒုိုင်ယာရီအပုိုင်းအစလေးများ ( ၆ )


"ပြည့်အင်အားဟူသည် "
Finland နိုင်ငံတွင် Car parking မရှိသော အချို့ ကုန်တုိုက်ကြီးများသည်
 မြို့ ပြင်သုို့ထွက်ကြသည်။ Car parking ရှိသောအချို့ ကုန်တုိုက်ကြီးများသည်သာ
 မြို့ တွင်းတွင်ရှိပါသည်။
 မြိ့ ပြင်တွင်ရှိသောကုန်တုိုက်ကြီးများသည် ပစ္စည်းအမျိူးအစားလည်းစုံလင်သလုို ကားရပ်နားရန်နေရာလွတ်သည်လည်း အလျှံပယ်ပင်ဖြစ်၍ ဈေးဝယ်သူများလည်း စိတ်ချမ်းသာ လွတ်လပ်စွာ ဝယ်ယူနုိုင်ကြသည်။ ထုို့ကြောင့် တစ်ခါတစ်ရံ
လုိုအပ်သောပစ္စည်းကုိုရနုိုင်ရေးအတွက် မြို့ ပြင်သုို့ထွက်၍ ဈေးဝယ်ကြရသည်။
 ဈေးတစ်ခုကုိုတည်ဆောက်လျှင် ဈေးသက်သက်ကုိုသာ မစဉ်စားဘဲ ဈေးဝယ်သူတုို့၏ ကားရပ်နားစရာနေရာပါထည့်သွင်းစဉ်းစားသည့်ဥပဒေကား ခုိုင်မာ၍နေပေပြီ။ ထုို့အတူ အစုိုးရရုံးများသုို့သွားလျှင်လည်း ရုံးတုိုင်းတွင် Car parking ရှိလေသည်။ အကယ်၍ နေရာလွတ်မရှိလျှင် ရပ်ခွင့်မရှိပေ။ ရပ်နားရန်သတ်မှတ်ထားသော မျဉ်းကြောင်းအတုိုင်းသာ ယာဉ်များ ရပ်နားကြရသည်။ ဆောက်လုပ်ရေးကုမ္မဏီမှဖြစ်စေ အစုိုးရမှဖြစ်စေ လူနေအိမ်ရာများဆောက်လုပ်လျှင်လည်း Car parking သည် မရှိမဖြစ်ထည့်သွင်းရသည်။ မထည့်သွင်းဘဲ ဆောက်လုပ်ခွင့်မရှိပေ။ အဆုိုပါ Car parking သည် ဆောက်လုပ်ရေးအိမ်ယာမှ အခန်းနှင့်အညီအမျှသာရှိသည်မဟုတ်ဘဲ ဧည့်သည်ယဉ်များအတွက်လည်း သီးသန့် Car parking ထည့်သွင်းတည်ဆောက်ကြရသည်။ ထုို့ကြောင့်ပင် စည်းကမ်းမဲ့စွာ လမ်းဘေးတွင်ယာဉ်ရပ်နားထားခြင်းမျိူးလည်း မရှိုတော့သည့်အပြင် ယဉ်ကြောပိတ်ဆုို့မှုနှင့်အများပြည်သူတုို့၏ သွားလာရေးကုိုလည်း အနှောက်အယှက်မဖြစ်တော့ပေ။
 မြို့ သစ်တစ်ခုကုိုတည်ဆောက်လျှင်လည်း လူနှင့်ပတ်သက်၍ လုိုအပ်သောအရာမှန်သမျှ ထည့်သွင်းစဉ်းစားကာတည်ဆောက်ပေးရသည်။ ဥပမာ ကျမ္မာရေး ပညာရေး ရေမြှောင်း လျှပ်စစ်မီး လမ်း စသည်တုို့ကုို စနစ်တကျ ရေရှည်ခုိုင်ခံ့အောင် တည်ဆောက်ပေးသည်။ လယ်ယာမြေကုို အဓမ္မသိမ်း၍ အကွက်ရုိုက်ရောင်းစားခြင်းသက်သက်မျှသာဖြစ်ပြီးလျှင် လူထုအတွက်မည်သည့်လုိုအပ်ချက်ကုိုမျှ ထည့်သွင်းမစဉ်းစားသည့် မြို့ သစ်တည်ဆောက်မှုမျိူး အလျဉ်းမရှိချေ။ ကုိုယ်ထူကုိုယ်ထလမ်းဟူ၍လည်း လုံးဝမရှိ မသိ မကြားဘူးကြသလုို ကုိုယ်ထူကုိုယ်ထလျှစ်စစ်မီးတပ်ဆင်ခြင်းဟူသည်မှာလည်း သူတုို့အဖုို့ဒဏ္ဍာရီသဖွယ်သာဖြစ်ပေလိမ့်မည်။ 

   ဘတ်စ်ကားစီးလျှင်လည်း အချိန်တိတိကျကျစီးနုိုင်သည်။ ဘတ်စ်ကားစီးဘုို့အတွက် လမ်းထွက်၍ကားမှတ်တုိုင်တွင် ကြိုတင်စောင့်နေစရာမလုိုချေ။ မသွားခင် အိမ်တွင် မိမိသွားမည့်နေရာကုို အင်တာနက်တွင် ရှာဖွေကြည့်လုိုက်လျှင် ဘယ်ဘတ်စ်ကားက ဘယ်အချိန် ဘယ်မိနစ်တွင် ဘယ်ကားမှတ်တုိုင်၌ ဆုိုက်ရောက်မည်ဆုိုသည်ကုို မိနစ်ပုိုင်းအတွင်းသိနုိုင်သည်။ ထုို့ကြောင့် အချိန်ကုိုအလဟဿမကုန်ဆုံးစေရဘဲ မိမိသွားလုိုသောနေရာသို့ အချိန်တိကျစွာရောက်နုိုင်သည်ဖြစ်၍ စိတ်ချမ်းသာရသည်။ လမ်းဘေးတွင် ကားရပ်၍ရသော နေရာများလည်း ရှိသည်။ သုို့သော် အချိန်သတ်မှတ်ချက်ကုိုကျော်လွန်၍မရ။ နေရာအလုိုက် ရပ်နားနုိုင်သည့်အချိန် သတ်မှတ်ချက်ကွာခြားသည်။ လမ်းဘေးတွင် စည်းမဲ့ကမ်းမဲ့ရပ်ထားသော ကားများလည်း မရှိ၊ အကယ်၍ ရှိပါကလည်း ယဉ်စည်းကမ်းဥပဒေကုိုချိူးဖောက်သောနည်းလမ်းများကုို အသုံးမပြုဘဲ တိတိကျကျ ထိရောက်စွာအရေးယူသဖြင့်လမ်းစည်းကမ်းသည် တည်ငြိမ်နေတော့သည်။
ထုို့ပြင် အချို့ မီးပွိုင့်များသည် သတ်မှတ်သည့်အချိန်စေ့မှသာ စိမ်း ဝါ နီ ကုိုပြသည်မဟုတ်ပါ။
အကယ်၍ မိမိကားရှေ့ တည့်တည့်တွင် မီးနီပြရမည့်အချိန်ဝယ် တစ်ဖက်မှမီးစိမ်းပြ၍ ဖြတ်ကူးသွားမည့်ကားမရှိပါက ( ကားရှင်းနေလျှင် )
မိမိ၏ ရှေ့ တည့်တည့်မှမီးပွိုင့်သည် အနီမပြတော့ဘဲ အလုိုအလျောက် မီးစိမ်းပြကာ
 လွှတ်ပေးလုိုက်သည်ကုို အံ့သြစွာကြုံရဖူးသည်။  ယာဉ်ထိန်းရဲမှ ဆောင်ရွက်ခြင်းမျိူးမဟုတ်ဘဲ အလိုအလျောက် ဆောင်ရွက်သော စနစ်ဖြစ်သည်။ စင်္ကာပူတွင်ရောက်စဉ်ကလည်း ယာဉ်စည်းကမ်းအလွန်ကောင်းသည်ကုို သတိပြုမိသည်။ အမှန်စင်စစ် စင်္ကာပူတွင်လည်း ယာဉ်အသွားအလာများလွန်းလှပါသည်။ သုို့သော် မည်သည့်နေရာတွင်မျှ ယာဉ်ကြောပိတ်ဆုို့မှုမရှိပါချေ။ နေရာကျဉ်းကျဉ်းလေးဝယ် အရာရာအချိုးကျ သဟဇာတဖြစ်ကာ ဟန်ချက်ညီအောင် စီမံနုိုင်သည့်စွမ်းပကားကုို ချီးကျူးအံ့သြမိသည်။
 ဆောင်းပါး၏အခန်း ( ၅ ) တွင်ရေးခဲ့သည့်အတုိုင်း ရာသီဥတု၏ ငဲ့ညှာမှုကင်းမဲ့စွာ ဖိစီးနှိပ်စက်မှုကုိုခံကြရသော်လည်း လူသားတုို့တည်ဆောက်ထားသော လူမှုစနစ် ကောင်းမွန်မှုကြောင့်
 ရာသီဥတု၏ရက်စက်မှုဒဏ်ကုိုလည်း မခံရတော့။
 အေးခဲလွန်းသော ဆောင်းသည် Finland နိုင်ငံ၏သဘာဝအလှအမှတ်တံဆိပ်ပင်ဖြစ်သွားတော့သည်။ 

  အရင်းစစ်တော့ အမြစ်မြေကဆုိုသလုို လူ့အဖွဲ့အစည်းတစ်ခုသည် ဤကဲ့သုို့စည်းကမ်းရှိစွာ သွားလာနေထုိုင်တတ်ခြင်းသည် ခေါင်းဆောင်တုို့၏ ခေါင်းဆောင်မှုအရည်အသွေးကောင်းမွန်ခြင်းသည် ပဓာနကျသောအချက်များတွင် တစ်ခုအပါအဝင်ဖြစ်သည်။
အကြောင်းမှာ ခေါင်းဆောင်မှုဟူသည်
တန်ဘုိုးများကုို လက်တွေ့ဆောင်ရွက်မှုအဖြစ်ပြောင်းယူခြင်း ( Transform values into action )
 ကြည်လင်သောအနာဂတ်အမြင်များကုို လက်တွေ့အစစ်အမှန်ဖြစ်စေခြင်း ( Visions into realities ) အခက်အခဲများကုို မွမ်းမံပြင်ဆင်ပေးခြင်း ( Obstacles into innovations )
 ကွဲပြားခြားနားမှုများကုို တစ်စုတစ်စည်းတည်း စုစည်းခုိုင်မာစေခြင်း ( Seperateness into solidarity ) တုို့ဖြစ်အောင် ဆောင်ရွက်ခြင်းပင်ဖြစ်သည်ဟု မိမိဖတ်မှတ်ရဖူးသည်။ ဖတ်မှတ်ဖူးသည့်အတုိုင်းလည်း ယုံကြည်ပါသည်။ ဤကဲ့သုို့ စွမ်းဆောင်နုိုင်သော ခေါင်းဆောင်များကုိုလည်း ဤနုိုင်ငံလူထုက သတ္တိရှိရှိရွေးချယ်နုိုင်ခဲ့ကြသည်။
ထုို့ကြောင့် အရာရာ၏ တုိုးတက်မှုနှင့်ဆုတ်ယုတ်မှုသည် ခေါင်းဆောင်တုို့၏
 ခေါင်းဆောင်မှုတစ်ခုတည်းတွင်သာ မူတည်သည်မဟုတ်ပါဘဲ ခေါင်းဆောင်ရွေးချယ်သူတုို့၏ အသိဥာဏ်နှင့်သတ္တိသည်လည်း အလွန်အရေးကြီးသောကဏ္ဍတွင်ရှိပါကြောင်း သတိပြုသင့်ကြသည်။ တနည်းဆုိုရသော် ပြည်သူတုို့၏ ပညာအားနှင့်သတ္တိအားသည်သာ ပို၍အဓိကကျသည်ဟုဆုိုလျှင်လည်း မှားမည်မထင်ပါ။ အကြောင်းမှာ အဆုိုပါအင်အားတုို့သည်သာ ခေါင်းဆောင်ကောင်းကုို ရွေးချယ်ပေးနုိုင်၍ မကောင်းသူကုိုပယ်ရှားနုိုင်သောကြောင့်ပင်ဖြစ်သည်။ အဆုိုပါ ပြည်သူတုို့၏ ခေါင်းဆောင်ကောင်းကုိုရွေးချယ်နုိုင်သော အသိဥာဏ်နှင့်သတ္တိကြောင့် ပြည်သူကုို အူမ မတောင့်စေဘဲ ဝမ်းစာနှင့်သာနပမ်းလုံးခုိုင်းထားသော နုိုင်ငံရေးစနစ်ဆုိုးသည်လည်း သမုိုင်းတွင် ရယ်စရာဟာသတစ်ခုအဖြစ်ဖြင့် ဤနုိုင်ငံ (Finland) ဝယ် ကျန်ရစ်ခဲ့လေပြီ။ ပြည်ဖုံးကားချခဲ့ပြီးလေပြီ။ တနည်းဆုိုသော် ပြည်သူတုို့၏ အသိဥာဏ်ပညာနှင့်သတ္တိအားသည် တုိုင်းပြည်ဖွံ့ဖြိူးတုိုးတက်ခြင်း၏ အမြုတေရတနာအစစ်ပင်ဖြစ်သည်။ ပြည့်အင်အားဟူသည် ထုိုအသိဥာဏ်ပညာနှင့်
သတ္တိတုို့သာဖြစ်သည်။ ( ဆက်ရန် )



Sunday, July 20, 2014

ဒုိုင်ယာရီအပုိုင်းအစလေးများ ( ၅ )


 "တရားဥပဒေစုိုးမုိုးပါစေ "
ဖင်းလူမျိူးတုို့စားသုံးကြသည်မှာ အဓိကအားဖြင့် ဂျူံ အားလူး အသီးအရွက်နှင့်အသားငါးများဖြစ်သည်။ ဆန်ကုိုစားကြသော်လည်းအနည်းငယ်သာဖြစ်သည်။ ဟင်းသီးဟင်းရွက်တုို့ဈေးကြီးသော်လည်း အသားငါးက ဈေးပေါသည်။ အကြောင်းမှာ ဟင်းသီးဟင်းရွက်စုိုက်၍မရလောက်အောင် အေးသောကြောင့်ပင်ဖြစ်သည်။ အကယ်၍ စုိုက်ပျိူးလျှင်လည်း အပူပေးရုံကြီးများတည်ဆောက်၍ စုိုက်ရသဖြင့် အကုန်အကျများလေသည်။  (organic horticulture ) သဘာဝမြေသြဇာသုံး စုိုက်ပျိူးရေးအတတ်ပညာနှင့်စုိုက်ပျိူးရောင်းချသဖြင့် ကျမ္မာရေးအတွက်သင့်တော်သော်လည်း ပြည်ပမှတင်သွင်းလာသောစားသုံးကုန်များထက် ဈေးလည်းပုို၍ကြီးလေသည်။ အပူပေးရုံကြီးများမတည်ဆောက်ဘဲ မြေပြင်တွင်အလွတ်စုိုက်ပျိူး၍ရနုိုင်သောကာလမှာ မေလမှသြဂုတ်လအထိ လေးလသာရှိသည်။ ထုိုလေးလအတွင်းတွင်သာ ဂျုံများ အချို့ အသီးအနှံများနှင့် မွေးမြူရေးနွားများအတွက် မြက်များကုို စုိုက်ပျိူးကြသည်။  စက်တင်ဘာလတွင်အအေးဓာတ်ဝင်လာသောကြောင့် သစ်ပင်များမှ သစ်ရွက်များရွှေဝါရောင် သင်္ကန်ကုိုဆင်မြန်းကုန်ကြတော့သည်။ ရော်ရွက်ဝါတုို့ မြေခကြတော့မည့် အရိပ်လက္ခဏာပင်ဖြစ်သည်။  အောက်တုိုဘာလရောက်လျှင် ရွှေဝါရောင်ရွက်ဟောင်းလေးများအားလုံးမြေခကြရတော့သည်။
 မြေပြင်တွင် လေနှင်ရာလူးလွန့်ခွင့်မရကြတော့ဘဲ အေးခဲသောနှင်းဖွေးဖွေးများအောက်တွင် သဂြိုဟ်မြှုတ်နှံခြင်းကုို ခံကြရပြန်လေဦးမည်။ ထုို့ပြင် ရွက်ဟောင်းတုို့ကြွေကျပြီးသော သစ်ပင်များသည် ရွက်သစ်တုို့ဖြင့်တဖန်ထပ်၍ အလှဆင်နုိုင်ရန် ပုရစ်ဖူးတုို့လည်း ဖူးခွင့်မရကြတော့ပြီ။ အေးခဲလှသောဆောင်းနှင်းအောက်ဝယ် အရွက်ဗလာ ရုိုးတံညှာသက်သက်ဖြင့်သာ အနှုတ်အမှတ် ပုံမှန်အားဖြင့် ၁၅ မှ ၂၀ ဒီဂရီစင်တီဂရိတ်ရှိသော ( ဒေသအလိုက် ရာသီဥတုကွာခြားတတ်သည်၊ တစ်ခါတစ်ရံ အနှုတ် ၂၉ / ၃၀ အထိရှိတတ်သည် ) ဆောင်းဒဏ်ကုို သစ်ကုိုင်းခြောက်များအသွင် အထီးကျန်စွာခံကြရတော့သည်။ အကြင်နာမဲ့သော ဆောင်းသည် သစ်ပင်ပန်းမာလ်တုို့၏သဘာဝအလှတရားကုို ရက်စက်စွာဖျက်ဆီးလုိုက်တော့သည်။ 

  နွေရာသီတွင် ပိတ်ပိတ်ပိန်းကာစိမ်းစုိုနေသော တောကြီးများသည် ဆောင်းရာသီရောက်သောအခါ ပင်စည်နှင့်သစ်ကုိုင်းများသာကျန်ရှိတော့သဖြင့် တောတောင်အားလုံးသည် ဟင်းလင်းပွင့်နေကြသည်။ စတုဒိသာပတ်ဝန်းကျင်တွင် ဖြူဖွေးအေးခဲနေသော နှင်းပုံတုို့သည်သာ
( ၆ ) ခြောက်လလောက်ကြာသည်အထိ မင်းမှုနေတော့သည်။ ၎င်းနှင်းတုို့သည် မေလလယ်လောက်ရောက်မှသာလျှင် အရည်ပျော်စီးခြင်းဖြင့် နှုတ်ဆက်ထွက်ခွါသွားကြတော့သည်။ ထုိုအခါမှသာ သစ်ပင်တုို့သည် သူတုို့၏ ခန္ဓာပင်စည်ကုို ရွက်သစ်တုို့ဖြင့်တဖန်ပြန်၍ အလှဆင်နုိုင်ရန် ပုရစ်ဖူးသော အညွန့်ဦးလေးများဖြင့် စတင်ခေါင်းပြူလာကြသည်။ နွေရာသီ၏ နေရောင်နှင့်အပူဓာတ်သည် ရွက်နု အဖူးနု အပွင့်နုနှင့် အသီးနုတုို့ကုို ကြင်နာငြင်သာစွာ ကြိုဆုိုလုိုက်ကြသဖြင့် နွေဦး၏အလှသည် ပုို၍သစ်လွင်လာကာ ချစ်ခင်စရာသဘာဝအလှဖြင့် တင့်တယ်နေပေတော့သည်။ ဂျွန်လရောက်လျှင် သစ်ပင်တောတောင်တုို့ပြန်လည်စိမ်းလန်းလျှက် နုိုင်ငံကုိုသဘာဝဖြင့် အလှဆင်လုိုက်သကဲ့သုို့ရှိသည်။ အေးခဲသောနှင်းများကင်းစင်၍ ပွင့်လင်းသောနွေရာသီသုို့ရောက်သည်ဆုိုလျှင် လူများလည်းအိမ်တွင်းတွင်သာ ခုိုအောင်းမနေကြတော့ဘဲ အပြင်သုို့ထွက်လာကြတော့သည်။   
  
  အကယ်၍ စုိုက်ပျိူးရေးလုပ်ငန်းကုို လုပ်ကုိုင်လုိုပါက လုပ်ငန်းစီမံချက်ကုို ဥပဒေနှင့်အညီလုပ်ထုံးလုပ်နည်းကျကျ အစုိုးရကုိုတင်ပြလျှင် အစုိုးရမှငွေချေးပေးသည်။ စုိုက်ပျိူးရေးအတတ်ပညာ ဘယ်အဆင့်ထိတတ်မြောက်ကြောင်းကုိုပါပူးတွဲတင်ပြရသည်။  အကယ်၍ အရှုံးပေါ်သောကြောင့် အကြွေးပြန်မဆပ်နုိုင်လျှင်လည်း တိကျသောအထောက်အထားဖြင့် တင်ပြပါက ထုိုအကြွေးသည် ကြွေးပူမဖြစ်တော့ဘဲ ကြွေးအေးဖြစ်သွားသည်။ အစုိုးရမှ အပြစ်ပေးအရေးယူခြင်းမျိူး မပြုလုပ်ချေ။ ရွှေပြည်မှာကဲ့သုို့ အမှန်တကယ်  အကြွေးမဆပ်နုိုင်သော လယ်သမားများကုို ကရုဏာရှေ့ ထား၍ သက်ညှာစွာ ထမင်းတစ်နပ်လျှော့၍စားခုိုင်းသောသတင်းမျိူးကုို ဖင်းလူမျိူးတုိ့သာကြားသိပါက အံ့သြမဆုံးဖြစ်မိမှာ သေချာသည်။  ကြွေးအေးဖြစ်၍ အရေးမယူဟုဆုိုသော်လည်း လိမ်လည်တင်ပြ၍တော့မရ။ လိမ်လည်မှု ရှိ/ မရှိကုိုလည်း စနစ်နှင့်နည်းပညာအားကောင်းသောကြောင့် အစုိုးရကအလွယ်တကူပင်သိနုိုင်လေသည်။ အကယ်၍ အလိမ်မိသွားလျှင်လည်း သူ့ဘဝသည် ထုိုအမဲစက်အစွန်းအထင်းကြောင့် နောက်ထပ်လုပ်ငန်းများဆက်လက်လုပ်ဆောင်ဘုို့မလွယ်ကူတော့ချေ။ အကြောင်းမှာ လိမ်လည်ခြင်းပြစ်မှုကုို ကျူးလွန်ထားကြောင်း မှတ်တမ်းသည် သူ၏ Identity card တွင် တစ်သက်တာချေဖျက်၍မရနုိုင်တော့ဘဲ ဝင်ရောက်သွားသောကြောင့်ဖြစ်သည်။ ထုို့ကြောင့် မည်သည့်အမဲစက်ကုိုမျှ မစွန်းထင်းမိစေရန် ဤနုိုင်ငံတွင် အထူးသတိပြုကျင့်သုံးနေထုိုင်ကြရသည်။ ထုို့ပြင် ဤနုိုင်ငံတွင် လုပ်ငန်းတစ်ခုခုအတွက် ကုိုယ်ကျင့်တရားကောင်းမွန်ကြောင်း ရဲစခန်းနှင့်ရပ်ကွက်တုို့မှ ထောက်ခံချက်လည်းမလုိုပါ။ မည်သည့်ကိစ္စပဲလုပ်လုပ် ကုိုယ်ပုိုင် indentity card ကုို စက်တွင်ထည့်ကြည့်လုိုက်ရုံမျှဖြင့် သူ့အကြောင်းအားလုံးပါပြီးသားဖြစ်သောကြောင့် ကုိုယ်ကျင့်တရားကောင်းမွန်ကြောင်း ထောက်ခံချက်မလုိုဘဲ အလုပ်ကိစ္စပြီးစီးနုိုင်လေသည်။ ထုို့ကြောင့် အကြံအဖန်လုပ်၍ထောက်ခံချက်ရယူခြင်းမျိူးလည်း
 ကင်းဝေးသွားတော့သည်။ ဤသည်မှာ တရားဥပဒေစုိုးမုိုးခြင်း၏ ပြယုဂ်အစိတ်အပုိုင်းတစ်ခုဖြစ်၍ တရားဥပဒေက လူကုိုစောင့်ရှောက်သော သာဓကလည်းဖြစ်သည်။ 

 မဟာဓမ္မပါလဇာတ်တော်တွင် " ဓမ္မော ဟဝေ ရက္ခတိ ဓမ္မစာရိံ၊ ဓမ္မော သုစိဏ္ဏော သုခ မာဝဟတိ " ဟု မြတ်ဗုဒ္ဓဟောတော်မူသည်။ အဓိပ္ဗါယ်မှာ " တရားဥပဒေကုို လုိုက်နာကျင့်သုံးသော လူကုို တရားဥပဒေက အကာအကွယ်ပေးနုိုင်၊ စောင့်ရှောက်နုိုင်၏။ တရားဥပဒေကုို ခုိုင်မာစွာရေရှည်စောင့်ထိန်းကျင့်သုံးလျှင် ချမ်းသာအားလုံးရနုိုင်သည် " တဲ့။ လူ့အဖွဲ့အစည်းတွင် တရားဥပဒေစုိုးမုိုးမှု ( the rule of law ) ရှိဖုို့လုိုအပ်ကြောင်းဟောခြင်းဖြစ်သည်ဟု အလွယ်မှတ်သားနုိုင်သည်။ မှန်၏။ တရားဥပဒေဟူသည် လူကစောင့်ထိန်းကျင့်သုံးမှသာ အသက်ဝင်ကာ လူကုိုကျေးဇူးပြုပေးနုိုင်သည်။ မကျင့်သုံးပါက မတရားဥပဒေက အသက်ဝင်လာပြီး လူမှုဒုက္ခအဝဝကုို  ဖန်တီးမည်မှာ သေချာလှတော့သည်။ ထုို့ကြောင့်လူတုိုင်း၏ ခေါင်းနှင့်ရင်ထဲဝယ် တရားဥပဒေများ ခုိုင်မာစွာရှင်သန်နေဘုို့အရေးကြီးလှသည်။   ရွှေပြည်တွင် မြတ်ဗုဒ္ဓ၏ ဤဓမ္မတုို့ကား နှစ်ပေါင်းထောင်ချီကာ ကိန်းဝပ်ခဲ့ဖူးပြီ။ ထုိုဓမ္မများ ပိဋကတ်စာအုပ်ထဲတွင်သာ ဆက်လက်ကိန်းဝပ်မနေစေဘဲ လူမှုလောက၏ လက်တွေ့ဘဝထဲသုို့ လွတ်လပ်စွာရှင်သန်ခွင့်ရလျှင် အတုိုင်းထက်အလွန် တံခွန်နှင့်ကုက္ကား ဖြစ်ပေမည်။ ရွှေပြည်ကြီးကုိုဖွံ့ဖြိူးတုိုးတက် အေးချမ်းစေနုိုင်သော  မြတ်ဗုဒ္ဓ၏ဓမ္မများ လူမှုစတိတ်စင်မြင့်ပေါ်သုို့တက်ရောက်၍ ခုိုင်မာစွာနေရာယူနုိုင်ပါစေ၊ ရွှေပြည်သူ/သားအားလုံးတုို့၏ နှလုံးသားနှင့်ဦးနှောက်တုို့ဝယ် အမြစ်တွယ်၍ ထက်မြက်စွာလင်းလက်နုိုင်ပါစေဟုလည်း ဆုတောင်းမိသည်။ ထုို့ထက် အုပ်ချုပ်သူလူတန်းတုို့၏ သန္တာန်ဝယ် မြတ်ဗုဒ္ဓ၏ဖွံ့ဖြိူးရေး ဓမ္မများ အမြစ်တွယ်ပါစေဟု ပုို၍တမ်းတမိသည်။ ( ဆက်ရန် )



Tuesday, July 15, 2014

ဒုိုင်ယာရီအပုိုင်းအစလေးများ ( ၄ )



ယခင်အာဏာရှင်များ လက်လွန်ခဲ့သော ဧရာဝတီမြစ်ဆုံဆည်အရေးတွင် လျှပ်စစ်မီးကုိုပြည်ပသုို့ပုံအော၍ရောင်းစားသည့်ကိစ္စလည်း အရေးတကြီးပါဝင်သောပြဿနာ
တစ်ရပ်ဖြစ်ခဲ့သည်။ အဆုိုပါပြဿနာနှင့်ပတ်သက်၍ သက်ဆုိုရာဝန်ကြီးက " လျှပ်စစ်မီးများကုိုပြည်ပသုို့ရောင်းစားခြင်းသည် ပုိုလျှံသောကြောင့်ဖြစ်သည် " ဟူသော အဆင်ခြင်မဲ့စွာ အဖြေကုိုပေးခဲ့သည်။ ထုိုစကားပြောပြီး၍ မကြာမီပင် လျှပ်စစ်မီးများမလုံမလောက်ဖြစ်၍ ပြည်သူများဆန္ဒပြကြသောအခါ သမ္မတအကြံပေးတစ်ဦးကလည်း " မီးမလာလျှင် ဖယောင်းတုိုင်မီး ထွန်းနေပါ " ဟု ကရုဏာမဲ့စွာဆုိုပြန်သည်။ ကျေးရွာပေါင်း ခြောက်သောင်း ( ၆၀၀၀၀ ) နီးပါးရှိသော ရွှေပြည်တွင် ကျေးရွာတစ်သောင်း ( ၁၀၀၀၀ ) ကုိုလောက်ကုိုသော်မှ နုိုင်ငံတော်အနေဖြင့် လျှပ်စစ်မီးလင်းအောင် ဆောက်ရွက်မပေးနုိုင်ဘဲ ဤစကားမျိူးပြောထွက်သည်ကုို အံ့သြမဆုံးဖြစ်မိသည်။ 
 ကျေးရွာအချို့ တုို့တွင် လျှပ်စစ်မီးလင်းရေးအတွက် ဘုန်းတော်ကြီးများဦးဆောင်ကာ ရွာသူရွာသားတုို့စုပေါင်း၍ ကုိုယ့်အားကုိုယ်ကုိုးကြိူးစားနေကြသော်လည်း
 သက်ဆုိုင်ရာ၏ ထောက်ပံ့မှုအားနဲလွန်းသောကြောင့် သဘာဝလရောင်နှင့်ကြယ်ရောင်ကုိုသာ ရှေးရုိုးစဉ်လာမပျက်အားကုိုးနေကြရဆဲပင်ဖြစ်သည်။ ဖင်လန်နုိုင်ငံတွင် တောရောမြို့ ပါမကျန် လူရှိသောနေရာတုိုင်း မီးလင်းသော်လည်း လျှပ်စစ်မီးပုိုသည်ဟူသောအသံကုို မည်သူမျှကြားဖူးကြလိမ့်မည်မဟုတ်ပေ။  အရှင်အနုရုဒ္ဓါအလောင်းလျာ သူငယ်လေးသည် မရှိဟူသော ဝေါဟာရကုိုမကြားဘူးသကဲ့သုို့ လျှပ်စစ်မီးမရှိ ဟူသောဝေါဟာကုိုလည်း ဖင်းလူမျိူးတုို့ကြားဖူးကြလိမ့်မည်မထင်။



  ထုို့ပြင် (၂၀၁၂ ) ခုနှစ်တွင် အာတိက်စက်ဝုိုင်းကုိုကျော်ဖြတ်၍ မြောက်ဝင်ရုိုးစွန်းသုို့ အလည်အပတ်သွားရောက်ခဲ့စဉ် ဖင်လန်နုိုင်ငံထိပ်ဖျားမှ နော်ဝေနုိုင်ငံသုို့ဖြတ်ကူးဝင်ရသည်။ ဗီဇာမဲ့ဇုန်ဖြစ်သဖြင့် နယ်စပ်တွင်ဘာတစ်ခုမျှစစ်ဆေးမှုမရှိဘဲ လွတ်လပ်စွာဝင်ထွက်သွားလာခွင့်ရှိသည်။ မြို့ တုိုင်းတွင် မြို့ ဝင်ကြေးကောက်ခံသော ဂိတ်မရှိ၊ လမ်းမကြီးတုိုင်းတွင် လမ်းဖြတ်ကူးခ ကောက်ခံသော ဂိတ်များလည်ူးမည်သည့်နေရာမျှမရှိသောကြောင့် လမ်းခရီးဖင့်နှေးမှုမရှိဘဲ လွယ်ကူလွတ်လပ်စွာသွားလာခွင့်ရသည်မှာလည်း စိတ်ကျေနပ်ဖွယ်ရာအချက်တစ်ခုဖြစ်သည်။ ထုို့ပြင် လမ်းဟူသမျှသည် လှိုင်းတွန့်နှင့်အချိုင့်အခွက်များမရှိသောကြောင့် ပုို၍သက်သောင့်သက်သာမှုရှိလေသည်။ ရန်ကုန်မန္တလေး အမြန်လမ်းမကြီးလည်း ထုိုကဲ့သုို့ဖြစ်လျှင် ကောင်းလေစွဟု စိတ်မကောင်းစွာရေရွတ်မိသည်။ နော်ဝေနုိုင်ငံ၏ မြောက်ဝင်ရုိုးစွန်းဒေသသည် သဘာဝတောတောင်ကြီးများ လျှိူမြောင်စိမ့်စမ်းများ သစ်ပင်သစ်တောကြီးများတုို့ဖြင့် အုံးဆုိုင်း၍သုိုင်းသုိုင်းဝုိုင်းဝုိုင်းအံ့သြလောက်စွာ လှချင်တုိုင်းလှနေတော့သည်။ အဆုိုပါ တောနက်ကြီးထဲတွင် ကျေးရွာလေးများသည်လည်း နေချင့်စဖွယ် ရင်ဝယ်စွဲငြိလောက်အောင်ပင် သစ်လွင်လှပနေသည်ကုို တမူထူးစွာတွေ့ရသည်။ ပုို၍အံ့သြဖွယ်ကောင်းသည်မှာ ဝေးလံသီခေါင်သော ထုိုတောနက် တောင်တန်းကြီးများတွင် လျှပ်စစ်မီးလင်းနေခြင်းပင်ဖြစ်သည်။ ယနေ့ နှစ်ဆယ့်တစ်ရာစုထိတုိုင် ညဥ့်အမှောင်ကုိုအံတု၍ သဘာဝရွှေလရောင်ကုိုသာ အမှီပြုနေရဆဲဖြစ်သော ကျေးလက်နေ ရွှေပြည်သူ/သားတုို့အား သနားမိသလုို ကွာခြားချက်ကြိးမားမှုကုိုလည်း သိစေချင်လှသည်။


  ဖွံ့ဖြိူးပြီးနုိုင်ငံတုို့သည် ခေတ်မီနည်းပညာများကုိုလည်းတတ်မြောက်နားလည်ကြသည်။ သူတုို့သည် ခေတ်မီပညာရပ်များကုို အမြဲသစ်နေအောင်ကြံဆောင်ကာ အဆင့်မြင့်အောင်လည်း မြှင့်နေကြသလုို သဘာဝတောတောင်တုို့၏ တန်ဘုိုးကုိုလည်းသိမြင်လက်ခံကာ ထိန်းသိမ်းကြသည်။ တနည်းဆုိုသော် ရှည်လျားသောအနာဂတ်
မျိူးဆက်သစ်များ၏ လူမှုဘဝအတွက် အကြင်နာတရားနှင့်အသိပညာတုို့ပေါင်းစပ်ကာ လျှောက်လှမ်းနေကြသည်။ မိမိ ဟယ်ဆင်ကီမြို့ တွင် သီတင်းသုံးစဉ် ညဥ့်အခါ ကျောင်းဝင်းထဲသုို့ ယုန်ကလေးများဝင်လာတတ်ကြသည်။ လူနေရပ်ကွက်အနီးတွင် ယုန်ကလေးများရှိနေခြင်းသည်ပင် ပြည်သူတုို့၏လူပီသသောစိတ်ဓာတ်ကြောင့် 

တိရစ္ဆာန်များနှင့်ချစ်ကြည်စွာအတူယှဉ်တွဲနေထုိုင်နုိုင်ခြင်းဖြစ်သည်။ ၎င်းသည်ပင်အလှတရားမဟုတ်ပါလော။ ပြောလုိုသည်မှာ ဖင်လန်နုိုင်ငံသည် သဘာဝအရင်းအမြစ် သစ်ပင်သစ်တောကုို ထိန်းသိမ်းထားနုိုင်သည်။ တစ်နုိုင်ငံလုံးသစ်တောများလွှမ်းဖုံးထား၍ မြို့ဟူသည်မှာလည်း တောထဲတွင်သာတည်ရှိနေလေသည်။ သဘာဝတောတောင်မှ သန့်စင်သောလေကုို အားပါးတရရှုရှိုက်ခွင့်ရသလုို ခေတ်မီစွာဖွံ့ဖြိူးခြင်း၏အသီးအပွင့်ကုိုလည်း တန်းတူညီမျှစွာခံစားခွင့်ရှိလေသည်။ ကမ္ဘာတွင်အရှားပါးဆုံးသော မြန်မာ့ကျွန်းသစ်အပါအဝင် အဖုိုးတန်သဘာဝသစ်တောကြီးများ ပြောင်တလင်းခါအောင်ကုန်ဆုံးပျက်ပြုန်းသွားခဲ့ရသော ရွှေပြည်ကြီးအဖုို့မှာတော့ နှမြောတသဝမ်းနဲရုံမှတပါး မည်သုို့တတ်နုိုင်ပါတော့မည်နည်း။



  ၎င်းပြင် ဖင်လန်တွင် အစုိုးရပုိုင်သစ်တောများလည်းရှိသလုို ပုဂ္ဂလိကပုိုင်သစ်တောများလည်းရှိသည်။ မည်သည့်သစ်တောပင်ဖြစ်စေ ဥပဒေအရ တစ်ပင်ခုတ်လျှင်တစ်ပင်ပြန်စုိုက်ရသည်။ ခရစ်စမတ်ပွဲတော်တွင် ခရစ်စမတ်သစ်ပင်ကုိုပင်လျှင် ခုတ်ခွင့်မရှိပေ။ ခရစ်စမတ်ပင်ရောင်းသည့်နေရာတွင်သာ ဝယ်ယူ၍အသုံးပြုကြရသည်။ ကုန်ကုန်ပြောရလျှင် ကိုယ်ပုိုင်ခြံဝင်းထဲမှ သစ်ပင်ကုိုပင်လျှင် ခုတ်ခွင့်မရှိ၊ သက်ဆုိုင်ရာသုို့ ခုိုင်လုံသောအကြောင်းပြချက်ကုို တင်ပြပြီးမှသာခုတ်ခွင့်ရှိလေသည်။ သုို့သော် ဖင်းလူမျိူးတုို့သည် ယခုအခါ ဥပဒေ၏တားမြစ်ချက်ကြောင့်မဟုတ်ဘဲ သစ်ပင်ကုိုထိန်းသိမ်းခြင်းသည် သူတုို့၏ ယဉ်ကျေးမှုသဖွယ်ဖြစ်လာခဲ့သည်ကုို သိရှိရသည်။
 
 သဘာဝသစ်တောနှင့်ပတ်ဝန်းကျင်ကုိုထိန်းသိမ်းခြင်းသည် လူ့အဖွဲ့အစည်းကုို ထိန်းသိမ်းခြင်းဖြစ်ကြောင်း သူတုို့ကောင်းကောင်းနားလည်ကာ လက်တွေ့ကျင့်သုံးနေကြသည်။ အမှန်စင်စစ် လူသားသတ္တဝါသည် သဘာဝကုိုအမှီပြု၍သာ အသက်ရှင်သန်နေကြရသည်မဟုတ်ပါလော။ သဘာဝပျက်ဆီးလျှင် လူအဖွဲ့အစည်းလည်း ပျက်ဆီးမည်သာဖြစ်သည်။ ထုို့ကြောင့် သဘာဝကုိုချစ်တတ်ဖုို့ နားလည်တတ်ဖုို့ ခံစားတတ်ဖုို့ အရေးကြီးလှလေပြီ။ မြတ်ဗုဒ္ဓသည်ပင် တောမှာမွေးဖွားခဲ့သည်။ တောမှာ တရားကျင့်ခဲ့သည်။ တောမှာဘုရားဖြစ်ခဲ့သည်။ တောမှာ တရားဦးကုိုဟောခဲ့သည်။ သဘာဝတောတောင်ကုို အမှီပြုခဲ့သည်။ တန်ဘုိုးထားခဲ့သည်။သစ်ပင်တောတောင်သည် သဗ္ဗညုတဥာဏ်တော်ရှင် ဘုရားသခင်ဖြစ်ဘုိ့အရေးအထိ အစိတ်အပုိုင်းတစ်ရပ်အနေဖြင့် ကျေးဇူးပြုပေးနုိုင်သည်။  ထုို့ကြောင့်ပင် " ယဿ ရုက္ခဿ ဆာယာယ၊ နိသီဒေယျ သယေယျဝါ၊ န တဿ သာခံ ဘဉ္ဖေယျ၊ မိတ္တဒုဗ္ဘော ဟိ ပါပကော " ဟုဟောတော်မူခဲ့သည်။ လုိုရင်းအဓိပ္ဗါယ်မှာ လူတစ်ယောက်သည် သစ်ပင်၏အရိပ်အောက်ဝယ် နားခုိုဖူး အိပ်ဖူးမည်ဆုိုလျှင် ထုိုသစ်ပင်၏ အကုိုင်းအခက်ကုိုမျှ မချိူးဖြတ်သင့်။ အကယ်၍ ချိူးဖြတ်လျှင် ယုတ်မာသူသာဖြစ်သည် တဲ့။ ဤဒေသနာကုိုမှီ၍ " အရိပ်နေနေ အခက်ချိူးချိူး မလုပ်သင့် " ဟု ရှေးမြန်မာတုို့ ပြောထုံးရှိခဲ့ကြလေသည်။ သုို့စဉ်လျှက် ရွှေပြည်တွင် ရတနာသစ်တောကြီးများ ပြောင်တလင်းခါအောင် ပြုတ်ပြုတ်ပြုန်းသွားခဲ့ရလေပြီ။ မုိုးလေဝသများလည်းမမှန်တော့။ အပူချိန်များလည်း မြင့်သထက်မြင့်တက်လာနေချေပြီ။ အကြောင်းရင်းကုိုအထူးရှာစရာမလုိုဘဲ ရှင်းလေပြီ။ ( ဆက်ရန် )


*
*
*

***ဓမ္မမိတ်ဆွေများ၏အမှာစကား***