ဗုဒ္ဓဘာသာ ဇစ်မြစ် ( ၁၄ ) ပါရမီဟူသည် ဘယ်အရာကို ခေါ်သနည်း

အမျိူးသမီးများ မရနိုင် မဖြစ်နိုင် မရောက်နိုင်သော အခြေအနေနှင့် ဘဝတို့မှာ
          ၁။ သဗ္ဗညုဘုရားရှင်နှင့် ပစ္စေကဗုဒ္ဓ အဖြစ်
         ၂။ စကြာဝတေးမင်းအဖြစ်
         ၃။ မဟာဗြဟ္မာမင်းအဖြစ်
         ၄။ သိကြားမင်းအဖြစ်
        ၅။ မာနတ်မင်းအဖြစ်
        ၆။ ဧဟိဘိက္ခုရဟန်းအဖြစ် တို့်ပေတည်း။ အထက်ပါ အခြေအနေရှိသော ဘဝတို့ကို ပိုင်ဆိုင်လို ဖြစ်လိုပါလျှင် အမျိူးသမီးဘဝမှ အမျိူးသားဘဝသို့ ရရှိရောက်ရှိအောင် ဦးစွာပထမ အားထုတ်ကြရမည်ဖြစ်၏။ အမျိူးသမီးနှင့် အမျိူးသားတို့အကြား နှိုင်းယှဉ်လေ့လာစရာများ မြောက်များစွာရှိသေးသော်လည်း ဤအကြောင်း ဤနေရာတွင်သာ ရပ်ပါမည်။ မူလဦးတည်ရေးသားမှုဖြစ်သော ဗုဒ္ဓဘာသာဇစ်မြစ်ဆီသို့ပြန်သွားပါမည်။ ဗုဒ္ဓဘာသာ၏ ဇစ်မြစ်အကြောင်းတရားတို့ကို စေ့ငုကြည့်သောအခါ ပါရမီသည်လည်း အဓိကအကြောင်းရင်းတွင် ပါဝင်နေသည်ကို တွေ့ရမည်ဖြစ်၏။ ဤနေရာ၌ ပါရမီ၏ ပုဒ်ပါဌ်အဖွင့်အဓိပ္ပါယ်တို့ကို မရေးတော့ဘဲ စာဖတ်သူများ အလွယ်တကူနားလည်နိုင်သော အဓိပ္ပါယ်စကားပြေကိုသာ ဦးစားပေး၍ ရေးသားပါမည်။ အမှန်စင်စစ် ပါရမီဟူသည် ကောင်းကောင်းဆိုးဆိုး အမျိူးအမျိူးဖြစ်နိုင်သော မည်သည့်တုန့်ပြန်ချက်ကိုမှ မမျှော်လင့် မကြောက်ရွံ့ဘဲ သဗ္ဗညုတဥာဏ်တော် ရရှိရေးကိုသာ ရှေးရှုအလေးဂရုပြုလျှက် ဘဝ၏ အရာရာကို စွန့်လွှတ်ပေးဆပ်အနစ်နာခံကာ လောကကောင်းကျိူးတို့ကို အနှိုင်းမဲ့သော ကရုဏာ မေတ္တာတို့ဖြင့် သယ်ပိုးဆောင်ရွက်ခြင်းပင်ဖြစ်၏။ ထိုပါရမီသည် ပုဂ္ဂိုလ်တစ်ဦးတစ်ယောက်တည်းကသာ ပိုင်ဆိုင်သောသဘောတရားလည်းမဟုတ်။ ငါတို့နှင့်မဆိုင် မြင့်မြတ်ကြီးကျယ်သော သူတို့နှင့်သာဆိုင်သော လမ်းစဉ်ဖြစ်သည် ဟူ၍ ဆင်ခြေပေးကာ ရှောင်လွှဲသင့်သော သဘောတရားလည်းမဟုတ်ချေ။ ထို့ပြင် မည်သူတစ်ဦးတစ်ယောက်ကမျှ အာဏာဖြင့်လွှမ်းမိုး ချုပ်ကိုင်ကာ ချယ်လှယ်ပိုင်ခွင့်လဲမရှိ။ ဥပဒေဖြင့်လည်း ကန့်သတ်ပိတ်ပင်၍ မရစကောင်း ဖြစ်ချေ၏။ ပါရမီလမ်းစဉ်သည် မြင့်မြတ်၏။ လွတ်လပ်၏။ ပွင့်လင်း၏။ ကျယ်ပြန့်၏။ ဖြူစင်သန့်ရှင်း၏။ တည်ကြည်ခိုင်ခန့်၏။ ဖြောင့်မတ်၏။ ပြည့်ဝ၏။ အေးမြစေ
၏။ နက်ရှိုင်း၏။ အစဉ်အမြဲ ကောင်းကျိူးကိုသာ ဦးတည်၏။ အစဉ်အမြဲ အခွင့်အလမ်းရှိ၏။ လောကအတွက် ဘယ်သောအခါမျှ သစ္စာမဖေါက်။ မည့်သည့်အကြောင်းကြောင့်မျှလည်း မေတ္တာမပျက်။ အနှောက်အယှက် အဟန့်အတားများအတွက် အာဃာတတရား အငြှိူးအတေး လုံးဝကင်းဝေး၏။ ထောင်လွှားမောက်မာသော မာန မရှိ။ ပါရမီ၏ မြင့်မြတ်သည့် ဂုဏ်တို့ကို ဖေါ်ပြရလျှင် များပြားလှ၏။ ချုပ်၍ဆိုရလျှင် ပါရမီဟူသည် ချွတ်ယွင်းအားနဲချက် အပြစ်အနာအဆာကင်းဝေးလျှက် အလွန်မြင့်မြတ်လှသည့် သူတော်ကောင်းတို့၏ လောကကောင်းကျိူးပြု လုပ်ငန်းစဉ် မူဝါဒသဘောတရားနှင့် ကျင့်စဉ်တို့သာလျှင်ဖြစ်၏ ဟုလည်းဆိုနိုင်ချိမ့်မည်။   နိုင်ငံတော်အခြေခံဥပဒေ လူမှုအဖွဲ့အစည်းဆိုင်ရာဥပဒေ စသည်တို့တွင် ပါရမီသဘောသက်ရောက်သည့် စည်းမျဉ်းစည်းကမ်းများပါဝင်အောင် ရေးစွဲချမှတ်ကာ ကျင့်သုံးကြလျှင် ဖွံ့ဖြိူးတိုးတက် အေးချမ်းသော နိုင်ငံများ လူမှုအဖွဲ့အစည်းများ ဖြစ်လာကြမည်မှာ ဧကန်ဧက ဟုပင်ဆိုချင်ပါ၏။ ကုလသမဂ္ဂအဖွဲ့အစည်းအပါအဝင် ယနေ့ဖွံ့ဖြိူးတိုးတက်သော နိုင်ငံနှင့်အဖွဲ့အစည်းများကိုကြည့်လျှင် အနည်းနှင့်အများ ( အပြည့်အဝမဟုတ်သော်လည်း ) ပါရမီသဘောသက်ရောက်သည့် တရားမျှတသော ဥပဒေတို့ကို ချမှတ်ကျင့်သုံးနေသည်ကို တွေ့နိုင်ပါမည်။ အကယ်၍ မဖွံ့ဖြိူး မတိုးတက်ဘဲ နောက်ကျကျန်နေခဲ့သော နိုင်ငံရှိလျှင် ထိုနိုင်ငံသည် တရားမျှတသော ဥပဒေနှင့် စည်းမျဉ်းစည်းကမ်းများကို ချတ်မှတ်ခြင်းလည်းမရှိ၊ ကျင့်သုံးမှုလည်းမရှိ၊ ပါရမီလမ်းစဉ်သဘောသက်ရောက်ဘို့ဆိုသည်မှာ စဉ်းစား၍မျှမရနိုင်သော နိုင်ငံနှင့်အဖွဲ့အစည်းဖြစ်မည်ဟု ယူဆမိ၏။ ထိုပါရမီ ထိုအဆင့်သို့ လူသားတိုင်း တစ်ဆင့်ပြီးတစ်ဆင့် တဖြည်းဖြည်း လျှေက်လှမ်းကြရမည်ဖြစ်၏။ လျှောက်လည်း လျှောက်လှမ်းသင့်၏။ ထိုသို့သာ လျှောက်လှမ်းကြလျှင် ယနေ့လူသားများ ကြုံတွေ့နေရသော အခက်အခဲများ ပြဿနာများ အနိဋ္ဌာရုံများ ပဋိပက္ခများ အားလုံးကင်းဝေး၍ ငြိမ်းအေးသော လူ့သားလောက ကမ္ဘာကြီးဖြစ်နေမည်မှာ မြေကြီးလက်ခတ်မလွဲပင်ဖြစ်ပေ၏။ ဘုရားအလောင်းအစရှိသော အလောင်းတော် သူတော်ကောင်းတို့သည်လည်း တစ်ဆင့်ပြီးတစ်ဆင့် တစ်ဘဝပြီးတစ်ဘဝ တဖြည်းဖြည်းဖြည့်ကျင့်ခဲ့ကြရ၏။ ဆိုလိုသည်မှာ ငါတို့နှင့်အလှမ်းဝေးပါတယ် ဟု ဆင်ခြေဆင်လက်ပေးကာ ရှောင်လွှဲစရာမလိုဘဲ လူသားတိုင်း ဖြည့်ကျင့်နိုင်သည့်လမ်းစဉ်ဖြစ်သည် ဟု ပြောလိုရင်းဖြစ်ပါ၏။ ပါရမီကို ဖြည့်ဆည်းလိုသူအတွက် နေရာဒေသမရွေး အချိန်မရွေး  အလုပ်မရွေး ပုဂ္ဂိုလ်မရွေး နယ်ပယ်မရွေး ဖြည့်ဆည်းနိုင်သော အခွင့်အလမ်းရှိ၏။ အသားအရောင်ခွဲခြားမှုမရှိ၊ လူမျိူးအားဖြင့်လည်း သတ်မှတ်မှုမရှိ၊ ရာထူး ဂုဏ်သိန် အဆင့်အတန်းလည်း မပိုင်းခြား၊ကိုးကွယ်ယုံကြည်မှု ယောကျာ်းမိန်းမ ကလေးလူကြီး ဇာတ်နိမ့် ဇာတ်မြင့် ပညာရှိ ပညာမဲ့ စည်းစိမ်ရှိ စည်းစိမ်မဲ့ ရုပ်အဆင်းလှသူနှင့် မလှသူ စသည်တို့ဖြင့်လည်း မတိုင်းတာဘဲ မည့်သည်နေရာ မည်သည့်အချိန် မည့်သည့် ခေတ်ကာလ မည်သည့်ပုဂ္ဂိုလ်မဆို ဖြည့်ကျင့်နိုင်သည့် အခွင့်အလမ်းအပြည့်အဝရှိသော လမ်းစဉ်ဖြစ်ပါ၏။ ပါရမီကို ဖြည့်ဆည်းသူအတွက် လောကကြီးကပို၍ ခက်ခဲကြမ်းတမ်းလေလေ ကြိူးစားဖြည့်ဆည်းဘို့အတွက် အခွင့်အလမ်းပို၍ကောင်းလေလေပင်ဖြစ်တော့၏။ အနှစ်သာရအားဖြင့် ပါရမီသည် ပြင်ပအခြေအနေ ဖြစ်ရပ်ဖြစ်စဉ်တို့၌ အဓိကအားဖြင့် အကြောင်းမခံဘဲ ပါရမီကို ဖြည့်ဆည်းလိုသူ၏ ရင်တွင်း အဇ္ဈတ္တသန္တာန်၌ရှိသော ကရုဏာနှင့် မေတ္တာစွမ်းအားတို့တွင်သာ အဓိကအားဖြင့် မူတည်ပါ၏။ အမှန်စင်စစ် ပါရမီဟူသည် လူသားတိုင်းနှင့်သက်ဆိုင်ပီး လောကကောင်းကျိူးကို အထက်တန်းကျကျ ကျယ်ကျယ်ပြန့်ပြန့် လေးလေးနက်နက် ထိရောက်စွာ ဆောင်ရွက်သယ်ပိုးလိုသူတိုင်း ဖြည့်ကျင့်ရမည့် လမ်းစဉ်လည်းဖြစ်၏ဟုဆိုချင်၏။  ထိုလမ်းစဉ်သည် မဟာယာနဗုဒ္ဓဘာသာ အလိုအရ ပါရမီ ခြောက်ပါးရှိ၏။ မိမိတို့ ထေရဝါဒ ဗုဒ္ဓဘာသာအလိုအရ ပါရမီဆယ်ပါးရှိကြောင်း လူတိုင်းသိကြ၏။ မဟာယာန ဗုဒ္ဓဘာသာ အလိုအရ ပါရမီခြောက်ပါးသည် အောက်ပါအတိုင်းဖြစ်၏။
          ၁။ ဒါနပါရမီ၊
         ၂။ သီလပါရမီ
         ၃။ ခန္တီပါရမီ
         ၄။ ဝီရိယပါရမီ
         ၅။ ဈာနပါရမီ ( ဝါ ) သမာဓိပါရမီ
         ၆။ ပညာပါရမီ တို့ပင်ဖြစ်၏။ ထို့ပြင် မဟာယာနကျမ်းတစ်ကျမ်းဖြစ်သော ဒသဘူမိကသုတ်တော်အရ ပါရမီဆယ်ပါးအဖြစ်ရေတွက်လိုလျှင် အောက်ပါ ပါရမီလေးမျိူးကိုထည့်သွင်းရေတွက်ရမည်ဖြစ်ကြောင်း ပြဆိုလေ၏။
၎င်းတို့မှာ ၁။ ဥပါယပါရမီ
            ၂။ အဓိဋ္ဌာနပါရမီ
            ၃။ ဗလပါရမီ
            ၄။ဥာဏပါရမီ ဟူ၍ဖြစ်လေ၏။
မိမိတို့၏ ထေရဝါဒကျမ်းစာများအလိုအရ ပါရမီဆယ်ပါးဟူသည်မှာ ဤသို့ဖြစ်၏။
             ၁။ ဒါနပါရမီ
             ၂။ သီလပါရမီ
             ၃။ နေက္ခမ္မပါရမီ
             ၄။ပညာပါရမီ
            ၅။ ဝီရိယပါရမီ
            ၆။ခန္တီပါရမီ
            ၇။ သစ္စာပါရမီ
            ၈။ အဓိဋ္ဌာနပါရမီ
            ၉။ မေတ္တာပါရမီ
           ၁၀။ ဥပေက္ခာပါရမီ တို့ပေတည်း။ အထက်ပါ ထေရဝါဒနှင့် မဟာယာနဝါဒတို့တွင်လာရှိသည့် ပါရမီတို့ကို နှိုင်းယှဉ်ကြည့်လျှင် ဒါန သီလ ခန္တီ ဝီရိယ နှင့် ပညာပါရမီဟူသောငါးပါးတို့သည် အတူတူပင်ဖြစ်သည်ကို တွေ့ရမည်ဖြစ်၏။ မဟာယာနတွင်လာရှိသော ပါရမီခြောက်ပါးတွင် ဈာနပါရမီ ( ဝါ ) သမာဓိပါရမီသည်သာ ကွဲပြားကြောင်းတွေ့ရပေမည်။ ထိုပါရမီတို့၏ တစ်ခုချင်းအဓိပ္ပါယ်အကျဉ်းမှာ  ဤသို့ဖြစ်၏။

ဗုဒ္ဓဘာသာ ဇစ်မြစ် ( ၁၃ ) အမျိူးသားနှင့် အမျိူးသမီး မည်သူကပို၍ မြင့်မြတ်သနည်း

မိမိတို့ အရှေ့တိုင်းနိုင်ငံအများစုတွင် အမျိူးသမီးများအား တစ်ဆင့်နှိမ့်၍ လွဲမှားစွာ  ကြည့်တတ်ကြ မြင်တတ်ကြ၏။ ထိုသို့ အမျိူးသမီးများအပေါ် လွဲမှားစွာ ဝမ်းနဲဘွယ်ရာ နှိမ်ချ၍ကြည့်ရာ၌ အိန္ဒိယနိုင်ငံနှင့် အာရပ်မူစလင်နိုင်ငံအများစုသည် အဆိုးရွားဆုံးဖြစ်မည်ဟု ထင်မိ၏။ ကြည့်မြင်ပုံမှာ ဤသို့... အမျိူးသမီးများသည် အမျိူးသားများအောက် မူလဗီဇအနေဖြင့် ယုတ်ညံ့ကြ၏။ အမျိူးသားများသည် အမျိူးသမီးများထက် မူလဗီဇအားဖြင့် ပို၍ မြင့်မြတ်ကြ၏ဟု ယူဆကြသတတ်။ ပို၍ဆိုးသည့်အချက်မှာ  မိန်းမဘဝဟူသည် ခွေးထီးလောက်မှ မမြင့်မြတ်ဟု ထင်မှတ်ယူဆကြသည်ကိုလည်း မိမိတွေ့ဖူး ကြားဖူးသတတ်။ ထိုအမြင်ထိုအယူအဆတို့သည်  လွဲခြင်းကြီးလွဲ၍ မှားခြင်းကြီးမှာလေစွ။ တစ်ဖက်သတ်ဆန်လွန်းလေစွ။ အဆင်ခြင်ဥာဏ်ကင်းမဲ့စွာ တွေးမှတွေးလေစွ။
မြတ်ဗုဒ္ဓ၏ဒေသနာတော်များအရ  ခွေးသည် အဟိတ်တိရစ္ဆာန် အပါယ်ဘုံသားဖြစ်ပြီး လုံးဝတရားထူးမရနိုင်သော အောက်တန်းစားသာဖြစ်၍ အမျိူးသမီးသည် သဟိတ်လူသားဖြစ်ကာ တရားထူးရနိုင်သော အဆင့်မြင့်တန်းစားသုဂတိဘုံသားဖြစ်လေ၏။ အဘိဓမ္မာတရားတော်အရ ပဋိသန္ဓေစိတ်အားဖြင့်လည်း လူသားနှင့်ခွေးသည် မတူခြားနားကွဲပြားပါ၏။ ထို့ပြင် ပစ္စုပ္ပန်ဘဝရှုထောင့်အရ အနေအထိုင် ဆက်ဆံရေး အပြုအမူ အကျင့်အကြံ အစားအစာ တွေးခေါ်မျှော်မြင်မှု ယာဉ်ကျေးမှုကို လက်ခံကျင့်သုံးမှု စသည့် အချက်များတို့ဖြင့်လည်း ခြားနားလွန်းလှ၏။ ထိုအချက်တို့ကို နဲနဲလေးမျှမစဉ်းစားဘဲ တမင်နှိမ်ချကာ အစဉ်အလာအားဖြင့်မှား၍ အကြင်နာမဲ့စွာသတ်မှတ်ကျင့်သုံးနေခြင်းသည် ဝမ်းနဲဘွယ်ကောင်းလေစွ။ ထို့ပြင် အမျိူးသမီးများသည် ယုတ်ညံ့သောကြောင့် ဘုရားရင်ပြင်၏ အထက်ပစ္စယံသို့ မတက်ရ တက်ခွင့်မရှိဟုလည်း ယုံကြည်ကြပြန်လေ၏။ ဤကဲ့သို့ လွဲမှားစွာ ထင်မြင်နားလည် ယူဆနေကြခြင်းသည် ယာဉ်ကျေးမှုအနေဖြင့်ရော ဘာသာတရားအနေဖြင့်ပါ ရောထွေး ယှက်တင်ကာ ဖြစ်ပေါ်လာခဲ့ပြီးလျှင် အချိန်ကာလ ကြာမြင့်စွာ ခိုင်ခံ့တည်ရှိလျှက် ကျင့်သုံးလာခဲ့သော အမှားတစ်ရပ်ပင်ဖြစ်သည်ဟု ထင်မိ၏။ ဤသို့အမျိူးသမီးများကို နှိမ်ချ၍ လွဲမှားသည့် အယူအဆ အစဉ်အလာကို အမျိူးသမီးများကိုယ်တိုင်ကရော အမျိူးသားများကပါ ဘယ်ခေတ်ဘယ်ကာလက စတင်ခဲ့သည်မသိရသော အလွန်ကြာမြင့်သည့် အချိန်ကာလတစ်ခုက အိန္ဒိယနိုင်ငံနှင့်အရှေ့အလယ်ပိုင်း အာရပ်နိုင်ငံများမှ စတင်ဖြစ်ထွန်းကာ ကျင့်သုံးခဲ့သည်ဟု ထင်မိ၏။ အထူးသဖြင့် ကမ္ဘာဦးကာလ အမျိူးသားများ ကာယအား လက်ရုံးအားကိုး၍ လွှမ်းမိုးခဲ့သည့်အချိန်မှစတင်ခဲ့ဟန်ရှိ၏။ ယနေ့ကာလ နည်းပညာများ ထွန်းကားတိုးတက်လာခြင်းကြောင့် ကာယအား လက်ရုံးအားကို အသုံးပြုမှုများအားနဲလာသောအခါ ဥာဏအား အသုံးပြုမှုသည်
ပို၍အသုံးဝင်လာသည်ကိုတွေ့ရ၏။ ဤသို့ဥာဏအားအသုံးပြုမှုသည် ခရီးတွင်လျှက် အကျိူးဖြစ်ထွန်းလာသောအခါ အမျိူးသမီးများလည်း အမျိူးသားများနည်းတူ ရင်ဘောင်တန်း၍ အတူတွဲကာ ချီတက်နိုင်စွမ်း လုပ်နိုင်ကိုင်နိုင်စွမ်းရှိသည်ကိုတွေ့လာရ၏။ အမျိူးသမီးများ၏ ကံစွမ်းရည် ဥာဏ်စွမ်းရည်ထူးတို့သည် အစဉ်အလာနှင့် ယာဉ်ကျေးမှုတို့၏ ကန့်သတ်မှုဘောင်အတွင်းမှ ရုန်းထွက်လွတ်မြောက်လာကြ၏။ အမျိူးသမီးများသည် ကာယအားမှလွဲ၍ ဥာဏအားမနိမ့်ကျကြောင်းမှာ ယနေ့ခေတ်ကာလ အခြေအနေများအရ အထင်အရှားပင်ဖြစ်၏။ သို့သော် ကမ္ဘာ့သမိုင်းကိုပြန်လည်၍ ကြည့်လျှင်မူကား တီထွင်ဖန်တီးလိုစိတ်ပြင်းပြမှု၊ စွန့်လွှတ်စွန့်စားလိုစိတ်ရှိမှု၊တိုက်ရဲခိုက်ရဲသည့် ရဲစွမ်းသတ္တိရှိမှုတို့၌တွင်မူ အမျိူးသားသည် အမျိူးသမီးထက် ယေဘုယျအားဖြင့်သာသည်ဟု ဆိုက မှားအံ့မထင်။တနည်းဆိုသော် ဦးဆောင်လိုစိတ်သည် အမျိူးသားကပို၍ အားကောင်းခဲ့လေ၏။ ထို့ကြောင့်ပင် အမျိူးသားများက လွှမ်းမိုးခဲ့ကာ မြင့်မြတ်သူ အရှင်သခင်အဖြစ်ဖြင့် နေရာယူခဲ့ကြဟန်ရှိ၏။ ထို့ပြင် ယုတ်ညံ့ခြင်းနှင့်မြင့်မြတ်ခြင်းတို့သည် အမျိူးသားဖြစ်ခြင်း အမျိူးသမီးဖြစ်ခြင်းတို့နှင့်လုံးဝမသက်ဆိုင်ချေ။ အမှန်စင်စင်သော်ကား သဒ္ဓါ သီလ သုတ စာဂ ပညာ ဟိရိ သြတ္တပ တည်းဟူသော သူတော်ကောင်းတရား ခုနစ်ပါးကိုလက်ကိုင်ထား၍ ကျင့်သုံးသူသည် ဤဘဝတွင်လည်း မြင့်မြတ်၏။ နောက်ဘဝတွင်လည်းမြင့်မြတ်၏။ မိန်းမဖြစ်စေ ယောကျာ်းဖြစ်စေ အထက်ပါ သူတော်တရား ခုနစ်ပါးမရှိ မကျင့်သုံးပါက ယခုဘဝ၌ဖြစ်စေ နောက်ဘဝ၌ဖြစ်စေ ယုတ်ညံ့သူပင်ဖြစ်၏။ အမှန်စင်စစ် မြတ်ဗုဒ္ဓသည် လူသား၏ အဆင့်အတန်းကို သူတော်ကောင်းတရားကို အခြေခံ၍ သုံးသပ်ဆုံးဖြတ်၏။ လူသားတစ်ယောက်၏ အဆင့်အတန်းသည် အဇ္ဈတ္တသန္တာန်ကို အရင်းခံကာ ဖြစ်ပေါ်လာသည့် သူကျင့်သုံးနေသော အယူအဆ အကျင့်အကြံ အပြောအဆိုတို့တွင်သာ မူတည်ပါ၏။ ရာထူး စည်းစိမ် ဂုဏ်သိန် အရှိန်အဝါတို့ကို အခြေခံခြင်းလဲမရှိ၊ ဗဟိုလည်းမပြုချေ။ တနည်းဆိုသော် မြတ်ဗုဒ္ဓသည် လူသား၏ ယုတ်ညံ့မှုနှင့် မြင့်မြတ်မှုကို ပြင်ပသန္တာန်၌ရှိသော အခြေအနေ ဖြစ်ရပ်ဖြစ်စဉ်နှင့် အလွှာတို့ကိုကြည့်၍ မဆုံးဖြတ်ပေ။ လူသား၏ အဇ္ဈတ္တသန္တာန်၌ရှိသော ပါရမီ အရည်အသွေး စိတ်ဓါတ်သဘာဝနှင့်ကိုယ်ကျင့်တရားတို့ကို အခြေခံပြု စံနမူနာထား၍သာ ဆုံးဖြတ်၏။ အမျိူးသားဖြစ်ခြင်းကြောင့် မြင့်မြတ်ပြီးလျှင် အမျိူးသမီးဖြစ်ခြင်းကြောင့် ယုတ်ညံ့သည် ဟူသော ဟောကြားချက် သင်ကြားချက်တို့ကိုလည်း ပိဋကတ်တော်တွင် မိမိမတွေ့ဘူးပေ။ နာလည်းမနာကြားဘူးပေ။ ထို့ကြောင့် အမျိူးသမီးဖြစ်စေ အမျိူးသားဖြစ်စေ သဒ္ဓါ သီလစသော သူတော်ကောင်းတရားဖြစ်သည့် မူလလူသားအရင်းအမြစ် တရားတို့ရှိသူ ကျင့်သုံးသူသည် မြင့်မြတ်၏။ ထိုတရားများ ရှိလဲမရှိ ကျင့်လဲမကျင့်သုံးသူသည် ယုတ်ညံ့၏။ ယနေ့ပေါ်ပြုလာဖြစ်နေသော စကားလုံးနှင့်ပြောရလျှင်မူကား Human Resources လူသားအရင်းအမြစ်ဟူသည် ထိုသူတော်ကောင်းတရား ခုနစ်ပါးတို့ပင်ဖြစ်လေ၏။  ထိုသို့ လူသားအရင်းအမြစ်ဖြစ်သည့် သူတော်ကောင်းတရားများ ရှင်သန်အားကောင်းသောကြောင့်ပင် ယသောဓရာလောင်းလျာသည် မြင့်မြတ်သည့် ဘုရားလောင်းနှင့်အတူပေါင်းဖက်၍ ပါရမီဖြည့်နိုင်ခဲ့ခြင်းဖြစ်၏။ အနှိုင်းမဲ့လောကကောင်းကျိူးကို သယ်ပိုးတော်မူသည့် ဘုရားအလောင်းတော်နှင့် တွဲဘက်၍ ကူညီလုပ်ကိုင်နိုင်စွမ်းရှိခဲ့၏။  အကယ်၍ မိန်းမက ယုတ်ညံ့သည်မှန်လျှင် ယသောဓရာသည် ဘုရားလောင်းနှင့်တွဲဘက်၍ ပါရမီမဖြည့်နိုင်ရာ။ တွဲဘက်၍ လောကကောင်းကျိူးကို မသယ်ပိုးနိုင်ရာ။  ဆိုလိုသည်မှာ အမျိူးသမီးများသည် မူလ သဘာဝလူသားဗီဇ နှင့် လူသားဇာတ်သဘောအရ အမျိူးသားများအောက်ယုတ်ညံ့ကြသည်မဟုတ်။ မူလသဘာဝလူသား ဗီဇနှင့် လူသားဇာတ်အရ  အတူတူပင်ဖြစ်၏။( ရုပ်ပိုင်းဆိုင်ရာဖြစ်သည့် ဖိုမျိူးစေ့ မမျိူးစေ့ တနည်းအားဖြင့် ကမ္မဇရုပ်ကိုမဆိုလို။ လူသားဗီဇသဘာဝ တနည်းဆိုသော် လူသားပဋိသန္ဓေစိတ်ကိုသာဆိုလို၏။ အဘိဓမ္မာတွင် ယောကျာ်း ပဋိသန္ဓေစိတ် မိန်းမ ပဋိသန္ဓေစိတ်ဟူ၍ သီးခြားမလာ မပါရှိပေ။ ) ဤသို့ ရှုထောင့်စုံမှ သုံးသပ်ကြည့်လျှင် အမျိူးသမီးဖြစ်ခြင်းကြောင့် ယုတ်ညံ့သည်၊ အမျိူးသားဖြစ်ခြင်းကြောင့် မြင့်မြတ်သည်ဟု ယူဆ၍ မရနိုင်ကြောင်းမှာ ထင်ရှားလှ၏။ ထို့ကြောင့်အမျိူးသမီးများသည်လည်း မိမိတို့ကိုယ်မိမိတို့ ယုတ်ညံ့ကြသည်ဟု ဆက်လက်၍ အထင်မှား အမြင်မှားမဖြစ်စေလို၊ အမျိူးသားများကလည်း အမျိူးသမီးများအပေါ် တစ်ဖက်သတ် အထင်သေးမှုမျိူးမဖြစ်စေလိုပေ။ အထူးသဖြင့် ပြောလိုသည်မှာ အမျိူးသမီးများသည်လည်း အမျိူးသားများနည်းတူ လောကအတွက် အသုံးဝင်တန်ဘိုးရှိသော အဆင့်မြင့်လူသား လူသတ္တဝါဖြစ်၏ ဟူသည့်အချက်ပင်ဖြစ်ပါ၏။ သို့အတွက်ကြောင့် အမျိူးသမီးထုအနေဖြင့် မိမိတို့၏မူလစွမ်းပကား အရည်အသွေးတို့ကို လောကအတွက် ယသောဓရာကဲ့သို့ဖြစ်စေ၊အခြားအခြားသောပါရမီရှင်တို့ကဲ့သို့ဖြစ်စေ ကြိူးစားဆောင်ရွက်နိုင်ရန်တိုက်တွန်းအပ်ပါ၏။ ( မိမိသည်​ ဤစကားချပ်ကို စပ်မိ၍သာအကျဉ်းချုပ်၍ တင်ပြခြင်းဖြစ်၏။ အခါအခွင့်သင့်သည့်အခန်းသို့ရောက်လျှင်မူ အကျယ်ဆွေးနွေးတင်ပြပါအုံးမည်။ ဤအကြောင်းအရာသည် ကျယ်ပြန့်မှုလည်းရှိသလို စိတ်ဝင်စားဘွယ်လည်းကောင်းပါ၏။ )  သို့သော် အမျိူးသမီးဘဝဖြင့် မရနိုင် မဖြစ်နိုင် မရောက်နိုင်သော အခြေအနေတို့ကားရှိ၏။ ယင်းတို့မှာ.......

ဗုဒ္ဓဘာသာ ဇစ်မြစ် ( ၁၂ ) ယသောဓရာ၏ နောက်ဆုံးနှုတ်ဆက်ခြင်း

ကြီးစွာသောလုံ့လရှိတော်မူသော မြတ်စွာဘုရား ရှေးလွန်လေးပြီးသော ကမ္ဘာများစွာဝယ် ကုဋေတစ်သိန်းရှစ်ဆယ့်ငါးဆူသော ဘုရားရှင်တို့သည် ပွင့်ထွန်းပေါ်ပေါက်ခဲ့ကြပါကုန်၏။ နတ်ထက်နတ်ဖြစ်၍ မြတ်သထက်မြတ်တော်မူကြကုန်သော ထိုထိုများပြားလှသော ဘုရားရှင်တို့၏ အထံတော်၌ များပြားလှသော အလှုကိုဖြစ်စေခဲ့ပါပြီ။ မြောက်များလှစွာသော ဆုတောင်းခြင်းတို့ကိုလဲ
ပြုခဲ့ပါပြီ။ ရှင်တော်မြတ်ဘုရား ထိုထိုလျှောက်ဆိုခဲ့ပြီးသော သဗ္ဗညုတဘုရားရှင်တို့၏အထံတော်၌သာ အလှုဒါနပြု၍ ဆုတောင်းခဲ့သည်မဟုတ်ပါ။ အခြားတစ်ပါးသော ခြောက်ဆယ့်လေးကုဋေသော ပစ္စေကဗုဒ္ဓါတို့သည်လည်းပွင့်ထွန်းတော်မူခဲ့ကြကုန်ပြီးလျှင် ထိုထိုသော ပစ္စေကဗုဒ္ဓါတို့၏ အထံတော်၌ တောင်းဆုပြုခဲ့သည်မှာလည်း များပြားလှပါ၏။ ထို့ပြင် ကိလေသာအာသဝေါ ကင်းကုန်ပြီးသော ရဟန္တာအရှင်မြတ်တို့ကား မရေမတွက်နိုင်အောင်ပင် ပေါ်ပေါက်ခဲ့ကြပါကုန်၏။ ထိုထိုပေါ်ပေါက်ခဲ့ကြသော ရဟန္တာအရှင်မြတ်တို့၏အထံတော်တို့၌လည်း
မြောက်များလှစွာ တောင်းဆုပြုခဲ့ပါ၏။ နတ်ထက်နတ်ဖြစ်တော်မူသော မြတ်စွာဘုရား တပည့်တော်မဆက်လက်လျှောက်ထားသည်တို့ကို နားကြားတော်မူစေချင်ပါ၏ဘုရား။ တရားတော်ကို ကောင်းစွာကျင့်ပြီးကုန်သော ဘုရားရှင်တို့၏အထံ၌လည်းကောင်း၊ တရားကို အမြဲမပြတ် အခါခပ်သိမ်းကျင့်လေ့ရှိကြကုန်သော သူတော်စင် ပုဂ္ဂိုလ်မွန်တို့၏ အထံတော်၌လည်းကောင်း ကိုးကွယ်ဆည်းကပ်၍ တရားကိုကျင့်သောသူသည် ပစ္စုပ္ပန် တမလွန် နှစ်တန်သောဘဝတို့၌ ချမ်းသာစွာ နေရအိပ်ရ ကျင်လည်ရပါ၏။ တပည့်တော်မသည် ပါရမီတော်တို့ကို ကူညီဖြည့်ဆည်းပေးပြီးသော ယခုဘဝတွင် သံသရာကိုငြီးငွေ့၍ အခြံအရံတစ်ထောင်နှင့်အတူ အိမ်ရာမထောင်သော ရဟန်းဘောင်သို့ ကြောင့်ကြမဲ့စွာ အနှောက်အယှက်ကင်းဝေးချမ်းသာစွာ ဝင်ရောက်ခဲ့ပါ၏။ ရဟန်းဘောင်သို့ဝင်ရောက်ပြီး၍ ရက်သတ္တနှစ်ပတ်မပြည့်မီမှာပင် ကိလေသာကုန်ခန်း ရဟန္တာအဖြစ်သို့ရောက်ခဲ့ပါပြီ။ လူများစွာတို့သည် ဆွမ်း သင်္ကန်း ကျောင်း ဆေးဟူသော ပစ္စည်းလေးပါးတို့ကို သမုဒ္ဒရာလှိုင်းတံပိုးကဲ့သို့ အရှိန်အဟုန်ကြီးမားစွာ မြောက်များစွာပို့ဆောင်ကြပါကုန်၏။ တပည့်တော်မသည် ယခုအခါ ကိလေသာ အသဝေါတို့ကို ရှို့မြှိုက်လောင်ကျွမ်းစေပြီးဖြစ်ပါသဖြင့် အအေးမြဆုံးသောအရသာတို့တွင် အမြတ်ဆုံးအေးမြမှုရသကိုခံစားရပါပြီ။ ရှင်တော်မြတ်ဘုရား၏ အဆုံးအမတော်တို့ကိုလဲ လိုက်နာကျင့်သုံးပြီးပါပြီ။ များပြားလှသော ဘဝသံသရာတွင် ရှင်တော်ဘုရားနှင့်အတူ ဆင်းရဲဒုက္ခအဖုံဖုံ ချမ်းသာသုခအစုံစုံကို ကျေနပ်ကြည်နူးစွာခံစားပြီးလျှင် ယခုအခါ ဧတဒဂ်ငါးတန်ရသော ရဟန္တာထေရီမအဖြစ်သို့ရောက်လျှက် အထွဋ်မြတ်ဆုံးဖြစ်သော နိဗ္ဗာန်ချမ်းသာကို သုံးဆောင်ခံစားနိုင်ပါပြီ။ မြင့်မြတ်ကြီးကျယ်လှသော ရှင်တော်မြတ်ဘုရား၏ ကောင်းမှုကုသိုလ်အကျိူးငှာ အစဉ်အမြဲ ဖြည့်ဆည်းခဲ့ရသော တပည့်တော်မသည် ရှင်တော်မြတ်ဘုရားကဲ့သို့သော အနှိုင်းမဲ့သည့် အဆွေခင်ပွန်းကောင်းကို ဘဝပရမ္ပရ ဘဝအဆက်ဆက်ရရှိခဲ့ပါ၏။ နောက်ဆုံးဘဝဖြစ်သော ယခုအခါတွင် ရောက်သင့်ရောက်ထိုက်သော ကံစိတ်ဥတုအာဟာရ တည်းဟူသော အကြောင်းတရားလေးပါးတို့ ပြုပြင်စီရင်ခြင်း အလျဉ်းမရှိသော နိဗ္ဗာန်သို့ရောက်ရပါပြီ။ နတ်တကာတို့ထက်နတ်ဖြစ်၍ အမြတ်တကာတို့ထက်မြတ်တော်မူသော ရှင်တော်မြတ်ဘုရား ယခုအခါ တပည့်တော်မအား အတိတ်ကံအားလုံးတို့သည် ကုန်ပါပြီ။ ပစ္စုပ္ပန်ကံ မှန်သမျှသည်လည်း ချုပ်ဆုံးပါပြီ။ အနာဂတ်ကံ ဟူသမျှသည်လည်း ပျက်ဆီးချုပ်ငြိမ်းခဲ့ပါပြီ။ မကြာမြင့်မီပင် ပရိနိဗ္ဗာန်ပြုပါတော့မည်။ စက္ခုငါးပါးနှင့်ပြည့်စုံတော်မူသော ရှင်တော်မြတ်ဘုရား၏ ခြေတော်အစုံတို့ကို ဂုဏ်တော်အနန္တကိုအာရုံပြုလျှက် ဦးခိုက်ခဲ့ပါသည် ရှင်တော်မြတ်ကြီးဘုရားးးး။ ယသောဓရာထေရီမြတ် အရှင်မကြီးသည် ဘုရားရှင်ကို ဤသို့နှုတ်ဆက်စကား လျှောက်ထားပြီး၍ ပရိနိဗ္ဗာန်ဝင်စံသွားခဲ့တော့၏။ ယသောဓရာထေရီမြတ်၏ နှုတ်ဆက်စကားတို့သည် သာမာန်လူသားတစ်ယောက်အနေဖြင့် နားထောင်ရမည်ဆိုလျှင် လွမ်းမိပေမည်။ ဝမ်းနဲငိုကြွေးမိပေမည်။ ယခုမူသော်ကား လျှောက်ထားသူကား  ယသောဓရာ ရဟန္တာထေရီမြတ်အရှင်မ၊ နားထောင်သူကား သဗ္ဗညုတဥာဏ်ရှင် ဘုရားရှင်ကိုယ်တော်မြတ်ကြီးတို့ ဖြစ်သောကြောင့်သာ သံသရာမှထွက်မြောက်သည့်နှုတ်ဆက်ပွဲသည် အေးချမ်းသောရသဖြင့် ပြီးဆုံးခဲ့လေ၏။ အမှန်ကိုဆိုရသော်  မိမိလည်း ဤစာကိုရေးရင်း ရင်ထဲ၌ လှိုက်လှဲစွာ ဝမ်းနဲဝမ်းသာ ခံစားရပါ၏။ အော် မိမိသည် သံသရာတွင်းသားဖြစ်ပေသေးသကိုးးးးးးးးးးးးးးးးးးးး။ အထူးသဖြင့် မိမိသည်ယသောဓရာအကြောင်းကို ဤမျှ ဋီကာချဲ့နေခြင်းသည် သုမေဓာနှင့်သုမိတ္တာတို့နှစ်ဦးသား ဗျာဒိတ်တော်ကို ခံယူကြရာဝယ် ဘဝအဆက်ဆက်က အတူနေထိုင်ကျင်လည်ခဲ့ကြ၊ ချစ်ကြင်နာခဲ့ကြ၊ ကုသိုလ်ကိုအတူတူပြုခဲ့ကြဖူးသော အကြောင်းအကျိူးတရားအဆက်ဆက်ကြောင့်သာ နှစ်ထောင်းအားရကျေနပ်စွာအတူပူးတွဲ၍ ဤကဲ့သို့ဗျာဒိတ်တော်ကို ခံယူခဲ့ကြခြင်းဖြစ်ကြောင်းထင်ရှားစေလို၍ ဖြစ်ပါ၏။ ထို့ပြင် အမျိူးသမီးများအပေါ် လူအများစု၏ အမြင်မှားနေသော အချက်အလက်များကိုလဲ အမြင်မှန်ရစေပြီး အားပေးချင်၍လည်းဖြစ်၏။ အမြင်လွဲနေသည့်အရားကား ဤနှယ်ဤသို့ ဖြစ်သတတ်။ အားပေးချင်သည့်အရာကား ဤသို့ဤနှယ်ဖြစ်သတည်းး။ ဆက်ရန်..........

ဗုဒ္ဓဘာသာ ဇစ်မြစ် ( ၁၁ )

ရသေ့မြတ် ဤရှုမငြီးအလှဖြင့် ချစ်စရာအတိဖြစ်သော သတို့သမီးငယ်သည် ကိုယ်၏လုပ်ရပ်ဖြစ်ရပ်
နှုတ်၏လုပ်ရပ်ဖြစ်ရပ် စိတ်၏လုပ်ရပ်ဖြစ်ရပ်ဟူသော သုံးထပ်သောကံတို့၌ သင်နှင့်ထပ်တူဖြစ်လတ္တံ့။
ထို့ပြင် ဤသတို့သမီးသည် မြင်ရသူ လူအပေါင်း၏ ရှု၍မငြီး ကြည့်၍မဝသော ချစ်ဖွယ်ရာရုပ်ဆင်းအင်္ဂါနှင့်
ပြည့်စုံသူဖြစ်ပြီးလျှင် သူတစ်ပါးတို့အား နှလုံးစိတ်ဝမ်း ပျော်ရွှင်အေးချမ်းမှုကိုလဲ တိုးပွါးစေနိုင်သောသူဖြစ်
လတ္တံ့။ မြတ်စွာဘုရားရှင်တို့၏ တရားတော်တို့၌ နှလုံးပျော်ပိုက်ကာ ကျင့်နိုင်သူဖြစ်ပြီးလျှင် ဘုန်းတန်ခိုး
ရှိန်စော် အာနုဘော်ကြီးသူဖြစ်လတ္တံ့။ အရှင်သခင်၏ ဘဏ္ဍာကိုအစဉ်မပြတ် စောင့်ရှောက်သကဲ့သို့ ကုသိုလ်တရားမှန်သမျှတို့၌လည်း အစဉ်အမြဲစောင့်ရှောက်ထိန်းသိမ်းသူဖြစ်လတ္တံ့။ ဘုရားဖြစ်ရန်ပါရမီ
ဆယ်ပါးကို ဖြည့်ကျင့်တော့မည်ဖြစ်သောသင့်အား ဖောက်ပြန်ခြင်းမရှိဘဲ အစဉ်အမြဲစောင့်ရှောက်လျှက်
ပါရမီတို့ကို ကူညီဖြည့်ဆည်းသူဖြစ်ပေလတ္တံ့။ ခြင်္သေ့သည် နှောင်အိမ်ချိုင့်ကို ဖျက်ဆီး၍ လွတ်မြောက်ရာကို
သွားသကဲ့သို့ ( သင်ဘုရားဖြစ်သောအခါ ) ကိလေသာတို့ကိုဖျက်ဆီး၍ သံသရာမှလွတ်မြောက်ရာ သာဝက
ဗောဓိဥာဏ်သို့ ( နိဗ္ဗာန် ) သို့ရောက်လတ္တံ့ ဟု တပည့်တော်မအတွက် များပြားလှသော ရမ္မာဝတီပြည်သူပြည်သားတို့၏ ရှေ့မှောက်၌ ဗျာဒိတ်စကားကို မိန့်ကြားတော်မူခဲ့
ပါ၏။ တပည့်တော်မသည် ထိုဗျာဒိတ်စကားတော်ကို ကြားရသောအခါ ရှင်တော်မြတ်ဘုရားနှင့်လက်တွဲ၍ ပါရမီလုပ်ငန်းတို့ကို ကျင့်ဆောင်ခွင့်ဖြည့်ဆည်းခွင့်ကိုရပြီဟုတွေးတောမိ၍လည်း အလွန်အမင်းဝမ်းမြောက်ကြည်နူးခဲ့ရပါ၏။ ထိုဝမ်းမြောက်ကြည်နူးမှုသည် ယခုအခါ ဖော်ပြ၍မရနိုင်လောက်သည့် အထွဋ်အထိပ်သို့ရောက်ခဲ့ပါပြီ။ ထိုသို့
ဝမ်းမြောက်ခဲ့သည့်အလျောက်လည်း ဗျာဒိတ်စကားတော်အတိုင်း ကံသုံးရပ်တို့ဖြင့် ဖြည့်ကျင့်ခဲ့ပါသည်ဘုရား။
ဒီပင်္ကရာဘုရားရှင်၌လည်း အလွန်အမင်းကြည်ညိုခဲ့ပါ၏။ ထိုကဲ့သို့ ဘုရားရှင်ကို ကြည်ညို၍ သာသနာတော် အဆုံးအမတိုင်း နေထိုင်ကျင်လည်ကာ ဖြည့်ဆည်းခဲ့ရသော ကုသိုလ်ကံစွမ်းတို့ကြောင့် လူ့ပြည် နတ်ပြည်
တို့၌မရေမတွက်နိုင်လောက်အောင် ချမ်းသာသုခကိုခံစားခဲ့ရပါသည်ဘုရား။ အရှင်ဘုရားနှင့် သံသရာတွင်ပေါင်းဆုံမိသည့်အတွက် ဤကဲ့သို့သော ချမ်းသာသုခမျိူးကို ရရှိခဲ့ခြင်း ဖြစ်ပါသည်ဘုရား။ ထိုကဲ့သို့ ပူးတွဲ၍ဆည်းပူးခဲ့ရသော ကုသိုလ်ကံအရှိန်တို့ကြောင့် ဘဝဆက်တိုင်း ချမ်းသာသုခကို
 ခံစားခဲ့ရသော်လည်း လောက၏နိယာမဖြစ်သော လောကဓံတရားတို့ကိုတော့ ရှောင်လွှဲ၍
 မရသောကြောင့် အတိုင်းမသိသော အနှိုင်းဆမဲ့သော ဒုက္ခများစွာကိုလဲ ခံစားခဲ့ရပါ၏။ ထိုသို့ခံစားရသော်လည်း ဖောက်ပြန်ယိမ်းယိုင်ခြင်း အလျဉ်းမရှိခဲ့ပါ။ ဘဝသံသရာဝယ် ပါရမီတော်တို့ကို ကူညီဖြည့်ဆည်းရင်း နောက်ဆုံးဖြစ်သော ယခုဘဝတွင် သာကီဝင်မင်းမျိူး၌ မင်းသမီး
ဖြစ်ခဲ့ပါ၏။ တပည့်တော်မသည် နောက်ဆုံးဖြစ်သော ယခုဘဝဝယ် ရုပ်အဆင်းအားဖြင့်လည်း ရှု၍မငြီး
ချစ်၍မဝ တင့်တယ်လှပသူဖြစ်ရပါ၏။ စည်းစိမ်းဥစ္စာအားဖြင့်လည်း လိုအပ်သည့်အရာဟူ၍ မရှိလောက်
အောင်ပင် ပြည့်စုံသူဖြစ်ရပါ၏။ အခြံအရံ အလုပ်အကျွေးတို့လည်း များပြားလှပါ၏။ သီလတရားကိုလည်း
အလေးအမြတ်ထားကာ စောင့်ထိန်းပါ၏။ ကိုယ်အင်္ဂါအစိတ်အပိုင်းများလည်း တင့်တယ်စွာပြည့်စုံကြ၍
လူအပေါင်းတို့၏ လေးစားရိုသေ ပူဇော်မှုကို ခံယူရသူဖြစ်ပါ၏။ လောကဓံဆိုးများနှင့် ကြုံရသောအခါတွင်
လည်း စိတ်ဆင်းရဲခြင်းမဖြစ်ပါ။ လုံခြုံ ပြည့်ဝ အေးချမ်းသော ဘဝဖြင့်နေထိုင်ရပါသည်ဘုရား။ ရှင်တော်မြတ်ဘုရား မိမိတိုင်းပြည်ဖြစ်သော ကပိလဝတ္တုပြည်သို့ ပြန်လည်ကြွရောက်စဉ်အခါတုန်းက နန်းတော်တွင်းဝယ် သာကီဝင်မင်းမျိူးတို့၏ ရှေ့မှောက်၌ တပည့်တော်မ၏ ဂုဏ်ကျေးဇူးတို့ကို ဤသို့ ဖွင့်ထုတ် မိန့်ကြားတော်မူသည်ကို ကြားယောင်နေမိပါသေးသည်ဘုရား။
 အရှင်မြတ်ဘုရား မိန့်တော်မူသည်မှာ ဤရှု၍မငြီး အံ့ချီးလောက်သည့် ချစ်ဇနီးဖြစ်ခဲ့ဖူးသော ယသောဓရာသည်ကျေးဇူးအထူးကို ပြုလည်းပြုတတ်၍ သိလည်းသိတတ်သူဖြစ်ပေ၏။
အမျိူးမျိူးသောဆင်းရဲ အမျိူးမျိူးသော ချမ်းသာတို့၌ စိတ်ဖောက်ပြန်ခြင်း ယိမ်းယိုင်ခြင်းအလျဉ်းမရှိဘဲ ခိုင်ကြည်တည့်မတ်သော စိတ်ထားရှိသည့် မိန်းမမြတ်ဖြစ်ပေ၏။ ကုသိုလ်အကျိူးစီးပွါး တိုးပွါးသည့်စကား
ကိုသာပြောကြားတတ်သူဖြစ်ပေ၏။ ကောင်းမှုကုသိုလ်မှန်သမျှကိုလဲ အစဉ်အမြဲစောင့်ရှောက်တတ်သော
မိန်းမမြတ်ဖြစ်ပေ၏တကား။ ဤသည့်စကားတို့မှာ ရှင်တော်မြတ်ဘုရား ကပိလဝတ်နန်းတော်တွင်းဝယ် သာကီဝင်မင်းမျိူးတို့၏ ရှေ့မှောက်၌ တပည့်တော်မသည် သံသရာ၏ကောင်းမှုကို အစဉ်စောင့်ရှောက် ထိန်းသိမ်း ကျင့်ကြံ ဖြည့်ဆည်းခဲ့သူဖြစ်ကြောင်းကို ထင်ရှားအောင် တပည့်တော်မ၏ဂုဏ်တို့ကို ချီးမွမ်းမိန့်ကြားခဲ့သော စကားတော်များဖြစ်ပါသည်ဘုရား။ တပည့်တော်မ ဆက်လက်၍ လျှောက်ထားသည်ကို နာကြားတော်မူ
စေချင်ပါသည်ဘုရား။ .....ဆက်ရန်....