Photobucket
ဓမ္မမိတ်ဆွေများအားလုံး ဓမ္မအသိဥာဏ်တိုးပွါး၍ အေးချမ်းကြပါစေ~~~

Saturday, November 15, 2014

အသုံးပြုတတ်ပါမှ




အမှန်တရားဟူသည် နေရာတုိုင်း အချိန်တုိုင်း ပုဂ္ဂိုလ်တုိုင်းအတွက်အသုံးမတည့်ချေ။ 
တခါတရံ အန္တရာယ်ပင်ဖြစ်တတ်သေး၏။ ကာလ ဒေသ ပုဂ္ဂလကုို သတိဥာဏ်ပညာတုို့ဖြင့်နှိုင်းချိန်စိစစ်၍သာလျှင် အမှန်တရားကုိုအသုံးပြုသင့်၏။ 
သုို့မှသာလျှင် အမှန်တရားသည်ဘေးမဖြစ်ဘဲ ဆေးဖြစ်ပေမည်။ 
ဝေနေယျတုို့အားသစ္စာဥာဏ်ဆုိုက်အောင် မြတ်ဗုဒ္ဓ၏တရားဟောကြားတော်မူခြင်းကုို
သတိမူ၍ အတုယူအသုံးပြုသင့်၏။ 

*~*~*~*~*~*~*~*

Friday, November 14, 2014

ဟုိုဘက်ကမ်းနှင့်ဒီဘက်ကမ်း




လုိုချင်တပ်မက်မောမှု့ ရက်စက်ကြမ်းကြုတ်မှု့ 
အမှားအမှန်နှင့်အကောင်းအဆုိုးကုိုမခွဲခြားနုိုင်မှု့ 
 မောက်မာထောင်လွှားကာ ငါတကောကောမှု့ မနာလုိုမှု့ 
ဝန်တုိုမှု့ စသောကိလေသာတရားဆုိုးများသည် သာသနာနှင့်မသက်ဆုိုင်ဘဲ သာသနာပြင်ပတရားတုို့သာဖြစ်၏။ အဆုိုပါတရားဆုိုးများ ထွန်းကားစည်ပင်လျှင် သာသနာစစ်သည်မှေးမှိန်၍ အဆုိုပါတရားဆုိုးများနဲပါးလျှင် သာသနာစစ်သည် ထွန်းလင်းတောက်ပလေ၏၊ သာသနာနှင့်တရားဆုိုးတုို့သည်
 သမုဒ္ဒရာ၏ ဟုိုဘက်ကမ်းနှင့်ဒီဘက်ကမ်းပမာသာဖြစ်လေ၏။ 

*~*~*~*~*~*~*~*

Thursday, November 13, 2014

ကွာခြားချက်



ပညာရှိတုို့၏ ဆွေးနွေးခြင်းသည် အနုိုင်အရှုံးကုို စိတ်မဝင်စား၊
 ဦးစားမပေး၊ အလေးမမူပေ။ အမှန်တရားနှင့်ကောင်းကျိူးကုိုသာ အလေးထားကာရှေ့တန်းတင်၏။ ငြင်းခုံခြင်းသုို့မရောက်၊ အကယ်၍ ငြင်းခုံမှုဖြစ်ခဲ့လျှင်လည်း ပညာရပ်ကုိုအခြေခံသောကြောင့် သမုိုင်းလှ၏။ 
ပညာရပ်နှင့်ယဉ်ကျေးမှုအမွေအနှစ်ကျန်ရစ်၏။ 
ပညာမဲ့တုို့၏ ဆွေးနွေးခြင်းကား အနုိုင်အရှုံးကုိုသာ စိတ်ဝင်စား၏၊
ဦးစားပေး၏။ အတ္တကုိုသာရှေ့တန်းတင်သောကြောင့် ငြင်းခုံခြင်းသဘောသုို့ရောက်၍
 လောကကုိုကောင်းကျိူးမပြုဘဲ အကျည်းတန်သောသမုိုင်းသာ ကျန်ရစ်၏။

*~*~*~*~*~*~*~*

Wednesday, November 12, 2014

မြတ်ဗုဒ္ဓချီးမွမ်းသောအောင်မြင်မူ့ 



 လောကအမြင်အရတော့ ထင်ပေါ်ကျော်ကြားခြင်း၊ စည်းစိမ်ဥစ္စာချမ်းသာကြွယ်ဝခြင်း၊ ရာထူးဂုဏ်ရှိန်ရှိခြင်း၊ တက်ခြင်း အခြံအရံပေါများခြင်းစတာတွေဟာ အောင်မြင်ခြင်းတွေပါပဲ။ ဒီအမြင်ကုို ဗုဒ္ဓက မကန့်ကွက်ပါဘူး။ သုို့သော် အချိန်မရွေးဆုံးရှုံးပျက်ဆီးသွားနုိုင်ပြီး ထာဝရအာမခံချက်မရှိတဲ့အပေါ်ယံအောင်မြင်မှုသာဖြစ်လုို့ မြတ်ဗုဒ္ဓကမချီးမွမ်းပါဘူး။
မြတ်ဗုဒ္ဓအလုိုအရ လော ဒေါ မောစတဲ့ ကိလေသာမှန်သမျှကုို အမြစ်ပြတ်သုတ်သင်နုိုင်ပြီး လွတ်မြောက်မှုအရသာကုိုဥာဏ်နဲ့သိမြင်ခံစားနုိုင်မှ စစ်မှန်သောအောင်မြင်မှုလုို့သတ်မှတ်ပါတယ်။ ဘယ်တော့မှမဆုံးရှုံးမပျက်ဆီးနုိုင်တော့ဘဲ အမြဲထာဝရအာမခံချက်ရှိတဲ့အောင်မြင်မှုဖြစ်လုို့ မြတ်ဗုဒ္ဓချီးမွမ်းတော်မူပါတယ်။ 

*~*~*~*~*~*~*~*

စည်းကမ်း




  ဒီမုိုကရေစီရေးအတွက် ကျင့်ဝတ်နဲ့စည်းကမ်းတွေကုို 
လုိုက်နာထိန်းသိမ်းဖုို့လုိုသလုို လောကုတ္တရာရေးဖြစ်တဲ့ 
သံသရာမှလွတ်မြောက်မှုအတွက်လဲ 
သက်ဆုိုင်ရာ ကျင့်ဝတ်နဲ့စည်းကမ်းနည်းလမ်းတွေကို လုိုက်နာကျင့်သုံးဖုို့လိုတယ်။

*~*~*~*~*~*~*~*

အသိဥာဏ်




အသိဥာဏ်ပညာဖြင့် အမှန်ကုိုမြတ်နုိုးတတ်ပါမှ အမှားကုိုရှောင်နုိုင်မည်။ 
အသိဥာဏ်ပညာမရှိချေက အမှန်ကုိုမြတ်နိုးသော်လည်း 
မခွဲခြားနုိုင်မှုကြောင့် အမှားကုိုသာ စွဲလမ်းချစ်ခင်နေမိတတ်သည်။
 မခွဲခြားနုိုင်မှုကြောင့် မသိမုိုက်မဲစွာ အမှားကုိုတွယ်တာနေခြင်းသည် 
မိမိသူတပါး နှစ်ဦးသားလုံးအတွက် ဒုက္ခကုိုဖန်ဆင်းနေခြင်းပင်ဖြစ်သည်။ အသိဥာဏ်ပညာနှင့်ယှဉ်သောအမှန်တရားသည်သာ ကောင်းမှုအင်အားပြည့်ဝ၍ မိမိသူတပါးနှစ်ဦးသားလုံးအတွက် ချမ်းသာသုခကိုဆောင်ရွက်နုိုင်မည်ဖြစ်သည်။


*~*~*~*~*~*~*

Monday, November 10, 2014

ပရိယတ္တိဆုိုတာ




 ပရိယတ္တိဆုိုတာ ပိဋကတ်စာပေတွေ သင်ယူတာ ပုို့ချတာတွေကိုသာ ဆုိုလုိုတာမဟုတ်ဘူး၊
 ကောင်းမြတ်တဲ့ အတတ်ပညာ အသိပညာတွေ ပုို့ချတာ သင်ယူတာမှန်သမျှဟာ ပရိယတ္တိပဲ။ အသိအမြင်တွေ အကျင့်အကြံတွေလွဲနေတာကုို လမ်းကြောင်းတဲ့ပေးတာ ညွှန်ပြပေးတာဟာလဲ 
 ပရိယတ္တိပါပဲ။

 *~*~*~*~*~*~*~*

Sunday, November 9, 2014

ပေတံ





လူ့အဖွဲ့ အစည်းတစ်ခု တုိုးတက်ခြင်း ဆုတ်ယုတ်ခြင်းတွေကုို ခေတ်ပေါ်ပေတံအမျိူးမျိူးနဲ့တုိုင်းတာ
ကြသော်လည်း မြတ်ဗုဒ္ဓဓမ္မပေတံနဲ့တုိုင်းရင်တော့ တစ်မျိူးတည်းပဲရှိတယ်။ အဲဒါက မေတ္တာ ကရုဏာ မုဒိတာ ဥပေက္ခာဆုိုတဲ့ ဗြာဟ္မစုိုရ်ပေတံပါပဲ။ တုိုးတက်နေပြီ လုံခြုံနေပြီ အေးချမ်းနေပြီဆုိုရင် ဗြာဟ္မစုိုရ်တွေ ရှိနေလုို့ ကျင့်နေလုို့ ဗြာဟ္မစုိုရ်လမ်းပေါ်လျှောက်နေလုို့၊ ဆုတ်ယုတ်နေပြီ မလုံမခြုံဖြစ်နေပြီ ပူလောင်နေရပြီဆုိုရင် ဗြာဟ္မစုိုရ်တွေကင်းနေလုို့ မကျင့်လုို့ ဗြာဟ္မစုိုရ်လမ်းပေါ်မလျှောက်လုို့ပါပဲ။ တုိုးတက်ခြင်း ဆုတ်ယုတ်ခြင်းရဲ့ ရင်းမြစ်ဟာလဲ ဒီဗြာဟ္မစုိုရ်ပါပဲ။ 

*~*~*~*~*~*~*~*


***ဓမ္မမိတ်ဆွေများ၏အမှာစကား***