စွဲငြိစေသောကုသုိုလ်အပြုံးများ

အပြုံးကုိုလူတုိုင်းကြိုက်နှစ်သက်ကြမည်ဖြစ်သည်။ သုို့သော် အပြုံးတုိုင်းကုိုတော့ လူတုိုင်းကရာခုိုင်နှုန်းပြည့် ကြိုက်နှစ်သက်ကြမည်မဟုတ်ဟုထင်သည်။ ဥပမာအားဖြင့် မဲ့ပြုံး၊ ရွဲ့ ပြုံး၊ ခနဲ့ပြုံး၊ ထေ့ပြုံး၊ ငေါ့ပြုံး၊ သရော်ပြူံး၊မာန်ပြုံး၊ မချိပြုံးနှင့် အထက်စီးမှ ကျီစယ်သောအပြုံးတုို့ကုို စဉ်းစားနားလည်တတ်သူမှန်သမျှ ကြိုက်နှစ်သက်ကြမည်မဟုတ်ပေ။ အကြောင်းကုိုဆုိုသော် ထုိုအပြုံးတုို့သည် မဲ့သောနှလုံး၊ ရွဲ့ သောနှလုံး၊ ခနဲ့သောနှလုံး၊ သရော်သော ထေ့သော ငေါ့သော မာန်ကြီးသောနှလုံး၊ မချိသောနှလုံးနှင့် အထက်စီးမှကျီစယ်သောမသန့်စင်သည့်နှလုံးတုို့၏ အရည်အသွေးမမီသောထုတ်လုပ်မှုဖြစ်သောကြောင့်ပင်ဖြစ်သည်။ တနည်းဆုိုသော် အကုသုိုလ်အပြုံးများဖြစ်သောကြောင့်ပင်ဖြစ်သည်။ မှန်ပါသည်။ လူ့စိတ်၏မူလသဘာဝသည် အလွန်ဖြူစင်၍ အကုသိုလ်ကုိုနဲနဲမျှကြိုက်နှစ်သက်သည်မဟုတ်သောကြောင့် အကုသုိုလ်နှင့်စပ်ယှဉ်သောအပြုံးကုိုလည်း မည်သူမျှကြိုက်နှစ်သက်ကြမည်မဟုတ်ပါချေ။ သုို့သော် ဖေါ်ရွေသောလူမှုရေးအပြုံး၊ နွေးထွေးသောအပြုံး၊ လှိုက်လှဲပျူငှာသောအပြုံး၊ ဖြူစင်သောအပြုံးများ
တုို့ကုိုကား လူအများကြိုက်နှစ်သက်ကြသည်ပင်ဖြစ်သည်။ အဘယ့်ကြောင့်ဆုိုသော် ထုိုအပြုံးတုို့ကုို ဖေါ်ရွေသော၊ ပျူငှာသော၊ နွေးထွေးသော ရုိုးသားဖြူစင်သောနှလုံးသားဖြင့် အရည်အသွေးပြည့်မီအောင် ထုတ်လုပ်ထားသောကြောင့်ပင်ဖြစ်သည်။ အပြူံးစစ်စစ်သည် အမုန်း၏ဆန့်ကျင်ဘက်ဖြစ်၍ အပျက်သဘောကုိုပယ်ဖျက်ကာ အပြုသဘောကုိုသာ ဆောင်ယူလာတတ်လေသည်။ ထုို့ကြောင့်ပင် ယနေ့ခေတ်စီးပွါးရေးလောကတွင် ဝန်ထမ်းများအပြုံးတတ်အောင်သင်ပြခြင်းများလည်းရှိလာရသည်။

 မည်သုို့ဆုိုစေ လူသားတုိုင်းကောင်းသောအပြုံး အရည်အသွေးပြည့်ဖြူစင်သောအပြုံးကုိုမူလက်ဆောင်အဖြစ်
လိုချင်ကြသည်ချည်းပင်ဖြစ်သည်။ ထုိုကောင်းသောအပြုံးလက်ဆောင်သည် နယ်ပယ်တုိုင်းတွင်အလွန်
တန်ဘုိုးကြီးသည်ကိုတွေ့ရသည်။ ထုို့ပြင် ဖေါ်ရွေပျူငှာသောအပြုံးသည် လှပြီးသောသူများအဖုို့ အလှကုိုတုိုးစေသည်။ တဖက်သား၏ရင်ဝယ် အချိန်ကာလကြာမြင့်သည်အထိ မပျောက်ပျက်ဘဲ စွဲငြိစေသည်။ မလှသောသူများအဖုို့ သူတုို့၏မျက်နှာကုို ကျက်သရေတုိုးစေသည်။ ချွေးလည်းမထွက် ပင်ပန်းမှုလည်းမရှိ အကြံလည်းမအုိုက် စိတ်ညစ်စရာလည်းမလုိုဘဲ တဖက်သားကုိုအသံတိတ်လှုပ်ရှားမှုဖြင့် ဆွဲဆောင်နုိုင်စွမ်းရှိသောအရာသည် ထုိုဖြူစင်သောအပြုံး ကုသုိုလ်အပြုံးပင်ဖြစ်သည်။ ထုို့ပြင် အချို့ သော
သူတုို့သည် သူတုို့၏ဖေါ်ရွေသောအပြုံးကြောင့် သူတုို့၏နေ့စဉ်ဖြတ်သန်းမှုဘဝများ အဆင်ပြေချောမွေ့သွားသည်များလည်းရှိကြသည်။  ထုို့ထက်မက မုိုနာလီဇာသည် ထုိုအပြုံးကြောင့်ပင် ကမ္ဘာကျော်ခဲ့လေသည်။ အပြုံးသည် ဤမျှအထိ စွမ်းအားကြီးလှသည်။ အကြောင်းကုိုဆုိုသော် ဖြူစင်သော ကုသုိုလ်ဖြစ်သောအပြုံးသည် မေတ္တာ ကရုဏာ မုဒိတာစသော မွန်မြတ်သည့်စိတ်စေတနာကောင်းတုို့၏ ပြယုဂ်ဖြစ်နေသောကြောင့်ပင်ဖြစ်သည်။

 အမှန်စင်စစ် ဒေါသအားကြီးသောသူများ သုို့မဟုတ် ဒေါသကုိုမထိန်းချုပ်နုိုင်သောသူများသည်လှပ၍နှစ်လုို
ဖွယ်ရာသောအပြုံးကုိုပုိုင်ဆုိုင်နုိုင်မည်မဟုတ်ပေ။ ဒေါသအားနဲသောသူများ သုို့မဟုတ် ဒေါသကုို
ထိန်းချုပ်နုိုင်သောသူများသည်သာ နှစ်လုိုဖွယ်ရာသောအပြုံုးပုိုင်ရှင်ဖြစ်နုိုင်ပေမည်။ သုို့သော် တစ်ခါတစ်ရံတွင် လောဘကြီးသူတုို့၏ ပိပိရိရိဟန်ဆောင်ကောင်းလှသော လူမှုဆက်ဆံရေးနှင့်ဈေးကွက်
အပြုံးများကုိုလည်း တွေ့ရတတ်သည်။ ထုိုအပြုံးသည်လည်း လူမှုလောကအတွက် အထုိုက်အလျောက်အသုံးဝင်သည်ကုိုအများစုသိပြီးပင်ဖြစ်ပေမည်။ ထုို့ကြောင့်ပင် လောဘနှင့်ဒေါသကုို ပိရိစွာကွယ်ဝှက်ထားသောလူမှုရေးအပြူံးများကုို အမြဲလုိုလုိုတွေ့မြင်ရတတ်သည်။ တစ်ခါတစ်ရံတွင် ဣနြေ္ဒကြီးသူ ကုိုယ်ကျင့်သီလဖြူစင်သူတုို့၏
တည်ငြိမ်သောရင့်ကျက်၍မြင့်မြတ်သောအပြုံးများကုိုလည်းတွေ့ရတတ်သည်။ သုို့သော် ထုိုအပြုံးမျိူးကုိုတွေ့ရခဲလှသည်။ မိမိသည်အပြူံးအကြောင်းကုိုစေ့ငုစွာနားမလည်သော်ငြားလည်း ထင်မြင်ယူဆမိသည်များနှင့်လက်လှမ်းမီသမျှကုို တင်ပြချင်သောကြောင့်သာ ဤစာကုိုရေးခြင်းဖြစ်ပါသည်။ မှန်ပါသည်။ မိမိကုိုယ်တုိုင်သည်လည်း မည်သည့်အပြုံးမျိူးကုိုပြုံးမိကြောင်း မစဉ်းစားဘူးခဲ့သလုို ဂဃနဏလည်းနားမလည်ပါ။

ဤအပြုံးနှင့်ပတ်သက်၍ အထူးပြောလုိုသည်မှာ မိမိသည် ဖင်လန်နုိုင်ငံ ဥရောပသုို့ ( ၂၂. ၅. ၂၀၁၁ ) ခုနှစ်တွင်ပထမအကြိမ်သာသနာပြုရန်ရောက်ရှိခဲ့သည်။  ရောက်ခါစတွင် ဒေသခံဖင်းလူမျိူးတုို့၏မျက်နှာအနေအထားကုိုတွေ့မြင်ရသောအခါ လူမှုဆက်ဆံရေးအားနည်းသောလက္ခဏာများဖြစ်သည်၊ ဖေါ်ရွေသောဆက်ဆံမှုမရှိသည့် မျက်နှာပေးများဖြစ်သည်ဟု သူတုို့နှင့်ဆက်ဆံမှုမရှိသေးမီမှာ ထင်မှတ်ခဲ့သည်။ သုို့သော်မကြာမီပင်ဒေသခံလူမျိူးတို့နှင့်ဘာသာရေးဆွေးနွေးမှုများ၊ မရှင်းလင်းသည်များကုို မေးမြန်းကြခြင်းနှင့်ပြန်လည်ဖြေကြားရခြင်းများတုို့ကြောင့် မဖြစ်မနေဆက်ဆံလာရသည့်အခါ မိမိ၏ထင်မြင်ချက်လွဲမှားခဲ့ကြောင်း သူတုို့၏ပွင့်လင်းသော ရုိုးသားသောအပြုံးများနှင့်ဆက်ဆံမှုများက သက်သေထူခဲ့သည်။ အမှန်စင်စစ် ဖင်းလူမျိူးအများစုသည် ရုိုးသားဖြူစင်ကြသည်။ ပွင့်လင်းသည်။ သူတုို့၏အလုပ်တာဝန်ကုို ဝတ်ကျေတန်းကျေမလုပ်ကြဘဲ အမှန်တကယ်အသက်ဝင်အောင် လုပ်ဆောင်ကြသည်။ အထူးသဖြင့် အလုပ်ကိစ္စတစ်ခုခုအတွက် အစုိုးရရုံးများသုို့သွားရောက်ရသောအခါများတွင် ဖေါ်ရွေသောအပြုံးများဖြင့်ဆီးကြိူထွေးပွေ့ကြသည်ကုို နွေးထွေးစွာခံစားရသည်။ ပြည်သူအပေါ်လာဘ်ပေးလာဘ်ယူလုပ်ခြင်းဖြင့်နှိပ်စက်မှုမရှိဘဲ အလုပ်ကိစ္စကုိုတိတိကျကျ ဥပဒေအတုိုင်း ပြီးမြောက်စေရန် လေးလေးနက်နက်ဆောက်ရွက်သည်ကုိုသာတွေ့ရလေသည်။ ရုံးကိစ္စပြီးဆုံး၍ပြန်လာသောအခါတွင်လည်း နှစ်လုိုဖွယ်ရာအပြုံးဖြင့် နှုတ်ခွန်းဆက်လက်ဆောင်ပင်ပေးလုိုက်သေးသည်။ ပြည်သူအတွက် အလုပ်ကိစ္စတာဝန်ကျေသည့်အပြင် လှပသောအပြုံးလက်ဆောင်ကုိုပါ နွေးထွေးစွာပေးအပ်လုိုက်ခြင်းသည် သူတုို့လူမျိူး၏ ကျေနပ်ကြည်နူးဆွတ်ပျံ့ ဖွယ်ကောင်းသော နေ့စဉ်လူမှုဘဝထုံးစံပင်ဖြစ်နေမည်ထင်သည်။   အမိမြန်မာပြည်မှ အစုိုးရဝန်ထမ်းများနှင့်တော့ မိုးနှင့်မြေပမာ ကွာခြားလေစွ။ အခြားကွာခြားချက်များကုို အသာထား၍အပြုံး၏တန်ဘုိုးနှင့်အပြုံးလက်ဆောင်တုို့သည်ပင် ကွာခြားလှတော့သည်။ ထုို့ကြောင့်ပင် တုိုးတက်မှုနှင့်ဆုတ်ယုတ်မှု၊ ခေတ်ရှေ့ရောက်မှုနှင့်ခေတ်နောက်ကျမှုတုို့သည်လည်း ကွာခြားလွန်းလှသည်။ ထုို့ပြင် ဥပဒေကုိုလေးစားလုိုက်နာသောအလေ့အကျင့်သည်လည်း သူတုို့ဖင်းလူမျိူးများအဖုို့ ရုိုးရာအစဉ်အလာတစ်ခုကဲ့သုို့ပင်ဖြစ်နေလေပြီ။

မှတ်မှတ်ရရဆုိုရလျှင် (၂၀၁၂ ) ခုနှစ်တွင် ဖင်လန်နုိုင်ငံ၏မြို့ တော် ဟယ်ဆင်ကီမြို့ လယ်တစ်နေရာမှ မိမိကျောင်းရှိရာသုို့ရထားစီး၍ပြန်ခဲ့သည်။ ရထားများတွင် အင်္ဂလိပ်စာဟူ၍ တစ်လုံးမျှရေးမထားဘဲ သူတုိ့၏ဖင်းစာများကုိုသာရေးထားလေသည်။ သူတုို့၏ မိခင်ဘာသာစကားများကုိုသာအလေးထားကာအသုံးပြုကြခြင်းသည် ဥရောပနုိုင်ငံများ၏မိခင်ဘာသာစကားအပေါ်အလေးထားမှုကုိုပြသခြင်းလည်းဖြစ်ပေမည်။ ထုို့ကြောင့် မိမိသည်လည်း ကျောင်းအပြန်ရထားမှားစီးခဲ့မိတော့သည်။ မှားစီးသည်ဟုလည်း မိမိမသိသေးချေ။ အမှန်ဟုသာထင်မြဲထင်နေသည်။ တော်တော်ခရီးပေါက်လာခဲ့တော့မှ ရထားမှားစီးမိပြီဆုိုသည်ကုို သိလုိုက်ရတော့သည်။ ထုို့ကြောင့် ရထားပေါ်မှ အသက် ( ၂၀ ) ဝန်းကျင်ခန့်ရှိသောခရီးသည်လူငယ်လေးတစ်ယောက်ကုို မေးကြည့်ရာ နောက်ကုိုအဝေးကြီးပြန်၍ စီးရဦးမည်ဖြစ်ကြောင်း၊ရထားလည်းပြောင်းစီးရဦးမည်ဖြစ်ကြောင်းနှင့်ပြောင်းစီးရမည့်ဘူတာနှင့်ရထားတုို့ကုို ဖေါ်ရွေသောအပြုံးဖြင့်ပင် စိတ်ရှည်လက်ရှည်ရှင်းပြလေသည်။ မိမိသည် လူငယ်လေးပြောပြသည့်အတုိုင်းပင်ခရီးဆက်ပါသော်လည်း ရထားပြောင်းစီးရမည့်ဘူတာသည် အတော်အတန်ကြီး၍ ရထားအချိန်ညွှန်းဆုိုင်းဘုတ်များက များနေသည့်အတွက်ကြောင့် မည်သည့်ဆုိုင်းဘုတ်ကုိုကြည့်ရမှန်း ဗြုန်းကနဲမသိဘဲဖြစ်နေမိကာ အထက်ဆုံးထပ်မှမျက်နှာချင်းဆုိုင်တွေ့သော အချိန်ညွှန်းဆုိုင်းဘုတ်ကုိုသာကြည့်နေမိသည်။ ထုိုအခုိုက် မိမိနောက်မှ အသက် ( ၂၅ ) နှစ်ဝန်းကျင်ရှိအမျိူးသမီးငယ်တစ်ယောက်သည် အလွန်ဖေါ်ရွေသောအပြုံးဖြင့် မိမိကြည့်ရမည့်ဆုိုင်းဘုတ်နှင့်စီးရမည့်ရထားတုို့ကုိုပြောပြလေသည်။ နောက်မှပြန်စဉ်စားမိသည်မှာ ရထားပေါ်တွင် လူငယ်လေးရှင်းပြနေသည်ကုို သူမက မိမိနောက်မှနားထောင်နေခဲ့ဟန်ရှိသည်။ ဤမျှနှင့်မိမိပြဿနာကားမပြီးသေး။ သူမပြောပြသည့်အတုိုင်း မိမိခရီးဆက်ခဲ့ရာ ဆင်းရမည့်ဘူတာတွင်ဆင်းပြီးသည့်အခါတွင်လည်း ကျောင်းကုိုမပြန်တတ်တော့ချေ။ မျက်စိလည်ချေပြီ။ သုို့နှင့်လူငယ်လေးတစ်ယောက်ကုိုမေးကြည့်ရာ သူလည်း ဤနေရာမှမဟုတ်သောကြောင့်မသိဘူးတဲ့၊ သုို့သော် စာကြည့်တုိုက်ကုိုသွား၍မြေပုံကြည့်ပြီးအကူညီပေးမည်တဲ့။ အလွန်ပျူငှာလှိုက်လှဲသောအပြူံးမျက်နှာဖြင့် မိမိကုိုကူညီလုိုကြောင်းပြောပြလေသည်။ မိမိသည်ဤမျှအထိ ထုံထုိုင်းသူဖြစ်သည်။ သုို့သော် မိမိသည် ကိုယ့်ကုိုယ်ကုိုမကျေနပ်သောကြောင့် သူ၏အကူအညီကုိုမယူတော့ဘဲ ကုိုယ်တုိုင်ပင်ကြိူးစား၍ကျောင်းရောက်အောင်ပြန်လာခဲ့သည်။ ဤသုို့ သူတုို့လေးများ၏ မေတ္တာ စေတနာအရင်းခံ၍ လှိုက်လှဲနွေးထွေးသောအပြုံးများဖြင့်ကူညီမှုများပေးကြခြင်းသည် သူတုို့လူမျိူးများ၏ လေးစားစွာအသိမှတ်ပြုထုိုက်သော အလေ့အကျင့် သုို့မဟုတ် အစဉ်အလာပင်ဖြစ်မည်ဟု ကောက်ချက်စွဲမိသည်။

 ( ၂၀၁၂ ) ခုနှစ် အောဂုတ်လတွင် ပီအိတ်ခ်ျဒီအတွက် ကျမ်းပြု၍ပြီးစီးသွားသောအခါ အိန္ဒိယနုိုင်ငံ ဘီဟာပြည်နယ် မဂဓတက္ကသုိုလ်တွင် ကျမ်းတင်သွင်းကာ စာတွေ့လူတွေ့စစ်ဆေးမေးမြန်းခံရဘုို့အတွက်ပြန်ရတော့သည်။ ထုိုအခါတွင်လည်း ဖင်းလူမျိူးလေဆိပ်ဝန်ထမ်း အမျိူးသားတစ်ဦးမှ မိမိစီးရမည့် အိန္ဒိယလေယာဉ်၏ ဂိတ်ပေါက်အထိ တည်ငြိမ်နွေးထွေးသောအပြုံးစဖြင့် မတောင်းဆုိုရဘဲကူညီခဲ့သည်။ သူ၏ကူညီမှုသည်ဖြူစင်သောအပြုံး သုို့မဟုတ် ကုသုိုလ်အပြုံးကုိုအရင်းပြုထားသောကြောင့် မိမိအတွက်အလွန်ပင်ကျေနပ်မှုကုိုခံစားခဲ့ရသလုို အမြဲတန်းအမှတ်ရနေစရာလည်းဖြစ်နေတော့သည်။ အိန္ဒိယမှ ပညာရေးပြီးဆုံး၍ အမိမြန်မာပြည်သုို့ ပြန်လာခဲ့သည်။ အမိမြန်မာပြည်တွင် နေထုိုင်သီတင်းသုံး၍ မဝခင်ပင် ဖင်လန်နုိုင်ငံသုို့ သာသနာပြုရန်အတွက် ( ၇. ၈. ၂၀၁၃ ) တွင် တဖန်ပြန်လည်ရောက်ရှိခဲ့သည်။ ယခုအခေါက် ပြန်လည်ရောက်ရှိသည့်အခါ ဖင်လန်နုိုင်ငံ၏ အလယ်ပုိုင်းဖြစ်သော မြန်မာဗုဒ္ဓဘာသာအများစုနေထုိုင်ရာဖြစ်သည့် Kuopio မြို့  တွင်နေထုိုင်ဖြစ်ခဲ့သည်။ မြန်မာ ဒကာဒကာမများ၏ သာသနာတော်ကုို ကြည်ညိုမြတ်နုိုးသောစိတ်ထားနှင့်သဒ္ဓါတရားကြောင့် ဆွမ်း သင်္ကန်း ကျောင်း ဆေး ဟူသောပစ္စလေးပါးအတွက်အခက်ခဲမရှိဘဲ အဆင်ပြေခဲ့သည်။

   ဤ Kuopio မြို့ တွင်နေထုိုင်စဉ်တွင်လည်း မိမိနေထုိုင်သောကျောင်း၏အနီးမှ Marku and Kepa ဟူသောဖင်းလူမျိူးအဖိုးနှင့်အဖွား ဇနီးမောင်နှံနှစ်ယောက်နှင့် မိမိကုိုဝေယျာစ္စပြုစုပေးကာကုသုိုလ်ယူနေသော ကျောင်းဆရာကုိုမြတ်သစ်၏ မိတ်ဆက်ပေးမှုကြောင့် တွေ့ဆုံရင်းနှီးခွင့်ရခဲ့သည်။ ထုိုအဖုိုးနှင့်အဖွားနှစ်ဦးလုံးသည်လည်း နှစ်လုိုဖွယ်ရာအလွန်ဖေါ်ရွေသောအပြုံးများဖြင့် မိမိကုိုဆီးကြိုခဲ့သည့်ပြင် သူတုို့အိမ်သုို့လည်းအချိန်မရွေးဝင်ထွက်လည်ပတ်ဘုို့ရန် အတန်တန်ဖိတ်မန်တကပြုခဲ့ကြသည်။ ထုို့ပြင် မည်သည့်အကြောင်းကိစ္စပေါ်သည်ဖြစ်စေ သူတုို့ကုိုအချိန်မရွေး ဖုန်းဆက်ကာအကူအညီတောင်းနုိုင်ကြောင်းကုိုလည်း ဖြူစင်ကြင်နာသောအပြုံးများဖြင့်ပင် ပင့်ဖိတ်ခဲ့ပြန်သည်။ ထုို့ကြောင့်ပင် မိမိသည် အကူအညီလုိုအပ်သည့်အခါ အဖုိုးအဖွားဇနီးမောင်နှံကုိုတောင်းခံရတော့သည်။ ထုိုအခါတွင်လည်း လှိုက်လှဲပျူငှာသောအပြုံးများဖြင့်ပင် အကူအညီပေးခဲ့ကြသည်သာဖြစ်သည်။ မိမိသူတုို့အိမ်သုို့သွားရောက်လည်ပတ်သည့်အခါတုိုင်း သူတုို့ပျော်ရွှင်ကြသည်။ ဗုဒ္ဓဘာသာရဟန်းတော်တစ်ပါး သူတုို့အိမ်သုို့လာရောက်လည်ပတ်သည်ကုိုလည်း ဂုဏ်ယူကြောင်းပြောကြပြန်သေးသည်။ ထုို့ပြင် အခွင့်သင့်သည့်အခါ အာရုံဆွမ်းများလည်းကပ်လှုကြသည်။ မိမိစားချင်သည့်အစားအစာကုိုမေး၍ရွေးချယ်ကာကပ်လှုကြသောကြောင့် မိမိမှာ အမှတ်တရလည်းဖြစ်ရသလုို ကျေနပ်မှုကုိုလည်းခံစားရသည်။

   ယဉ်ကျေးမှု၊ ဘာသာတရား၊ လူမှုစံနစ်၊ အစားအစာနှင့်အသက်အရွယ်များ ကွဲပြားနေသော်လည်း သူတုို့၏ ဖြူစင်သောမေတ္တာ ကရုဏာကုိုအခြေခံသည့် အပြုံးများဖြင့် ကွဲပြားမှုအရာရာကုို တူညီစေခဲ့သည်။ အရှေ့ တုိုိင်းနှင့်အနောက်တုိုင်း သုို့မဟုတ် အာရှနှင့်ဥရောပတုို့၏အရာရာသောကွဲလွဲချက်များကုို လူသားပီသသောသူတုို့၏နှလုံးထဲမှအပြုံးများဖြင့်တူညီသောအဖြေကုိုညှိနုိုင်ခဲ့သည်။ သူတုို့သည် အဖုိုးအဖွားအရွယ်သုို့ရောက်နေကြသော်လည်း သူတုို့၏အပြူံးများက လတ်ဆတ်နေဆဲ၊ တက်ကြွနေဆဲဖြစ်သည်။ မေတ္တာနှလုံးသားကုိုအခြေခံထားသောအပြူံးများဖြစ်ခြင်းကြောင့်လည်း မိမိအဖုို့ စွဲငြိစရာဖြစ်ခဲ့သည်။ သုို့သော် ရာဂဖြင့်ရစ်ပတ်နှောင်ဖွဲ့သောအားဖြင့် စွဲငြိခြင်းမဟုတ်၊ သန့်စင်သောမေတ္တာ ကရုဏာအပြုံးများဖြင့် လူသား၏စစ်မှန်သောနှလုံးသားတံတားကုို တည်ဆောက်ခြင်းမျှသာဖြစ်သည်။ ဗြာဟ္မစုိုရ်တရားပါသောအပြူံးဖြင့် ကူးလူးပေါင်းစပ်ခြင်းလည်းဖြစ်သည်။ အမှန်စင်စစ် လူပီသ၍စစ်မှန်သောအပြူံးသာဖြစ်လျှင် ကုသုိုလ်တရားသည်ပင်ဖြစ်ခွင့်ရနုိုင်လေသည်။ မိမိအပြုံးဖြင့် အခြားသူအတွက်ကျေနပ်ဖွယ်ရာခံစားမှုကုိုပေးနုိုင်လျှင် ကုသုိုလ်အပြုံးဟူ၍ပင်ဆုိုနုိုင်သည်။ ထုိုသုို့မဟုတ်မူဘဲ မဲ့ပြူံး၊ ရွဲ့ ပြူံး၊ ထေ့ပြူံး၊ ငေါ့ပြူံး၊ သရော်ပြူံးများဖြင့်ပြူံးမိလျှင်ကား မိမိရောသူတပါး နှစ်ဦးသားအတွက် အကုသုိုလ်ပင်ဖြစ်နုိုင်လေသည်။ ထုို့ကြောင့် လူသားများအချင်းချင်းအကြားဝယ် လူပီသသောအပြုံးများ၊ ဖေါ်ရွေပျူငှာသောအပြူံးများ၊ သန့်စင်သောကုသုိုလ်အပြုံးများတုို့ဖြင့် တံတားခင်း၍ လူချင်းချင်းယှက်နွှယ်ကာဆက်သွယ်ပေါင်းသင်းနေထုိုင်နုိုင်ကြပါစေသားဟု တမ်းတဆုချွေလျှက်။

***   ***   ***