Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Tuesday, January 27, 2015

ဒုိုင်ယာရီအပုိုင်းအစလေးများ (၃၄) တရားဥပဒေသေခြင်းမှာ ဘဝသည်အခါခါ နာရသေရ၏

(၉ .၁.၁၅) နေ့တွင်ဘယ်လ်ဂျီယံနှင့်ဂျာမဏီနုိုင်ငံတုို့အနီးတွင်ရှိသော Maastricht မြို့ နေ
 ဦးတင်သောင်း ဒေါ်တင်တင်ဝင်းမိသားစုနေအိမ်သုို့ကြွရောက်၍ နယ်သာလန်နုိုင်ငံတွင်ဘုန်းတော်ကြီးကျောင်းဖြစ်မြောက်ရေးအတွက် မိမိ၏
အတွေ့အကြုံနှင့်အတွေးအမြင်များကုိုအခြေခံ၍မချွင်းမချန်အကြံပြုဆွေးနွေးပေးခဲ့သည်။
 မိမိ၏ဆွေးနွေးအကြံပြုချက်များကုို နွေးထွေးကျေနပ်စွာလက်ခံကြိုဆုိုကြသဖြင့်
စိတ်ထဲမှသာဓုခေါ်ရင်းဝမ်းသာရသည်။ ဒကာဒကာမတုို့၏
သာသနာပြုလုိုသောသဒ္ဓါတရားကုိုလည်းချီးကျုးလေးစားမိသည်။ 
မိမိအနေဖြင့်လည်းဘုန်းတော်ကြီးကျောင်းအမြန်ဖြစ်မြောက်စေရန် အမှန်ဆန္ဒရှိပါသည်။ အမြန်ဖြစ်မြောက်ပါစေဟုလည်း ရင်တွင်းမှဆုတောင်းမေတ္တာ
အခါခါပုို့သဖြစ်သည်။ အဆုိုပါဆွေးနွေးပွဲငယ်လေးတွင် ဂျာမနီနုိုင်ငံဖရန့်ဖွတ်မြို့ တွင် သီးတင်းသုံးသောဦးကုသလသာမိ၊ နယ်သာလန်နုိုင်ငံမှ 
ဦးတင်သောင်း ဒေါ်တင်တင်ဝင်း၊ ကုိုဒညလင်း၊ ကုိုမုိုးကျော်နှင့်ဖင်လန်နုိုင်ငံမှ
စာရေးသူတုို့ပါဝင်ခဲ့ကြသည်။ အရေးအကြီးဆုံးအချက်အနေဖြင့်
သာသနာပြုရာဝယ် မိမိနှလုံးသားတွင် ပထမဆုံးသာသနာတည်ဖုို့အရေးကြီးကြောင်းကုို သမုိုင်းကြောင်းဖြစ်ရပ်များ လက်ရှိပစ္စက္ခအခြေအနေများနှင့်ယှဉ်ထုိုး၍ 
စုံစုံစေ့စေ့သုံးသပ်ပြခဲ့သည်။

“ ဘီစီသုံးရာစုတုန်းက အိန္ဒိယတိုက်ကြီးမှာအလွန်တန်ခုိုးထွားခဲ့တဲ့သိရီဓမ္မာသောက
ဘုရင်ကုို ဒကာ/ဒကာမများတုို့သိကြမှာပါ။ အဲဒီဘုရင်ဟာအလွန်ရက်စက်ကြမ်းကြုတ်တဲ့
အာဏာရှင်ဘုရင်ဖြစ်ခဲ့သော်လည်း ဗုဒ္ဓဘာသာဝင်ဖြစ်လာတဲ့အခါ နူးညံ့သိမ်မွေ့ 
တဲ့ဘုရင်ဖြစ်လာခဲ့တယ်။ သိမ်မွေ့ညင်သာပြီးထက်မြက်လာခဲ့တယ်။ တနည်းပြောရရင် သာသနာမှာလာရှိတဲ့တရားတွေဟာ သူ့ရဲ့ရင်တွင်းမှာတည်ခဲ့တယ်။ 
ဒါကြောင့် တုိုင်းပြည်ကုို ဗြာဟ္မစုိုရ်တရားနဲ့အုပ်ချုပ်နုိုင်ခဲ့တယ်။ အဲဒီခေတ်ကာလရဲ့
 ငြိမ်းချမ်းတဲ့ဖွံ့ ဖြိူးပြီးနုိုင်ငံတော်ကြီးဖြစ်အောင်တည်ထောင်နုိုင်ခဲ့တယ်။ 
သူ့ရဲ့ပြည်တွင်းပြည်ပပေါ်လစီတွေဟာ သာသနာတော်ကိုမဏ္ဍိုင်ပြုထားတာမုို့ ခုိုင်ခံ့ပြီးနုိုင်ငံတကာမှာဂုဏ်သိက္ခာတင့်ခဲ့တယ်။ ယနေ့အထိအတုယူ
ဂုဏ်ပြုထုိုက်တဲ့သမုိုင်းအမွေအနှစ်တွေ လှပတဲ့သမုိုင်းစာမျက်နှာတွေဟာ
ရှိနေဆဲဖွင့်ထားဆဲဖြစ်တယ်။ နောက်ပီးတော့ စာပေတွေအနုပညာလက်ရာတွေ 
လူမှုဖွံ့ဖြိူးရေးတွေ တိရစ္ဆာန်စောင့်ရှောက်ရေးမှအစ အရာရာဟာ
စည်ပင်တုိုးတက်ခဲ့တယ်။ အဲဒါက ဘီစီသုံးရာစုမှာ ဖြစ်ထွန်းခဲ့တဲ့ဖြစ်ရပ်မှန်တခုကုို
မီးမောင်းထုိုးပြရုံသက်သက်ပါ။ တိတိကျကျပြောရရင် အသောကဘုရင်ဟာ စိတ်နှလုံးနူးညံ့လာတဲ့အတွက်ဗုဒ္ဓဘာသာဝင်ဖြစ်လာခဲ့တယ်။ ဗုဒ္ဓဘာသာဝင်ဖြစ်လာတော့ စိတ်နှလုံးနူးညံ့မှုဟာမြင့်မြတ်မှုအဆင့်သုို့ရောက်လာပြီးတော့ပုိုလုို့ခုိုင်မာခဲ့တယ်။
 ဒီနေရာမှာစိတ်နှလုံးမြင့်မြတ်မှုဆုိုတာ သိမ်မွေ့ညင်သာပြီးထက်မြက်တဲ့စိတ်ထားနဲ့သတ္တိကုို
ဆုိုလုိုတာပါ။ အဲဒီစိတ်ထားနဲ့သတ္တိကုို သတိနဲ့ပညာကဖြစ်စေတာပါ။ 
သတိနဲ့ပညာမရှိရင်မဖြစ်နုိုင်ပါဘူး။ အဲဒီမြင့်မြတ်စိတ်ထားခုိုင်မာမှုဟာ 
ဦးဇင်းတုို့မြန်မာနုိုင်ငံအပါအဝင် အာဖဂန်နစ္စတန် တိဘက် ဟိမဝန္တာ 
တရုပ်စတဲ့နုိုင်ငံတွေမှာ အလွန်သန့်ရှင်းသောသာသနာပြုနည်းနဲ့
သာသနာတော်ပြန့်ပွါးစေခဲ့တယ်” ။

“ယခုအခြေအနေကတော့ ခေတ်အနေနဲ့ကလဲ (၂၁) ရာစုကုိုရောက်နေပြီ။ ဒေသအနေနဲ့
ကလည်း ဥရောပဖြစ်နေတယ်။ အထူးသဖြင့် ယဉ်ကျေးမှုတွေလဲမတူကြဘူး၊
 နုိုင်ငံတော်ရဲ့လက်ရှိကျင့်သုံးနေဆဲဥပဒေတွေကလည်းကွာခြားပြန်တယ်။ ဓလေ့ထုံးစံတွေဟာလဲ 
အရှေ့ နဲ့အနောက်ဖြစ်နေတယ်။ နောက်ပြီးတော့ အစားအသောက်မှအစရာသီဥတုအဆုံး
အလုံးစုံဟာ မတူညီကြဘူး။ ဒါကြောင့် ဥရောပမှာသာသနာပြုတော့မယ်ဆုိုရင် အရာရာမှာသတိနဲ့ပညာဦးစီးပြီးတော့လုပ်ကုိုင်နုိုင်မှသာယဉ်ကျေးသိမ်မွေ့ပြီး
ထက်မြက်တဲ့စိတ်ထားနဲ့သတ္တိကုိုရရှိနုိုင်မယ်။ အဲဒီစိတ်ထားနဲ့သတ္တိရှိမှလဲ
 အောင်မြင်နုိုင်မယ်။ သတိနဲ့ပညာမဦးစီးဘဲပုထုဇဉ်ပီပီ ပြောဆုိုမိလုပ်မိရင် ခုတ်ရာတခြား ရှရာတလွဲဖြစ်သွားတတ်ပါတယ်” ဟု ပဏာမရှင်းပြလုိုက်သည်။ ထုို့နောက်မှ ဖင်လန်နုိုင်ငံတွင်မိမိတွေ့ကြုံခဲ့ဖူးသောအခြေအနေများနှင့်အသိအမြင်များကုို 
သဘောတရားရေးထက် လက်တွေ့ဆန်သောလုပ်နည်းကုိုင်နည်းများကုို 
အကျယ်တဝင့်ပြောပြလုိုက်သည်။ မိမိပြောပြီးသည့်အခါ အားလုံးကဝမ်းသာအားရရှိကြသဖြင့် အဆင်ပြေ၍အေးချမ်းသောကောင်းကျိူးရှိသောကျေနပ်ဖွယ်ရာ တွေ့ဆုံမှုတခုဖြစ်ခဲ့သည်။

ဆွေးနွေးပွဲပြီးဆုံး၍အိပ်စက်နားနေရန်အတွက် အခန်းအသီးသီးသုို့ရောက်ကြသော
အခါ ဦးကုသလသာမိနှင့်ဥရောပ၏သာသနာရေးအတွေ့အကြုံအသီးသီးကုို
အမြင်ကုိုယ်စီဖြင့်ပွင့်လင်းစွာဖလှယ်ကြသည်။ (၁၀.၀၁.၁၅) တွင်
နေ့ဆွမ်းစားပြီးသောအခါ ဆွမ်းအလှုရေစက်ချသည်။ ညနေ (၃း၂၀) မိနစ်တွင်
 Maastricht မြို့ မှ Utretch မြို့ သုို့ရထားစီး၍ပြန်လာခဲ့ကြရာ Eindhoven
မြို့ သုို့အရောက်တွင် လှပသေသပ်ပြီးခေတ်သစ်ဗိသုကာလက်ရာတုို့ဖြင့်
ဝင့်ထည်နေသော PSV ဘောလုံးကလပ်၏အသင်းပုိုင်ကွင်းကြီးကုို
ရထားပေါ်မှမြင်ရလေသည်။ Amsterdam မြို့ တွင်ရှိသော Ajax အေဂျက်စ်
 (ဒတ်ခ်ျတုို့အသံထွက်မှာ “အာယားစ်” ) ကလာပ်၏အသင်းပုိုင်ကွင်းကြီးကား
ပုို၍ခန့်ညားသည်။ အောင်မြင်မှုအဆင့်ဆင့်၏အရောင်အရှိန်တုို့ဖြင့် ဝင့်ကြွားနေသည့်ဟန်ဆောက်လုပ်ထားသည်။ နယ်သာလန်မှရထားများသည်
ကောင်းမွန်သည်မှန်သော်လည်း ဖင်လန်မှရထားများလောက် တောက်ပ
သန့်ရှင်းမှုမရှိချေ။ ဖင်လန်မှရထားများသည်အင်္ဂလန်မှရထားများထက်လည်း
သာလွန်ကောင်းမွန်ကြောင်း အင်္ဂလန်မှဆရာတော်တပါးကခရီးအတူ
သွားရင်းပြောပြဖူးသည်။ ဖွံ့ဖြိူးပြီးနုိုင်ငံချင်းတူသော်လည်း မထင်ရှားသော
ခြားနားမှုများရှိနေကြောင်းကုိုလည်းသတိပြုမိသည်။

ဤအပြန်ခရီးဝယ် မှန်အလုံကာထားသောရထားတွဲအတွင်းမှ ဝဲယာပတ်ဝန်းကျင်ကုို
သတိထားကာလုိုက်ပါခဲ့သဖြင့် ကျယ်ပြန့်သောမြက်ခင်းပြင်ကြီးများ ယာခင်းစုိုက်ကွင်းကြီးများကုိုတမျှော်တခေါ်တွေ့ရသည်။ ရံဖန်ရံခါ
သစ်တောများကုိုလည်းတွေ့ရတတ်သေးသည်။ လူဦးရေ (၁၆) သန်းရှိသော
ဤနိုင်ငံသေးသေးလေးတွင် ဤကဲ့သုို့ကျယ်ပြန့်သောယာခင်းများ မြက်ခင်းများ
တွေ့ရသဖြင့်အံ့သြမိသည်။ ဤနယ်သာလန်တွင် မြေယာကုိုမတရားလုယက်ခံရသော
သတင်းလည်းမဖတ်ဘူးခဲ့သလုို ဥပဒေမဲ့စွာမြေယာဆုံးရှုံးမှုကြောင့်
ပူဗျာပွေနေသောပြည်သူတို့၏ငိုရှိုက်သံတုို့ကုိုလည်း မကြားဘူးခဲ့ပါ။ တရားမျှတတည်ငြိမ်သောဥပဒေဖြင့်နုိုင်ငံသားတုို့၏မြေယာပုိုင်ဆုိုင်မှုကုို
ကာကွယ်ပေးထားသည်မှာထင်ရှားလှသည်။ ထုို့ပြင် ယာစုိုက်ခင်းထဲတွင်
ရေအမြဲရှိနေသောရေမြှောင်းများကုိုတွေ့ရသည်။ ထုိုမြှောင်းရေတုို့သည် စီးဆင်းမနေဘဲရေသေများဖြစ်သော်လည်းအမှိုက်သရုိုက်မရှိဘဲသန့်ရှင်း
နေသည်ကုိုသာတွေ့ရသည်။ တောရောမြို့ ပါမကျန်လူအားလုံးသည်ရေမြှောင်းထဲသုို့
အမှိုက်မပစ်ကြခြင်းသည် နယ်သာလန်၏ထူးခြားသောလက္ခဏာတရပ်ဖြစ်သည်။

ဤနုိုင်ငံမှဤရေမြှောင်းများကုိုမြင်ရသည့်အခါ ရွှေပြည်တွင်မန္တလေးမြို့ အနီးမှ
ခရိုင်မြို့ တမြို့ ကုိုသတိရမိပြန်သည်။ ထုိုမြို့ တွင်ကား ဤရေမြှောင်းထဲမှရေကုိုချိုးသည်၊
သုံးသည်၊ မြှောင်းထဲတွင်ပင်ပန်းကန်ဆေးသည်၊ အဝတ်လျှော်ပြန်သည်၊ 
တံတွေးထွေးသည်၊ နှပ်ညှစ်သည်။ စွန့်ပစ်ပစ္စည်းများပစ်ချသည်။ အမှိုက်များကိုလည်း
ပစ်ချလုိုက်ပြန်သေးသည်။ ဤမြှောင်းရေကုိုအသုံးပြု၍ပင်သွားတုိုက်လုိုက်သေးသည်။ တခါတရံတွင်ရေစီးရေလာက ခြေမျက်စိလောက်အထိသာရှိသော်လည်း ထုိုဖြေးဖြေးလေးစီးဆင်းနေသောရေလေးကုိုပင်လျှင်မဆင်ခြင်ဘဲ သုံးစွဲကြလျှက်
အမှိုက်နှင့်အညစ်အကြေးများကုိုစွန့်ပစ်နေကြပြန်သည်ကုို အမှတ်ရလျှက်
တွေးရင်းအံ့သြနေမိရသည်။ သုို့သော် မိမိလည်းထုိုရေကုိုပင်သုံးစွဲခဲ့ဖူးပါသည်။

နောက်တခု ထူးထူးခြားခြားသိရသည့်အရာမှာ ဟုိုင်းဝေးလမ်းဖေါက်လုပ်ရန်
အတွက်လမ်းနယ်နှင့်မလွတ်သော ဟုိုတယ်တခုကုိုနယ်သာလန်အစုိုးရမှ
ရွှေ့ ခုိုင်းသည်ဟူ၏။ သုို့သော် ပုိုင်ရှင်ကမရွှေ့ ။ သုို့နှင့် “ ဟော်တယ်ကုို
မူလပုံစံလည်းမပျက်တန်ဖုိုးလည်းမလျော့ကျစေဘဲ ပြန်လည်ဆောက်လုပ်ပေးမည်” ဟုဆွေးနွေးသည့်အခါလည်း ပုိုင်ရှင်ကလက်မခံဘဲငြင်းပယ်ခဲ့သည်။ 
ထုို့ကြောင့် အစုိုးရမှဟော်တယ်ကုိုရှောင်ကွင်း၍လမ်းဖောက်လုပ်
ခဲ့ရလေသောကြောင့်လမ်းကြောင်းကကောက်ကွေ့သွားခဲ့သတဲ့။ အံ့ဘွယ်ရှိစွ…၊ 
ထူးဆန်းလေစွ…..။ ၎င်းဟော်တယ်မှာ Amsterdam မြို့ နှင့် Breukelen
မြို့ အကြားတွင်ယခုရှိနေသော Hotel Breukelen ပင်ဖြစ်၍ ပုိုင်ရှင်မှာ
တရုပ်သဌေးဖြစ်ကြောင်းသိရသည်။ တရားဥပဒေ၏အကာအကွယ်ကုို
အပြည့်အဝရရှိသောနုိုင်ငံပါတကား….၊ တရားဥပဒေသည်မူလအဓိပ္ဗါယ်အတုိုင်းပင် အသက်ဝင်ရှင်သန်နေပါလား……၊ တစုံတယောက်၏ သုို့မဟုတ် အသင်းအဖွဲ့ တခုခု၏
 သေဆုိုသေ ရှင်ဆုိုရှင်ဖြစ်နေရသည့် သေလုိုက်ရှင်လုိုက်တရားဥပဒေမဟုတ်ပါလား…၊ သဌေး၏ပုိုင်ဆုိုင်မှုသည်ခုိုင်ခံ့လှလေစွတကား….ဟုတွေးရင်း “ရရှိပြီးသောစည်းစိမ်ဥစ္စာများအကြိတ်အခဲအမြဲတည်ပါစေ”ဟူသောရှေးဆရာတော်
များ၏ဆုပေးကုိုသတိရမိသဖြင့် ဤသဌေးသည်ဤရှေးဆရာတော်ကြီးများထံတွင် ကုသုိုလ်ပြုမိခဲ့ဟန်ရှိသည်ဟုလည်းဖြစ်နုိုင်ချေရှိသမျှမှတ်ချက်ပြုမိသည်။

မဟာဓမ္မပါလာဇာတ်တော်တွင်လာရှိသော ဓမ္မော ဟဝေ ရက္ခတိ ဓမ္မစာရိံ ၊ 
ဓမ္မော သုစိဏ္ဏော သုခမာဝဟတိ၊ “တရားဥပဒေကုိုအသက်သွင်းလျှင် တရားဥပဒေကလည်းလူကုိုအေးချမ်းတည်ငြိမ်စွာရှင်သန်စေ၏၊ တရားဥပဒေကုို
အမြဲလေးစားလုိုက်နာလျှင် ထုိုလူမှုအဖွဲ့ အစည်းသည် လုံခြုံ၏၊ ချမ်းသာ၏” ဟူသော ဒေသနာတော်ကုိုလည်းဆင်ခြင်ရင်းဖြင့်ဗုဒ္ဓဘာသာနာမည်မခံထားဘဲ 
သူတုို့နုိုင်ငံ၏မြတ်ဗုဒ္ဓဒေသနာနှင့်ညီညွတ်နေမှုကုိုသိရသည့်အခါ
 အံ့သြလေးစားခြင်းဖြစ်ရသည်။ 

အမှန်စင်စစ် “တရားဥပဒေသေခြင်းမှာလူ့ဘဝဟာအခါခါနစ်နာရ၊ သေရပါလား” 
ဟုလည်း သံဝေဂဥာဏ်ပွါးမိသည်။ ထုိုမှဆက်၍ ရွှေပြည်သုို့စီရရီအတွေးများနှင့်အတူ 
“တရားမျှတ လွတ်လပ်ခြင်းနဲ့မသွေ တုို့ပြည် တုို့မြေ၊ များလူခပ်သိမ်း
 ငြိမ်းချမ်းစေဖုို့ ခွင့်တူညီမျှ ဝါဒဖြူစင်တဲ့ပြည် တုို့ပြည် တုို့မြေ၊ ပြည်ထောင်စုအမွေ
 အမြဲတည်တံ့စေ၊ အဓိဋ္ဌာန်ပြုပေ ထိန်းသိမ်းစုို့လေ”ဟူသော
အနှစ်သာရပြည့်ဝခုိုင်မာလှသည့်နုိုင်ငံတော်သီချင်းကို
ပြန်လည်ကြားယောင်မိရင်း သီချင်းကပဲလွဲနေသလား၊ ငါကြားမိတာပဲ လွဲနေရော့သလား….တစုံတခုကများလွဲနေရော့သလား…လား….လား….
လားပေါင်းများစွာဖြင့် စဉ်းစားခန်းချဲ့ နေမိခဲ့တော့သည်။ 
ထုို့ပြင် နယ်သာလန်၏ထူးခြားသောမြင်ကွင်းများ၊ စနစ်ကျသောလူမှုအဖွဲ့ အစည်း၏
လှုပ်ရှားလည်ပတ်နေပုံများ၊ အတုယူစရာများ တုို့ကုိုရထားပေါ်ဝယ်စိတ်ထဲတွင်
ထင်သမျှစဉ်းစားရင်း ညနေ (၅း၃၀) နာရီခွဲတွင် Utretch မြို့ သုို့ပြန်လည်
ရောက်ရှိခဲ့သည်။ ထုိုမှတဖန် မိမိတည်းခုိုရာ Amstelveen မြို့  ဦးထွန်းအောင်
 ဒေါ်အေးအေးစုိုးနေအိမ်သုို့ ည (၇) နာရီတွင်ပြန်လည်ရောက်ရှိခဲ့သည်။ 
(ဆက်လက်ဖေါ်ပြပါမည်)

0 comments:

Post a Comment

***ဓမ္မမိတ်ဆွေများ၏အမှာစကား***